٨_______٩
#ﻏﺮﻳﺒﻪ_ﻓﻲ_ﺍﻟﻤﺪﻳﻨﻪ 🍃
ﺑﻘﻠﻢ : ﻧﻮﺭ ﺣﻴﺪﺭ ✍
ﺳﻼﻣﺎَ ﻋﻠﻰ ﺍﻟﺤﺐ ﻳﻮﻡ ﻳﺄﺗﻲ
ﻭﻳﻮﻡ ﻳﻤﻮﺕ ﻭﻳﻮﻡ ﻳﻐﻴﺮ ﺃﺻﺤﺎﺑﻪ 🖤
ﻣﺤﻤﻮﺩ ﺩﺭﻭﻳﺶ
.................
ﻳﺎﻗﻮﺕ / ﻛﻌﺪﺕ ﻣﻦ ﺍﻟﻨﻮﻡ ﺩﺣﻜﺖ ﻋﻠﻰ ﺍﻟﺴﺎﻋﻪ ﺏ ٨ :١٢ ﺍﻟﺼﺒﺢ
ﺩﺣﻜﺖ ﻋﻠﻰ ﻓﺮﺍﺵ ﺳﺪﻳﻢ ﺑﻌﺪﻫﻲ ﻧﺎﻳﻤﻪ ﻛﻤﺖ ﻣﻦ ﻣﻜﺎﻧﻲ
ﻟﺒﺴﺖ ﺩﺷﺪﺍﺷﻪ ﻭﺍﺧﺬﺕ ﺷﺎﻝ ﺑﻴﺪﻱ ﻟﻤﻴﺖ ﻓﺮﺍﺷﻲ ﻃﻠﻌﺖ ﻣﻦ ﺍﻟﻐﺮﻓﻪ ﻭﺍﺗﺠﻬﺖ ﻟﻠﺤﻤﺎﻡ ( ﺗﻜﺮﻣﻮﻥ ) ﻏﺴﻠﺖ ﻭﺟﻬﻲ
ﻃﻠﻌﺖ ﻭﺭﺣﺖ ﻟﻠﻤﻄﺒﺦ ﺣﻄﻴﺖ ﺍﻟﻘﻮﺭﻱ ﻋﻠﻰ ﺍﻟﻨﺎﺭ ﻛﻌﺪﺕ ﻋﻠﻰ ﺍﻟﻤﻴﺰ ﻭﺣﺎﻃﻪ ﺍﻳﺪﻱ ﻋﻠﻰ ﺧﺪﻱ ﻭﺍﺣﺲ ﻧﺴﻤﺎﺕ ﺑﺎﺭﺩﻩ ﺗﻠﻔﺢ ﻭﺟﻬﻲ
ﺻﻔﻨﺖ ﻭﺍﻧﻲ ﺍﺗﺬﻛﺮ ﺍﻟﺒﺎﺭﺣﻪ ﻣﻦ ﺷﻔﺘﻮﻭ ﻻ ﻭﻃﻠﻊ ﻣﺘﺰﻭﺝ ﻭﺍﻧﻲ ﺍﻟﻲ ﻋﺸﺖ ﺍﺣﻼﻡ ﻭﺭﺩﻳﻪ
ﻫﺴﻊ ﻣﺮﺗﻮ ﺷﻠﻮﻥ ﺷﻜﻠﻪ ﻋﻨﺪﻱ ﻓﻀﻮﻝ ﺍﺷﻮﻓﻪ ﻫﻴﺎ ﺣﻠﻮﻩ ﻣﺜﻠﻪ .. ﺍﺧﺬﻩ ﻋﻦ ﺣﺐ ﻳﻌﺸﻘﻪ
ﺻﺤﻴﺖ ﻣﻦ ﺃﻓﻜﺎﺭﻱ : ﺍﻭﻭﻑ ﻳﺎﻗﻮﺕ ﺍﻧﺘﻲ ﻟﻴﺶ ﺗﻔﻜﺮﻳﻦ ﺍﻧﻲ ﺷﻠﻲ ﺩﺧﻞ
ﻛﻤﺖ ﻣﻦ ﻣﻜﺎﻧﻲ ﻭﺍﺧﺬﺕ ﺍﻟﻘﻮﺭﻱ ﺟﺒﺖ ﺍﺳﺘﻜﺎﻥ ﻭﺻﺒﻴﺘﻪ ﺑﻴﻪ ﻭﻃﻠﻌﺖ ﺟﺒﻦ ﻣﻦ ﺍﻟﺜﻼﺟﻪ ﻭﻇﻠﻴﺖ ﺍﻛﻞ ﺑﺲ ﺍﺟﺬﺏ ﺍﺫﺍ ﺍﻛﻮﻝ ﺷﻠﺘﻪ ﻣﻦ ﺑﺎﻟﻲ
ﺧﻠﺼﺖ ﺍﻛﻞ ﻭﻛﻤﺖ ﻏﺴﻠﺖ ﻭﺭﺣﺖ ﻋﻠﻰ ﺍﻟﺼﺎﻟﻪ ﻧﻀﻔﺘﻪ ﻭﻣﻦ ﺧﻠﺼﺖ ﺍﺗﺠﻬﺖ ﻋﻠﻰ ﺍﻟﻤﻄﺒﺦ ﻭﻧﻀﻔﺘﻪ ﻭﻏﺴﻠﺖ ﺍﻟﺘﻤﻦ ﻭﺣﻄﻴﺘﻮ ﻋﻠﻰ ﺍﻟﻄﺒﺎﺥ
ﺍﺧﺬﺕ ﻣﻼﺑﺲ ﻭﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﺧﻠﺼﺖ
ﺍﺧﺬﺕ ﺍﻟﻤﻼﺑﺲ ﺍﻟﻲ ﻣﻌﻠﻜﻪ ﺑﻠﺤﻤﺎﻡ ﻭﻏﺴﻠﺘﻬﻦ
ﻃﻠﻌﺖ ﻣﻦ ﺍﻟﺤﻤﺎﻡ ﻭﺑﻴﺪﻱ ﺍﻟﻤﻼﺑﺲ ﺍﻟﻤﻐﺴﻮﻟﻪ ﺷﻔﺖ ﺳﺪﻳﻢ ﻛﺎﻋﺪﻩ
ﺳﺪﻳﻢ : ﺻﺒﺎﺡ ﺍﻟﺨﻴﺮ
ﻳﺎﻗﻮﺕ : ﺻﺒﺎﺡ ﺍﻟﻨﻮﺭ .. ﺍﻱ ﺍﻟﻠﻪ ﺟﺎﺑﺞ ﺗﻌﺎﻱ ﺍﺧﺬﻱ ﺫﻧﻲ ﺍﻟﻤﻼﺑﺲ ﻭﺷﺮﻳﻬﻦ ﻓﻮﻙ ﺑﻠﺴﻄﺢ ﺍﺭﻳﺪ ﺍﻣﺸﻂ ﺷﻌﺮﻱ
ﺳﺪﻳﻢ : ﻣﺎﺷﻲ ﻋﻮﻓﻴﻬﻦ ﻫﻴﻦ ﻭﺍﻧﺎ ﺍﺧﺬﻫﻦ
ﻳﺎﻗﻮﺕ ﺣﻄﻴﺖ ﺍﻟﺴﻠﻪ ﺑﻴﺪﻫﺎ : ﺍﻛﻀﺒﻲ
ﻋﻔﺘﻪ ﻭﻣﺸﻴﺖ
ﺳﺪﻳﻢ ﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻲ ﻭﺣﺴﻴﺖ ﻧﻔﺴﻲ ﺻﺤﺼﺤﺖ ﺷﻮﻭﻱ
ﺍﺧﺬﺕ ﺍﻟﺴﻠﻪ ﻭﺻﻌﺪﺕ ﻓﻮﻭﻙ ﻟﺴﻄﺢ ﺷﺮﻳﺖ ﺍﻟﻤﻼﺑﺲ
ﺧﻠﺼﺖ ﻭﺭﺩﺕ ﺃﻧﺰﻝ ﺑﺲ ﺳﻤﻌﺖ ﺣﺲ ﺑﺮﻩ ﺃﺧﺬﻧﻲ ﺍﻟﻔﻀﻮﻝ ﺗﺎﺍﺷﻮﻑ
ﺭﺣﺖ ﻳﻢ ﺍﻟﺤﺎﻳﻂ ﺗﺎﺍﺷﻮﻑ ﺑﺲ ﻃﻠﻊ ﺷﻮﻭﻱ ﻋﺎﻟﻲ ﺩﺣﻜﺖ ﻟﻜﻴﺖ ﻃﺎﺑﻮﻛﻪ ﺣﻄﻴﺘﻪ ﻭﺻﻌﺪﺕ ﻋﻠﻴﻪ ﻭﺷﻔﺖ ﺷﺒﺎﺏ ﻭﺍﻛﻔﻴﻦ ﺑﺮﻩ ﻳﻢ ﺍﻟﺴﻴﺎﺭﺍﺕ ﺑﺲ ﻣﺎﺷﺎﺀﺍﻟﻠﻪ ﻋﻠﻴﻬﻢ ﺣﻠﻮﻳﻦ..بيج قصص عراقيه حقيقيه من واقعنا.روعه الطائي
ﻇﻠﺖ ﺍﺩﻭﺭ ﻋﻴﻨﻲ ﻭﺍﺷﻮﻭﻑ ﻭﺍﺋﻞ ﻭﺍﻛﻒ ﻣﻘﺎﺑﻴﻠﻲ ﻳﻢ ﺑﺎﺏ ﺍﻟﺴﻴﺎﺭﻩ ﻭﻣﻜﺘﻒ ﺃﻳﺪﻭﻭ ﻭﻻﺑﺲ ﻗﻤﻴﺺ ﺃﺳﻮﺩ ﻭﺑﻨﻄﺮﻭﻥ ﺍﺳﻮﺩ ﻭﺣﺎﻁ ﺍﻟﻨﻈﺎﺭﻩ ﻋﻠﻰ ﻋﻴﻮﻧﻮ
ﻫﻤﺴﺖ : ﻳﻮﻝ ﺫﺑﻬﻦ ﺧﻞ ﺃﺷﻮﻑ ﻋﻴﻮﻧﻚ ﺍﻟﺤﻠﻮﺍﺕ ﺍﺷﺘﺎﻗﻴﺘﻠﻬﻦ ﺟﺜﻴﺮ
ﺃﺑﺘﺴﻤﺖ ﻻ ﺍﺭﺍﺩﻱ ﻭﺃﻧﻲ ﺍﺷﻮﻓﻮ ﺫﺏ ﺍﻟﻨﻈﺎﺭﺍﺕ ﺑﺲ ﻓﺠﺎﺀﻩ ﺍﺧﺘﻔﺖ ﺍﻻﺑﺘﺴﺎﻣﻪ ﻭﺍﻧﻲ ﺍﺷﻮﻓﻮ ﺭﺍﻓﻊ ﺭﺍﺳﻮﻭ ﻋﻠﻴﻪ ﻭﺗﺼﻴﺮ ﻋﻴﻮﻧﻮ ﺑﻌﻴﻨﻲ
ﺩﺣﻜﺖ ﻋﻠﻰ ﺣﻮﺍﺟﺒﻮﻭ ﺍﻟﻤﻌﻜﻮﺩﻩ ﻣﺎﻋﺮﻑ ﺷﺠﺮﺍﻟﻲ ﺭﺩﺕ ﺍﺑﻌﺪ ﺑﺲ ﺣﺴﻴﺖ ﺑﺠﺎﺫﺑﻴﻪ ﺗﻤﻨﻌﻨﻲ ﺍﻧﻮ ﺍﺑﻌﺪ ﻋﻨﻮﻭ ﺍﺭﻳﺪ ﺑﺲ ﺍﺩﺣﻚ ﻋﻠﻴﻪ
ﺩﺣﻜﺖ ﻋﻠﻴﻪ ﻭﺍﻻﻛﻴﻪ ﺃﺑﺘﺴﻢ ﺑﻌﺪﻳﻦ ﻫﺰ ﺭﺍﺳﻪ ﻭﺍﺷﺮﻟﻲ ﺃﻧﻮ ﺍﻧﺰﻝ ﺃﻧﻲ ﻣﺎﻋﺮﻑ ﻟﻴﺶ ﺻﺮﺕ ﻣﻄﻴﻌﻪ ﻭﻧﺰﻟﺖ
ﺣﺴﻴﺖ ﻛﻠﺒﻲ ﺻﺎﺭ ﻃﺒﻮﻝ ﻣﻦ ﻛﺜﺮ ﺍﻟﺪﻙ ... ﺣﻄﻴﺖ ﺍﻳﺪﻱ ﻋﻠﻰ ﻛﻠﺒﻲ ﺍﺑﺘﺴﻤﺖ : ﻳﺎﻭﻳﻞ ﺣﺎﻟﻲ ﺷﺴﻮﻳﺖ ﺑﻴﻪ ﻳﺎﻭﺍﺋﻞ ﻭﺭﻳﺖ ﻛﻠﺒﻲ ﻭﺭ ﻳﻤﺎﺍ
ﻛﻀﺒﺖ ﺃﺧﺪﻭﺩﻱ ﺑﺜﻨﻴﻦ ﺃﻳﺪﻱ ﺣﺴﻴﺘﻬﻦ ﺻﺎﺭﻥ ﻧﺎﺭ ﺟﻤﺮ
: ﻋﺰﺍﺍﺍ ﺷﻨﻮ ﻫﺎﻱ ﺷﺼﺎﺭﻟﻲ .. ﺍﻭﻭﻑ ﻳﻜﻮﻝ ﻣﻮ ﺍﺑﺘﺴﺎﻣﻪ ﺍﺑﺘﺴﻤﻠﻲ ﻻ ﺳﻬﻢ ﻭﺩﺧﻞ ﺟﻮﺍ ﻛﻠﺒﻲ
ﺍﺧﺬﺕ ﺍﻟﺴﻠﻪ ﻭﻧﺰﻟﺖ ﻭﺍﻧﻲ ﺑﺲ ﺍﺗﺒﺴﻢ ﺩﺧﻠﺖ ﻟﻠﻤﻄﺒﺦ
ﺟﺮﻳﺖ ﺍﻟﻜﺮﺳﻲ ﻣﺎﻝ ﺍﻟﻤﻴﺰ ﻭﻛﻌﺪﺕ ﻭﺣﺎﻃﻪ ﺃﻳﺪﻱ ﻋﻠﻰ ﺧﺪﻱ ﻭﺍﺗﺒﺴﻢ
ﻳﺎﻗﻮﺕ / ﺩﺣﻜﺖ ﻋﻠﻰ ﺳﺪﻳﻢ ﺗﺘﺒﺴﻢ ﻭﺻﺎﻓﻨﻪ ﺭﺣﺖ ﻛﻌﺪﺕ ﺑﺼﻔﻪ ﻭﻫﺰﻳﺘﻪ ﻣﻦ ﺃﻳﺪﻫﺎ
: ﻳﻮﻝ ﺳﺪﻳﻢ ﺷﺒﻴﺞ
ﺑﺲ ﻣﺎﺗﺤﺠﻲ ﻭﻳﺎﻱ .. ﺭﺣﺖ ﻛﺮﺻﺘﻪ ﻣﻦ ﺯﻧﺪﻫﺎ ﻫﻴﺎ ﻓﺰﺕ
: ﺍﺍﺥ ﺷﺒﻴﺞ
: ﺍﻧﻲ ﺷﺒﻴﻪ ﻟﻮ ﺍﻧﺘﻲ ﺑﺲ ﺗﺘﺼﻔﻨﻴﻦ ﺗﺮﻯ ﺍﻟﺼﻔﻨﻪ ﻣﻮ ﺍﻟﺞ ﺗﻌﺮﻓﻴﻪ ﺍﻟﻤﻦ
ﺳﺪﻳﻢ ﺑﺄﺳﺘﻐﺮﺍﺏ : ﺍﻟﻤﻦ ! ؟
ﻳﺎﻗﻮﺕ ﺑﻨﻔﺎﺫ ﺻﺒﺮ : ﻟﻠﺤﻤﺎﺭ ﻳﺜﻮﻟﻪ
ﺳﺪﻳﻢ : ﺍﻫﺎ ﻓﻬﻤﺖ .. ﻭﻫﺴﻪ ﺷﺮﺍﻳﺪﻩ
ﻳﺎﻗﻮﺕ : ﺷﺒﻴﺞ ﺻﺎﻓﻨﻪ ﻭﺗﺘﺒﺴﻤﻴﻦ ﻟﻮﺣﺪﺝ
: ﻳﻌﻨﻲ ﺷﻨﻮ ﻣﻤﻨﻮﻉ ﻭﺍﺣﺪ ﻳﺘﺒﺴﻢ
: ﻻ ﺑﺲ ﻏﻴﺮ ﺍﻛﻮﻭ ﺳﺒﺐ
: ﻫﻴﺞ ﻋﺠﺒﻨﻲ ﺍﻟﻴﻮﻡ ﺍﻭﺯﻉ ﺍﺑﺘﺴﺎﻣﺎﺕ ﻭﻳﺎﻟﻪ ﻭﺧﺮﻱ ﺧﻞ ﺍﺭﻭﺡ ﺍﻧﻀﻒ ﻏﺮﻓﺘﻨﺎ
ﺣﺠﺖ ﻫﻴﺞ ﻭﺷﺮﺩﺕ ﻋﺎﻓﺘﻨﻲ ﻭﺣﺪﻱ ﺍﻧﻲ ﻛﻤﺖ ﻣﻦ ﻳﻤﻲ
ﻭﺭﺣﺖ ﻳﻢ ﺍﻟﻄﺒﺎﺥ ﺗﺎﺍﺷﻮﻑ ﺍﻟﻤﺮﻛﻪ ...
..
ﺩﺭﺓ / ﺍﻟﻴﻮﻡ ﺍﺟﻮ ﻋﻠﻴﻨﻪ ﺑﻴﺖ ﺧﺎﻟﺘﻲ ﻭﺍﺑﻨﻬﻢ ﺳﺎﻣﻲ ﻭﻳﺎﻫﻢ ﻭﺍﻟﻠﻪ ﻟﻮ ﻳﻌﺮﻑ ﻣﺮﻭﺍﻥ ﺷﻴﺨﻠﺼﻨﻲ ﻣﻨﻪ
ﻳﻜﺮﻩ ﻳﻤﻮﺕ ﻣﻨﻪ ﻻﻥ ﻋﺮﻑ ﺟﺎﻥ ﺣﺎﻁ ﻋﻴﻨﻪ ﻋﻠﻴﻪ ﻭﻟﺤﺪ ﻫﺴﻪ ﻳﻜﺮﻩ ﻭﻳﻤﻨﻌﻨﻲ ﺍﻧﻮ ﺍﺗﻮﺍﺟﺪ ﺑﻤﻜﺎﻥ ﻫﻮ ﺑﻴﻪ ﻣﻮﺟﻮﺩ ﺑﺲ ﻃﻠﻌﺖ ﻣﻐﺼﻮﺑﻪ ﻫﺴﻪ ﻻﻥ ﻻﺯﻡ ﺍﺳﺎﻋﺪ ﺍﻣﻲ ﻭﺟﻮﺭﻱ
ﺻﺒﻴﻨﻪ ﺍﻟﻐﺪﻩ ﺍﻟﻬﻢ ﺍﻟﺰﻟﻢ ﺑﻠﺪﻳﻮﺍﻧﻴﻪ ﻭﺍﻟﻨﺴﻮﺍﻥ ﺟﻮﻩ ﺑﺎﻟﺼﺎﻟﻪ
ﻋﻔﺘﻬﻦ ﻳﺎﻛﻠﻦ ﻭﺍﻧﻲ ﻛﻤﺖ ﺍﺭﻭﺡ ﺍﺳﻮﻱ ﺟﺎﻱ
ﺣﻀﺮﺕ ﺍﻻﺳﺘﻜﺎﻳﻦ ﺑﻠﺼﻴﻨﻴﻪ ﺷﻔﺖ ﺍﻟﺠﺎﻱ ﻫﺪﺭ ﺍﺧﺬﺗﻪ ﻭﺣﻄﻴﺘﻪ ﺑﺎﻟﺼﻴﻨﻴﻪ ﺣﻄﻴﺖ ﺍﻟﺸﺎﻝ ﻋﻠﻰ ﺭﺍﺳﻲ ﻭﻟﻔﻴﺘﻪ ﺯﻳﻦ ﻫﺎﻱ ﻭﺻﻴﺖ ﻣﺮﻭﺍﻥ ﻃﺒﻌﺎً ﻃﻠﻌﺖ ﺑﺮﻩ ﻻﻥ ﺍﻟﺪﻳﻮﺍﻥ ﺧﺎﺭﺝ ﺍﻟﺒﻴﺖ ﺭﺣﺖ ﺣﺘﻰ ﺍﺷﻮﻑ ﺍﺣﺪ ﻳﺠﻲ ﻳﺎﺧﺬ ﺍﻟﺠﺎﻱ
ﻭﺍﺷﻮﻑ ﺳﺎﻣﻲ ﻃﻠﻊ ﻫﻮ ﺷﺎﻓﻨﻲ ﻭﺍﺑﺘﺴﻢ ﺍﺟﻪ ﺑﺎﺍﺗﺠﺎﻫﻲ ﺍﻧﻲ ﺍﺗﻮﺗﺮﺕ ﻫﻴﺞ ﺑﺪﻭﻥ ﺳﺒﺐ ﺍﺑﺘﺴﻤﺖ ﻣﺠﺎﻣﻠﻪ ﺍﻟﻪ ﻻﻥ ﺷﻔﺘﻪ ﺍﻗﺘﺮﺏ
ﺳﻠﻢ ﻋﻠﻴﻪ ﺑﻬﺪﻭﺀ ﻭﺭﺯﺍﻧﻪ ﻣﺎﻋﺮﻑ ﻟﻴﺶ ﻟﺤﺪ ﻫﺴﻪ ﺿﺎﻳﺞ ﻣﻨﻪ ﻣﺮﻭﺍﻥ : ﺷﻠﻮﻧﺞ ﺩﺭﺓ
ﻛﺘﻠﻪ ﺑﻬﺪﻭﺀ : ﺑﺨﻴﺮ ﺍﻟﺤﻤﺪﻟﻠﻪ ﺃﻧﺖ ﺷﻠﻮﻧﻚ
: ﻉ ﺍﻟﻠﻪ ﺍﻧﺘﻲ ﺷﻠﻮﻧﺞ ... ﻭﺷﻠﻮﻥ ﺍﻟﺪﺭﺍﺳﻪ ﺍﻧﺘﻲ ﻫﺴﻪ ﺳﺎﺩﺱ
: ﻳﻌﻨﻲ ﺯﻳﻨﻪ ﺑﻴﻪ ﺻﻌﻮﺑﻪ
: ﻃﺒﻌﺎ ﺻﻌﺐ ﺑﺲ ﺍﻧﺘﻲ ﺷﺪﻱ ﺣﻴﻠﺞ
: ﺍﻥ ﺷﺎﺀﺍﻟﻠﻪ .. ﺍﺍ ﻣﻤﻜﻦ ﺗﺎﺧﺬ ﺍﻟﺼﻴﻨﻴﻪ ﻟﺰﻟﻢ
ﺍﺑﺘﺴﻢ ﻫﻮ ﻭﻣﺪ ﺍﻳﺪﻩ : ﺻﺎﺭ ﺗﺪﻟﻠﻴﻦ .. ﺍﻧﻄﻴﻨﻲ
ﺍﻧﻄﻴﺘﻪ ﺍﻟﺼﻴﻨﻴﻪ ﻭﻻﻣﺴﺖ ﺍﻳﺪﻱ ﺍﺻﺎﺑﻊ ﺍﻳﺪﻩ .. ﻫﻮ ﺍﺧﺬﻩ ﻣﻨﻲ ﺑﺴﺮﻋﻪ ﻭﺩﺍﺭ ﻭﺟﻬﻪ ﻭﻣﺸﻪ
ﺍﻧﻲ ﻇﻠﻴﺖ ﻭﺍﻛﻔﻪ ﻭﺍﺑﺎﻭﻉ ﻋﻠﻴﻪ ﺩﺭﺕ ﻭﺟﻬﻲ ﻭﺍﺷﻮﻭﻑ ﻛﺒﺎﻟﻲ ﺍﺧﺮ ﺷﺨﺺ ﺍﺗﻤﻨﺎﻩ ﺍﺷﻮﻓﻪ ﻫﺴﻪ ﺑﻬﺎﻱ ﺍﻟﺤﻈﻪ
ﺑﻬﻤﺲ : ﻣﺮﻭﺍﻥ
ﺷﻔﺖ ﻋﻴﻨﻪ ﺣﻤﺮ ﻣﻦ ﺍﻟﻐﻀﺐ ﺭﻓﻊ ﺍﻳﺪﻩ ﻭﻟﺰﻡ ﺍﻳﺪﻱ ﺑﻘﻮﻭﻩ ﻭﻣﺸﻪ ﺑﺴﺮﻋﻪ
ﺑﺨﻮﻭﻑ ﻛﺘﻠﻪ : ﻣﺮﻭﺍﻥ ﺷﺒﻴﻚ ﻭﻳﻦ ﻣﺎﺧﺬﻧﻲ
ﺑﺲ ﻫﻮ ﻭﻻ ﻳﺴﻤﻊ ﻭﺩﺍﻧﻲ ﻳﻢ ﺗﺮﻙ ﻗﺮﻳﺐ ﺷﻮﻱ ﻋﻦ ﺍﻟﻤﻄﺒﺦ
ﻟﻄﺨﻨﻲ ﻋﻠﻰ ﺍﻟﺤﺎﻳﻂ ﻭﻟﺰﻣﻨﻲ ﻣﻦ ﺍﻛﺘﻮﻭﻓﻲ ﺑﻘﻮﻩ
ﺭﻓﻌﺖ ﺭﺍﺳﻲ ﻋﻠﻴﻪ ﻭﻋﻴﻮﻧﻲ ﻣﺪﻣﻌﻪ ﻣﻦ ﺍﻟﺨﻮﻑ ﻭﺍﻋﺮﻑ ﺷﺮﺍﺡ ﻳﺼﻴﺮ
ﺣﺠﻪ ﺑﺤﺪﻩ : ﺍﻧﻲ ﺷﻜﻠﺖ
ﺑﻠﻌﺖ ﺭﻳﻜﻲ ﻭﺳﻜﺘﺖ ﻣﺎﺟﺎﻭﺑﺖ
ﺣﺠﻪ ﺑﺸﺒﻪ ﺻﻴﺎﺍﺡ : ﺍﺣﺠﻲ ﺷﻜﻠﺖ .. ﻣﻮﻭ ﻛﺘﻠﺞ ﻫﺬﺍ ﺍﻟﺤﻘﻴﺮ ﺍﻟﻲ ﺍﺳﻤﻪ ﺍﺳﺎﻣﻪ ﻣﺎﺗﺸﻮﻓﻴﻪ ﻭﻣﺎﺗﺤﺠﻴﻦ ﻭﻳﺎﺍﻩ ﻫﺎﺍﺍ ﻛﻮﻟﻲ ﻛﻠﺖ ﻟﻮ ﻻ
ﺩﻧﻜﺖ ﺭﺍﺳﻲ ﻣﺎﻋﺮﻑ ﺷﺠﺎﻭﻭﺑﻪ .. ﻫﻮ ﻟﺰﻣﻨﻲ ﻣﻦ ﻛﺘﻮﻓﻲ ﻭﻇﻞ ﻳﻬﺰ ﺑﻴﻪ ﻭﻳﺼﻴﺢ : ﻛﻮﻟﻲ ﻛﺘﻠﺞ ﻟﻮ ﻻ
ﻛﻠﺖ ﺑﺨﻮﻑ : ﺍﻱ ﻛﻠﺖ
ﺑﻘﻬﺮ : ﻟﻌﺪ ﻟﻴﺶ ﻫﺴﻪ ﻃﺎﻛﻪ ﺍﻟﻤﻴﺎﻧﻪ ﻭﻳﺎﻩ ﻭﺳﻮﺍﻟﻒ ﻭﺿﺤﻚ ﻫﺎﺍﺍ
ﺭﻓﻌﺖ ﺭﺍﺳﻲ ﻋﻠﻴﻪ : ﻭﺍﻟﻠﻪ ﺻﺪﻓﻪ ﺍﺧﺬﺕ ﺍﻟﺠﺎﻱ ﺍﺭﻳﺪ ﺍﺷﻮﻑ ﺍﺣﺪ ﻣﻦ ﺍﻟﻮﻟﺪ ﻳﺎﺧﺬﻩ ﻭﻫﻮ ﻃﻠﻊ ﺻﺪﻓﻪ
: ﻭﺍﻧﺘﻲ ﺷﻌﻨﺪﺝ ﻣﻜﻠﻮﻋﻪ ﻫﻨﺎﺍﻙ ﺟﺎﻥ ﺍﺗﺼﻠﺘﻲ ﻋﻠﻰ ﺍﺣﺪ
ﻛﻤﻞ ﻛﻼﻣﻪ ﻭﺣﺠﻪ ﺑﻐﻴﺮﻩ ﻭﺍﺿﺤﻪ ﻭﺑﺮﻭﺯﺍﺕ ﺭﻛﺒﺘﻪ ﺍﻣﺒﻴﻨﺎﺕ
: ﻭﻟﺞ ﺷﻔﺘﻪ .. ﺍﻳﺪﻩ ﺗﻼﻣﺲ ﺍﻳﺪﺝ ﺗﺪﺭﻳﻦ ﻣﻦ ﻫﻴﺞ ﺷﻔﺖ ﺷﺼﺎﺭ ﺑﻴﻪ ﻫﺎﺍﺍ
: ﻭﺍﻟﻠﻪ ﻣﻮ ﻗﺼﺪﻱ
ﺑﺼﻴﺎﺡ ﻭﺍﻧﻲ ﺍﻭﻝ ﻣﺮﻩ ﺍﺷﻮﻑ ﻣﺮﻭﺍﻥ ﻫﻴﺞ ﻋﺼﺒﻲ : ﻛﻮﻟﻲ ﺍﻧﺘﻲ ﻣﺘﻌﻤﺪﻩ ﻫﻴﺞ ﺗﺴﻮﻳﻦ ﺣﺘﻰ ﺑﺲ ﺍﺗﺸﻮﻓﻴﻪ ﻻﻥ ﺗﻌﺮﻓﻴﻪ ﺟﺎﻥ ﺣﺎﻁ ﻋﻴﻨﻪ ﻋﻠﻴﺞ
ﻓﺘﺤﺖ ﻋﻴﻨﻲ ﺑﻘﻮﻭﻩ ﻣﻦ ﺍﻟﺼﺪﻣﻪ ﺷﻴﻜﻮﻝ ﻫﺬﺍ : ﺍﻧﺖ ﺷﺘﻜﻮﻝ ﺍﺗﺨﺒﻠﺖ ﻫﺎﺍﺍ .. ﺷﻨﻮ ﻫﺬﺍ ﺍﻟﻜﻼﻡ
: ﺍﻱ ﻟﻌﺪ ﺷﻨﻮ ﺗﻌﺘﺒﺮﻳﻦ ﺍﻟﺤﺠﻲ ﻭﺍﻟﻀﺤﻚ ﻭﻳﺎﻩ ﻭﺍﻧﺘﻲ ﺗﻌﺮﻓﻴﻦ ﺟﺎﻥ ﺭﺍﻳﺪﺝ ﻭﻟﺤﺪ ﻫﺴﻪ ﻳﺮﻳﺪﺝ ﻟﻮ ﻣﺎﺍﻧﻲ ﻧﺎﻫﻲ ﻋﻠﻴﺞ ﺑﺲ ﺍﻧﺘﻲ ﻋﺠﺒﺞ ﺍﻟﻮﺿﻊ ﺧﺎﺗﻮﻥ ..
ﻭﻟﺞ ﺍﻧﻲ ﺭﺟﺎﻝ ﻭﺍﻏﺎﺭ ﻣﻮ ﺑﺲ ﺍﻏﺎﺭ ﻻ ﺍﻣﻮﺕ ﻣﻦ ﺍﺷﻮﻑ ﺷﺨﺺ ﻏﻴﺮﻱ ﻳﻠﻤﺲ ﺍﻭ ﻳﺤﻂ ﻋﻴﻨﻪ ﻋﻠﻰ ﺷﻲ ﻣﻠﻜﻲ
ﻛﻠﺖ ﺑﻌﺼﺒﻴﻪ ﻭﺑﺪﻭﻥ ﻭﻋﻲ ﻣﻨﻲ ﻻﻥ ﻛﻠﺖ ﺍﻧﻲ ﺍﺫﺍ ﺍﻋﺼﺐ ﻣﺤﺪ ﻳﻌﺮﻓﻨﻲ ﻭﺗﺎﻟﻴﺘﻲ ﻋﺼﺒﻴﺘﻲ ﺗﺼﻴﺮ ﺿﺪﻱ
ﻭﺣﺠﻴﺖ ﺣﺘﻰ ﺑﺲ ﺍﻗﻬﺮﻩ ﻣﺜﻞ ﻣﺎﻗﻬﺮﻧﻲ : ﺍﻱ ﻣﺘﻌﻤﺪﻩ ﻭﺗﺪﺭﻱ ﻟﻮ ﻣﺨﺘﺎﺭﺗﻪ ﻫﻮﻭ ﺟﺎﻥ ﺍﺣﺴﻦ .. ﻋﺎﺩ ﻫﻮ ﺷﺨﺺ ﺭﺯﻥ ﻭﻣﺘﻔﻬﻢ ﻭﻋﺪﻩ ﺛﻘﻪ ﻟﻌﺪ ﻣﺜﻠﻚ ﻫﻤﺠﻲ ﻭﺑﺲ ﺗﻌﺼﺐ ﻭﺗﺴﻮﻱ ﻫﻴﺞ ﺑﻴﻪ
ﻭﻋﻴﺖ ﻋﻠﻰ ﻧﻔﺴﻲ ﻣﻦ ﺷﻔﺖ ﻋﻴﻮﻧﻪ ﺍﻧﻔﺘﺤﻦ ﻋﻠﻰ ﻭﺳﻌﻬﻦ ﻭﺻﺎﺭﻥ ﺣﻤﺮ ﺩﺧﻴﻠﻚ ﻳﺎﺭﺑﻲ ﺷﺤﺠﻴﺖ ﺍﻧﻲ
ﺑﻨﺘﺮ ﻛﺎﻝ : ﺷﻜﻠﺘﻲ
ﺍﻧﻲ ﺳﻜﺘﺖ ﻭﻫﻮ ﺻﻴﺢ : ﺷﻜﻠﺘﻲ ﻭﻟﺞ .. ﺍﺣﺠﻲ ﻭﻳﻦ ﻟﺴﺎﻧﺞ
ﺧﻔﺖ ﻛﻠﺶ ﻣﻨﻪ ﺷﻔﺖ ﺍﻳﺪﻩ ﺍﻧﺮﻓﻌﺖ ﺍﻧﻲ ﻏﻤﻀﺖ ﻋﻴﻨﻲ ﺣﺴﺒﺎﻟﻲ ﻳﺮﻳﺪ ﻳﻀﺮﺑﻨﻲ .. ﻭﻣﺎﺍﺳﻤﻊ ﺍﻻ ﺻﻮﺕ ﺭﻛﻌﻪ ﺑﻠﺤﺎﻳﻂ ﻓﺘﺤﺖ ﻋﻴﻨﻲ ﻭﺍﺷﻮﻭﻑ ﺍﻳﺪﻩ ﺣﺎﻃﻪ ﻋﻠﻰ ﺍﻟﺤﺎﻳﻂ
ﺩﻧﻚ ﺭﺍﺳﻪ ﻳﻢ ﺍﺫﻧﻲ ﻭﻫﻤﺲ ﺑﺤﺪﻩ : ﻣﺎﺍﺷﻲ ﻳﺎﺩﺭﺓ ﺍﻧﺘﻲ ﺍﻟﻲ ﺑﺪﻳﺘﻲ .. ﺍﻧﻲ ﺭﺍﻳﺢ ﻭﺧﻞ ﻳﻔﻴﺪﺝ ﻫﺬﺍﻙ ﺍﻟﺮﺯﻥ
ﺭﻓﻊ ﺭﺍﺳﻪ ﺑﺎﻭﻋﻠﻲ ﺑﻘﻬﺮ ﻭﻣﺸﻪ .. ﺍﻧﻲ ﺟﺴﻤﻲ ﻇﻞ ﻳﺮﺟﻒ ﻛﻌﺪﺕ ﺑﻠﻜﺎﻉ ﻭﺍﻧﻲ ﺧﺎﻳﻔﻪ ﺍﺣﺲ ﺭﺟﻠﻲ ﻣﺎﺗﺤﻤﻠﻨﻲ
ﻛﻤﺖ ﻣﻦ ﺍﻟﻜﺎﻉ ﻭﺭﺣﺖ ﺭﻛﺾ ﺩﺧﻠﺖ ﻟﻠﻤﻄﺒﺦ ﻣﺎﺷﻔﺖ ﺍﺣﺪ
ﻃﻠﻌﺖ ﻭﺍﺭﻳﺪ ﺍﺻﻌﺪ ﻓﻮﻭﻙ ﺣﺘﻰ ﺍﺧﺘﻠﻲ ﺑﻨﻔﺴﻲ ﺻﻌﺪﺕ ﻭﻭﺻﻠﺖ ﻳﻢ ﻏﺮﻓﺘﻲ ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﻭﺭﺍﻱ ﻗﻔﻠﺘﻪ ﻭﺭﺣﺖ ﻛﻌﺪﺕ ﻋﻠﻰ ﺍﻟﺠﺮﺑﺎﻳﻪ
ﺻﻔﻨﺖ ﻋﻠﻰ ﻧﻔﺴﻲ ﻭﻋﻠﻰ ﻛﻼﻣﻲ : ﺷﺤﺠﻴﺖ ﺍﻧﻲ ﻣﻌﻘﻮﻟﻪ ﻫﺎﻱ ﺍﻧﺘﻲ ﺩﺭﺓ ﻳﺎﺭﺑﻲ
ﺗﻨﺪﻣﺖ ﺍﻟﻒ ﻣﺮﻩ ﻋﻠﻰ ﻛﻼﻣﻲ ﺩﻣﻮﻋﻲ ﻇﻠﻦ ﻳﻨﺰﻟﻦ ﺑﺴﺮﻋﻪ
ﻇﺮﺑﺖ ﺣﻠﻜﻲ ﺑﻘﻮﻭﻩ : ﻏﺒﻴﻪ ﺷﻠﻮﻥ ﺗﺴﻮﻳﻦ ﻫﻴﺞ ﻳﺎﺭﺑﻲ ﺭﺍﺡ ﻣﻘﻬﻮﺭ ﻣﻦ ﻳﻤﻲ ﻭﺯﻋﻼﻥ .. ﺑﺲ ﻫﻮ ﻏﻠﻂ ﻣﻦ ﻳﻤﻪ ﻫﻴﺞ ﻳﺤﺠﻲ ﻭﻳﺎﻱ ﻭﻳﺘﻬﻤﻨﻲ
: ﺍﻳﻲ ﺻﺢ ﻏﻠﻂ ﻣﻨﻪ
ﺣﻄﻴﺖ ﺭﺍﺳﻲ ﻋﻠﻰ ﺍﻟﻤﺨﺪﻩ ﻭﺩﻣﻮﻋﻲ ﺗﻨﺰﻝ ﻭﺍﻛﻮﻝ : ﻏﻠﻄﻪ ﻫﻮ ﻣﻮ ﻏﻠﻄﻲ ﻭﻳﺮﺿﻪ ﺑﻌﺪﻳﻦ ﻫﻮﻭ ﻭﺍﺫﺍ ﻣﺎﻗﺒﻞ ﺍﻧﻲ ﺍﺭﺍﺿﻴﻪ ..
..
ﻣﺮﻭﺍﻥ / ﺍﻧﻲ ﺑﻠﺸﻐﻞ ﻭﺍﺗﺼﻠﺖ ﻋﻠﻴﻪ ﺟﻮﺭﻱ ﺗﻌﺎﺗﺐ ﻟﻴﺶ ﻣﺎﺗﺴﺌﻞ ﻋﻠﻰ ﺍﺧﺘﻚ ﻭﻫﻴﺞ ﻧﺴﻴﺘﻨﻲ ﺍﻧﻲ ﻭﻳﺎﻫﺎ ﻋﻼﻗﺘﻨﻪ ﻗﻮﻳﻪ ﻭﻣﻴﺎﻧﻪ
ﺍﻧﻲ ﻋﻼﻗﺘﻲ ﺑﺨﻮﺍﺗﻲ ﺍﻛﺜﺮ ﻣﻦ ﺿﺮﻏﺎﻡ ﻻﻥ ﻣﻦ ﺍﻟﻲ ﺻﺎﺭﻟﻪ ﻛﺎﻡ ﻣﺎﻳﺤﺠﻲ ﻭﻱ ﺍﺣﺪ ﻫﻮﺍﻱ ﻭﺩﻭﻣﻪ ﻋﺼﺒﻲ ..
ﻓﺎﺍ ﻇﻠﻴﻨﻪ ﻧﺴﻮﻟﻒ ﻭﺷﻮﻱ ﻛﺎﻟﺖ ﻳﺎﻟﻪ ﻻﺯﻡ ﺍﺳﺪﻩ ﺣﺘﻰ ﺍﺭﻭﺡ ﺍﺳﺎﻋﺪ ﺩﺭﺓ ﻭﻋﻤﺘﻲ ﻋﻠﻰ ﺍﻟﺸﻐﻞ
ﺣﺴﻴﺖ ﻛﻠﺒﻲ ﻃﺎﺭ ﻣﻦ ﺳﻤﻌﺖ ﺍﺳﻤﻪ : ﻟﻴﺶ ﺷﻌﺪﻛﻢ
ﻛﺎﻟﺖ : ﺑﻴﺖ ﺧﺎﻟﺘﻬﻢ ﺍﻡ ﺳﺎﻣﻲ ﺟﺎﻳﻴﻦ ﻋﻠﻴﻬﻢ ﻭﻳﺒﻘﻮﻥ ﻋﻠﻰ ﺍﻟﻐﺪﻩ
ﺍﻧﻲ ﻣﻦ ﺳﻤﻌﺖ ﻫﻴﺞ ﻓﺮﺕ ﻣﺘﺖ ﻣﻦ ﺍﻟﻘﻬﺮ ﺳﺪﻳﺘﻪ ﻣﻦ ﻳﻤﻬﺎ ﻭﻇﻠﻴﺖ ﺍﻟﻮﻭﺏ ﺑﺮﻭﺣﻲ
ﻭﺍﻛﻮﻝ ﺍﻱ ﻫﺴﻪ ﻳﻤﻜﻦ ﺷﺎﻓﻪ ﻟﻮ ﺣﺠﻪ ﻭﻳﺎﻫﺎ .. ﺍﺍﺥ ﻛﻮﻥ ﺍﻣﻮﺗﻪ ﻭﺍﺧﻠﺺ ﻫﻮ ﻣﻦ ﺯﻣﺎﻥ ﺣﺎﻁ ﻋﻴﻨﻪ ﻋﻠﻴﻪ ﺑﺲ ﺍﻧﻲ
ﺳﻜﺘﻪ ﻣﻦ ﻧﻬﻴﺖ ﻋﻠﻴﻬﺎ
ﻇﻠﺖ ﻓﻜﺮﻩ ﺗﻮﺩﻳﻨﻲ ﻭﻓﻜﺮﻩ ﺍﺗﺠﻴﺒﻨﻲ ﻭﻣﺎﺣﺴﻴﺖ ﺑﺮﻭﺣﻲ ﺍﻻ ﻭﺍﻧﻲ ﺭﺍﻛﺐ ﺍﻟﺴﻴﺎﺭﻩ ﻭﻃﺎﻳﺮ ﻋﻠﻰ ﺑﻴﺖ ﻋﻤﻲ
ﻭﺍﻛﻮﻝ ﺩﺭﺓ ﺗﻌﺮﻑ ﺍﻧﻮ ﺍﻧﻲ ﻣﺎﺍﻗﺒﻞ ﺗﺸﻮﻓﻪ ﻟﻮ ﺗﺤﺠﻲ ﻭﻳﺎﻩ ﻣﺎﻧﻌﻪ
ﻭﺻﻠﺖ ﺍﻟﻬﻢ ﻭﻧﺰﻟﺖ ﻣﻦ ﺍﻟﺴﻴﺎﺭﻩ ﺭﺩﺕ ﺍﺩﺧﻞ ﻣﻦ ﺍﻟﺒﺎﺏ ﺍﻟﻲ ﻳﺪﺧﻞ ﻋﻠﻰ ﺍﻟﺒﻴﺖ ﺑﺲ ﻛﻠﺖ ﻻ ﺧﺎﻑ ﻧﺴﻮﺍﻥ ﻣﻮﺟﻮﺩﻩ ﻭﻋﻴﺐ ﺧﻞ ﺍﺭﻭﺡ ﻋﻠﻰ ﺑﺎﺏ ﺍﻟﻤﻄﺒﺦ
ﻏﻴﺮﺕ ﺍﺗﺠﺎﻫﻲ ﻭﺭﺣﺖ ﻣﻦ ﻭﺭﻩ ﻭﺻﻠﺖ ﻳﻢ ﺑﺎﺏ ﺍﻟﻤﻄﺒﺦ ﻭﺍﻧﺼﺪﻡ ﻣﻦ ﺍﺷﻮﻑ ﺩﺭﻩ ﺗﺤﺠﻲ ﻭﻱ ﻫﺬﺍ ﺍﻟﻨﺬﻝ ﻻ ﻭﺗﻀﺤﻚ ﻭﺩﺍﻛﻪ ﺳﻮﺍﻟﻒ ﻭﻳﺎﺍﻩ
ﺷﻄﺖ ﻣﻦ ﺷﻔﺖ ﺍﻳﺪﻫﺎ ﻣﻼﻣﺴﻪ ﻻﻳﺪﻩ ﻣﺸﻪ ﻫﻮﻭ ﻻﻥ ﺷﺎﻓﻨﻲ ﻫﻴﺎ ﺩﺍﺭﺕ ﻭﺟﻬﻪ ﻭﺍﺳﺘﻐﺮﺑﺖ ﺟﺮﻳﺘﻪ ﻣﻦ ﺍﻳﺪﻫﺎ ﻭﻭﺩﻳﺘﻬﺎ ﺑﺘﺮﻙ
ﻟﻄﺨﺘﻪ ﺑﻠﺤﺎﻳﻂ ﻭﻇﻠﻴﺖ ﺍﺻﻴﺢ ﻋﻠﻴﻪ ﻭﺍﺣﺠﻲ ﻭﺍﻧﻲ ﻣﻮ ﺑﻮﻋﻴﻲ ﺭﻏﻢ ﻧﺒﺮﺕ ﺻﻮﺗﻬﺎ ﺍﻟﻲ ﺑﻴﻬﺎ ﺧﻮﻓﻪ ﻭﺩﻣﻮﻋﻪ ﺍﻟﻲ ﻳﻨﺰﻟﻦ ﻣﺎﻫﻤﺘﻴﺖ
ﻻﻥ ﻧﺎﺭ ﺍﻟﻐﻴﺮﻩ ﺍﻟﻲ ﺑﺼﺪﺭﻱ ﻣﻮﺗﺘﻨﻲ
ﺑﺲ ﺍﻟﻲ ﺻﺪﻣﻨﻲ ﻛﻼﻣﻪ ﻣﻦ ﺍﺗﻜﻮﻝ ﻋﻠﻴﻪ " ﻫﻤﺠﻲ "
ﺍﻧﺼﺪﻣﺖ ﺻﺪﻣﺔ ﻋﻤﺮﻱ ﻣﻌﻘﻮﻟﻪ ﻫﺎﻱ ﺩﺭﺓ ﺍﻟﻲ ﺣﺒﻴﺘﻪ ﻫﻴﺞ ﺗﺤﺠﻲ ﻭﺗﻔﻜﺮ ﺑﺪﻱ ﺍﻣﻮﺗﻪ ﻣﻦ ﺳﻤﻌﺖ ﻛﻼﻣﻪ
ﺑﺲ ﺍﺧﺮ ﺷﻲ ﻛﺘﻠﻪ ﺧﻞ ﻳﻔﻴﺪﺝ ﻫﺬﺍ ﺍﻟﺮﺯﻥ
ﻋﻔﺘﻪ ﻭﺭﺣﺖ ﻃﻠﻌﺖ ﻣﻦ ﺍﻟﺒﻴﺖ ﺑﻜﺒﺮﻩ ﻭﺻﻌﺪﺕ ﺍﻟﺴﻴﺎﺭﻩ ﻭﺣﺮﻛﺖ ﻭﺍﻧﻲ ﻛﻠﻲ ﻗﻬﺮ ﻭﻏﻀﺐ
: ﻣﺎﺷﻲ ﻳﺎ ﺩﺭﺓ ﺍﻧﺘﻲ ﺍﻟﻲ ﺑﺪﻳﺘﻲ ﺍﻧﻲ ﺍﺗﻘﺎﺭﻧﻴﻨﻲ ﺑﺴﺎﻣﻲ ﺧﻮﻭﺵ ﺧﻞ ﻳﻔﻴﺪﺝ ﺑﺲ ﺍﻧﻲ ﺍﻟﺞ ﺍﺍﺍﺥ ﻧﺎﺭ ﺑﻜﻠﺒﻲ ﻣﻮﺟﺮﻩ ﻣﻦ ﻭﺭﺍﻫﺎ ﺍﻧﻲ ﺍﻟﻲ ﺣﺒﻴﺘﺞ ﻭﻣﺘﺖ ﻋﻠﻴﺞ ﺗﺎﻟﻴﺘﺞ ﻫﻴﺞ ﺗﺤﺠﻴﻦ ﻭﺗﻜﻮﻟﻴﻦ ﻋﻠﻲ ﺑﺲ ﺍﻧﺖ ﺍﺳﺘﻘﻮﻳﺘﻲ ﻻﻥ ﺍﻧﻲ ﺍﻧﻄﻴﺘﺞ ﻣﺠﺎﻝ
ﺧﻮﻭﺵ ﺑﺴﻴﻄﻪ ﺑﻌﺪ ﺭﺍﺡ ﺗﻌﺮﻓﻴﻦ ﻣﺮﻭﺍﻥ ﺛﺎﻧﻲ ﻭﺭﺍﺡ ﻳﺼﻴﺮ ﺗﻌﺎﻣﻞ ﺛﺎﻧﻲ ﺍﻟﺞ ..
.........
ﺃﻳﻮﺏ / ﻃﻠﻌﺖ ﺍﻟﻴﻮﻡ ﻣﻦ ﻭﻛﺖ ﻣﻦ ﺍﻟﻤﺮﻛﺰ ﻭﺍﻧﻲ ﻧﺎﻭﻱ ﺍﻧﻮ ﺍﺭﻭﺣﻠﻪ ﻭﺍﺣﺎﺟﻴﻪ
ﻭﺻﻠﺖ ﻟﻠﻜﻠﻴﻪ ﻧﺰﻟﺖ ﻣﻦ ﺍﻟﺴﻴﺎﺭﻩ ﻭﺩﺧﻠﺖ ﻟﻜﻠﻴﻪ ﺑﺴﻬﻮﻟﻪ ﻻﻥ ﻋﻨﺪﻱ ﻋﺮﻑ ﻫﻨﺎﻙ ﻭﻫﻢ ﻻﻥ ﻻﺑﺲ ﺍﻟﺰﻱ ﺍﻟﻌﺴﻜﺮﻱ ﺃﻣﺸﻲ ﻭﺍﺗﻠﻔﺖ ﺑﻠﻜﺖ ﺍﺷﻮﻓﻪ ﺍﺑﺎﻭﻉ ﻋﻠﻰ ﺍﻟﻨﺎﺱ ﺍﺷﻮ ﻛﻠﻪ ﺗﺒﺎﻭﻉ ﻋﻠﻴﻪ ﻣﺴﺘﻐﺮﺑﻪ
ﺭﺣﺖ ﺍﺗﻘﺪﻣﺖ ﻭﺍﻧﻲ ﺍﺷﻮﻑ ﻣﺠﻤﻮﻋﻪ ﻣﻦ ﺍﻟﺒﻨﺎﺕ ﺍﻗﺘﺮﺑﺖ ﻋﻠﻴﻬﻦ ﻫﻨﺎ ﻣﻦ ﺷﺎﻓﻨﻲ ﺍﺟﻴﺖ ﻧﺎﺣﻴﺘﻬﻦ ﻭﻛﻔﻦ ﻣﻦ ﺍﻟﻜﻼﻡ ﻭﻇﻠﻦ ﻳﺒﺎﻭﻋﻠﻲ
ﺍﻗﺘﺮﺑﺖ ﻋﻠﻴﻬﻦ ﻭﺍﺑﺘﺴﻤﺖ : ﺍﻟﺴﻼﻡ ﻋﻠﻴﻜﻢ
ﺭﺩﻥ ﺑﺼﻮﺕ ﻭﺍﺣﺪ : ﻭﻋﻠﻴﻜﻢ ﺍﻟﺴﻼﻡ
: ﺍﺣﻢ ﻣﻤﻜﻦ ﺗﺴﺎﻋﺪﻧﻲ ﻟﻮ ﺳﻤﺤﺘﻦ
ﺭﺩﺕ ﻭﺣﺪﻩ ﺑﺲ ﺑﺄﺩﺏ : ﺗﻔﻀﻞ ﺍﺧﻮﻱ ﺑﺸﻨﻮ ﻧﺴﺎﻋﺪﻙ ..
: ﺍﺍ ﻗﺴﻢ ﺗﺮﺑﻴﺔ ﺍﻻﻧﻜﻠﻴﺰﻱ ﻭﻳﻦ ! ؟
ﺭﺍﺩﺕ ﺗﺤﺠﻲ ﻫﻴﺎ ﺑﺲ ﻗﺎﻃﻌﺘﻪ ﺻﻮﺕ ﺑﻨﻴﻪ ﺑﻠﻜﻮﻩ ﺗﻨﻌﻢ ﺑﺼﻮﺗﻪ ﻭﺗﺤﺠﻲ ﺑﺪﻟﻊ ﺍﺳﺘﻐﻔﺮﺍﻟﻠﻪ
: ﻭﺍﻧﺖ ﺷﺮﺍﻳﺪ ﻣﻦ ﻗﺴﻢ ﺍﻻﻧﻜﻠﻴﺰﻱ ﺷﻨﻮﻭ ﺗﻌﺮﻑ ﺍﺣﺪ
ﺑﺎﻭﻋﺘﻠﻪ ﺑﺮﻓﻌﺔ ﺣﺎﺟﺐ ﺍﺷﻮ ﻫﺎﻱ ﺗﺒﺎﻭﻋﻠﻲ ﺑﻌﻴﻦ ﻭﻛﺤﻪ ﻭﺗﺒﺘﺴﻢ
ﺭﺩﻳﺖ ﻋﻠﻴﻪ : ﻻ ﺑﺲ ﺣﺒﻴﺖ ﺍﺳﻠﻢ ﻋﻠﻴﻬﻢ .. ﻳﻌﻨﻲ ﻃﺒﻌﺎ ﺍﻋﺮﻑ ﺍﺣﺪ ﻫﻨﺎﺍﻙ ﻟﻌﺪ ﻟﻴﺶ ﺍﺳﺌﻞ
ﺍﻟﺒﻨﺎﺕ ﺩﻧﻜﻦ ﺭﻭﺳﻬﻦ ﻭﻛﺎﻣﻦ ﻳﻀﺤﻜﻦ ﻫﻴﺎ ﺣﺴﻴﺘﻪ ﺗﻔﺸﻠﺖ ﻭﺑﻌﺪ ﻣﺎﺣﺠﺖ
ﺭﺟﻌﺖ ﻫﺬﻳﺞ ﺍﻻﺑﻨﻴﻪ ﺍﺑﺘﺴﻤﺖ ﻭﺩﻟﺘﻨﻲ ﻋﻠﻰ ﻣﻜﺎﻧﻬﻢ
ﺍﺗﺸﻜﺮﺕ ﻣﻨﻪ ﻭﻣﺸﻴﺖ ﻭﺻﻠﺖ ﻟﻠﻤﻜﺎﻥ ﺍﻟﻲ ﺩﻟﺘﻨﻲ ﺑﻴﻪ ﻭﺷﻔﺖ ﺍﻟﻄﻼﺏ ﺭﺣﺖ ﺷﻔﺖ ﻭﻟﺪ ﻭﺳﺌﻠﺖ ﻋﻠﻴﻬﺎ
: ﺗﻌﺮﻑ ﺍﻟﻄﺎﻟﺒﻪ ﻓﺎﻃﻤﻪ ﺳﻌﺪ ﺍﻝ ..
: ﺍﻱ ﻫﺎﻱ ﻭﻳﺎﻱ ﺑﻨﻔﺲ ﺍﻟﻘﺴﻢ
: ﻭﻳﻦ ﻫﺴﻪ ﻣﻮﺟﻮﺩﻩ ﺍﺫﺍ ﺍﻛﺪﺭ ﺍﺷﻮﻓﻪ
ﺍﺷﺮﻟﻲ ﺑﻴﺪﻩ
ﺩﺭﺕ ﻭﺟﻬﻲ ﻭﺍﺷﻮﻓﻪ ﻳﺌﺸﺮﻟﻲ ﻋﻠﻰ ﺣﺪﻳﻘﻪ
ﻛﺎﻝ : ﻫﻨﺎﻙ ﺗﻠﻜﺎﻫﺎ ..
ﺑﺎﻭﻋﺘﻠﻪ : ﺑﻠﺤﺪﻳﻘﻪ
: ﺍﻳﻲ ﻻﻥ ﻫﺬﺍ ﻣﻜﺎﻧﻪ ﺍﻟﻤﻌﺘﺎﺩ ﻛﻞ ﻣﺎﺗﺨﻠﺺ ﻣﺤﺎﺿﺮﻩ ﻟﻮ ﻣﺎﻋﺪﻧﻪ ﺷﻲ ﺗﺮﻭﺡ ﺗﻜﻌﺪ ﻫﻨﺎﻙ ﺗﺪﺭﺱ ﺍﻭ ﻫﻴﺞ ﺗﺮﻭﺡ ﺗﻜﻌﺪ ﺗﺴﺘﺮﺍﺡ
ﺑﺎﻭﻋﺘﻠﻪ ﺑﺎﺍﺳﺘﻐﺮﺍﺏ : ﻭﺣﺪﻫﺎ ! ؟
ﺍﺑﺘﺴﻢ : ﺍﻳﻲ ﻣﺎﺗﺨﺘﻠﻂ ﻫﻴﺎ ﺑﺄﺣﺪ ﺣﺘﻰ ﻣﺮﺍﺕ ﻳﺴﻤﻮﻧﻪ ﺍﻟﻤﻌﻘﺪﻩ ﻟﻮ ﺩﻭﻣﻪ ﻭﺣﻴﺪﻩ ﺑﺲ ﻫﻴﺎ ﺷﻜﻠﻪ ﻏﻴﺮ ﻫﺬﺍ ﺍﺑﺪ
ﺍﺗﻤﺎﻟﻜﺖ ﻧﻔﺴﻲ ﻻ ﺍﺣﺠﻲ ﺷﻲ : ﻃﻴﺐ ﺷﻜﺮﺍ
ﻋﻔﺘﻪ ﻭﻣﺸﻴﺖ ﺍﺗﺠﻬﺖ ﻟﻠﺤﺪﻳﻘﻪ ﻭﺭﺣﺖ ﻭﻛﻔﺖ ﺑﻤﻜﺎﻧﻲ ﻭﺍﻧﻲ ﺍﺷﻮﻑ ﺍﻟﻲ ﺍﺳﺮﺗﻨﻲ ﻭﻋﺸﻘﺘﻪ ﻭﻻ ﺧﻠﺖ ﻟﻴﻠﻲ ﻟﻴﻞ ﻭﻻ ﻧﻬﺎﺭﻱ ﻧﻬﺎﺭ
ﺟﺎﻟﺴﻪ ﻋﻠﻰ ﺍﻻﺭﺽ ﺑﻮﺳﻂ ﺍﻟﺤﺪﻳﻘﻪ ﻭﺍﻟﻌﺸﺐ .. ﺳﺎﻧﺪﻩ ﻇﻬﺮﻩ ﻋﻠﻰ ﺍﻟﺸﺠﺮﻩ ﻭﺷﻠﻮﻥ ﻻﺑﺴﻪ ﺍﻟﻌﺒﺎﻳﻪ ﺍﻟﻲ ﻣﻐﻄﻴﻪ ﺟﺴﻤﻬﺎ ﺑﻠﻜﺎﻣﻞ ﻭﻣﺪﻧﻜﻪ ﺭﺍﺳﻪ ﻭﻛﺎﻋﺪ ﺗﻜﺘﺐ ..
ﺑﻮﺟﻬﭻ ﻣﻼﻣﺤﺢ ﻓـﺰﺯﺕ ڪﻞ ﺍﻟﺮﺟﻮﻟﻪ ﺍﻟﺒﻴﻪَ 🌸💛
ﺍﻗﺘﺮﺑﺖ ﻣﻦ ﻳﻤﻬﺎ ﻭﺻﻠﺖ ﻭﺻﺮﺕ ﻗﺮﻳﺐ ﻋﻠﻴﻪ
ﺍﺑﺘﺴﻤﺖ : ﺍﺣﻢ
ﻫﻴﺎ ﺭﻓﻌﺖ ﺭﺍﺳﻬﺎ ﻭﺻﺎﺭﺕ ﻋﻴﻨﻲ ﺑﻌﻴﻨﻪ ﻫﺎﻱ ﺍﻭﻝ ﻣﺮﻩ ﺍﺻﻴﺮ ﻫﻴﺞ ﻗﺮﻳﺐ ﻋﻠﻴﻪ ﻇﻠﻴﺖ ﺻﺎﻓﻦ ﻋﻠﻰ ﻋﻴﻮﻧﻪ ﻳﺎﺭﺑﻲ ﺩﺧﻴﻠﻚ ﻣﺎﺟﻨﺖ ﺍﻋﺮﻑ ﺍﻧﻮ ﻋﻴﻮﻧﻪ ﺑﻬﺬﺍ ﺍﻟﺠﻤﺎﻝ ﺍﻧﺴﺤﺮﺕ ﺑﻴﻬﻦ ﻣﻦ ﺍﻭﻝ ﻣﺮﻩ ﺍﺷﻮﻓﻬﻦ ﻣﻦ ﻗﺮﻳﺐ
ﻣﺎﻋﺮﻑ ﺷﻜﻮﻝ ﻭﺷﺤﺠﻲ ﻣﺪﺭﻱ ﻻﻥ ﺍﻧﻲ ﺣﺒﻴﺘﻪ ﻳﻌﻨﻲ ﺣﺒﻴﺖ ﻛﻠﺸﻲ ﺑﻴﻬﺎ ﻭﺷﻔﺘﻬﻦ ﺍﺟﻤﻞ ﺷﻲ ﺑﻠﻌﺎﻟﻢ ﻣﺎﻋﺮﻑ.بيج قصص عراقيه حقيقيه من واقعنا.روعه الطائي
ﺑﺲ ﺍﻟﻲ ﺍﻋﺮﻓﻪ ﺍﻧﻮ ﻛﻠﺒﻲ ﻣﺎﻭﻛﻒ ﻣﻦ ﺍﻟﺪﻙ ﺣﺠﻴﺖ ﺑﻨﻔﺴﻲ
* ﻫﺎﻱ ﺷﺒﻴﻚ ﺃﻳﻮﺏ ﺍﺛﻜﻞ ﻭﻟﻚ ﻋﻮﺩ ﺍﻧﺖ ﺿﺎﺑﻂ ﻭﺟﺒﻴﺮ ﻭﻫﺎﻟﻠﻪ ﻫﻴﺞ ﻳﺼﻴﺮ ﺑﻴﻚ *
ﺭﺟﻌﺖ ﻟﻠﻮﺍﻗﻊ ﻭﺍﻧﻲ ﺍﺷﻮﻓﻪ ﺻﺎﻓﻨﻪ ﻋﻠﻴﻪ ﻭﻣﺜﻞ ﺍﻟﻤﺼﺪﻭﻣﻪ
ﺍﺑﺘﺴﻢ ﺑﺤﺐ ﺍﻟﻪ : ﺍﻟﺴﻼﻡ ﻋﻠﻴﻜﻢ
ﺣﺴﻴﺘﻪ ﺍﺭﺗﺒﻜﺖ ﺩﻧﻜﺖ ﺭﺍﺳﻪ ﻭﺍﻧﺘﺒﻬﺖ ﻋﻠﻰ ﺍﻳﺪﻫﺎ ﺿﺎﻏﻄﻪ ﻋﻠﻰ ﺍﻟﻘﻠﻢ
ﻛﺎﻟﺖ ﺑﺼﻮﺕ ﻫﺎﺩﺉ ﻭﻧﺎﻋﻢ ﺍﺳﺮﺗﻨﻲ ﺑﺼﻮﺗﻪ : ﻭﻋﻠﻴﻜﻢ ﺍﻟﺴﻼﻡ
: ﺷﻠﻮﻧﺞ ﻓﺎﻃﻤﻪ
ﺭﻓﻌﺖ ﺭﺍﺳﻪ : ﺍﻟﺤﻤﺪﻟﻠﻪ
: ﻣﻤﻜﻦ ﻧﺘﻜﻠﻢ
ﺑﺎﻭﻋﺘﻠﻲ ﺑﺎﺳﺘﻐﺮﺍﺏ : ﻋﻠﻰ ﺷﻨﻮﻭﻭ
ﻛﻌﺪﺕ ﺑﻠﻜﺎﻉ ﻳﻤﻪ ﺑﺲ ﺷﻮﻱ ﺑﻌﻴﺪ ﺍﻧﺘﺒﻬﺖ ﺍﻟﺤﺪﻳﻘﻪ ﻓﺎﺭﻏﻪ ﻣﺎﺑﻴﻪ ﺍﺣﺪ ﺑﺲ ﺷﻜﻢ ﻭﺍﺣﺪ ﻭﻣﻮ ﺑﺤﺎﻟﻨﻪ ﺍﺻﻠﻦ
ﻫﻴﺎ ﻣﻦ ﺷﺎﻓﺘﻨﻲ ﻛﻌﺪﺕ ﺍﺭﺗﺒﻜﺖ : ﺃﻳﻮﺏ ﻭﻳﻦ ﻛﻌﺪﺕ ﻣﻤﻜﻦ ﺗﺮﻭﺡ ﻣﻨﺎ ﻟﺤﺪ ﻳﺸﻮﻓﻨﻪ ﻭﻳﻔﻬﻢ ﻏﻠﻂ
ﺍﺑﺘﺴﻤﺖ ﺍﻟﻪ ﺷﻜﺪ ﺣﺒﻴﺖ ﺍﺳﻤﻲ ﺑﻠﺴﺎﻧﻪ : ﻋﺎﺩﻱ ﻭﺷﻨﻮ ﻳﻌﻨﻲ ﻣﺎﻣﺴﻮﻳﻦ ﺷﻲ ﻏﻠﻂ ﺗﺮﻯ ﺍﻧﻲ ﺍﺟﻴﺖ ﺍﺣﺠﻲ ﻭﻳﺎﺝ ﻭﺍﻣﺸﻲ
: ﻛﻮﻝ ﺑﺴﺮﻋﻪ ﻭﺭﻭﺡ ﻓﺪﻭﻭﻩ
ﺍﺑﺘﺴﻤﺖ : ﺍﻧﺘﻲ ﻃﺒﻌﺎً ﺗﻌﺮﻓﻴﻦ ﺍﻧﻲ ﻣﻦ ﻳﻤﺘﻪ ﺣﺒﻴﺘﺞ ﻭﻫﻮﻳﺘﺞ ﻋﻤﺘﻲ ﻛﺎﻟﺘﻠﺞ ﺑﻜﻠﺸﻲ
ﺑﺲ ﺷﻮﻓﻲ ﺍﻧﻲ ﺍﺭﻳﺪ ﺍﺣﺠﻴﻬﻦ ﺣﺘﻰ ﻛﻠﺒﻲ ﻳﺮﺗﺎﺡ ﺷﻮﻓﻲ ﺍﻧﻲ ﺣﺒﻴﺘﺞ ﻣﻦ ﺍﻭﻝ ﻳﻮﻡ ﺷﻔﺘﺞ ﺑﻴﻪ .. ﺣﺒﻴﺖ ﻋﻔﺘﺞ ﻭﺣﻴﺎﺋﺞ ﺍﻟﻲ ﻧﺎﺩﺭ ﻣﺎﻣﻮﺟﻮﺩ ﺑﻬﺬﺍ ﺍﻟﺰﻣﻦ
ﺍﺳﺮﺗﻴﻨﻲ ﻛﻤﺖ ﻣﺎﻋﺮﻑ ﺍﻧﺎﻡ ﺍﺫﺍ ﻣﺎﺍﻓﻜﺮ ﺑﻴﺞ ﺣﺘﻰ ﻛﻤﺖ ﺍﻃﻠﻊ ﻣﻦ ﺷﻐﻠﻲ ﺑﺴﺮﻋﻪ ﺑﺲ ﻋﻠﻰ ﺷﻨﻮ ﺍﻟﺤﻚ ﺍﺷﻮﻓﺞ ﻭﺍﻧﺘﻲ ﻧﺎﺯﻟﻪ ﻣﻦ ﺍﻟﺨﻂ ﻻﻥ ﻫﺎﻱ ﻓﺮﺻﺘﻲ ﺍﻟﻮﺣﻴﺪﻩ ﺑﺸﻮﻓﺘﺞ ..
ﺍﻧﻲ ﻋﺎﺩﻱ ﺟﻨﺖ ﺍﻛﺪﺭ ﺍﺟﻲ ﻟﻠﻜﻠﻴﻪ ﻭﺍﺷﻮﻓﺞ ﻭﺍﺣﺠﻲ ﻭﻳﺎﺝ ﺑﺲ ﺧﻮﻓﻲ ﻋﻠﻴﺞ ﻣﻨﻌﻨﻲ ﺟﻨﺖ ﺧﺎﻳﻒ ﻋﻠﻴﺞ ﻻ ﺍﺣﺪ ﻳﺸﻮﻓﻨﻲ ﻭﻳﺎﺝ ﻭﻳﻈﻞ ﻳﺤﺠﻲ ﻋﻠﻴﺞ ﻭﻳﺠﻴﺞ ﺷﻲ ﻣﻮﺯﻳﻦ
ﻭﻫﻢ ﻻ ﺍﺳﺒﺐ ﺍﺣﺮﺍﺝ ﺍﻟﺞ
ﺑﺲ ﺍﻟﻴﻮﻡ ﺍﺟﻴﺖ ﻭﺑﻌﺪ ﻣﺎﻓﻜﺮﺕ ﻭﻣﻦ ﻋﺮﻓﺖ ﺍﻧﻮ ﺍﻧﺘﻲ ﻫﻢ ﺍﺗﺒﺎﺩﻟﻴﻨﻲ ﺍﻟﻤﺸﺎﻋﺮ
ﺑﺎﻭﻋﺘﻠﻪ ﻣﻦ ﻛﻠﺖ ﻫﻴﺞ ﻫﻴﺎ ﺩﻧﻜﺖ ﺭﺍﺳﻪ ﺍﺑﺘﺴﻤﺖ ﻭﻛﻤﻠﺖ ﻛﻼﻣﻲ : ﻭﺍﻧﻲ ﻗﺼﺪﻱ ﺷﺮﻳﻒ ﻭﻫﺴﻪ ﺍﺣﺠﻴﻪ ﻛﺪﺍﻣﺞ ﺍﻧﻲ ﺍﺣﺒﺞ ﻭﻋﻤﺮﻱ ﻣﺮﺍﺡ ﺍﺣﺐ ﻏﻴﺮﺝ ﻳﺎﻓﺎﻃﻤﻪ ﻳﺎﺑﺖ ﺳﻌﺪ ﻫﺎﺍ ﺷﻜﻠﺘﻲ
ﺍﺑﺘﺴﻤﺖ ﻭﻭﺟﻬﻪ ﺻﺎﺭ ﺍﺣﻤﺮ ﻣﻦ ﺍﻟﺨﺠﻞ : ﺷﻜﻮﻝ ﻳﻌﻨﻲ
: ﻭﻟﺞ ﻫﺬﺍ ﺍﻟﺤﺠﻲ ﻛﻠﻪ ﺍﻟﻲ ﺣﺠﻴﺘﻪ ﻭﺗﻜﻮﻟﻴﻦ ﺷﺤﺠﻲ ﻛﻮﻟﻲ ﻋﺎﺩ ﺣﺘﻰ ﺍﻧﻲ ﺍﺣﺒﻚ
ﺍﺑﺘﺴﻤﺖ ﻭﻛﺎﻟﺖ : ﺣﺘﻰ ﺍﻧﻲ
ﻭﺳﻜﺘﺖ .. ﺑﺨﺒﺚ : ﻭﺍﻧﺘﻲ ﺷﻨﻮﻭ ﻛﻤﻠﻲ
ﺩﺍﺭﺕ ﻭﺟﻬﻪ : ﺍﻫﻮﻭ ﻣﺎﻛﺪﺭ ﺍﺳﺘﺤﻲ
ﺿﺤﻜﺖ ﻋﻠﻰ ﻛﻼﻣﻪ ﻭﻛﻤﺖ ﻣﻦ ﻣﻜﺎﻧﻲ : ﻳﺎﻟﻪ ﺍﻧﻲ ﻫﺴﻪ ﺍﺗﺮﺧﺺ ﻻﺯﻡ ﺍﻣﺸﻲ ﻫﺴﻪ ﺍﺭﺗﺎﺣﻴﺖ ﻣﻦ ﺣﺠﻴﺘﻠﺞ ﻣﻊ ﺍﻟﺴﻼﻣﻪ ﻳﺮﻭﺣﻴﺘﻲ
ﺍﺑﺘﺴﻤﺖ : ﻣﻊ ﺍﻟﺴﻼﻣﻪ
ﻣﺸﻴﺖ ﻣﻦ ﻳﻤﻪ ﻭﺍﻧﻲ ﺑﺪﻱ ﻣﺎﻋﻮﻓﻪ ﺍﺑﺪﻱ ﺑﺲ ﺷﺴﻮﻱ ﻣﺎﺭﻳﺪ ﺍﺣﺪ ﻳﺸﻮﻓﻨﻪ ﻭﻳﺬﺑﻮﻥ ﻋﻠﻴﻪ ﺣﺠﻲ ﺑﺲ ﺍﺍﺥ ﺷﻜﺪ ﺍﺭﺗﺎﺣﻴﺖ ﻫﺴﻪ ﻳﺎﺭﺑﻲ ﻻ ﺗﺤﺮﻣﻨﻲ ﻣﻨﻪ ﻭﺧﻠﻴﻪ ﻣﻦ ﻧﺼﻴﺒﻲ ..
..
ﺑﻌﺪ ﻳﻮﻣﻴﻦ
ﻳﺎﻗﻮﺕ / ﺍﻟﺼﺒﺢ ﺍﻟﺴﺎﻋﻪ ﺏ ٩ :٣٤
ﻛﺎﻋﺪﻳﻦ ﺑﺎﻟﺼﺎﻟﻪ ﻧﺘﺮﻳﻚ ﺷﻮﻱ ﻭﺳﻤﻌﻨﻪ ﺩﻙ ﺍﻟﺒﺎﺏ ﻛﻤﺖ ﺍﻧﻲ ﻻﻥ ﺍﻣﻴﺮ ﻣﺎﻣﻮﺟﻮﺩ
ﺭﺣﺖ ﻓﺘﺤﺖ ﺍﻟﺒﺎﺏ ﻭﺍﺩﺣﻚ ﻭﺭﻭﺩ ﻭﺍﻛﻔﻪ..بيج قصص عراقيه حقيقيه من واقعنا.روعه الطائي
ﺍﺑﺘﺴﻤﺖ ﻭﻛﺎﻟﺖ : ﺻﺒﺎﺡ ﺍﻟﺨﻴﺮ ﻳﺎﻗﻮﺕ .. ﺍﺳﻔﻴﻦ ﻋﻠﻰ ﺍﻻﺯﻋﺎﺝ
ﺍﺑﺘﺴﻤﺖ ﺍﻟﻪ : ﻻ ﻋﺎﺩﻱ ﺣﺒﻴﺒﺘﻲ ﻣﺎﻛﻮ ﻛﻞ ﺍﺯﻋﺎﺝ ﺗﻔﻀﻠﻲ
ﻭﺭﻭﺩ : ﻻ ﺷﻜﺮﺍً ﺣﺒﻲ ﺑﺲ ﺍﺟﻴﺖ ﺍﺭﻳﺪ ﺍﻛﻠﺞ ﺑﺲ ﻣﻨﺤﺮﺟﻪ ﻭﺍﻟﻠﻪ
ﺑﺎﻭﻋﺘﻠﻪ ﺑﺎﺍﺳﺘﻐﺮﺍﺏ : ﺷﻨﻮﻭ ﺣﺒﻴﺒﺘﻲ ﺍﺣﺠﻲ
: ﺍﺍ ﻣﻤﻜﻦ ﺗﺠﻴﻦ ﺍﻧﺘﻲ ﻭﺳﺪﻳﻢ ﻭﻣﺮﺍﻡ ﻭﺭﻩ ﺍﻟﻈﻬﺮ ﺗﺴﺎﻋﺪﻧﻪ ﻻﻥ ﺭﺍﺡ ﻳﺠﻮﻥ ﻋﺎﺋﻠﺘﻨﻪ ﻛﻠﻬﻢ ﻣﻌﺰﻭﻣﻴﻦ ﺧﻮﺍﻟﻲ ﻭﻋﻤﺎﻣﻲ ﻭﻣﺎﻋﺪﻧﻪ ﺍﺣﺪ ﺑﺲ ﺍﻧﻲ ﻭﺍﻣﻲ ﻭﻣﺮﻩ ﺟﺒﻴﺮﻩ ﺑﻠﻌﻤﺮ ﻭﻣﻨﻠﺤﻚ
ﻳﻌﻨﻲ ﺍﺫﺍ ﻣﺎﻛﻮ ﺍﺣﺮﺍﺝ ﺗﺠﻦ ﺗﺴﺎﻋﺪﻧﻪ
ﺍﺑﺘﺴﻤﺖ : ﺑﺲ ﻫﺎﻱ ﺍﻥ ﺷﺎﺀﺍﻟﻠﻪ ﺣﺒﻴﺒﺘﻲ ﺻﺎﺭ
: ﺣﻴﺎﺗﻲ ﻣﺸﻜﻮﺭﻩ .. ﺻﺪﻙ ﻭﻛﻠﻲ ﻟﺨﺎﻟﻪ ﺍﻡ ﺍﻣﻴﺮ ﺗﺘﻔﻀﻞ ﻣﻌﺰﻭﻣﻪ ﻋﻠﻰ ﺍﻟﻌﺸﻪ
: ﺍﻥ ﺷﺎﺀﺍﻟﻠﻪ ﺍﺫﺍ ﻛﺪﺭﺕ ﻭﺍﻟﻠﻪ
: ﻳﺎﻟﻪ ﺑﺎﻱ ﻻﺯﻡ ﺍﺭﻭﺡ
ﺳﻠﻤﺖ ﻋﻠﻴﻪ ﻭﺭﺍﺣﺖ ﺭﺟﻌﺖ ﻟﻠﺒﻴﺖ ﻭﺍﻣﻲ ﺳﺌﻠﺘﻨﻲ
: ﻳﻮﻝ ﻣﻨﻮ ﺍﻟﻲ ﺟﺎﻥ ﻋﻨﺪ ﺍﻟﺒﺎﺏ
: ﻳﻤﺎ ﻫﺎﻱ ﻭﺭﻭﺩ
: ﺷﺘﺮﻳﺪ
ﺣﺠﻴﺘﻠﻬﻦ ﺍﻟﺴﺎﻟﻔﻪ ﻛﺎﻟﺖ ﺍﻣﻲ : ﺍﻧﻲ ﻣﺎﻛﺪﺭ ﺍﺭﻭﺡ ﺗﻌﺒﺎﻧﻪ ﻭﺍﻟﻠﻪ .. ﺭﻭﺣﻦ ﺍﻧﺘﻦ ﻳﻤﻪ ﻭﻻ ﺗﻘﺼﺮﻥ ﻫﺬﻭﻝ ﺍﻟﻌﺎﻟﻢ ﻣﺎﻗﺼﺮﻭ ﻭﻳﺎﻧﻪ ﻭﺣﻄﻮﻧﻪ ﺍﺑﻴﺘﻬﻢ
ﻳﺎﻗﻮﺕ : ﺍﻥ ﺷﺎﺀﺍﻟﻠﻪ ﻳﻤﺎ
ﻣﺮﺍﻡ : ﺍﻧﻲ ﻫﻢ ﻣﺎﻛﺪﺭ ﺍﺗﻌﺬﺭ ﻻﻥ ﺍﻣﻴﺮ ﺍﻟﻴﻮﻡ ﺟﺎﻱ ﻫﻴﻦ ﻭﺟﻨﻰ ﻣﺎﻛﺪﺭ ﻣﻨﻬﺎ ﺣﺮﻛﻪ ﻭﻋﻴﺐ ﻣﻦ ﺍﻟﻌﺎﻟﻢ
ﺳﺪﻳﻢ : ﺧﻮﺵ ﻟﻌﺪ ﻧﺮﻭﺡ ﺑﺲ ﺍﻧﻲ ﻭﻳﺎﻗﻮﺕ ﺑﺲ ﻭﺍﻟﻠﻪ ﻓﺸﻠﻪ
ﻳﺎﻗﻮﺕ : ﻟﻴﺶ
ﺳﺪﻳﻢ : ﻳﻌﻨﻲ ﻋﺎﺋﻠﻪ ﻭﺑﺲ ﺍﺣﻨﻪ ﻏﺮﺑﻪ ﺯﺣﻤﻪ ﺍﺣﺴﻪ ﻳﻌﻨﻲ ﺍﺣﺲ ﻧﻔﺴﻨﻪ ﺛﻘﻴﻠﻴﻦ
ﻳﺎﻗﻮﺕ : ﺣﺒﻴﺒﺘﻲ ﻫﻤﻪ ﺍﻟﻲ ﻃﻠﺒﻮﻧﻪ ﺍﻧﻮ ﻧﺠﻲ ﻋﻴﺐ ﻧﻜﻠﻠﻬﻢ ﻻ ﻭﺍﺣﻨﺎ ﻣﺮﺍﺡ ﻧﻀﻞ ﻳﻤﻬﻢ ﻛﺎﻋﺪﻳﻦ ﻧﺨﻠﺺ ﺷﻐﻠﻨﻪ ﻭﻧﺮﺟﻊ ﻣﺎﺷﻲ
ﺳﺪﻳﻢ : ﺍﻱ ﻣﺎﺷﻲ
