#ﻓﻲ_ﺷﺮﻳﻌﺔ_ﺍﻟﻌﺸﻖ
ﻧﻮﺭﺍ ﻧﺎﺻﺮ
#بارت١٠
#ﻣﻼﺣﻈﺔ 1 .. ﺍﻭﻻ ﺍﻋﺘﺬﺭ ﻉ ﺗﺄﺧﻴﺮ ﺍﻧﻲ ﻋﻠﻘﺖ ﺑﺎﻟﺒﺎﺭﺕ ﻭﻛﻠﺖ ﺍﻧﻮ ﺻﺎﺣﺒﺔ ﺍﻟﻘﺼﺔ ﻣﺴﺎﻓﺮﺓ ﻣﺎ ﺍﻛﺪﺭ ﺍﻧﺰﻝ ﺑﺪﻭﻥ ﻣﺎ ﻧﺘﻔﻖ ﻋﻠﻰ ﺑﻌﺾ ﺍﻻﻣﻮﺭ ﻭﺍﺷﻜﺮ ﺗﻔﻬﻤﻜﻢ ﻭﺍﺷﻜﺮ ﻛﻞ ﺍﻟﻲ ﺳﺄﻟﻮ ﻋﻨﻲ ❤
#ﻣﻼﺣﻈﺔ ..2 ﻳﺎﺭﻳﺖ ﺑﺪﻭﻥ ﻏﻠﻂ ﻉ ﺍﻻﻡ ﺑﺴﺒﺐ ﺗﺼﺮﻓﻬﺎ ﺑﻬﺬﺍ ﺍﻟﺒﺎﺭﺕ ﻣﻴﺨﺎﻟﻒ ﺍﻧﺘﻘﺪﻭﺍ ﺍﻟﺘﺼﺮﻑ ﺑﺲ ﺑﺪﻭﻥ ﻏﻠﻂ 😘
♡♡♡♡♡♡
ﻓﺘﺤﺖ ﺍﻟﺒﺎﺏ ﻭﻇﻠﺖ ﻭﺍﻛﻔﺔ ﺳﻤﻌﺖ ﺻﻮﺕ ﻳﻤﻬﺎ ﺭﺟﻌﺖ ﺍﺷﻮﻑ ﻣﻨﻮ ..
ﺳﻤﻌﺖ ﺻﻮﺕ ﺟﻴﺮﺍﻧﻪ ﺍﺑﻮ ﻃﻪ -: ﺧﻴﺮ ﺃﻡ ﺯﻫﺮﺍﺀ ﺷﻌﺠﺐ ﻣﻮ ﻣﻦ ﻋﻮﺍﻳﺪﺝ ﺗﻮﻛﻔﻴﻦ ﺑﺎﻟﺒﺎﺏ ﺧﻮﻣﺎ ﺍﻛﻮﺷﻲ ﻋﺒﻮﺭﻩ ﺑﻴﻬﺎ ﺷﻲ ﻣﺤﺘﺎﺟﻴﻦ ﺷﻲ ﺃﻣﺮﻳﻨﻲ ؟
_ ﻻﺧﻮﻳﻪ ﺳﻼﻣﺘﻚ ﻋﺪﻛﻢ ﻛﻬﺮﺑﺎﺀ ؟
ﺟﺎﻭﺑﻬﺎ -: ﻻ ﻭﻃﻨﻴﺔ ﻣﺎﻛﻮ ﺑﺲ ﺍﻟﺴﺤﺐ
_ ﻣﺸﻜﻮﺭ ﺧﻮﻳﺔ ﺍﺑﻮ ﻃﻪ ..
ﺳﺪﺕ ﺍﻟﺒﺎﺏ ﻭﺩﺧﻠﺖ ، ﺑﺎﻭﻋﺘﻠﻬﺎ -: ﻳﻮﻡ ﺧﻠﻲ ﺃﺭﻭﺡ ﺍﺷﻮﻓﻬﺎ ﺧﺎﻑ ﻳﻢ ﺑﻴﺖ ﻋﻤﻮ ..
ﺧﺰﺭﺗﻨﻲ -: ﻋﻔﻴﻪ ﺯﻫﺮﺍﺀ ﺗﺮﻳﺪﻳﻦ ﺗﻔﻀﺤﻴﻨﻲ ..
ﺩﻧﻜﺖ ﻭﺍﻳﺪﻱ ﻋﻠﻰ ﺣﻠﻜﻲ ﻭﺑﺎﻟﻲ ﻳﻮﺩﻱ ﻭﻳﺠﻴﺐ ، ﺭﺣﺖ ﺟﺒﺖ ﺍﻟﺼﺎﻳﺔ ﻣﻦ ﺍﻟﺒﻴﺖ ﻭﺍﻧﻄﻴﺘﻬﺎ ﺍﻟﻬﺎ .. ﻟﺒﺴﺘﻬﺎ ...
ﺑﻌﺪﻧﺎ ﻭﺍﻛﻔﻴﻦ ، ﺍﻧﺪﻛﺖ ﺍﻟﺒﺎﺏ ..
ﺭﻛﻀﺖ ﺍﻣﻲ ﻭﺭﻛﻀﺖ ﻭﺭﺍﻫﻪ ﻓﺘﺤﺘﻪ ﺷﻔﺖ ﺟﻴﺮﺍﻧﻪ ﺃﺑﻮ ﻃﻪ ﻛﺎﻝ ﻷﻣﻲ -: ﺃﻛﻮﻟﺞ ﺧﻮﻳﻪ ﺍﻧﺘﻲ
ﺗﺪﻭﺭﻳﻦ ﻉ ﻋﺒﻴﺮ ﻣﻮ ؟
_ ﻫﺎ ..
_ ﺧﻮﻳﻪ ﺗﺮﺓ ﻋﺒﻴﺮ ﻳﻢ ﺍﻟﻜﺎﺑﻴﻨﺔ ﻣﺎﻝ ﺍﻟﺴﺤﺐ ﺻﺎﻋﺪﺓ ﻉ ﺍﻟﺘﻴﻞ ﺩﺗﺮﻓﻊ ﺍﻟﺠﻮﺯﺓ ﻭ ﺃﺑﻨﻲ ﻋﺒﺪ ﺍﻟﺮﺣﻤﻦ ﻳﻤﻬﺎ ..
ﺍﻣﻲ ﺧﻠﺖ ﺍﻳﺪﻫﺎ ﻋﻠﻰ ﺧﺪﻫﺎ ﻭﺭﺍﺣﺖ ﻭﻳﺎ ﺍﺑﻮ ﻃﻪ
ﻭﺍﻧﻲ ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﻭﺑﺎﻟﻲ ﻛﻠﻪ ﻳﻤﻬﺎ ﻫﺎﻱ ﺷﻮﻥ ﺳﻮﺕ ﻫﻴﺞ ﺷﻄﻠﻌﻬﺎ !!!!
ﻋﺒﻴﺮ : ﻛﻌﺪﺕ ﻣﻴﺘﻪ ﺣﺮ ﺃﺑﺎﻭﻉ ﻣﺮﻳﻢ ﻏﺮﻛﺎﻧﻪ ، ﺍﻟﺘﻔﺘﺖ ﻳﻢ
ﺭﺍﺳﻲ ﺑﻨﻜﺔ ﺷﺤﻦ ﻛﻤﺖ ﺣﻮﻟﺘﻬﺎ ﻳﻢ ﺭﺃﺱ ﻣﺮﻳﻢ
ﻭﻧﺰﻟﺖ ..
ﺑﺎﻭﻋﺖ ﻋﻠﻰ ﺃﻣﻲ ﻧﺎﻳﻤﻪ ، ﻋﺪﻟﺖ ﺗﺮﺍﻛﻲ ﻭﺷﻌﺮﻱ
ﻭﻃﻠﻌﺖ ﻓﻜﺮﺕ ﺃﺭﻭﺡ ﺍﺳﻮﻱ ﺍﻟﺠﻮﺯﺓ ﻭﺍﺭﺟﻊ ..
ﻃﻠﻌﺖ ﻣﻦ ﺍﻟﺒﻴﺖ ﺷﻔﺖ ﺍﻟﺠﻮﺯﺓ ﻋﺎﻟﻴﻪ ﻣﺎﺍﻟﻮﺣﻬﺎ ﺣﻈﻲ ﺍﻟﻔﻜﺮ ﺷﺴﻮﻱ ﻫﺴﻪ ؟
ﺍﺟﻪ ﻋﺒﺪ ﺍﻟﺮﺣﻤﻦ ﺟﻴﺮﺍﻧﻪ ﺍﺷﺮﺗﻠﻪ ﻳﺠﻲ ﺍﺟﻪ ..
: ﻋﺒﺪ ﺣﺒﺎﺏ ﺃﻭﻛﻒ ﺍﺣﺮﺳﻨﻲ ﺑﺲ ﺃﺻﻌﺪ ﺍﺣﻮﻟﻬﺎ ..
ﺑﺎﻭﻋﻠﻲ ﻭ ﺿﺤﻚ : ﺍﻧﻲ ﺍﺻﻌﺪ ﻭﺍﻧﺘﻲ ﺍﺣﺮﺳﻴﻨﻲ .
_ ﻻﻻ ﻫﻲ ﻣﺎﻟﺘﻨﻪ ﺃﻧﻲ ﺃﺳﻮﻳﻬﺎ
_ ﻻ ﻣﻴﺼﻴﺮ ﺗﺼﻌﺪﻳﻦ ﺗﻴﻞ ﺷﻠﻮﻥ ﻳﺼﻴﺮ ..
ﺗﺮﻛﺘﻪ ﻳﺤﺠﻲ ﻭﺻﻌﺪﺕ ﺍﺣﺎﻭﻝ ﺃﺭﻳﺪ ﺍﺭﻓﻌﻬﺎ ﻣﺠﺎﻱ ﺍﻛﺪﺭ ﺍﻟﻮﺣﻬﺎ ﺣﺴﻴﺖ ﺗﻌﻠﻜﺖ .. ﺑﺎﻭﻋﺖ ﻣﻦ ﺑﻌﻴﺪ ﺷﻔﺖ
ﺃﺑﻮ ﻃﻪ ﻭ ﻣﺎﻣﺎ ﺟﺎﻳﻴﻦ ﻣﻦ ﺑﻌﻴﺪ ﻳﻤﺸﻮﻥ ..
ﺣﺴﻴﺖ ﺑﺪﻭﺧﺔ ﻭﺍﻟﺸﻤﺲ ﺻﻜﻌﺘﻨﻲ ، ﻭﺻﻠﺖ ﻳﻢ ﺍﻟﺘﻴﻞ
ﺧﺰﺭﺗﻨﻲ ﻭﺣﺠﺖ ﺑﻌﺼﺒﻴﺔ ﻭﺍﺻﻜﺔ ﺳﻨﻮﻧﻬﺎ : ﻋﺒﻴﺮ ﺃﻧﺰﻟﻲ
ﺧﻠﻲ ﻋﺒﺪ ﺍﻟﺮﺣﻤﻦ ﻳﺴﻮﻳﻬﺎ ..
ﻧﺰﻟﺖ ﻭﻫﻮ ﺻﻌﺪ ﻣﺎﻣﺎ ﺑﺎﻭﻋﺘﻠﻲ ﺻﻔﺢ ﻭﻟﺰﻣﺘﻨﻲ ﻣﻦ ﺃﻳﺪﻱ ﻗﻮﻱ ﻭﺗﺸﻜﺮﺕ ﻣﻨﻬﻢ ﺍﺧﺬﺗﻨﻲ ﻭﺭﺟﻌﻨﺎ ﺍﻟﻄﺮﻳﻖ ﻛﻠﻪ ﻣﺎﻣﺎ ﻣﺤﺠﺖ ﻭﻻ ﺣﺠﺎﻳﻪ ﺑﺲ ﺳﺎﻛﺘﺔ ..
ﻭﺻﻠﻨﺎ ﻟﻠﺒﻴﺖ ﺑﺲ ﻓﺘﻨﺎ ﻉ ﺍﻻﺳﺘﻘﺒﺎﻝ ﺩﻓﻌﺘﻨﻲ ﺑﻜﻞ ﻗﻮﺗﻬﺎ ﻭﺗﺮﻛﺘﻨﻲ ﻭﻓﺎﺗﺖ .. ﺍﻧﻘﻬﺮﺕ ﻛﻠﺶ ﻭ ﺭﺣﺖ ﻭﺭﺍﻫﺎ ...
_ ﺃﻣﻲ ﺷﻔﺘﺞ ﻧﺎﻳﻤﻪ ﻭﺃﻧﺘﻲ ﻣﻮ ﺯﻳﻦ ﻋﻠﻴﺞ ﺍﻟﺤﺮ ﺭﺣﺖ ﺩﺍﺍﺳﻮﻳﻬﺎ ﺷﻌﺮﻓﻨﻲ ﻫﻴﺞ ﺻﻌﺒﻪ ﻭﺍﻟﻠﻪ ﻃﻠﻌﺖ ﻋﻠﻤﻮﺩﺝ ﺧﻔﺖ ﻋﻠﻴﺞ ﻣﻮ ﻗﺼﺪﻱ ﺍﺧﻮﻓﺞ ..
ﺃﻧﻲ ﺍﺣﺠﻲ ﻭﻫﻲ ﺧﺎﺯﺭﺗﻨﻲ
ﺭﺣﺖ ﻋﻠﻴﻬﺎ ﺑﺴﺘﻬﺎ ﻛﻠﺘﻠﻬﺎ ﻭﺍﻟﻠﻪ ﺑﺲ ﻫﻴﺞ ﺭﺩﺕ
ﺃﺳﻮﻳﻬﺎ ..
_ ﻟﻌﺪ ﻫﻴﺞ ﺗﺨﻮﻓﻴﻨﻲ ﻋﻠﻴﺞ
ﻋﺒﻴﺮ : ﻣﺎﻣﺎ ﻭﺩﺍﻋﺘﺞ ﻣﻮ ﻗﺼﺪﻱ
ﻣﺎﻣﺎ : ﻟﺠﺠﺠﺠﺞ ﻣﺘﺘﺖ ﺑﺪﻣﻲ ﻋﺒﺎﻟﻲ ﺑﻴﺞ ﺷﻲ
ﺍﻧﺘﻦ ﻧﺎﻭﻳﺎﺕ ﻉ ﻣﻮﺗﻲ ﻓﻬﻤﻨﻲ ﺷﺴﻮﻳﺘﻠﺠﻦ ﺃﻧﻲ ...
ﺗﺤﺠﻲ ﺑﻌﺼﺒﻴﺔ ﻭﺗﺘﻘﺮﺏ ﻣﻨﻲ ﻭﺍﻧﻲ ﺍﺑﺘﻌﺪ ﺧﺎﻳﻔﺔ
ﻟﺰﻣﺘﻨﻲ ﻣﻦ ﺷﻌﺮﻱ ﻭﻓﻘﺪﺕ ﺟﺘﻲ ﺯﻫﺮﺍﺀ ﺗﺤﺎﻭﻝ ﺗﺒﻌﺪﻫﺎ ﻋﻨﻲ ﻣﻜﺪﺭﺕ ﺧﺰﺭﺗﻬﺎ ..
ﻭﺑﻔﺤﻴﺢ ﺧﻔﻴﺾ ﻭﻣﻤﻠﻮﺀ ﺑﺎﻟﻮﻋﻴﺪ -: ﻭﺣﻖ ﻣﺤﻤﺪ ﺍﺫﺍ
ﻣﺒﻄﻠﺘﻲ ﺣﺮﻛﺎﺗﺞ ﺍﻟﺮﻋﻨﻪ ﺍﺩﻓﻨﺞ ﺑﻴﺪﻱ ﻃﺎﻳﺤﺔ
ﺍﻟﺤﻆ ﻣﻮ ﻛﻴﻔﺘﻲ ﻣﻦ ﺷﻔﺘﻲ ﺃﺑﻮﺝ ﻳﻤﺪﺡ ﺑﻴﺞ
ﺃﻛﺴﺮﻩ ﻟﺮﺃﺳﺞ ﺣﻴﻮﺍﻧﻪ ﺃﺭﻳﺪ ﺍﻟﻠﻪ ﻳﻬﺪﻳﺞ ﻭﺗﻄﻠﻌﻴﻦ
ﺑﺎﺏ ﺍﻟﺼﺎﻟﻪ ﻣﻮ ﺑﺎﺏ ﺍﻟﺸﺎﺭﻉ ﻛﻮﻣﻲ ﻭﻟﻲ ﻣﻦ ﻭﺟﻬﻲ
ﺍﻟﻠﻪ ﻻﻳﺒﺎﺭﻙ ﺑﻴﺞ ..
ﺣﺴﻴﺖ ﺑﺄﻟﻢ ﻗﻮﻱ ﻛﻠﺶ ﺑﺮﺍﺳﻲ ﺗﺮﻛﺘﻨﻲ ﺑﻘﻮﺓ ﻟﺰﻣﺖ ﺭﺍﺳﻲ ﻭﺻﻌﺪﺕ ﺍﺑﺠﻲ ، ﺷﻲ ﻭﺍﻟﻠﻪ ﻻﻥ ﺧﻔﺖ ﻋﻠﻴﻬﺎ ﻣﻦ ﺍﻟﺤﺮ ﻫﻴﺞ ﻋﺎﻣﻠﺘﻨﻲ ، ﺻﺢ ﺃﻧﻲ ﻫﻢ ﺻﻮﺟﻲ ﺷﻠﻮﻥ ﺃﻃﻠﻊ ﻣﻦ ﺍﻟﺒﻴﺖ ﺑﺪﻭﻥ ﻣﺎ ﺍﻛﻮﻟﻠﻬﺎ ، ﺣﻴﻴﻴﻞ ﺑﻴﻪ ﺍﺳﺘﺎﻫﻞ ﺩﻛﺎﻓﻲ ﻭﺍﻟﻠﻪ ﻋﺎﻳﺸﻪ ﺍﻟﻠﺤﻈﻪ ﺑﻌﺪ ﻟﻮ ﺗﻨﻜﻠﺐ ﺍﻟﺪﻧﻴﺎ ﻣﺎﻟﻲ ﺩﺧﻞ ..
ﺩﺍﺍﺭﻳﺪ ﺃﺷﻮﻑ ﻣﻨﻮ ﻳﺒﺪﻟﻠﻬﻢ ﻏﺎﺯ ﻣﻨﻮ ﻳﺴﺤﻞ ﺍﻻﺛﺎﺙ
ﺑﺴﻴﻄﺔ ﺍﻡ ﺍﻟﺴﻮﺱ ...
ﺍﺧﺨﺦ ﺗﻮﺟﻌﺖ ﻭﺍﻟﻠﻪ ﺟﺮﺗﻨﻲ ﻣﻦ ﺷﻌﺮﻱ ﺟﺮ ﻭﻻﺗﻜﻮﻝ ﺑﻴﻬﺎ ﺷﻀﻴﻪ ﺑﺮﺍﺳﻬﺎ ﺷﻨﻮ ﻣﻦ ﻗﺴﺎﻭﺓ
ﺑﺲ ﻭﻳﺎﻳﻪ ﻣﻄﻠﻌﺔ ﻗﺴﺎﻭﺗﻬﺎ ﺍﺧﺨﺨﺦ ﺭﺍﺳﻲ ﺣﻴﻄﻴﺮ ﻭﺍﻟﻠﻪ ﻣﻦ ﺍﻻﻟﻢ ﻣﺪﻳﺖ ﺃﻳﺪﻱ ﻉ ﻓﺮﻭﺓ ﺭﺃﺳﻲ ﺷﻔﺖ ﺃﻛﻮ ﺩﻡ ﺩﻳﻄﻠﻊ ﻣﻦ ﺭﺍﺳﻲ ....
ﺷﺪﻳﺖ ﺭﺃﺳﻲ ﻭﻛﺎﻟﻌﺎﺩﺓ ﻛﺘﻤﺖ ﺍﻻﻟﻢ ﺑﻌﻀﻲ ﻟﻠﻤﺨﺪﻩ
ﺑﻌﺪ ﻫﺬﺍ ﺍﻟﻤﻮﻗﻒ ﺍﺑﺘﻌﺪﺕ ﻭ ﻣﺎﻟﻲ ﻋﻼﻗﺔ ﻭﻛﻼﻣﻲ ﺻﺎﺭ ﻗﻠﻴﻞ ﻭﻳﺎ ﺍﻟﻜﻞ ﺍﻧﻄﻮﻳﺖ ﻋﻠﻰ ﻧﻔﺴﻲ ﻭﺍﻧﻌﺰﻟﺖ ..
ﺯﻫﺮﺍﺀ : ﺻﻌﺪﺕ ﻋﺒﻴﺮ ﺗﺮﻛﺾ ﻟﻐﺮﻓﺘﻬﺎ ﻭﺍﻣﻲ ﺍﻧﻬﺎﺭﺕ ﻭﻛﻌﺪﺕ ﺗﻠﻄﻢ ﻋﻠﻰ ﺭﺟﻠﻴﻬﻪ ﺭﺣﺖ ﻛﺮﻓﺼﺖ ﻣﻘﺎﺑﻴﻠﻬﺎ
ﻟﺰﻣﺖ ﺍﻳﺪﻳﻬﺎ ﺍﺣﺎﻭﻝ ﺍﻫﺪﻳﻬﺎ ..
ﺍﻧﺼﺪﻣﺖ ﻭﺍﻧﻲ ﺍﺷﻮﻑ ﺍﻳﺪﻳﻬﺎ ﻛﻠﻬﺎ ﺩﻡ !!
ﺻﺮﺧﺖ ﻣﺎﻣﺎ ﺩﻡ ﺩﻡ ..
ﺷﺎﻓﺘﻪ ﻟﻄﻤﺖ ﻉ ﺭﺍﺳﻬﺎ ﻭﺻﻌﺪﺕ ﺍﻟﺪﺭﺝ ﺗﺮﻛﺾ ﻭﻛﻮﺓ ﺗﺠﺮ ﺍﻟﻨﻘﺲ ﻣﺎﺳﻜﺔ ﺍﻟﻤﺤﺠﺮ ﺑﻘﻮﻭﺓ ﻭﻣﺴﺘﻨﺪﺓ ﻋﻠﻴﻪ ﻭﻳﻪ ﻛﻞ ﻛﻢ ﺑﺎﻳﺔ ﺗﻮﻛﻒ ﺗﺴﺘﺮﻳﺢ ﻳﻠﻪ ﺗﻜﻤﻞ ﺗﺼﻌﺪ ..
ﻓﺘﺤﻨﺎ ﺍﻟﺒﺎﺏ ﻣﺎﻟﻜﻴﻨﺎﻫﺎ ﺑﺎﻟﻐﺮﻓﺔ ﺳﻤﻌﻨﺎ ﺻﻮﺕ ﺍﻟﻤﻲ ﺑﺎﻟﺤﻤﺎﻡ ﺭﻛﻀﻨﺎ ﻟﻠﺤﻤﺎﻡ ، ﺷﻔﻨﺎﻫﻪ ﻣﻘﺎﺑﻴﻞ ﺍﻟﻤﺮﺍﻳﺔ ﻭﺍﻛﻔﺔ ﻭﺗﻀﻤﺪ ﺟﺮﺣﻬﺎ ..
ﺑﺎﻭﻋﺖ ﻋﻠﻴﻨﺎ ﺑﻨﻈﺮﺓ ﺑﺮﻭﺩ ﻭﻋﺪﻡ ﺍﻫﺘﻤﺎﻡ
ﻣﺎﻣﺎ ﺑﻠﻬﻔﺔ -: ﻋﺒﻴﺮ ﻣﺎﻣﺎ ؟؟
ﻣﺎ ﺍﻫﺘﻤﺖ ﻻﻣﻲ ﻛﻤﻠﺖ ﺿﻤﺎﺩ ﺭﺍﺳﻬﺎ ﻭﺭﺍﺣﺖ ﺗﻠﻔﻠﻔﺖ ﺑﻔﺮﺍﺷﻬﺎ ..
ﺭﺍﺣﺖ ﻣﺎﻣﺎ ﻋﻠﻴﻬﺎ ﺧﻠﺖ ﺃﻳﺪﻫﺎ ﻉ ﺭﺍﺳﻬﺎ ﻭﺑﺎﺳﺘﻬﺎ ﻭﺭﻓﻌﺖ
ﺭﺃﺳﻬﺎ ﺧﻠﺘﻪ ﻉ ﺭﺟﻠﻬﺎ ﻭﻋﺒﻴﺮ ﻋﺒﺎﻟﻚ ﺣﺠﺎﺭ ﻭﻻ ﻳﻤﻬﺎ .. ﺗﺒﺎﻭﻉ ﺑﺎﻟﻔﺮﺍﻍ ﻭﺑﺪﻭﻥ ﺍﻱ ﺭﺩﺓ ﻓﻌﻞ ..
ﺃﻣﻲ : ﺑﻨﺘﻲ ﻣﺘﺖ ﺑﺪﻣﻲ ﻋﻠﻴﺞ ﻭﺍﻟﻠﻪ ﻛﻠﺖ ﺧﺎﻑ
ﻣﺘﺤﻤﻠﺖ ﻛﻼﻡ ﺍﻟﺪﻛﺘﻮﺭ ﻭﺷﻮ ﺷﺴﻮﺕ ﺑﻨﻔﺴﻬﺎ ..
ﻋﺒﻴﺮ ﻟﺴﺎﻫﻪ ﺳﺎﻛﺘﺔ ﻭﻣﺘﺤﺠﻲ ..
_ ﻳﻤﻪ ﺟﺎﻭﺑﻴﻨﻲ ﻟﺘﺸﻠﻌﻴﻦ ﻗﻠﺒﻲ ﻓﺪﻭﺓ ﺃﺭﻭﺣﻠﺞ ﺣﺒﻴﺒﺔ
ﺃﻣﺞ ﺣﺎﺟﻴﻨﻲ ..
ﻛﻌﺪﺕ ﻋﺒﻴﺮ ﺗﺒﺎﻭﻉ ﻻﻣﻲ : ﺣﺒﻴﺒﺔ ﺃﻣﺞ ﻣﻮ؟ ﻟﻌﺪ ﻣﻨﻮ ﻃﻠﻊ ﺩﻣﻲ ﺑﺎﺑﺎ ﻣﺜﻼ ؟؟ ﺗﺮﻯ ﻣﻜﻔﺮﺕ ﺷﻔﺘﺞ ﻧﺎﻳﻤﻪ ﻭﺣﺎﺭﺓ ﺭﺣﺖ ﺍﺳﻮﻱ ﺍﻟﺴﺤﺐ ﺷﻤﺪﺭﻳﻨﻲ ﺍﻟﺘﻴﻞ ﻋﺎﻟﻲ ..
ﺑﻌﺪﻳﻦ ﺍﻧﺘﻲ ﻻﺯﻡ ﺗﻔﺮﺣﻴﻦ ﺃﻧﻲ ﺑﻬﺬﺍ ﻭﺿﻌﻲ ﻭﺃﻓﻜﺮ ﺑﻴﺞ ﻭﺑﺄﺧﻮﺍﺗﻲ ﻭﻻﻥ ﺑﺎﺑﺎ ﻣﻤﻮﺟﻮﺩ ﻃﻠﻌﺖ ﺍﺳﻮﻳﻠﻜﻢ ﺍﻟﺴﺤﺐ ﻭﺗﺎﻟﻲ ﺗﻀﺮﺑﻴﻨﻲ ﻭﺗﺪﻋﻴﻦ ﻋﻠﻴﻪ ؟
ﻣﺎﻣﺎ ﺟﺮﺗﻬﺎ ﺑﺎﺳﺘﻬﺎ ﻭﺗﺒﺠﻲ ﻭﺣﺘﻰ ﺍﻟﻜﻼﻡ ﺍﺧﺘﻔﻰ ﻣﻦ ﻋﻠﻰ ﻟﺴﺎﻧﻬﺎ ..
ﻋﺒﻴﺮ : ﻣﺎﻣﺎ ﻋﻔﻴﺔ ﺗﺮﻛﻮﻧﻲ ﺍﺭﻳﺪ ﺍﻇﻞ ﻭﺣﺪﻱ ﺍﺭﻳﺪ ﺍﻧﺎﻡ ﺑﻬﺪﻭﺀ ﻭﺑﺪﻭﻥ ﺻﻮﺕ ..
ﺗﺮﻛﻨﺎﻫﺎ ﻭﻧﺰﻟﻨﺎ ﺟﻮﺓ ..
ﺍﺑﺎﻭﻉ ﻟﻤﺎﻣﺎ ﻭﻻ ﺍﺭﺗﺎﺣﺖ ﺗﺮﻭﺡ ﻭﺗﺠﻲ ﺑﺎﻟﺼﺎﻟﻪ
ﻭﻋﻴﻨﻬﺎ ﻉ ﺍﻟﺪﺭﺝ ..
ﻗﻬﺮﺗﻨﻲ ﺭﺣﺖ ﺳﻮﻳﺘﻠﻬﺎ ﻋﺼﻴﺮ ﻟﻴﻤﻮﻥ ﻭﺍﺟﻴﺖ ﺩﺍﺍﻧﻄﻴﻬﺎ ﺭﻓﻀﺖ ﺗﺸﺮﺏ ﺍﻟﻌﺼﻴﺮ : ﻛﻮﻥ ﺍﺷﺮﺏ ﺳﻢ ﺍﻧﻲ ﺷﻨﻮ ﻫﺎﻟﻘﺴﻮﺓ ﺑﻨﺘﻲ ﺑﻬﺬﺍ ﺍﻟﺤﺎﻝ ﻭﺗﻔﻜﺮ ﺑﻴﻪ ﻭﺗﺎﻟﻲ ﺃﻣﺪ ﺍﻳﺪﻱ ﻋﻠﻴﻬﺎ ﻭﺍﻃﻠﻊ ﺩﻣﻬﺎ ﻣﻦ ﻛﻮﻥ ﺷﻠﻞ ﻳﺸﻞ ﺃﻳﺪﻱ ﻉ ﻫﺎﻟﻌﻤﻠﺔ ﻫﺎﻱ ﺑﻴﺶ ﺍﻭﺍﺟﻪ ﺭﺑﻲ ﻭﺍﻧﻲ ﺑﻨﻴﺔ ﻣﺮﻳﻀﻪ ﺯﺩﺕ ﺃﻟﻤﻬﺎ ..
ﺩﺗﺤﺠﻲ ﻫﻴﺞ ﻭﺗﺪﻋﻲ ﻋﻠﻰ ﻧﻔﺴﻬﺎ ﻧﺰﻟﺖ ﻋﺒﻴﺮ
ﺍﺳﺘﻐﺮﺑﻨﺎ ﻭﺳﻜﺘﺖ ﻣﺎﻣﺎ ...
ﺑﺎﻭﻋﺖ ﻋﻠﻴﻨﺎ ﻭﺗﻤﺪﺩﺕ ﻉ ﺍﻟﻘﻨﻔﻪ
ﻣﺎﻣﺎ ﺑﺎﻭﻋﺘﻠﻬﺎ ﻭﺃﺑﺘﺴﻤﺖ ﻭﻛﺄﻥ ﻋﺮﻓﺖ ﺃﻧﻮ ﻋﺒﻴﺮ
ﻧﺰﻟﺖ ﺑﺲ ﺣﺘﻰ ﺗﻄﻤﻨﻬﺎ ﻻﻥ ﺗﻌﺮﻑ ﺣﻴﻈﻞ ﺑﺎﻟﻬﺎ
ﻣﺸﻐﻮﻝ ﻣﺎﻃﻮﻝ ﻫﻲ ﻓﻮﻙ ﻭﺍﻣﻲ ﺟﻮﺍ ..
ﺭﻓﻌﺖ ﺭﺃﺳﻬﺎ ﺗﺒﺎﻭﻉ ﺍﻟﻨﺎ : ﺷﻨﻮ ﻫﺬﺍ ﺍﻟﻌﺼﻴﺮ ﺑﺲ ﺍﻟﻜﻢ
ﻭﺃﻧﻲ ﺑﻨﺖ ﺯﻭﺟﺔ ﺃﺑﻮﻛﻢ ﻣﺤﺼﻠﻪ ﺑﺲ ﺍﻟﺘﻜﻔﺦ
ﺍﻧﻄﻮﻧﻲ ﻋﺼﻴﺮ ﻭﻳﺎﻛﻢ ﺑﻠﻜﻲ ﺍﻏﺺ ﺑﻲ ﻭﺍﻣﻮﺕ ﺑﻠﻜﻲ
ﺑﻲ ﺳﻢ
.
ﻣﺎﻣﺎ ﺑﺲ ﺗﺒﺎﻭﻋﻠﻬﺎ ﻭﻫﻲ ﺑﺎﻟﻜﻮﺓ ﺿﺎﻣﺔ ﺿﺤﻜﺘﻬﺎ ..
ﺯﻫﺮﺍﺀ : ﺻﺎﺭ ﻣﻦ ﻋﻴﻮﻧﻲ ﻫﺴﻪ ﺃﺳﻮﻳﻠﺞ ..
ﻋﺒﻴﺮ : ﻻ ﺍﻟﻪ ﻫﺬﺍ ﺃﺭﻳﺪﻩ ( ﺃﻧﻲ ﺟﻨﺖ ﺍﻋﺮﻑ ﻫﺬﺍ ﻛﻼﺹ
ﺍﻟﻌﺼﻴﺮ ﻟﻤﺎﻣﺎ ﺯﻫﺮﺍﺀ ﻣﺴﻮﻳﺘﻪ ﺑﺲ ﺩﺍﺍﺭﻳﺪ ﺃﺑﻴﻦ ﻻﻣﻲ
ﺍﻧﻲ ﻣﺰﻋﻼﻧﻪ ﻣﻨﻬﺎ )
ﻛﺎﻣﺖ ﻣﺎﻣﺎ ﻛﻌﺪﺕ ﺑﺼﻔﻲ ﺣﺎﻭﻃﺖ ﺍﻛﺘﺎﻓﻲ ﻭﺍﻧﻄﺘﻨﻴﺎ ﺷﺮﺑﺖ ﺷﻮﻳﻪ ﻭﺍﻧﻄﻴﺘﻪ ﻻﻣﻲ ..
ﻋﻨﺪﻱ ﺍﻟﻢ ﻓﻀﻴﻊ ﺑﺮﺍﺳﻲ ﻣﻜﺪﺭﺕ ﺍﺗﺤﻤﻠﻪ ﻏﻤﻀﺖ ﻋﻴﻮﻧﻲ ﻭﻋﻀﻴﺖ ﺷﻔﺘﻲ .. ﺣﺴﺖ ﻣﺎﻣﺎ ﻋﻠﻴﻪ ﻭﻇﻠﺖ ﺗﺒﺎﻭﻋﻠﻲ ﻭﺗﺸﻮﻓﻨﻲ ﺷﻠﻮﻥ ﺍﺗﺄﻟﻢ ..
ﺻﺎﺣﺖ : ﺯﻫﺮﺍﺀ ﺟﻴﺒﻲ ﺗﻠﻴﻔﻮﻧﻲ ﺩﺍﺍﺭﻳﺪ ﺃﺧﺎﺑﺮ
ﺟﺎﻭﺑﺘﻬﺎ ﺯﻫﺮﺍﺀ ﺻﺎﺭ ﻣﺎﻣﺎ ﺩﻗﻴﻘﺔ ..
ﺩﻗﻴﻘﺔ ﺟﺎﺑﺘﻪ ﻭﺍﺟﺖ ﺍﺳﻤﻊ ﻣﺎﻣﺎ ﺍﺗﺼﻠﺖ ﻉ ﺻﻔﺎﺀ ﻭﻃﻠﺒﺖ ﻣﻨﻪ ﻳﺠﻲ ﻟﻠﺒﻴﺖ ..
ﺧﻼﻝ ﺩﻗﺎﻳﻖ ﻭﺍﺟﻪ ﺻﻔﺎﺀ ﻭﺣﺠﺘﻠﻪ ﻣﺎﻣﺎ ﻛﻞ ﺷﻲ ﺻﺎﺭ .. ﺑﻴﻦ ﻋﻠﻴﻪ ﺍﻟﺘﻌﺼﻴﺐ ﻭﻫﻮ ﻳﺤﺎﺟﻲ ﺍﻣﻲ ﺑﺲ ﺑﺎﺣﺘﺮﺍﻡ ..
ﺻﻔﺎﺀ : ﻫﻮ ﻫﻴﺞ ﻟﻌﺪ ﻳﺎﻋﻤﻪ ﺷﻠﻮﻥ ﺍﻧﻄﺎﺝ ﻗﻠﺒﺞ
ﺗﻀﺮﺑﻴﻬﺎ ﻭﻫﻲ ﺑﻬﺬﺍ ﺍﻟﺤﺎﻝ ﺑﺎﻭﻉ ﻭﺟﻬﻪ ﺷﻠﻮﻥ
ﺻﺎﻳﺮ ﺍﺻﻔﺮ ﻣﻦ ﺧﺮﺏ ﺑﺎﻟﺤﻆ ..
ﺍﻣﻲ ﺑﻨﺪﻡ -: ﺑﻌﺪ ﺻﺎﺭﺕ ﻳﺎﻋﻤﺔ ﻫﺴﻪ ﻛﻮﻟﻲ ﺷﻨﺴﻮﻱ ؟
_ ﻧﺎﺧﺬﻫﻪ ﻟﻠﺪﻛﺘﻮﺭ ﻣﺎﻟﺘﻬﺎ ﻳﺸﻮﻓﻬﺎ ، ﺯﻫﺮﺍﺀ ﻏﻴﺮﻱ ﻣﻼﺑﺴﻬﺎ ﺩﻧﺎﺧﺬﻫﻪ ﻟﻠﺪﻛﺘﻮﺭ ..
ﺯﻫﺮﺍﺀ -: ﺍﻥ ﺷﺎﺀﺍﻟﻠﻪ .
ﺍﺧﺬﺗﻨﻲ ﻭﺻﻌﺪﻧﺎ ﻓﻮﻙ ﻏﻴﺮﺗﻠﻲ ﻣﻼﺑﺴﻲ ﻭﻧﺰﻟﺖ ﺍﺧﺬﻧﻲ ﺻﻔﺎﺀ ﻭﻣﺎﻣﺎ ﺩﺧﻠﻨﺎ ﻋﻠﻰ ﺍﻟﺪﻛﺘﻮﺭ ، ﺭﻓﻊ ﺍﻟﻀﻤﺎﺩ ﻣﻦ ﻋﻠﻰ ﺭﺍﺳﻲ ﻭﺻﺎﺭ ﻳﻔﺤﺼﻨﻲ ..
ﺑﻌﺜﻨﻲ ﻋﻠﻰ ﺍﻟﻤﻔﺮﺍﺱ ﻭﺳﻮﻳﺘﻪ ﺭﺟﻌﻮﻧﻲ ﻟﻠﺪﻛﺘﻮﺭ ﻣﺮﺓ ﺍﻟﺜﺎﻧﻴﺔ ﻳﺸﻮﻑ ﺍﻟﻨﺘﺎﺋﺞ ..
ﻛﺎﻝ -: ﺍﻟﺸﻀﻴﻪ ﻣﺘﺤﺮﻛﻪ ﻭﻫﺴﻪ ﺿﺮﻭﺭﻱ ﻋﻤﻠﻴﺔ ﻭﺿﻌﻬﺎ ﻣﻴﺘﺤﻤﻞ
ﻣﺎﻣﺎ ﺑﺲ ﺳﻤﻌﺖ ﻛﻼﻡ ﺍﻟﺪﻛﺘﻮﺭ ﺷﺒﻜﺘﻨﻲ ﻭﻇﻠﺖ ﺗﺒﺠﻲ
: ﺳﻮﺩﻩ ﺑﻮﺟﻬﻲ ﺷﺴﻮﻳﺖ ﺑﻴﺞ ﻛﻮﻥ ﺃﻳﺪﻱ ﻣﺸﻠﻮﻟﻪ ﻗﺒﻞ ﻻ ﺃﻣﺪﻫﺎ ﻋﻠﻴﺞ ﻳﻤﻪ ﺟﻨﺘﻲ ﺗﻔﻜﺮﻳﻦ
ﺑﻴﻪ ﻭﺃﻧﺘﻲ ﺑﻌﺰ ﺃﻟﻤﺞ ﻭﺍﻧﻲ ﺷﺴﻮﻳﺖ ﺿﺮﺑﺘﺞ ﻣﻦ
ﻛﻮﻥ ﻛﺴﺮ ﺑﻴﺪﻱ ...
ﺷﺒﻜﺘﻬﺎ ﻭﺍﻫﻤﺲ ﺑﺎﺫﻧﻬﺎ : ﺩﻛﻮﻟﻲ ﻳﺎﺍﻟﻠﻪ ﻳﻮﻡ ﻫﻲ ﺍﻟﻌﻤﻠﻴﺔ ﻭﺭﺍﻳﻪ ﻭﺭﺍﻳﻪ ﻳﺠﻮﺯ ﺍﻟﻲ ﺻﺎﺭ ﻣﻦ ﺻﺎﻟﺤﻲ ﻗﺎﺑﻞ ﺍﻧﺘﻲ
ﺗﻜﺮﻫﻴﻨﻲ ﻳﺎ ﻣﺎﻣﺎ ﻫﻮ ﺍﻧﻲ ﺍﺗﺴﻜﻄﺖ ﺑﻌﺪ ﺃﻧﺘﻲ ﺷﻌﻠﻴﺞ ﻟﺘﺤﻤﻠﻴﻦ ﻧﻔﺴﺞ ﻣﺴﺆﻭﻟﻴﺔ ﺃﻣﻲ ﺃﺭﻳﺪ ﻣﻦ ﺍﺩﺧﻞ ﻟﻠﻌﻤﻠﻴﺔ ﺃﺧﺮ ﻭﺟﻪ ﺍﺷﻮﻓﻪ ﻫﻮ ﺃﻧﺘﻲ ﻭﻣﻦ ﺍﺻﺤﻰ ﺍﺫﺍ ﺍﻟﻠﻪ ﻛﺘﺒﻠﻲ ﻋﻤﺮ ﻫﻢ ﺃﻭﻝ ﻭﺟﻪ ﺍﺷﻮﻓﻪ ﺃﻧﺘﻲ ﺗﻤﺎﻡ ﻣﺎﻣﺎ ..
ﺃﻣﻲ ﺍﺳﺘﻤﺮﺕ ﺗﺒﺠﻲ ﺑﺤﺮﻗﺔ
ﻭﺣﺎﺿﻨﺘﻨﻲ ﻛﻞ ﻗﻮﺗﻬﺎ ﺑﻬﺎﻻﺛﻨﺎﺀ ﺍﺟﻪ ﺻﻔﺎﺀ
ﺻﻔﺎﺀ : ﻳﻼ ﻳﻮﻡ ﺷﻲ ﻭﺭﺍﺩ ﻳﺼﻴﺮ ﺍﻧﺘﻲ ﻣﺎﻟﺞ ﺫﻧﺐ
ﻭﻫﻲ ﻋﺒﻴﺮ ﻭﺭﺍﻫﺎ ﺍﻟﻌﻤﻠﻴﺔ ﻭﺭﺍﻫﺎ ﺃﻧﺘﻲ ﺷﻌﻠﻴﺞ ﻫﻲ
ﻛﺪﻫﺎ ﺗﻌﺪﻳﻬﺎ ﺍﻥ ﺷﺎﺀﺍﻟﻠﻪ ﺃﻧﺘﻲ ﺑﺲ ﺍﺩﻋﻴﻠﻬﺎ ...
ﺻﻔﺎﺀ : ﺃﺣﺠﻲ ﻭﻳﺎ ﻋﻤﺘﻲ ﻭﺑﺎﻟﻲ ﺷﺎﺭﺩ ﻋﺒﻴﺮ
ﻻﺯﻡ ﻳﺤﻠﻘﻮﻥ ﺷﻌﺮﻫﺎ ﺻﺢ ﻫﻲ ﺗﻌﺮﻑ ﺑﺲ ﺻﻌﺒﺔ
ﺃﻧﻲ ﻣﻦ ﺣﺠﻴﺖ ﻭﻳﺎ ﺩﻛﺘﻮﺭﻫﺎ ﻗﻠﺒﻲ ﺍﻧﻤﺮﺩ ﺷﻠﻮﻥ
ﺣﺘﺘﺤﻤﻞ ﻫﺎﻱ ﻭﻫﻲ ﻛﻠﻬﺎ ١٤ ﺳﻨﺔ ...
ﺑﺎﻭﻋﺘﻠﻬﺎ ﺟﺎﻧﺖ ﺩﺗﺼﺒﺮ ﺑﺄﻣﻬﺎ ﻛﻠﺖ ﺍﻟﻠﻪ ﻳﻌﻴﻦ ﺍﻥ ﺷﺎﺀﺍﻟﻠﻪ ﺣﺘﺘﺪﻣﺮ ﻧﻔﺴﻴﺘﻬﺎ ﺍﻟﻠﻪ ﻳﻨﺘﻘﻢ ﻣﻦ ﺍﻟﻲ ﺟﺎﻥ ﺍﻟﺴﺒﺐ ﺑﻨﺺ ﺍﻟﻤﺪﻧﻴﻴﻦ ﻭﻳﺰﺭﻋﻮﻥ ﻋﺒﻮﺍﺕ ﻉ ﺍﻻﻣﺮﻳﻜﺎﻥ ﻳﺨﻠﻮﻧﻬﻢ ﻳﻬﻴﺠﻮﻥ ﻭﻳﺮﻣﻮﻥ ﺍﻟﻠﻪ ﻳﻨﺘﻘﻢ ﻣﻨﻬﻢ ..
ﺭﺟﻌﻨﺎ ﻟﻠﺒﻴﺖ ﻧﺠﻴﺐ ﺍﺣﺘﻴﺎﺟﺎﺗﻬﺎ ﻭﻣﻨﺎﻙ ﻧﺮﻭﺡ
ﻟﻠﺘﺠﻬﻴﺰﺍﺕ ﺍﻟﻄﺒﻴﻪ ﺣﺘﻰ ﻧﺠﻬﺰ ﺍﻻﺷﻴﺎﺀ ﺍﻟﻲ ﺗﺤﺘﺎﺟﻬﺎ
ﺑﺎﻟﻌﻤﻠﻴﺔ ﻭﺑﻌﺪﻫﺎ ﻧﺮﻭﺡ ﻟﻠﻤﺴﺘﺸﻔﻰ ، ﺑﺎﻟﻄﺮﻳﻖ ﻟﻠﺒﻴﺖ
ﻋﺒﻴﺮ ﺷﺎﻓﺖ ﺍﻛﻞ ﻛﺘﻠﺖ ﺭﻭﺣﻬﺎ ﺍﻻ ﺗﺎﻛﻞ ﻭﻫﻮ ﻣﻴﺼﻴﺮ ..
_ ﻟﺞ ﻣﻴﺼﻴﺮ ﻭﺭﺍﺝ ﻋﻤﻠﻴﺔ ﻭﺑﻨﺞ ﺍﻋﻘﻠﻲ ﻳﺎ ﺑﻨﻴﺔ ..
ﺑﺘﺬﻣﺮ ﻛﺎﻟﺖ : ﺍﻫﻮﻭ ﻫﻢ ﻋﻤﻠﻴﺔ ﻭﻫﻢ ﺣﺼﻴﺮ ﻛﺮﻋﻪ ﻭﻫﻢ ﻣﺎﻛﻮ ﺯﻗﻨﺒﻮﺕ ﻋﻴﺶ ﻭﺷﻮﻑ ﺷﻬﺎﻟﻌﻴﺸﺔ ﻫﺎﻱ ﺍﻟﺒﺎﺋﺴﺔ ...
ﻋﺒﻴﺮ : ﺭﺟﻌﺖ ﻟﻠﺒﻴﺖ ﺗﻠﻜﺘﻨﻲ ﻣﺮﻳﻢ ﺗﻤﺸﻲ ﻭﺭﺍﻱ ﻭﺗﺤﺠﻲ
_ ﻋﺒﻴﺮ ﻋﺒﻴﺮ ﻋﺪﻟﺖ ﺳﺮﻳﺮﺝ ﻭﺳﻮﻳﺘﻠﺞ ﻋﺼﻴﺮ
ﻋﺎﻃﺖ ﺑﻴﻬﺎ ﻣﺎﻣﺎ ﻟﺞ ﻣﺮﻳﻢ ﺍﺳﻜﺘﻲ ﺍﺧﺘﺞ ﻣﻮ ﺑﺤﺎﻟﺞ ﻫﺴﻪ ﻳﻼ ﺭﻭﺣﻲ ﻣﻨﻬﺎ ..
ﺍﺟﺘﻲ ﺣﻀﻨﺘﻨﻲ ﺗﺤﺠﻲ ﺑﺒﺮﺍﺀﺓ ﻭﺗﻮﺳﻞ -: ﻭﻟﺞ ﻋﺒﻴﺮ ﻣﻮ ﺳﻮﻳﺘﻠﺞ ﻋﺼﻴﺮ ﺗﻌﺎﻟﻲ ﺍﺷﺮﺑﻲ ﻭﻟﺞ ﻭﺍﻟﻠﻪ ﻣﺸﺮﺑﺖ ﻗﺒﻠﺞ ﻭﻻ ﺍﻧﻄﻴﺖ ﻟﺰﻫﺮﺍﺀ ﻭﺣﺘﻰ ﻟﻤﺎﻣﺎ ﻣﺎﺍﻧﻄﻲ ﺑﺲ ﺍﻟﺞ ﻛﻠﺘﻠﻬﺎ ﻣﺎﺍﺭﻳﺪ
ﻭﺍﻧﻲ ﻣﺎ ﺍﺑﺪﻳﺖ ﺍﻱ ﺭﺩ ﻓﻌﻞ ﻋﻔﺘﻬﺎ ﻭﺭﺣﺖ ﺍﻓﻜﺮ ﺑﺸﻌﺮﻱ ﺍﻟﻴﻮﻡ ﻭﺍﺻﻞ ﻟﺨﺼﺮﻱ ﻭﺑﺎﺟﺮ ﺍﺻﺒﺢ ﺑﻼ ﺷﻌﺮ .... ﺭﺑﻲ ﻣﻨﻚ ﺍﻟﺼﺒﺮ ﺻﺒﺮﻧﻲ ﻭﺻﺒﺮ ﺃﻣﻲ ...
ﺯﻫﺮﺍﺀ : ﺭﺟﻌﺖ ﻋﺒﻴﺮ ﻟﻠﺒﻴﺖ ﺟﻨﺖ ﺃﺷﻮﻑ ﺑﻌﻴﻮﻧﻬﺎ
ﺃﻧﻜﺴﺎﺭ ﻭﺧﻴﺒﺔ ﻓﻀﻴﻌﺔ ﻭﺃﻣﻲ ﺣﺎﻟﻬﺎ ﺑﺎﻟﻀﻴﻢ ﻟﺰﻣﺖ
ﺍﻟﻔﻮﻥ ﻭﺧﺎﺑﺮﺕ ﺑﺎﺑﺎ -: ﺗﺤﺴﻴﻦ ﻫﺴﻪ ﺗﺠﻲ ﺑﻨﺘﻚ
ﻋﺪﻫﺎ ﻋﻤﻠﻴﺔ ﺑﺎﺟﺮ ﻭﺍﻧﻲ ﻣﺎﺍﻛﺪﺭ ﻭﺣﺪﻱ ﻭﺍﻟﻠﻪ ﻇﻬﺮﻱ
ﺃﻧﻜﺴﺮ ..
ﺑﺎﺑﺎ ﺍﻛﺪ ﺍﻟﻬﺎ ﺍﻧﻮ ﺭﺍﺡ ﻳﺠﻲ ﻭﺳﺪﺕ ﺍﻟﺘﻠﻴﻔﻮﻥ ..
ﺍﻧﺘﺒﻬﺖ ﺻﻔﺎﺀ ﻭﺍﻛﻒ ﻭﺻﺎﻓﻦ ﺭﺣﺖ ﻭﺩﻳﺖ ﺍﻟﻪ ﻣﻲ
_ ﺍﺗﻔﻀﻞ ﺻﻔﺎﺀ
_ ﻫﺎﺍﺍ ﺍﺷﻜﺮﺝ ﺑﺲ ﺻﻴﺤﻲ ﻋﺒﻴﺮ ﺑﺴﺮﻋﺔ ﺗﺄﺧﺮﻧﺎ ..
ﻫﺰﻳﺖ ﺭﺍﺳﻲ ﻭﺻﻌﺪﺕ ..
ﺩﺧﻠﺖ ﻟﻠﻐﺮﻓﺔ ﺷﻔﺖ ﻋﺒﻴﺮ ﻣﺘﻤﺪﺩﻩ ﺑﺤﺬﺍﺋﻬﺎ ﻭﻣﺨﻠﻴﻪ ﺃﻳﺪﻫﺎ ﻉ ﻋﻴﻮﻧﻬﺎ ﻭﺗﺒﺠﻲ ..
ﺭﺣﺖ ﻳﻤﻬﺎ ﻟﻌﺒﺖ ﺑﺸﻌﺮﻫﺎ ﻓﺰﺕ ﺑﺴﺮﻋﻪ
ﻣﺴﺤﺖ ﻋﻴﻮﻧﻬﺎ ﺗﺒﺎﻭﻋﻠﻲ ﻣﺼﺪﻭﻣﺔ : ﻫﺎ ﺷﻜﻮ ﺗﺮﻳﺪﻭﻥ ﺷﻲ؟
ﺃﺑﺘﺴﻤﺖ ﺑﻮﺟﻬﻪ -: ﻻ ﺑﺲ ﺻﻔﺎﺀ ﺩﺯﻧﻲ ﻋﻠﻴﺞ ﻳﻜﻮﻝ ﻳﻠﻠﻪ
ﻋﺒﻴﺮ : ﺗﻤﺎﻡ ﻫﺴﻪ ﺃﺟﻲ ﺃﻧﺰﻟﻲ
ﺑﺎﻭﻋﺘﻠﻬﺎ ﻧﻈﺮﺓ ﺍﺧﻴﺮﺓ ﻗﺒﻞ ﻻ ﺍﻧﺰﻝ ﺷﻨﻮ ﻣﻦ ﻗﻮﺓ
ﺑﺎﺻﻌﺐ ﻟﺤﻈﺎﺗﻬﺎ ﻣﺘﺤﺐ ﺗﺒﺠﻲ ﻛﺪﺍﻣﻨﺎ ﻭﺑﺲ ﺷﺎﻓﺘﻨﻲ ﻣﺴﺤﺖ ﺩﻣﻮﻉ ﻋﻴﻮﻧﻬﺎ ﺍﻟﻠﻪ ﻳﺼﺒﺮﺝ ﻭﻳﺸﺎﻓﻴﺞ ... ﺩﻋﻴﺘﻠﻬﺎ ﻭﻧﺰﻟﺖ ..
ﺻﺎﺭ ﺻﻔﺎﺀ ﺑﻮﺟﻬﻲ ﻭﻟﻜﻴﺖ ﻛﺮﺍﺭ ﻫﻢ ﺟﺎﻱ ﻫﻮ ﻭﻋﻤﻮ
ﺳﻠﻤﺖ ﻋﻠﻴﻬﻢ ﻭﺭﺍ ﺷﻮﻳﻪ ﻧﺰﻟﺖ ﻋﺒﻴﺮ ﺭﺍﻓﻌﻪ ﺷﻌﺮﻫﺎ
ﻭﻋﻴﻮﻧﻬﺎ ﺩﻡ ﺷﺎﻓﻬﺎ ﻋﻤﻮ ﻛﺎﻡ ﻭﺭﺍﺡ ﻋﻠﻴﻬﺎ ﺣﻀﻨﻬﺎ ﻭ
ﻛﺎﻡ ﻳﺒﺠﻲ ...
ﻋﺒﻴﺮ : ﺷﻨﻮ ﺍﻟﺴﺎﻟﻔﻪ ﺍﺻﺒﺮﻛﻢ ﺗﺼﺒﺮﻭﻧﻲ ﻛﻠﻬﺎ ﺗﺒﺠﻲ
ﺑﻌﺪﻧﻲ ﻣﺎ ﻣﺘﺖ ﻭﺍﻟﻠﻪ ﻫﻲ ﻋﻤﻠﻴﺔ ﻫﺴﻪ ﻛﻠﻤﻦ ﻳﺴﻮﻱ
ﻋﻤﻠﻴﺔ ﻳﻤﻮﺕ ﺩﻛﻮﻝ ﻳﺎﺍﻟﻠﻪ ﻳﺎﻋﻤﻮ ...
ﺗﺮﻛﺘﻪ ﻭﺭﺣﺖ ﺑﺎﻭﻋﺖ ﻫﺬﺍ ﻛﺮﺍﺭ ﺃﺑﺘﺴﻤﺘﻠﻪ ﻛﻠﺘﻠﻪ ﻫﻠﻮﻭ ﻣﺠﺎﻭﺑﻨﻲ ﺑﺲ ﻳﺒﺎﻭﻉ ﺑﻮﺟﻬﻲ ﺣﺠﻴﺖ ﺑﺪﺍﺧﻠﻲ ﺍﻭﻭﻭﻭ ﺍﻧﺖ ﺍﻟﺜﺎﻧﻲ ...
ﺍﻟﺘﻔﺘﺖ ﻟﺰﻫﺮﺍﺀ ﻭﻳﻦ ﻣﺮﻳﻢ ؟
ﺯﻫﺮﺍﺀ : ﻣﺮﻳﻢ ﺯﻋﻠﺖ ﻣﻨﺞ ﻻﻥ ﺻﻴﺤﺘﻲ ﻋﻠﻴﻬﺎ ﻭﺭﺍﺣﺖ ﻧﺎﻣﺖ ...
ﻋﺒﻴﺮ : ﻫﺎ ﺑﺮﺍﺣﺘﻬﺎ ﺗﻌﺸﻴﺘﻮﺍ؟
ﺻﻔﺎﺀ : ﺿﺤﻜﺖ ﻟﺞ ﺃﻡ ﺑﻄﻦ ﻣﺎﻛﻮ ﺍﻛﻞ ﺍﻟﻴﻮﻡ ﺑﺲ
ﺍﻟﻌﺸﺎﺀ ﻭﺑﺎﺟﺮ ﺭﻳﻮﻙ ﻣﺎﻛﻮ ﺑﻌﺪﻫﺎ ﺍﻧﻄﻠﻘﻲ ...
ﻋﺒﻴﺮ : ﻻ ﺑﺲ ﺩﺍﺍﺳﺄﻝ ﺍﻋﺮﻑ ﻣﺎﻛﻮ ﺃﻛﻞ ..
ﻣﺎﻣﺎ ﻛﻌﺪﺕ ﺑﺼﻔﻲ ﻭﻛﺮﺍﺭ ﻛﻌﺪ ﻛﺪﺍﻣﻲ ..
ﺻﻔﺎﺀ : ﺷﻮﻓﻲ ﻋﺒﻮﺭﻩ ﺃﻧﺘﻲ ﻫﺴﻪ ﻣﻦ ﻧﺮﻭﺡ ﻟﻠﻤﺴﺘﺸﻔﻰ
ﻋﺒﻴﺮ : ﻗﺎﻃﻌﺘﻪ ﺃﻋﺮﻑ ﺣﺘﺰﻳﻨﻮﻥ ﺷﻌﺮﻱ ﻉ ﻫﺎﻱ ﺻﺤﺘﻮﻧﻲ؟
ﻣﺎﻣﺎ ﺑﺎﻭﻋﺖ ﻋﻠﻴﻪ -: ﺑﻨﺘﻲ ﺃﺑﻮﺝ ﺑﺎﻟﻄﺮﻳﻖ ﺟﺎﻱ
ﻫﺰﻳﺖ ﺭﺃﺳﻲ -: ﺗﻤﺎﻡ ﻣﺎﻣﺎ ﺣﺼﻌﺪ ﺍﺧﺬ ﺩﻭﺵ
ﺑﻴﻦ ﻣﻤﺘﻌﺸﻮﻥ ﻭﻳﺠﻲ ﺑﺎﺑﺎ ..
ﺗﺮﻛﺘﻬﻢ ﻭﺻﻌﺪﺕ ﻟﻐﺮﻓﺘﻲ ﻫﻤﺰﻳﻦ ﻣﺮﻳﻢ ﺯﻋﻠﺖ ﻋﻠﻴﻪ ﻣﻠﻜﻴﺘﻬﺎ ﺑﺎﻟﻐﺮﻓﻪ ﺍﺧﺬﺕ ﺍﻟﻤﻜﺺ ﻭﺩﺧﻠﺖ ﻟﻠﺤﻤﺎﻡ ﻋﺪﻧﺎ ﻣﺮﺍﻳﺎ ﻭﺭﺍ ﺑﺎﺏ ﺍﻟﺤﻤﺎﻡ ﻉ ﺍﻟﻄﻮﻝ ﻭﻛﻔﺖ ﻛﺪﺍﻣﻬﺎ ﻭﺑﺪﻳﺖ ﺍﻛﺺ ﺑﺨﺼﻼﺕ ﺷﻌﺮﻱ ﻛﻞ ﻣﺎﺍﺭﻓﻊ ﺍﻟﻤﻜﺺ ﻭﺍﻛﺺ ﺧﺼﻠﻪ ﺃﺣﺲ ﺟﺰﺀ ﺑﺪﺍﺧﻠﻲ ﻳﻘﻮﻯ ﺃﻛﺜﺮ ﻭﺟﺰﺀ ﻳﺘﺤﻄﻢ ...
ﻛﻤﻠﺖ ﻛﺺ ﺷﻌﺮﻱ ﺑﺎﻭﻋﺖ ﻟﺸﻜﻠﻲ ﺑﺎﻟﻤﺮﺍﻳﺔ ﻭﺻﻞ ﺷﻌﺮﻱ ﻟﺤﺪ ﺍﺫﻧﻲ
ﺍﺑﺎﻭﻉ ﻟﻨﻔﺴﻲ ﻭﺻﻌﺐ ﺍﻭﺻﻒ ﺍﺣﺴﺎﺳﻲ ، ﺳﺒﺤﺖ ﻭﻏﺴﻠﺖ ﺍﻟﺤﻤﺎﻡ ﻣﻦ ﺩﺍﺍﻃﻠﻊ ﺑﺎﻭﻋﺖ ﻟﻨﻔﺴﻲ ﺑﺎﻟﻤﺮﺍﻳﺎ ﺷﻔﺖ
ﻭﺟﻬﻲ ﻣﻼﻣﺤﻲ ﺑﻴﻬﺎ ﺣﺰﻥ ﺑﺲ ﺍﻟﻠﻪ ﻳﻌﺮﻑ ﺑﻲ ...
ﻃﻠﻌﺖ ﺗﻤﺪﺩﺕ ﻉ ﺳﺮﻳﺮﻱ ﺷﻮﻳﻪ ﻭﺍﻧﻔﺘﺤﺖ ﺍﻟﺒﺎﺏ ﻭﻓﺎﺗﺖ ﻣﺎﻣﺎ ﺷﺎﻓﺘﻨﻲ ﺷﻬﻜﺖ ..
ﺭﻓﻌﺖ ﺭﺍﺳﻲ ﻭﺷﻮﻳﺔ ﻣﻦ ﺟﺬﻋﻲ -: ﺷﻜﻮ ﺃﻣﻲ ﺗﺮﻯ ﺑﻌﺪ
ﻋﻨﺪﻱ ﺷﻌﺮ ﻟﻌﺪ ﺑﺎﺟﺮ ﺷﺘﺴﻮﻳﻦ ﺃﻧﺘﻮﺍ ﺩﺗﻌﺒﻮﻧﻲ
ﻭﺍﻟﻠﻪ ﺣﺮﺍﻡ ﻋﻠﻴﻜﻢ ﺍﻟﻤﻔﺮﻭﺽ ﺃﻧﺘﻮﺍ ﺗﺼﺒﺮﻭﻧﻲ ﻣﻮ
ﺃﻧﻲ ﺍﺻﺒﺮﻛﻢ ﻣﺤﺪ ﻳﺤﺲ ﺑﻴﻪ ﺑﺲ ﺭﺑﻲ ﺗﻌﺒﺒﺒﺒﺒﺒﺖ
ﻭﺍﻟﻠﻪ ﺗﻌﺒﺘﺘﺘﺘﺖ ﻟﺘﻜﺎﺑﻠﻴﻨﻲ ﻭﺗﺒﺠﻴﻦ ﻓﺪﻭﺓ ﺍﺭﻭﺣﻠﺞ
ﺃﺭﺣﻤﻲ ﺣﺎﻟﻲ ﻣﺎﺍﺗﺤﻤﻞ ﻭﺍﻟﻠﻪ ﺍﺷﻮﻑ ﺩﻣﻮﻋﺞ ﻏﻴﺮ
ﻗﻬﺮ ﻫﺬﺍ ...
ﺩﺍﺍﺣﺠﻲ ﻭﻣﻨﻔﻌﻠﻪ ﺻﻌﺪ ﺑﺎﺑﺎ ﻭ ﻭﻳﺎ ﻛﺮﺍﺭ ..
ﺑﺎﺑﺎ : ﺧﻴﺮ ﺧﻴﺮ ﺑﺎﺑﺎﺗﻲ ﻟﻴﺶ ﺻﻮﺗﺞ ﻋﺎﻟﻲ
ﺑﻌﺪﻩ ﻣﻜﻤﻞ ﻛﻼﻣﻪ ﺍﻧﺘﺒﻪ ﻋﻠﻴﻪ ﺍﻧﺼﺪﻡ ﺑﻌﺪ ﻣﺤﺠﻪ ﺛﻮﺍﻧﻲ
ﻭﺭﺟﻊ ﻛﻤﻞ ﻛﻼﻣﺔ ﻭﺗﻐﻴﺮﺕ ﻧﺒﺮﺗﻪ ..
_ ﺍﻟﻠﻪ ﻃﺎﻟﻌﻪ ﺗﺨﺒﻠﻴﻦ ﻓﺪﻭﺓ ﻟﻬﺎﻱ ﺍﻟﺸﻌﺮﺍﺕ
ﻭﺑﺎﺳﻨﻲ ﺑﺎﻭﻋﺖ ﻣﺎﻣﺎ ﺑﻌﺪﻫﺎ ﺩﺗﺒﺠﻲ ..
ﺗﻘﺪﻣﺖ ﻭﺑﺴﺖ ﺭﺍﺳﻬﺎ ﻭﺍﻳﺪﻫﺎ ..
ﻛﺮﺍﺭ : ﻋﺒﻮﺭﻩ ﻳﻼ ﻧﺰﻟﻲ ﺻﻔﺎﺀ ﺩﻳﻨﺘﻈﺮﺝ ﺟﻮﺍ
ﺑﺎﺑﺎ : ﺷﻜﻮ ﻭﻟﻴﺶ ﺑﺴﺮﻋﻪ ﺗﻘﺮﺭﺕ ﺍﻟﻌﻤﻠﻴﺔ ﺍﻟﻤﻔﺮﻭﺽ ﺑﻌﺪ ﺃﺳﺒﻮﻋﻴﻦ؟
_ ﻫﺎ ﺑﺎﺑﺎ ﻣﻮ ﺍﻧﻲ ﻭﻛﻌﺖ ﻭﺗﺄﺫﻳﺖ .. ﻭﺍﻟﻄﺒﻴﺐ ﻗﺮﺭ ﻳﻘﺪﻡ ﺍﻟﻤﻮﻋﺪ ..
ﺗﺒﺎﺩﻟﺖ ﺍﻟﻨﻈﺮﺍﺕ ﻭﻳﺎ ﻣﺮﻳﻢ ﺍﺷﻮﻓﻬﺎ ﺗﺨﺰﺭ ﺑﻴﻪ : ﺟﺬﺍﺑﻪ ﻫﺴﻪ ﺍﻟﻠﻪ ﻳﺬﺑﺞ ﺑﺎﻟﻨﺎﺭ ﺑﺎﺑﺎ ﻣﻌﻠﻴﻚ ﻣﻨﻬﺎ ﺃﻧﻲ ﺍﻛﻮﻟﻚ ﺍﻟﺼﺢ ...
ﺧﺰﺭﺗﻬﺎ ﺟﺮﻳﺘﻬﺎ ﻣﻦ ﺍﻳﺪﻫﺎ ﺩﻓﺮﺗﻨﻲ ﻭﺭﻛﻀﺖ ﻻﺑﻮﻳﻪ ﺭﺍﻓﻌﺔ ﺭﺍﺳﻬﺎ ﺑﺎﺗﺠﺎﻫﻪ ﻭﺗﺤﺠﻲ ﻭﻳﺎ : ﺑﺎﺑﺎ ﺑﺎﻭﻉ ﻣﻮ ﻃﻔﺖ ﺍﻟﺴﺤﺐ ﻋﺒﻴﺮ ﺭﺍﺣﺖ ...
ﺍﺭﻳﺪ ﺍﺟﺮﻫﺎ ﺍﺳﻜﺘﻬﺎ ﺑﺎﺑﺎ ﻣﻘﺒﻞ ﻛﻠﻲ ﻋﻮﻓﻲ ﺑﻨﺘﻲ ﻭﻣﺎﻣﺎ ﻣﺘﻜﺘﻔﺔ ﻭﻭﺍﻛﻔﺔ ﺑﺲ ﺗﺒﺎﻭﻉ ﻭﺗﺒﺠﻲ ..
ﺑﺎﺑﺎ : ﺍﻱ ﻣﺮﻳﻮﻡ ﻛﻤﻠﻲ
: ﺍﻱ ﺑﺎﺑﺎ ﻋﺒﻴﺮ ﺭﺍﺣﺖ ﺣﺘﻰ ﺗﺴﻮﻱ ﺍﻟﺠﻮﺯﺓ ﻭﺍﺣﻨﻪ ﻧﺎﻳﻤﻴﻦ ﻭﻛﻌﺪﺕ ﻣﺎﻣﺎ ﻣﻠﻜﺘﻬﺎ ﻋﺒﺎﻟﻬﺎ ﻋﺒﻴﺮ ﺍﻧﺨﻄﻔﺖ ﺑﻌﺪﻳﻦ ﺍﺟﻪ ﺟﻴﺮﺍﻧﻪ ﺃﺑﻮﻃﻪ ﻛﺎﻟﻠﻬﻢ ﻋﺒﻴﺮ ﻳﻢ ﺍﻟﻨﻘﻄﺔ ﻣﺎﻝ ﺍﻟﺴﺤﺐ ﺭﺍﺣﺖ ﻣﺎﻣﺎ ﺟﺎﺑﺘﻬﺎ ﻭﺿﺮﺑﺘﻬﺎ ﻻﻻﻻ ﺍﻭﻛﻒ ﻣﻀﺮﺑﺘﻬﺎ ﺟﺮﺗﻬﺎ
ﻣﻦ ﺷﻌﺮﻫﺎ ﺣﻴﻞ ﻭﻟﻄﺨﺖ ﺭﺍﺳﻬﺎ ﻉ ﺍﻟﻘﻨﻔﻪ ﺑﺎﻟﺤﺎﻓﻪ
ﻭﻃﻠﻊ ﺩﻡ ﻣﻨﻬﺎ ﻻﻥ ﺍﻟﻀﺮﺑﻪ ﺻﺎﺭﺕ ﻉ ﺍﻟﺸﻀﻴﻪ ﻭﺍﻟﻠﻪ
ﺑﺎﺑﺎ ﻫﺎﻱ ﻛﻞ ﺍﻟﻘﺼﻪ ..
ﻭﺍﻟﺘﻔﺖ ﻋﻠﻴﻪ ﻛﺎﻟﺖ ﻋﻴﺐ ﺗﺠﺬﺑﻴﻦ ﻉ ﺃﺑﻮﺝ ﻫﺴﻪ
ﺍﻟﻠﻪ ﻳﺬﺑﺞ ﺑﺎﻟﻨﺎﺭ ﺑﺎﻭﻋﺖ ﻉ ﺑﺎﺑﺎ ﻋﻴﻮﻧﻪ ﻧﻄﺖ ﻭﺧﺰﺭ
ﺃﻣﻲ ...
ﺑﺎﺑﺎ : ﻋﻔﻴﻪ ﻫﺎﻱ ﺃﻧﺘﻲ ﺍﻟﻌﺎﻗﻠﻪ ﺍﻟﻤﺜﻘﻔﻪ ﻫﻴﺞ ﺗﺴﻮﻳﻦ
ﻟﻌﺪ ﻏﻴﺮﺝ ﺷﺘﺴﻮﻱ ﻟﺠﺠﺠﺠﺞ ﺃﻛﻮﻭﻭ ﻭﺣﺪﻩ ﺗﻀﺮﺏ
ﺑﻨﺘﻬﺎ ﻭﻫﻲ ﻣﺮﺭﺭﺭﻳﻀﻪ ﻓﻬﻤﻴﻨﻲ ﺷﻠﻮﻥ ﻃﺎﻭﻋﺘﺞ
ﺍﻳﺪﺝ ﻭﻣﺪﻳﺘﻴﻬﺎ ﻋﻠﻴﻬﺎ ﻭﻫﻲ ﺑﻬﺬﺍ ﺍﻟﺤﺎﺍﺍﻝ ﻣﻨﻮ
ﺳﻤﺤﻠﺞ ﺗﻀﺮﺑﻴﻬﺎ ﻭﻟﺠﺠﺠﺠﺞ ؟
ﻋﺒﻴﺮ : ﺃﺑﺎﻭﻉ ﻉ ﺑﺎﺑﺎ ﺷﺮﺍﻳﻴﻦ ﻛﺼﺘﻪ ﺑﺮﺯﺕ ﻣﻦ ﻛﺪ
ﺍﻟﻌﺼﺒﻴﻪ ﺃﻭﻝ ﻣﺮﺓ ﺑﺎﺑﺎ ﻫﻴﺞ ﻳﻌﺼﺐ ﻓﻘﺪ ﺣﺘﻰ
ﻛﺎﻡ ﻳﻠﻄﻢ ﻉ ﺭﺃﺳﻪ ..
ﻛﺮﺍﺭ ﺩﻓﻌﻨﻲ ﻉ ﻛﻴﻴﻒ ﻭﺭﺍﺡ ﻟﺰﻡ ﺑﺎﺑﺎ ﺃﻣﺎ ﺃﻣﻲ ﺟﺎﻧﺖ ﻭﺍﻛﻔﻪ ﺗﺒﺠﻲ ﻭﺗﻬﻤﺲ ﻭﺍﻟﻠﻪ ﻣﻮ ﻗﺼﺪﻱ ﺷﺘﺘﻮﻗﻊ ﺃﺫﻱ ﺭﻭﺣﻲ ﻋﺒﻴﺮ ﺭﻭﺣﻲ ﻋﺴﺎﻧﻲ ﺑﺎﻟﻤﻮﺕ ﻭﻻ ﻣﺎﺩﻩ ﺃﻳﺪﻱ ﻋﻠﻴﻬﺎ ..
ﺑﺲ ﺑﺎﺑﺎ ﺟﺎﻥ ﻣﻴﺴﻤﻊ ﺻﻮﺗﻬﺎ ﺑﺲ ﻳﻌﻴﻂ ﺍﺗﻌﺠﺒﺖبيج قصص عراقيه حقيقيه من واقعنا.روعه الطائي
ﻉ ﻧﻔﺴﻲ ﻭﺍﻛﻔﻪ ﺑﺲ ﺍﺗﻔﺮﺝ ﺑﻌﺪﻳﻦ ﺣﺴﻴﺖ ﻉ ﻟﺰﻣﺔ
ﺃﻳﺪ ﺑﺎﻭﻋﺖ ﻫﺎﻱ ﻣﺮﻳﻢ ﺩﻧﻜﺖ ﻭﺟﺮﻳﺘﻬﺎ ﻣﻦ ﺍﺫﻧﻬﺎ ..
ﺍﺫﺍ ﺷﻔﺘﺞ ﻛﺪﺍﻣﻲ ﺃﻣﻮﺗﺞ ﻭﺍﻟﻠﻪ ﺃﻣﺸﻲ ﻭﻟﻲ ﻃﺎﻳﺤﺔ
ﺍﻟﺤﻆ .. ﻫﻲ ﺑﺴﺮﻋﻪ ﻓﻠﺘﺖ ﻭﺑﻨﻔﺲ ﺍﻟﻮﻗﺖ ﺟﺎﻧﺖ
ﺧﺎﻳﻔﻪ ﺃﻭﻝ ﻣﺮﺓ ﺗﺸﻮﻑ ﺑﺎﺑﺎ ﻫﻴﺞ ﻋﺼﺒﻲ ﻫﻮ ﺣﺘﻰ
ﺃﻧﻲ ﺍﻭﻝ ﻣﺮﺓ ﺍﺷﻮﻓﻪ ﺑﻬﺎﻟﺤﺎﻟﻪ ..
ﺭﺣﺖ ﻋﻠﻴﻪ ﻟﺰﻣﺘﻪ : ﺍﺩﺭﻱ ﻗﺎﺑﻞ ﺃﻧﻲ ﺑﺎﻟﻨﺴﺒﻪ ﺍﻟﻚ ﺃﻋﺰ ﻣﻦ ﻣﺎﻣﺎ ﺑﻌﺪﻳﻦ ﺑﺎﺑﺎ ﺃﻧﻲ ﻫﻴﺞ ﻭﻻ ﻫﻴﺞ ﻻﺯﻡ ﺃﺳﻮﻱ ﺍﻟﻌﻤﻠﻴﺔ
ﺃﻣﻲ ﻣﻌﻠﻴﻬﺎ ﺍﻓﻬﻤﻨﻲ
ﺯﻫﺮﺍﺀ : ﺳﻤﻌﺖ ﺻﻮﺕ ﺻﻴﺎﺡ ﺑﺎﺑﺎ ﺟﻨﺖ ﺟﻮﺍ ﺃﻧﻲ
ﻭﺻﻔﺎﺀ ﺻﻌﺪﺕ ﺍﺭﻛﺾ ﻭﺻﻔﺎﺀ ﺗﺒﻌﻨﻲ ﺷﻔﺖ ﻋﺒﻴﺮ
ﻻﺯﻣﻪ ﺑﺎﺑﺎ ﻭﺗﺤﺠﻲ ﻭﻳﺎ ﻫﻲ ﻭﻛﺮﺍﺭ ﺃﻣﺎ ﻣﺎﻣﺎ ﺳﻮﺩﻩ
ﻋﻠﻴﻪ ﺟﺎﻧﺖ ﻣﻔﺮﻓﺤﻪ ﻣﻦ ﺍﻟﺒﺠﻲ ...
ﻟﺰﻣﺘﻬﺎ ﺃﻣﻲ ﺍﻫﺪﻱ ﻟﺘﺤﻤﻠﻴﻦ ﻧﻔﺴﺞ ﻣﺴﺆﻭﻟﻴﺔ ﻓﺪﻭﺓ ﻟﻴﺮﻭﺡ ﻳﺼﻴﺮ ﺑﻴﺞ ﺷﻲ ..
ﺻﺤﺖ ﻋﺒﻴﺮ ﺑﺲ ﻋﺒﻴﺮ ﺷﺎﻓﺖ ﺍﻟﻮﺿﻌﻴﺔ ﺗﻌﺒﺎﻧﻪ
ﺭﺍﺣﺖ ﻉ ﺻﻔﺎﺀ " ﻳﻼ ﺻﻔﺎﺀ ﺃﻣﺸﻲ ﺃﻫﻠﻲ ﺑﻌﻤﺮﻫﻢ ﻣﻤﺘﻌﺎﺭﻛﻴﻦ ﻫﺴﻪ ﺣﺒﻮﺍ ﻳﺴﺘﻌﺮﺿﻮﻥ ﻭﺃﻧﻲ
ﻗﻠﺒﻲ ﺧﻠﺼﺎﻥ ...
ﻧﺰﻟﺖ ﻋﺒﻴﺮ ﻇﻠﻴﺖ ﺻﺎﻓﻨﻪ ﻫﺎﻱ ﺷﺒﻴﻬﺎ ﺷﻮ ﻭﻻ ﻣﻬﺘﻤﻪ ﺃﻣﻲ ﺑﺲ ﺷﺎﻓﺖ ﻋﺒﻴﺮ ﻧﺰﻟﺖ ﻫﻲ ﻃﻔﺮﺕ ﺗﺮﻳﺪ ﺗﻄﻠﻊ ﻭﺭﺍﻫﺎ ﺣﺘﻰ ﺗﺮﻭﺡ ..
ﺻﺎﺡ ﻋﻠﻴﻬﺎ ﺑﺎﺑﺎ : ﻭﻳﻦ ﻭﻳﻦ ﻋﻴﻨﻲ ﺍﻧﻮﺏ ﺣﺘﻄﻠﻌﻴﻦ ﺑﺪﺷﺪﺍﺷﺘﺞ ﻣﻮ ﺷﻨﻮ ﻃﺮﻃﻮﺭ ﺃﻧﻲ ..
ﻭﻋﺎﻁ ﺑﻴﻬﺎ ﻓﻮﻭﻭﻭﺗﻲ ﺑﺪﻟﻲ ﻓﻀﻴﻨﺎ ﻳﻼ ..
ﻣﺎﻣﺎ ﻣﻨﺎﻗﺸﺖ ﺭﺍﺣﺖ ﻟﺒﺴﺖ ﺻﺎﻳﺘﻬﺎ ﻭﻃﻠﻌﺖ ..
ﻣﻦ ﻃﻠﻌﺖ ﻣﺎﻣﺎ ﺭﺟﻌﺖ ﻋﺒﻴﺮ ﻋﻠﻴﻨﺎ ﺑﺎﻭﺳﺘﻨﺎ
ﻭﺭﺍﺣﺖ ﻋﻠﻰ ﻣﺮﻳﻢ ﻟﺰﻣﺘﻬﺎ ﻭﻇﻠﺖ ﺗﺸﺎﻭﺭ ﺑﺎﺫﻧﻬﺎ
ﻭﻣﺮﻳﻢ ﺑﺲ ﺗﻬﺰ ﺑﺮﺍﺳﻬﺎ ، ﻭﺧﺮﺕ ﻋﻨﻬﺎ ﻭﻃﻠﻌﺖ ..
ﻃﻠﻌﺖ ﻋﺒﻴﺮ ﻭ ﻣﺮﻳﻢ ﻛﻠﺒﺖ ﺍﻟﺒﻴﺖ ﺑﺎﻟﺒﺠﻲ
ﺗﺪﺧﻞ ﻟﻠﻐﺮﻑ ﺗﺒﺠﻲ ﻭﺗﺼﻴﺢ ﻋﺒﻴﺮﺭﺭﺭ ﻭﺍﻟﻠﻪ
ﻣﺎﺍﺳﻮﻱ ﻭﻛﺎﺣﺔ ﺑﻌﺪ ﺣﺒﺎﺑﻪ ﺗﻌﺎﻟﻲ ﺍﻟﺪﻛﺘﻮﺭ ﺣﻘﻴﺮ
ﻭ ﺃﻭﻟﻬﻢ ﺻﻔﺎﺀ ﻳﻀﺮﺑﻮﻥ ﺃﺑﺮ ..
ﻭﻟﺞ ﺍﺭﺟﻌﻲ ﺍﺭﻳﺪ ﺍﺳﻜﺘﻬﺎ ﻣﺎﺍﻛﺪﺭ ﺍﺧﻴﺮ ﺷﻲ ﻛﺎﺑﻠﺘﻬﺎ ﻭﻛﻌﺪﺕ ﺃﺑﺠﻲ ﻭﻳﺎﻫﺎ ﺃﺧﺘﻲ ﻋﻤﻠﻴﺘﻬﺎ ﺻﻌﺒﺔ ﻭﺑﺮﺍﺳﻬﺎ ﺑﺠﺎﻩ ﺷﺒﺎﺏ ﺍﻟﻘﺎﺳﻢ ﺃﺧﺘﻲ ﺗﻄﻠﻊ ﻣﻨﻬﺎ ﺑﺎﻟﺴﻼﻣﻪ ﺭﺑﻲ ﺣﻖ ﺍﻟﺸﺒﺎﺏ ﻉ ﺍﻟﺸﺒﺎﺏ ﺑﺠﺎﻩ ﻧﺒﻴﻚ ﺍﻟﻤﺼﻄﻔﻰ ..
ﻛﻤﺖ ﺟﺮﻳﺖ ﻣﺮﻳﻢ
ﻭﺧﻠﻴﺘﻬﺎ ﻉ ﺭﺟﻠﻲ ﺗﻌﺒﺖ ﻣﻦ ﺍﻟﺒﺠﻲ ﻭﺣﺘﻰ ﺻﻮﺗﻬﺎ
ﻃﺒﻚ ﻣﻮﺗﺘﻨﻲ ﻳﻼ ﻧﺎﻣﺖ ﺭﺣﺖ ﺧﻠﻴﺘﻬﺎ ﺑﻔﺮﺍﺷﻬﺎ ...
ﺍﻧﺪﻛﺖ ﺍﻟﺒﺎﺏ ﻃﻠﻌﺖ ﺷﻔﺘﻪ ﺻﻔﺎﺀ ..
ﻛﺎﻝ ﺗﻌﺎﻟﻮﺍ ﻟﺒﻴﺘﻨﺎ ﺷﻨﻮ ﺑﺎﻗﻴﺎﺕ ﻭﺣﺪﻛﻢ ﺑﺎﻟﺒﻴﺖ ...
ﺯﻫﺮﺍﺀ : ﺑﺲ ﻣﺮﻳﻢ ﻧﺎﻣﺖ ﻭﺷﺴﻤﻪ ﺍﻧﻲ ..
ﺻﻔﺎﺀ : ﺯﻫﺮﺍﺀ ﺍﻭﻝ ﺷﻲ ﺑﻌﺪ ﻟﺘﻜﻮﻟﻴﻦ ﺷﺴﻤﻪ ﻫﺎﻟﻜﻠﻤﺔ
ﻋﻴﺐ ﺛﺎﻧﻲ ﺷﻲ ﻣﺮﻳﻢ ﻣﻴﺤﺘﺎﺟﻠﻬﺎ ﻛﺮﻳﻦ ﺗﺮﻯ ﻋﺎﺩﻱ
ﺃﻧﻲ ﺍﺷﻴﻠﻬﺎ ..
ﻫﺰﻳﺖ ﺭﺍﺳﻲ ﺑﻘﺒﻮﻝ ﻭﺗﺮﻛﺘﻪ ﻭﺭﺣﺖ ﺍﺧﺬﺕ ﻣﻼﺑﺲ ﺍﻟﻴﻪ ﻭﻟﻤﺮﻳﻢ ﻭﺭﺟﻌﺖ ﻟﻜﻴﺖ ﺻﻔﺎﺀ ﻛﺎﻋﺪ ﺩﻳﻨﺘﻈﺮﻧﻲ ﺟﺎﻥ ﻣﺨﻠﻲ ﺭﺍﺳﻪ ﺑﻴﻦ ﺍﺩﻳﻪ ﻭﻣﺪﻧﻚ ﺻﻔﻨﺖ ﻋﻠﻴﻪ ﺑﺪﻭﻥ ﻣﺎ ﺍﻧﻄﻖ ، ﺣﺲ ﺍﻛﻮ ﺣﺮﻛﺔ ﻳﻤﻪ ﺭﻓﻊ
ﺭﺃﺳﻪ ﻛﺎﻝ ﻫﺎ ﻛﻤﻠﺘﻲ ؟
ﺟﺎﻭﺑﺘﻪ ﺃﻱ
: ﺗﻤﺎﻡ ﻣﺮﻳﻢ ﻭﻳﻦ ﻧﺎﻳﻤﻪ ؟
.. ﺍﺷﺮﺗﻠﻪ ﻉ ﻏﺮﻓﺘﻲ ، ﺭﺍﺡ ﻟﻠﻐﺮﻓﺔ ﻭﺍﺟﻪ ﺷﺎﻳﻠﻬﺎ ﻃﻠﻊ ﻛﺪﺍﻣﻲ ﻟﻠﻄﺮﻣﺔ ﻭﺍﻧﻲ ﻗﻔﻠﺖ ﺑﺎﺏ ﺍﻻﺳﺘﻘﺒﺎﻝ .
ﺑﻘﻰ ﻭﺍﻛﻒ ﻳﻨﺘﻈﺮﻧﻲ ، ﻟﻤﻦ ﺧﻠﺼﺖ ﺑﺎﻭﻋﻠﻲ : ﻫﺎ ﺯﻫﺮﺍﺀ ﻛﻤﻠﺘﻲ ؟
ﻫﺰﻳﺖ ﺭﺃﺳﻲ ﻣﺪ ﺍﻳﺪﻩ ﺍﺧﺬ ﻣﻦ ﺃﻳﺪﻱ ﺟﻨﻄﺔ ﺍﻟﻤﻼﺑﺲ ﻭﺍﺷﺮﻟﻲ ﺑﺮﺍﺳﻪ : ﻳﻼ .. ﺣﺘﻰ ﺍﻃﻠﻊ ﻃﻠﻌﺖ ﻛﺪﺍﻣﻪ
ﻭﻫﻮ ﻗﻔﻞ ﺍﻟﺒﺎﺏ ﺍﻟﺮﺋﻴﺴﻲ ﻭﺭﺣﻨﺎ ﻟﺒﻴﺘﻬﻢ .....
ﺭﺣﻨﺎ ﻟﺒﻴﺘﻬﻢ ، ﺑﻘﻴﺖ ﺑﻴﺖ ﻋﻤﻮ ﻣﺤﺪ ﻣﻮﺟﻮﺩ ﺑﺲ ﻋﻤﻮ
ﻭﻋﻤﻪ ﻭﺻﻔﺎﺀ ﺍﺻﻼً ﻳﻄﻠﻊ ﺍﻟﺼﺒﺢ ﻭﻳﺮﺟﻊ ﺏ٢ ﻳﺎﻛﻞ
ﻭﻳﺮﺟﻊ ﻳﻄﻠﻊ ﻳﺸﺘﻐﻞ ﻭﻳﺎ ﺍﺳﺘﺎﺫﻩ ﺑﺎﻟﻌﻴﺎﺩﻩ ...
ﺑﻬﺎﻻﻳﺎﻡ ﺍﻟﻲ ﺑﻘﻴﺖ ﻳﻤﻬﻢ ﺣﺴﻴﺖ ﺑﻌﻤﺔ ﺗﺮﻳﺪ ﺗﻘﺮﺑﻨﻲ ﻣﻨﻪ
ﺑﺲ ﻛﻮﻟﺶ ﺍﻧﺰﻋﺠﺖ ﻻﻥ ﺃﻧﻲ ﻭﺍﻋﺪﺕ
ﻧﻔﺴﻲ ﺑﻌﺪ ﻣﺎﻟﻲ ﺩﺧﻞ ﺑﻲ ... ﺍﺭﻳﺪ ﺍﻃﻴﺐ ﻗﻠﺒﻲ ﻣﻦ ﻋﺸﻘﻪ ﺟﻨﺖ ﻣﺤﺘﺎﺟﺔ ﺍﺣﺪ ﻳﺒﻌﺪﻧﻲ ﻋﻨﻪ ﻣﻮ ﻳﻘﺮﺑﻨﻲ ..
ﺑﺲ ﻋﻤﻪ ﺟﺎﻧﺖ ﺗﻠﺢ ﻫﻮﺍﻱ ﺃﻛﻮﻱ ﻣﻼﺑﺲ ﺻﻔﺎﺀ ﺷﻮﻓﻲ ﺻﻔﺎﺀ ﻭﻳﻦ ﺍﺳﺄﻟﻲ ﺻﻔﺎﺀ ﻣﺎﻛﻞ ﻟﻮﻻ ..
ﻳﻮﻭﻭﻭﻭ ﺻﺮﻋﺘﻨﻲ ﺟﻨﺖ ﺃﻏﻠﺲ ﻭﺍﺩﺯ ﻣﺮﻳﻢ ﺗﺴﺄﻟﻪ ﺍﻟﻰ ﺃﻥ ﻓﺪ ﻳﻮﻡ ﻋﻤﻪ ﻛﺎﻟﻌﺎﺩﻩ ﺩﺯﺗﻨﻲ
ﺣﺘﻰ ﺃﺷﻮﻑ ﺻﻔﺎﺀ ﻳﺮﻳﺪ ﺃﻛﻞ ﺍﻭ ﻣﺎﻛﻞ ﻟﻮﻻ ﺭﺣﺖ
ﻟﻤﺮﻳﻢ : ﻣﺮﻳﻮﻣﻪ ﺣﺒﻴﺒﺘﻲ ﺭﻭﺣﻲ ﺍﺳﺄﻟﻲ ﺻﻔﺎﺀ ﻳﺮﻳﺪ
ﺃﻛﻞ ﻟﻮﻻ؟
: ﺍﻫﻮﻭﻭﻭ ﺩﺭﻭﺣﻲ ﺯﻫﺮﺍﺀ ﺍﻧﻲ ﺍﺟﻴﺖ ﻭﻳﺎﻛﻢ ﻫﻨﺎ
ﻻﻥ ﻣﺤﺪ ﺑﻘﻰ ﺑﺎﻟﺒﻴﺖ ﻣﺎﻟﺘﻨﺎ ﺑﺲ ﻣﻮ ﻣﻌﻨﺎﻫﺎ ﺗﺸﻮﻓﻴﻦ ﻣﺤﺪ ﻣﺎﻛﻮ ﻭﺗﺴﻮﻳﻨﻲ ﺧﺪﺍﻣﻪ ﻟﺼﻔﺎﺀ ﺫﺍﻙ ﻫﻮ ﺭﻭﺣﻲ ﺍﺳﺄﻟﻲ ﻭﺗﻌﺎﻟﻲ ﻏﻄﻴﻨﻲ ﺃﺭﻳﺪ ﺃﻧﺎﻡ ﺗﺮﻯ ﻭﺍﻟﻠﻪ ﺃﻛﻮﻡ ﺃﺑﺠﻲ ﻫﺴﻪ ﻉ ﻣﺎﻣﺎ ﻭﺑﺎﺑﺎ ﻭﻋﺒﻴﺮ ﻭﺍﺧﻠﻴﺞ
ﺗﺤﻴﺮﻳﻦ ﺑﻴﻪ ﻟﺘﻜﻮﻟﻴﻦ ﻣﺎ ﻛﺎﻟﺖ ....
ﻓﻜﺮﺕ ﺍﻭﻭ ﺷﺴﻮﻱ ﻫﺎﻱ ﺧﺎﻑ ﺻﺪﻭﻙ ﺗﺴﻮﻳﻬﺎ ﻭﺗﻈﻞ ﺗﺒﺠﻲ ﻫﻮ ﺃﻧﻲ ﻣﺨﻠﺼﺘﻬﺎ ﻭﻳﺎﻫﺎ ﻳﺎ ﻣﺴﺘﻮﺭﻩ ﺃﻧﺴﺘﺮﻱبيج قصص عراقيه حقيقيه من واقعنا.روعه الطائي
ﺭﺣﺖ ﻏﻄﻴﺘﻬﺎ ﺑﺎﻭﻋﺖ ﺑﻮﺟﻬﻪ ﻭﻋﻴﻮﻧﻲ ﺗﺘﻮﺳﻞ
_ ﻣﻴﻤﻮ ﺣﺒﻴﺒﻲ ﻣﺎﺑﻴﻬﺎ ﻣﺠﺎﻝ ﻫﺴﻪ ﺗﺸﻮﻓﻴﻦ
ﺻﻔﺎﺀ ..
ﺧﺰﺭﺗﻨﻲ ﻭﻏﻄﺖ ﺣﺘﻰ ﺭﺃﺳﻬﺎ ....
ﻇﻠﻴﺖ ﺍﻋﺼﺮ ﺑﻴﺪﻳﻪ ﻣﺤﺘﺎﺭﺓ ، ﺷﺴﻮﻱ ﻳﺎﺭﺑﻲ ﺷﻮﻥ ﻭﺭﻃﺔ ﺗﻮﺭﻃﺖ ﻭﺃﻧﻲ ﺑﻌﺪﻧﻲ ﺃﻓﻜﺮ ﺻﺎﺣﺖ ﻋﻤﻪ : ﻫﺎ ﻳﻤﻪ ﺯﻫﻮﺭﻩ ﻭﻳﻦ ﺻﺮﺗﻲ ﺷﻮ ﻣﺎﻟﺞ ﺻﻮﺕ ؟؟
ﺷﻠﻮﻥ ﻭﺭﻃﻪ ﺍﻫﻮﻭﻭﻭﻭ ﺍﺻﻌﺪ ﻭﺍﻣﺮﻱ ﻟﺮﺑﻲ ﺻﻌﺪﺕ
ﺩﻛﻴﺖ ﺍﻟﺒﺎﺏ ﻣﺎﻛﻮ ﺭﺩ ﻇﻠﻴﺖ ﺃﺩﻙ ﺑﺎﺏ ﻏﺮﻓﺘﻪ ﻭﻫﻮ
ﻣﺎﻛﻮ ﺃﻱ ﺟﻮﺍﺏ ..
ﻗﺮﺭﺕ ﺃﻓﺘﺢ ﺍﻟﺒﺎﺏ ﺧﺎﻑ ﻧﺎﻳﻢ ﻭﻣﻴﺴﻤﻊ ﺧﻠﻲ ﺑﺲ ﺃﻣﺪ ﺭﺍﺳﻲ ﺍﺷﻮﻑ ، ﻣﺪﻳﺖ ﺭﺍﺳﻲ ﻣﺎﻛﻮ ﺳﻤﻌﺖ ﺻﻮﺕ
ﺍﻟﺪﻭﺵ ﻛﻠﺖ ﺍﻳﻴﻴﻲ ﻫﻤﺰﻳﻦ ﺩﻳﺴﺒﺢ ﺧﻠﻲ ﺃﻓﻠﺖ ..
ﻗﺒﻞ ﻻ ﺍﻃﻠﻊ ﺍﻧﻔﺘﺤﺖ ﺑﺎﺏ ﺍﻟﺤﻤﺎﻡ ﻭﺻﺎﺭ ﺻﻔﺎﺀ
ﺑﻮﺟﻬﻲ ﻻﺑﺲ ﺑﺮﻧﺺ ﺑﺲ ﻣﻦ ﻳﻢ ﺍﻟﺨﺼﺮ ﻭﺻﺪﺭﻩ
ﻋﺎﺭﻱ ...
ﻋﺰﺯﺯﺯﺯﺍ ﻭﺟﻬﻲ ﻛﺎﻡ ﻳﻨﻄﻲ ﺍﻟﻮﺍﻥ ﺍﺣﺘﺎﺭﻳﺖ ﺷﻨﻮ ﺍﺣﺠﻲ
ﻫﻮ ﺻﺎﻓﻦ ﺑﻮﺟﻬﻲ ﻟﺰﻣﺖ ﺍﻃﺮﺍﻑ ﺷﻌﺮﻱ ﻣﺘﻮﺗﺮﺓ ﻭﺍﻧﺪﺏ
ﺣﻈﻲ ﺩﻧﻜﺖ ﻭﺍﺣﺠﻲ ﺑﻘﻠﺒﻲ .. ﺷﺪﻋﻲ ﻋﻠﻴﺞ ﻋﻤﻪ ﺍﻟﻠﻪ ﻳﺎﺧﺬﻧﻲ ..
ﺭﻓﻌﺖ ﺭﺍﺳﻲ ﺍﺭﻳﺪ ﺍﺣﺠﻲ ﻭﻳﺎ ﺷﻔﺘﻪ ﻋﻠﻰ ﻉ ﺻﻔﻨﺘﻪ ﻻ ﻣﺘﺤﺮﻙ ﻣﻦ ﻣﻜﺎﻧﻪ ﻭﻻﺷﻲ ﺑﺲ ﻣﺨﻠﻲ ﺍﻟﺨﺎﻭﻟﻲ ﻉ ﺷﻌﺮﻩ ﻭﺩﻳﻨﺸﻒ ﺑﻲ ﻭﻣﻨﺘﻈﺮﻧﻲ ﺃﺣﺠﻲ ..
: ﺧﻴﺮ ﺯﻫﻮﺭﻩ ﻣﻮ ﻣﻦ ﻋﻮﺍﻳﺪﺝ ﺗﺼﻌﺪﻳﻦ ﻟﻐﺮﻓﺘﻲ ﻣﺤﺘﺎﺟﻪ ﺷﻲ ﺃﻣﺮﻳﻨﻲ ﺑﺎﻟﺨﺪﻣﻪ ﺃﻧﻲ
: ﻻ ﺑﺲ ﺷﺴﻤﻪ
ﺗﻘﺮﺏ ﻋﻠﻴﻪ : ﺃﻧﻲ ﻛﻢ ﻣﺮﺓ ﺃﻛﻮﻟﺞ ﺑﻄﻠﻲ ﺗﻜﻮﻟﻴﻦ ﺷﺴﻤﻪ ﻋﻴﺐ ﻫﺎﻟﻜﻠﻤﻪ ﻭﺍﻟﺸﺎﺭﻉ ﻣﻨﺤﺮﻑ
ﻳﻔﺴﺮﻫﺎ ﺗﻔﺴﻴﺮ ﻣﺤﻠﻮ ﻭﻫﺴﻪ ﺍﺗﺮﻛﻲ ﺍﻟﺒﺲ ﻭﺍﻟﺸﺴﻤﻪ
ﻭﻛﻮﻟﻴﻠﻲ ﺷﺘﺮﻳﺪﻳﻦ
.. ﺻﺎﺭ ﻗﺮﻳﺐ ﻋﻠﻴﻪ ، ﺃﻧﻲ ﺻﺢ ﺍﺑﺘﻌﺪﺕ ﻋﻨﺎ ﺑﺲ ﻗﻠﺒﻲ ﻳﺤﺒﻪ ﻭﺩﺍﻃﺒﻖ ﻧﺼﻴﺤﺔ ﺍﻣﻲ ﺍﺑﺘﻌﺪﻱ ﻋﻨﻪ ﻭﺍﻛﺴﺒﻲ ﻛﺮﺍﻣﺘﺞ ﻭﺣﺒﺞ ﺃﺧﻔﻲ ..
ﻭﺍﻧﻲ ﺩﺍﺍﻣﺸﻲ ﺣﺴﺐ ﻛﻼﻣﻬﺎ ﻳﻌﻨﻲ ﻧﺒﺾ ﻗﻠﺒﻲ ﺑﺤﺒﻪ ﺷﻲ ﻣﻮ ﺑﻴﺪﻱ ﺑﺲ ﺃﻧﻲ ﺍﻟﻲ ﺑﻴﺪﻱ ﺍﻻﺑﺘﻌﺎﺩ ﻋﻨﻪ ﻭﺍﻟﺤﻤﺪﻟﻠﻪ ﺃﺑﺘﻌﺪﺕ ..
ﺭﻓﻌﺖ ﺭﺍﺳﻲ ﺑﺎﻭﻋﺖ ﺻﻔﺎﺀ ﻗﺮﻳﺐ ﻋﻠﻴﻪ
ﻭﻣﺪﻧﺞ ﻟﻤﺴﺘﻮﺍﻳﻪ ﻣﻨﺘﻈﺮﻧﻲ ﺍﺣﺠﻲ ..
ﺩﺭﺕ ﻭﺟﻬﻲ ﻣﻨﻪ ﻟﻔﻴﺖ ﺍﺭﻳﺪ ﺍﻃﻠﻊ ﺑﺲ ﻣﺘﻮﺗﺮﺓ ﻭﺍﺭﺟﻒ ﻣﺜﻞ ﻛﻞ ﻣﺮﺓ ﺍﺷﻮﻓﻪ ﺍﺗﻮﺗﺮ ﻭﺍﺭﺟﻒ ، ﻟﻔﻴﺖ ﺑﺴﺮﻋﻪ ﺍﺟﻴﺖ ﺩﺍﺍﻃﻠﻊ ﻣﻦ ﺍﻟﻐﺮﻓﻪ ﻋﻮﺩ ﺩﺍﺍﻧﻬﺰﻡ ، ﺭﺟﻠﻲ ﺍﻧﺼﺪﻣﺖ ﺑﺤﺎﻓﺔ ﺍﻟﻤﻴﺰ ﺗﻮﺟﻌﺖ ﻛﻠﺶ ﻭﺍﻟﺘﻮﺕ ﺭﺟﻠﻲ ﻭﺟﻴﺖ ﺩﺍ ﺍﻭﻛﻊ ﺑﺲ
ﺻﻔﺎﺀ ﻟﺤﻚ ﻋﻠﻴﻪ ﻭﻟﺰﻣﻨﻲ ﻣﻦ ﺍﻳﺪﻱ ﻭﺳﺤﺒﻨﻲ ﺍﻟﻪ ..
ﻭﻛﺎﻝ ﺍﻟﻠﻪ ﺍﻟﻠﻪ ﺷﺒﻴﺞ ﻳﻤﻌﻮﺩﻩ ﻛﻞ ﻣﺘﺸﻮﻓﻴﻨﻲ ﺗﻮﻛﻌﻴﻦ ﺗﺮﻯ ﻭﺍﻟﻠﻪ ﺑﺸﺮ ﻣﺜﻠﺞ ﻣﻮ ﺑﻌﺒﻊ ..
ﺻﻔﺎﺀ : ﻣﻦ ﺳﺤﺒﺘﻬﺎ ﻣﻦ ﺍﻳﺪﻫﺎ ﻭﻭﻛﻔﺘﻬﺎ ﻋﺪﻝ ﺑﺎﻭﻋﺖ ﻣﻼﻣﺤﻬﺎ ﺗﺘﺄﻟﻢ ، ﺧﺪﻭﺩﻫﺎ ﺍﺷﺘﻌﻠﺖ ﺻﺎﺭﺕ ﺟﻤﺮ ﻣﻦ ﺍﻟﺨﺠﻞ ..
ﺑﻘﺖ ﻣﻐﻤﻀﻪ ﻋﻴﻮﻧﻬﺎ ﺣﻴﻴﻞ ﻭﺍﺩﻳﻬﺎ ﻉ ﺻﺪﺭﻱ
ﺩﻓﻌﺘﻨﻲ ﻭﻧﺰﻟﺖ ﺗﺮﻛﺾ ..
ﻇﻠﻴﺖ ﺃﺿﺤﻚ ﻋﻠﻴﻬﺎ ﺷﻜﺪ ﻣﺘﻐﻴﺮﻩ ، ﺑﺎﻭﻋﺖ ﻉ
ﻧﻔﺴﻲ : ﺍﺷﺘﻌﻠﻮﺍ ﺃﻫﻠﻚ ﺻﻔﺎﺀ ﺑﻴﻚ ﺑﺨﺖ ﻣﻮﻛﻊ ﺍﻟﺒﺮﻧﺺ ﻣﺎﻝ ﺍﻟﺤﻤﺎﻡ ﺟﺎﻥ ﺻﺎﺭ ﻓﻠﻢ ﺍﺑﺎﺣﻲ ﻻ ﻭﺍﻧﻮﺏ ﺻﺎﻳﺮ
ﻣﻨﻘﺬ ﻭﺧﻠﺼﺖ ﺍﻟﺒﻨﻴﺔ ﻣﻦ ﻭﻛﻌﺔ ﻣﻌﺪﻟﻪ ﻭﺍﻧﺖ ﺟﺎﻥ
ﻭﻛﻊ ﺍﻟﺒﺮﻧﺺ ﻭﺗﺼﻴﺮ ﺑﻴﻚ ﻓﻀﻴﺤﺔ ﻣﻌﺪﻟﻪ ..
ﺯﻫﺮﺍﺀ : ﺗﺮﻛﺘﻪ ﻭﻧﺰﻟﺖ ﻗﻠﺒﻲ ﻧﺒﻀﺎﺗﻪ ﺍﺣﺲ ﺍﻟﻜﻞ
ﻳﺴﻤﻌﻬﺎ ﺑﺴﺮﻋﻪ ﺗﻮﺟﻬﺖ ﻟﻔﺮﺍﺵ ﻣﺮﻳﻢ ﺟﺮﻳﺘﻬﺎ ﻟﺤﻀﻨﻲ ﻭﻏﻤﻀﺖ ﻋﻴﻮﻧﻲ ﻗﻮﻱ ﻣﻦ ﺍﻟﻔﺸﻠﻪ ﺭﺩﺕ
ﺑﺲ ﺃﻧﺎﻡ ﻣﻦ ﺗﻜﻌﺪ ﻣﺮﻳﻢ ﺍﺧﺬﻫﺎ ﻭﺍﺭﻭﺡ ﻟﺒﻴﺘﻨﺎ ﻭﺍﺧﺎﺑﺮ ﻉ ﻋﻤﻮ ﺍﺑﻮ ﻛﺮﺍﺭ ﻳﺪﺯ ﺃﺑﻨﻪ ﺳﺮﻣﺪ ﻭﺯﻭﺟﺘﻪ ﻳﻤﻨﺎ
ﻣﺴﺘﺤﻴﻞ ﺍﺑﻘﻰ ﻫﻨﺎ ﺑﻌﺪ ﻫﺎﻱ ﻋﻤﻪ ﺗﻠﺢ ﻭﺃﻧﻲ ﻣﻨﺎ ﺑﺲ
ﺍﺷﻮﻑ ﺻﻔﺎﺀ ﺍﺻﻴﺮ ﺯﻣﺎﻟﻪ ﺍﻛﻮﻡ ﺃﻣﺸﻲ ﺑﺎﻟﻤﻠﻜﻮﺏ ..
ﺷﻠﻲ ﺑﻬﺎﻟﺪﻭﺧﻪ ﺍﺭﺟﻊ ﻟﺒﻴﺘﻨﺎ ﺃﺣﺴﻦ ﻭﺍﻧﻲ ﺑﻴﻦ ﻫﺎﻟﺘﻔﻜﻴﺮ ﻧﻤﺖ ﻣﻦ ﻛﻌﺪﺕ ﻃﻠﻌﺖ ﻣﻦ ﺍﻟﻐﺮﻓﺔ ..
ﻃﻠﻴﺖ ﻣﻦ ﺍﻟﺸﺒﺎﻙ ﻟﻜﻴﺖ ﺻﻔﺎﺀ ﺑﺎﻟﺤﺪﻳﻘﻪ
ﻭﺍﻧﻲ ﺟﻨﺖ ﻣﺤﻀﺮﻩ ﻧﻔﺴﻲ ﺩﺍﺍﺭﻳﺪ ﺍﺭﺟﻊ ﻟﺒﻴﺘﻨﺎ
ﺑﺲ ﻣﺮﻳﻢ ﻣﻌﺎﻧﺪﻩ ﺑﺲ ﺗﺒﺠﻲ ﺗﺮﻳﺪ ﺗﺒﻘﻰ ﻫﻨﺎ ﺣﻘﻬﺎ
ﺍﺫﺍ ﺻﻔﺎﺀ ﻣﺪﻟﻠﻬﺎ ﻭﻳﻦ ﻣﻴﺮﻭﺡ ﻫﻲ ﻭﻳﺎ ﺑﺲ ﺑﺎﻟﻠﻴﻞ
ﺗﺒﺠﻲ ﻉ ﻋﺒﻴﺮ ﻭﻣﺎﻣﺎ ﻭﺑﺎﺑﺎ ﺗﺘﻌﺐ ﻭﺗﻨﺎﻡ ﺃﺧﻴﺮ ﺷﻲ
ﻋﻄﺖ ﺑﻴﻬﺎ ﺳﻜﺘﺖ ﺟﺮﻳﺘﻬﺎ ﻣﻦ ﺃﻳﺪﻫﺎ ﻋﻤﻪ
ﻣﺎﻛﻮ ﺭﺍﻳﺤﻪ ﻳﻢ ﺑﻴﺖ ﺃﺧﻮﻫﺎ ﻭﻋﻤﻮ ﻧﺎﻳﻢ ﻃﻠﻌﺖ
ﻟﻠﻄﺮﻣﻪ ﺻﻔﺎﺀ ﺑﺲ ﺳﻤﻊ ﺻﻮﺕ ﺍﻟﺒﺎﺏ ﻣﺎﻝ ﺍﻟﻤﻄﺒﺦ
ﺍﻧﻔﺘﺢ ﺭﻓﻊ ﺭﺃﺳﻪ ﺟﺎﻥ ﺩﻳﻘﺮﺃ ﺷﺎﻓﻨﻲ ﻭﺑﻴﺪﻱ ﺟﻨﻄﺘﻨﺎ
ﺍﺳﺘﻐﺮﺏ ﺃﺟﻪ ﻋﻠﻴﻪ
ﺻﻔﺎﺀ : ﺧﻴﺮ ﺯﻫﺮﺍﺀ ﻭﻳﻦ ؟
ﺯﻫﺮﺍﺀ : ﻟﺒﻴﺘﻨﺎ
ﺟﺎﻭﺑﻨﻲ ﻟﻴﺶ ﺃﻛﻮ ﺃﺣﺪ ﺯﻋﺠﺞ ﻗﺼﺮﻧﺎ ﻭﻳﺎﺝ ﺑﺸﻲ
ﺍﺫﺍ ﻣﺘﻀﺎﻳﻘﻪ ﻣﻦ ﻭﺟﻮﺩﻱ ﺑﺎﻟﺒﻴﺖ ﺃﻃﻠﻊ ﺍﺭﻭﺡ ﻳﻢ
ﺟﻤﺎﻋﺘﻲ ﺍﻣﺎ ﻣﺎﻝ ﺗﺮﺟﻌﻴﻦ ﻟﺒﻴﺘﻜﻢ ﻣﺴﺘﺤﻴﻴﻴﻞ ﺃﻗﺒﻞ
ﺍﺑﻘﻲ ﺍﻧﻲ ﺃﻃﻠﻊ ﻣﻦ ﺍﻟﺒﻴﺖ ...
ﺯﻫﺮﺍﺀ : ﻻ ﺻﻔﺎﺀ ﻣﻮ ﻫﻴﺞ ﻭﺍﻟﻠﻪ ﻣﻤﺘﻀﺎﻳﻘﻪ ﻣﻦ ﻭﺟﻮﺩﻙ ﻫﻮ ﺑﻴﺘﻚ ﻭﺃﻧﻲ ﻣﻀﺎﻳﻘﺘﻜﻢ ﺑﻲ ..
ﺩﺍ ﺃﺣﺠﻲ ﻭﻣﺮﻳﻢ ﺑﺲ ﺗﺮﻳﺪﻟﻬﺎ ﻓﺮﺻﻪ ﺣﺘﻰ ﺗﺒﻘﻰ ﻳﻢ ﺻﻔﺎﺀ ﻛﻞ ﺷﻮﻳﻪ ﻭﻛﺎﻟﺖ ﺃﻱ ﻧﺒﻘﻰ ﻫﻨﺎ ﺷﻜﻮ ﺭﺍﻳﺤﻴﻴﻦ ﻫﻨﺎﻙ
ﻣﺤﺪ ﻳﻄﻠﻌﻨﻲ ﻭﻣﺤﺪ ﻳﺸﺘﺮﻳﻠﻲ ﺑﺎﻭﻋﺘﻠﻬﺎ ﻭﺧﺰﺭﺗﻬﺎ ﺳﻜﺘﺖ
ﺻﻔﺎﺀ ﺍﻧﺘﺒﻪ ﺿﺤﻚ ﺍﺧﺬ ﺍﻟﺠﻨﻄﻪ ﻣﻦ ﺃﻳﺪﻱ ﻭﺩﺧﻞ
ﺻﻔﺎﺀ : ﺗﻌﺎﻟﻲ ﺃﺩﺧﻠﻲ ﺷﻜﻮ ﻭﺍﻛﻔﻪ ﺑﻌﺪﺝ ﻛﻞ ﻋﻘﻠﺞ
ﺃﺧﻠﻴﺞ ﺗﻄﻠﻌﻴﻦ
ﺯﻫﺮﺍﺀ ﻓﺘﺖ ﻭﺭﺍﻩ ﻭﻣﺪﺭﻱ ﺷﺠﺎﻧﻲ ﻇﻠﻴﺖ ﺍﺑﺠﻲ ﻭﺍﺣﺠﻲ : ﺻﻔﺎﺀ ﺣﺒﺎﺏ ﺍﻟﻠﻪ ﻳﺨﻠﻴﻚ ﺟﻴﺐ ﺍﻟﺠﻨﻄﻪ ﺍﺭﻳﺪ
ﺃﺭﻭﺡ ﻟﺒﻴﺘﻨﺎ ﻭﺑﻌﺪﻳﻦ ﺃﺣﻨﻪ ﻣﻮ ﺑﻌﻴﺪﻳﻦ ﻋﻠﻴﻜﻢ ﻫﻮ
ﺣﺎﻳﻂ ﻉ ﺣﺎﻳﻂ ﻣﺎﻛﻮ ﺩﺍﻋﻲ ﺃﺑﻘﻰ ﻳﻤﻜﻢ
ﺗﺒﺎﺩﻟﻨﺎ ﺍﻟﻨﻈﺮﺍﺕ ﺟﺎﻧﺖ ﻧﻈﺮﺍﺗﻪ ﻣﺼﺪﻭﻣﻪ ﻭﺍﻧﻲ ﺍﺑﺎﻭﻋﻠﻪ ﺑﺮﺟﺎﺀ ﺑﺎﻭﻉ ﻟﻤﺮﻳﻢ ﻭﺍﻛﻔﻪ ﺩﺗﺒﺎﻭﻉ ﻋﻠﻴﻨﺎ
ﺍﺷﺮﻟﻬﺎ ﺗﻔﻮﺕ ﺟﻮﺍ
ﻓﺮﺣﺖ ﺭﺍﺣﺖ ﺗﺮﻛﺾ ﺍﺟﻪ ﻋﻠﻴﻪ ﻣﺪ ﺍﻳﺪﻩ ﻟﻮﺟﻬﻲ
ﻣﺴﺢ ﺩﻣﻮﻋﻲ ..
_ ﺃﻧﻲ ﺃﻋﺮﻑ ﻟﻴﺶ ﺗﺮﻳﺪﻳﻦ ﺗﻄﻠﻌﻴﻦ ﻣﻦ ﺑﻴﺘﻨﺎ
ﺍﻛﻴﺪ ﺑﺴﺒﺐ ﺍﻟﻲ ﺻﺎﺭ ﺍﻟﻴﻮﻡ ﻭﺑﻌﺪﻳﻦ ﻫﺎﻟﺸﻲ ﺗﺮﻯ
ﺗﺎﻓﻪ ﻫﻮ ﺻﺎﺭ ﻗﺎﺑﻞ ﺃﻧﺘﻲ ﻣﺘﻌﻤﺪﻩ ﺑﺲ ﺃﻧﺘﻲ ﺑﺴﺒﺐ
ﻭﺿﻌﺞ ﺗﻜﺒﺮﻳﻦ ﺍﻻﻣﻮﺭ ﻭﺗﻬﻮﻟﻴﻨﻬﺎ ﻭﺍﻻ ﺃﻧﻲ ﻫﺎﻟﺸﻲ - ﻣﻮ ﺑﺒﺎﻟﻲ
ﺃﺑﺪ ﻋﺎﺩﻱ ﻋﺜﺮﺗﻲ ﻭﻭﻛﻌﺘﻲ ﻓﺪﻭﺓ ، ﺯﻫﻮﺭﻩ ﻟﺘﻜﺒﺮﻳﻦ
ﺍﻻﻣﻮﺭ ﻭﻫﺴﻪ ﺃﻧﻲ ﺟﻮﻋﺎﻥ ﻭﻫﺎﻱ ﻋﻤﺘﺞ ﺗﻮﺳﻠﺖ
ﺑﻴﻬﺎ ﺗﺴﻮﻳﻠﻲ ﺃﻛﻞ ﻣﻘﺒﻠﺖ ﺗﻜﻮﻝ ﺗﻜﻌﺪ ﺑﻨﺖ ﻋﻤﻚ
ﻭﺗﺴﻮﻳﻠﻚ ﺣﺠﻴﺘﻬﺎ ﻭﺍﻧﻲ ﺍﺿﺤﻚ
ﻫﻮ ﻳﺤﺠﻲ ﻭﺍﻧﻲ ﺍﻋﺼﺮ ﺑﻴﺪﻳﻪ ﻭﺍﺣﺲ ﺍﺣﺘﺮﻳﺖ ﻭﺣﺒﺎﺕ ﻋﺮﻙ ﺗﻮﻟﺪﺕ ﻋﻠﻰ ﺟﺒﻴﻨﻲ ﻫﺰﻳﺖ ﺭﺍﺳﻲ ﺑﺮﺿﺎ
ﺭﺣﺖ ﻟﻠﻤﻄﺒﺦ ﻭﺑﻠﺸﺖ ﺍﺳﻮﻳﻠﻪ ﺍﻛﻞ ، ﻭﺍﻓﻜﺮ ﺑﻠﻲ ﻛﺎﻟﻪ ﺍﻛﻴﺪ ﻛﻼﻣﻪ ﺻﺢ ﺃﻧﻲ ﻣﻜﺒﺮﻩ ﺍﻻﻣﻮﺭ ﺑﺴﺒﺐ ﺗﻔﻜﻴﺮﻱ
ﺧﻠﻲ ﺃﺑﻘﻰ ﻫﻨﺎ ﺍﻟﻰ ﺃﻥ ﺗﻄﻠﻊ ﻋﺒﻴﺮ ﻭﻧﺮﺟﻊ ﻟﺒﻴﺘﻨﺎ .....
ﺻﻔﺎﺀ .. ﻃﻠﻌﺖ ﻟﻠﺪﻭﺍﻡ ﻫﺴﺘﻮﺓ ﻣﺨﻠﺺ ﻣﺤﺎﺿﺮﺗﻴﻦ
ﺍﺟﺎﻧﻲ ﺍﺗﺼﺎﻝ ﻣﻦ ﺍﻣﻲ ﻓﺘﺤﺖ ﺧﻂ ﺍﺟﺎﻧﻲ ﺻﻮﺗﻬﺎ ﻳﻠﻌﻠﻊ
: ﻭﻟﻚ ﺻﻔﺎﺀ ﺗﻌﺎﻝ ﺍﻟﺤﻜﻨﻲ ﺍﺑﻮﻙ ﺭﺍﺡ ﻳﻤﻮﺗﻨﻲ ﺍﺫﺍ ﻣﺘﺠﻲ ﺍﺣﺮﻛﻬﺎ ﻟﺮﻭﺣﻲ ﻭﺍﻟﻠﻪ ...
ﻳﺘﺒﻊ
