#غريبه_في_المدينه
بقلم نور حيدر
١٦_______١٧
#بارت١٦
ﻧﺸﺮﺕ ﺍﻟﺒﺎﺭﺕ ﺣﺴﺐ ﻃﻠﺒﻜﻢ ﻭﻣﺎﻛﺪﺭﺕ ﺍﺗﺄﺧﺮ ﻋﻠﻴﻜﻢ ﺍﻛﺜﺮ ﻣﻦ ﻫﻴﺞ ﻻﻥ ﻣﺸﺘﺎﻗﺘﻠﻜﻢ ﻭﺍﺷﻜﺮ ﻛﻞ ﺷﺨﺺ ﺻﺒﺮ ﻋﻠﻴﻪ ﻭﺍﻧﺘﻈﺮﻧﻲ ﻓﺪﻳﺘﻜﻢ ﺍﺣﺒﻜﻢ ﻧﻔﺮ ﻧﻔﺮ ❤❤
............................................................................
#بارت١٦
ﻏﺮﻳﺒﻪ ﻓﻲ ﺍﻟﻤﺪﻳﻨﻪ 🍃
ﺑﻘﻠﻢ : ﻧﻮﺭ ﺣﻴﺪﺭ ✍
ﺍﺑﺘﺮﻭﺍ ﻋﻼﻗﺎﺗﻜﻢ ﺍﻟﻤﺤﺮﻣﺔ ﻓﺘﻔﺎﺻﻴﻠﻬﺎ ﺍﻟﺠﻤﻴﻠﺔ ﻟﻴﺴﺖ ﺳِﻮﻯ ﺁﺛﺎﻡ ﺗﻤﻸ ﺻﺤﺎﺋﻔﻜﻢ ، ﻛﻮﻧﻮﺍ ﺃﻛﺜﺮ ﻗﻮﺓ ﻭﺃﻋﺘﻘﻮﻫﺎ ﻟﻮﺟﻪ ﺍﻟﻠﻪ ️♥
.......
ﻫﻠﻮﻭﻭ ﺣﺒﺎﻳﺒﻲ ﺷﻠﻮﻧﻜﻢ ﻃﺒﻌﺎ ﺍﻟﺒﺎﺭﺣﻪ ﺍﻋﺮﻑ ﻗﺼﺮﺕ ﻭﻳﺎﻛﻢ ﻭﺑﺎﺭﺕ ﻗﺼﻴﺮ .. ﻓﺎﺍ ﺣﺒﻴﺖ ﺍﻟﻴﻮﻡ ﺍﺳﻮﻳﻠﻜﻢ ﺗﻌﻮﻳﺾ ﻓﺎ ﺳﻮﻳﺖ ﻫﺬﺍ ﺍﻟﺒﺎﺭﺕ ٣٢٢٩ﻛﻠﻤﻪ ﺣﺘﻰ ﻻ ﺗﺰﻋﻠﻮﻥ ﻣﻨﻲ ﻻﻧﻲ ﺍﺣﺒﻜﻢ ﻭﻣﺎﺍﺗﺤﻤﻞ ﺯﻋﻠﻜﻢ ﻓﺪﻳﺘﻜﻢ ﻧﻔﺮ ﻧﻔﺮ ❤❤😍
...........
ﻭﺭﻭﺩ / ﺻﺎﺭ ﺍﻟﻴﻮﻡ ﺍﻟﻲ ﻳﻨﻜﺘﺐ ﺃﺳﻤﻲ ﺑﺄﺳﻢ ﺃﻳﺎﺱ ﻛﻌﺪﺕ ﻭﺍﺣﺲ ﺭﺍﺡ ﻳﻨﻔﺠﺮ
ﺷﻔﺖ ﺍﻟﺴﺎﻋﻪ ﺏ ٨ ﺍﻟﺼﺒﺢ ﻃﺒﻌﺎ ﻛﻌﺪﺕ ﺑﻌﺪ ﺭﺯﺍﻳﻞ ﺍﻣﻲ
: ﻛﺎﻓﻲ ﻧﻮﻭﻡ ﺍﻟﻨﺎﺱ ﺭﺍﺡ ﺗﺠﻲ ﻭﺍﻧﺘﻲ ﺑﻌﺪﺝ
ﻫﻴﺎ ﻭﻳﻦ ﺗﺠﻲ ﻫﺴﻪ ﻭﻫﻴﺎ ﺏ٨ ﺷﻌﺪﻫﻢ
ﻛﻤﺖ ﺑﺜﻘﻞ ﻭﺍﺣﺲ ﺟﺴﻤﻲ ﻧﺤﻼﻥ ﻭﻋﻴﻮﻧﻲ ﺗﺤﺮﻛﻨﻲ ﺩﺧﻠﺖ ﻟﺤﻤﺎﻡ ﺳﺒﺤﺖ ﻭﻃﻠﻌﺖ ﺷﺴﻮﺭﺕ ﺷﻌﺮﻱ ﻻﻥ ﺍﻟﺠﻮ ﺻﺎﺭ ﺑﺎﺭﺩ ﻣﺸﻄﺘﻪ ﻭﻧﺰﻟﺖ ﺟﻮﻭﻩ ﻟﻜﻴﺘﻬﻢ ﻛﻠﻬﻢ ﻛﺎﻋﺪﻳﻦ
ﻭﻣﺨﺒﻮﺻﺎﺕ ﺣﺘﻰ ﺟﻮﺭﻱ ﺍﺧﺘﻲ ﺍﺟﺖ ﺳﻠﻤﺖ ﻋﻠﻴﻪ ﻋﻔﺘﻬﻦ ﻭﺩﺧﻠﺖ ﻟﻠﻤﻄﺒﺦ ﺳﻮﻳﺘﻠﻲ ﺟﺎﻱ ﻭﻛﻌﺪﺕ ﺍﺷﺮﺏ ﻻﻥ ﺍﺣﺲ ﺭﺍﺳﻲ ﺻﺪﻉ
ﻇﻠﺖ ﻓﻜﺮﻩ ﺗﺠﻴﻨﻲ ﻭﺗﻮﺩﻳﻨﻲ ﺻﺤﻴﺖ ﻣﻦ ﺻﻔﻨﺘﻲ ﻋﻠﻰ ﺿﺮﻏﺎﻡ ﺍﻟﻲ ﻛﺎﻋﺪ ﻛﺒﺎﻟﻲ ﻭﻳﺒﺎﻭﻋﻠﻲ
ﺍﻧﻲ ﻧﺰﻟﺖ ﺭﺍﺳﻲ ﻣﺎﺭﻳﺪ ﺍﺷﻮﻓﻪ ﻻﻥ ﻫﻤﺎ ﺍﻟﺴﺒﺐ ﺑﻠﻲ ﺻﺎﻳﺮ ﻭﻳﺎﻱ ﻫﺴﻪ
ﻛﻤﺖ ﻣﻦ ﻣﻜﺎﻧﻲ ﺣﺘﻰ ﺑﺪﻭﻥ ﻣﺎﺍﺣﺎﺟﻴﻪ ﺑﺲ ﺻﻮﺗﻪ ﻭﻗﻔﻨﻲ
: ﻭﺭﻭﺩ ﺗﻌﺎﻱ ﺧﻞ ﺍﺣﺠﻲ ﻭﻳﺎﺝ
ﻛﺘﻠﻪ ﻭﺍﻟﻌﺒﺮﻩ ﺧﺎﻧﻜﺘﻨﻲ : ﻣﺎﻛﻮ ﺷﻲ ﻧﺤﺠﻲ ﺑﻴﻪ ﺍﻟﻲ ﺳﻮﻳﺘﻮ ﺻﺎﺭ ﺑﻌﺪ ﺧﻠﺺ ﺷﺘﺮﺩﻭﻥ ﻣﻨﻲ
: ﺷﻨﻲ ﻳﺎﻭﺭﻭﺩ ﻫﺎﻱ ﺍﺣﺘﺮﺍﻣﺞ ﻻﺧﻮﺝ ﻣﻨﻄﻴﺘﻪ ﻇﻬﺮﺝ ﻭﺗﺤﺠﻴﻦ ﻭﻳﺎﺍﻩ ﺍﻓﺎﺍ ﻋﻠﻴﺞ
ﺍﻟﺘﻔﺖ ﻋﻠﻴﻪ ﻭﺍﻧﻲ ﻣﻘﻬﻮﺭﻩ ﻛﻠﺶ : ﻟﻌﺪ ﺍﻧﺖ ﻭﻳﻨﻚ ﻳﺎﺧﻮﻱ ﻣﻦ ﺟﺒﺮﺗﻮﻧﻲ ﻋﻠﻰ ﺍﻟﺰﻭﺍﺝ ﻭﻏﺼﺒﺘﻮﻧﻲ
ﻛﺎﻡ ﻣﻦ ﻣﻜﺎﻧﻪ ﻭﺍﺟﻪ ﺍﺗﻘﺪﻡ ﻋﻠﻴﻪ ﺑﺎﺳﻨﻲ ﻣﻦ ﺭﺍﺳﻲ : ﺣﻘﺞ ﺑﻬﺬﺍ ﺍﻟﺸﻲ ﻻﻥ ﻣﺎﺍﺧﺬﻧﻪ ﺭﺍﻳﺞ ﺑﺲ ﻭﺍﻟﻠﻪ ﺃﻳﺎﺱ ﻣﻨﺎ ﻭﺑﻴﻨﻪ ﺍﺣﺴﻦ ﺍﻟﺞ ﻣﻦ ﺍﻟﻐﺮﻳﺐ ﻭﻧﻌﺮﻓﻪ ﻭﻧﻌﺮﻑ ﺍﺧﻼﻗﻪ ﻭﻫﻮ ﺭﺍﺩﺝ ﻭﺣﺠﺎﻫﺎ ﻛﺪﺍﻡ ﺍﻟﻨﺎﺱ ﻳﻌﻨﻲ ﺍﻧﺘﻲ ﺻﺮﺗﻲ ﺍﻟﻪ ﻭﺍﻟﻨﺎﺱ ﻋﺮﻓﺖ ..
ﺳﺎﻣﺤﻴﻨﻲ ﻳﺎﺧﻮﺝ ﻣﻦ ﻏﺼﺒﺘﺞ ﺑﺲ ﻭﺍﻟﻠﻪ ﺗﺠﻴﻦ ﻋﻠﻰ ﻳﻮﻡ ﻭﺗﺸﻜﺮﻳﻨﻲ ﻻﻥ ﻏﺼﺒﺘﺞ ﻭﻋﺎﺩ ﻛﺎﻓﻲ ﻻ ﺗﺰﻋﻠﻴﻦ ﺗﺮﻯ ﺍﻧﻲ ﻣﺎﺍﺗﺤﻤﻞ ﺯﻋﻠﺞ
ﺑﺠﻴﺖ ﺑﺴﺒﺐ ﺣﻨﻴﺘﻪ ﺣﺴﻴﺖ ﺑﻐﻠﻄﺘﻲ ﻣﻦ ﺣﺠﻴﺖ ﻋﻠﻴﻪ
ﻫﺬﺍﻙ ﺍﻟﻴﻮﻡ ﺣﻈﻨﺘﻪ ﻭﻇﻠﻴﺖ ﺍﺑﺠﻲ ﻭﻫﻮ ﺍﺗﻔﺎﺟﺊ : ﺍﻓﺎﺍ ﻟﻴﺶ ﺗﺒﺠﻴﻦ ﻳﺎﺭﻭﺡ ﺍﺧﻮﺝ ﺷﻜﻮ ﺷﺒﻴﺞ
: ﺍﺳﻔﻪ ﺿﺮﻏﺎﻡ ﻋﻠﻰ ﺍﻟﻜﻼﻡ ﺍﻟﻲ ﻛﻠﺘﻪ ﻫﺬﺍﻙ ﺍﻟﻴﻮﻡ ﻭﺍﻟﻠﻪ ﻣﺎﺟﺎﻥ ﻗﺼﺪﻱ ﺑﺲ ﻣﻦ ﻗﻬﺮﻱ ﻻﻥ ﺟﺒﺮﺗﻮﻧﻲ ﻓﺪﻭﻭﻩ ﺳﺎﻣﺤﻨﻲ ﻳﺎﺧﻮﻭﻱ
ﻣﺴﺢ ﻋﻠﻰ ﺭﺍﺳﻲ ﻭﻛﺎﻝ ﺑﺤﻨﻴﻪ : ﻣﺴﺎﻣﺤﺞ ﻭﺍﻋﺮﻑ ﺟﻨﺘﻲ ﻣﻮ ﺑﻮﻋﻴﺞ ﻓﺎ ﻣﺎﺯﻋﻠﺖ ﻣﻨﺞ
ﺭﻓﻊ ﺭﺍﺳﻲ ﻭﻣﺴﺢ ﺩﻣﻮﻋﻲ ﻭﺍﺑﺘﺴﻢ : ﻳﺎﻟﻪ ﻭﺍﻧﺎ ﺍﺧﻮﺝ ﺟﻬﺰﻱ ﻧﻔﺴﺞ ﺍﺭﻳﺪ ﺍﻃﻠﻌﻴﻦ ﺍﺣﻠﻰ ﻭﺣﺪﻩ ﺑﻴﻬﻦ ﻣﻊ ﺍﻧﻮ ﻣﺎﻳﺤﺘﺎﺝ ﺗﺴﻮﻳﻦ ﺷﻲ ﺍﻧﺘﻲ ﺍﺻﻼ ﺣﻠﻮﻭﻩ
ﺭﺟﻊ ﺑﺎﺳﻨﻲ ﻣﻦ ﺭﺍﺳﻲ ﻭﻃﻠﻊ .. ﺍﺑﺘﺴﻤﺖ ﻋﻠﻰ ﻛﻼﻣﻪ ﻭﺣﺴﻴﺖ ﺷﻮﻭﻱ ﺑﺮﺍﺣﻪ ﻣﻦ ﺣﺠﻪ ﻭﻳﺎﻱ ﻻﻥ ﺻﺎﺭﻟﻲ ﺍﺳﺒﻮﻉ ﻣﺎﺍﺣﺠﻲ ﻭﻳﺎﻩ ﻭﻻ ﻭﻱ ﺃﺑﻮﻳﻪ
ﻛﻤﺖ ﻣﻦ ﻣﻜﺎﻧﻲ ﻭﺣﻈﺮﺕ ﻧﻔﺴﻲ ﻭﺏ ١٠ ﻭﻧﺺ ﺍﺟﺖ ﺍﻡ ﺍﻟﺼﺎﻟﻮﻥ ﻻﻥ ﺣﺠﺰﻧﺎﻫﺎ ﺍﻟﻨﻪ ﺑﻬﺬﺍ ﺍﻟﻴﻮﻡ ﻭﺧﻠﻴﺘﻪ ﺗﺠﻲ ﻫﻴﺎ
ﺻﻌﺪﺕ ﻟﻐﺮﻓﺘﻲ ﻭﻫﻴﺎ ﺍﺟﺖ ﻭﺭﺍﻱ ﺍﻭﻝ ﺷﻲ ﺑﺪﺕ ﻭﻳﺎﻱ ﺑﻠﻤﻜﻴﺎﺝ ﻭﻣﻦ ﺧﻠﺼﺖ ﺳﻮﺗﻠﻲ ﺗﺴﺮﻳﺤﻪ ﻟﺸﻌﺮﻱ
ﻃﻠﺒﺖ ﻣﻨﻪ ﺍﻧﻮ ﺗﺒﻘﻴﻪ ﻣﻔﻠﻮﻝ ﺑﺲ ﺑﺮﻣﺘﻪ ﻭﻧﺰﻟﺘﻠﻲ ﺧﺼﻞ
ﻭﻟﺒﺴﺖ ﺍﻟﻔﺴﺘﺎﻥ ﺑﺎﻭﻋﺖ ﻋﻠﻰ ﻧﻔﺴﻲ ﺻﺪﻙ ﻃﻠﻌﺖ ﺣﻠﻮﻭﻩ
ﺩﻙ ﺍﻟﺒﺎﺏ : ﺍﺩﺧﻞ
ﺍﻧﻔﺘﺢ ﺍﻟﺒﺎﺏ ﻭﺷﻔﺖ ﻳﺎﻗﻮﺕ ﻭﺳﺪﻳﻢ ﻻﻥ ﻃﻠﺒﺖ ﻣﻨﻬﻦ ﻳﺠﻦ
ﻓﺮﺣﺖ ﺑﺸﻮﻓﺘﻬﻦ
ﺳﻠﻤﻦ ﻋﻠﻴﻪ ﻭﻛﺘﻠﻬﻦ : ﺷﻮ ﻳﺎﻟﻪ ﻧﺰﻋﻦ ﺍﻟﺼﺎﻳﺎﺕ ﻭﺧﻞ ﻧﺸﻮﻑ ﺍﻟﺠﻤﺎﻝ
ﺍﺑﺘﺴﻢ ﻭﺫﺑﻨﻪ ﺑﻲ ﺻﺪﻙ ﻃﺎﻟﻌﺎﺕ ﻳﺨﺒﻠﻦ ﻛﻞ ﻭﺣﺪﻩ ﻭﺍﻟﻪ ﺟﻤﺎﻟﻪ : ﻣﺎﺷﺎﺀﺍﻟﻠﻪ ﺗﺨﺒﻠﻦ ﻃﺎﻟﻌﺎﺕ ﺑﺲ ﺫﺑﻦ ﺍﻟﺤﺠﺎﺏ ﺗﺮﻯ ﻣﺨﺮﺏ ﺍﻟﻔﺴﺘﺎﻥ
ﻳﺎﻗﻮﺕ ﻛﺎﻟﺖ : ﻻ ﻋﻴﺐ ﻻ ﺍﺣﺪ ﻳﺠﻲ
: ﻭﻟﺞ ﻫﻮ ﻣﻨﻮ ﺍﻟﻲ ﻳﺠﻲ ﻏﻴﺮ ﺣﻔﻠﺔ ﻭﻧﺴﻮﺍﻥ ﻭﻣﺎﻳﻜﺪﺭﻭﻥ ﻳﺪﺧﻠﻮﻥ ﺑﺲ ﺣﺪﻫﻢ ﻟﻠﻤﻄﺒﺦ ﻭﺍﺫﺍ ﻫﻴﺞ ﺍﻟﺒﺴﻦ ﺷﺎﻻﺗﺠﻦ
ﻫﺰﻥ ﺭﺍﺳﻬﻦ ﻭﺫﺑﻦ ﺍﻟﺸﺎﻝ ﻃﻠﺒﺖ ﻣﻦ ﺍﻡ ﺍﻟﺼﺎﻟﻮﻥ ﺗﺴﻮﻱ ﺷﻌﺮﻫﻦ ﻳﺎﻗﻮﺕ ﺭﻓﻀﺖ ﺑﺲ ﺳﺮﺣﺘﻪ ﻭﺳﺪﻳﻢ ﺭﻓﻌﺘﻪ ﻛﻠﻪ ﻭﻧﺰﻟﺖ ﺧﺼﻠﻪ ﻳﻢ ﻭﺟﻬﻪ
ﻭﻣﺎﺍﺣﺲ ﺍﻻ ﺍﻟﺒﺎﺏ ﺍﻧﻔﺘﺢ ﻭﺩﺧﻠﺖ ﺩﺭﺓ ﻭﺟﻮﺭﻱ ﻭﻇﻠﺖ ﺗﻬﻮﺱ ﺩﺭﺓ : ﻭﺷﺎﻳﻒ ﺧﻴﺮ ﻭﻣﺴﺘﺎﻫﻠﻪ ﻭﻛﻠﻮﻭﻭﻭﻭﻭﻭﺵ
: ﻭﻳﻮﻡ ﺍﻟﻲ ﻭﺍﺫﺑﺢ ﻃﻠﻲ ﻭﺍﻋﺰﻡ ﺷﺒﺎﺏ ﺍﻟﻤﻨﻄﻘﻪ ... ﻭﺷﻠﻮﻥ ﺭﺩﺡ ﺍﻟﻌﻤﺎﺭﻩ ﻫﻴﺞ ﻭﻫﻴﺞ
ﺍﺟﺖ ﺑﺎﺳﺘﻨﻲ ﻭﺣﻈﻨﺘﻨﻲ : ﻣﺒﺮﻭﻙ ﺣﺒﻲ
ﻛﻠﻨﻪ ﺿﺤﻜﻨﻪ ﻋﻠﻰ ﺍﺳﻠﻮﺑﻪ ﻭﻧﺴﻴﺖ ﺷﻮﻱ ﻣﻦ ﺣﺰﻧﻲ : ﺍﻟﻠﻪ ﻳﺒﺎﺭﻙ ﺑﻴﺞ ﻳﺎﻋﻤﺮﻱ
ﺟﻮﺭﻱ : ﻳﺎﻟﻪ ﻭﻟﺠﻦ ﺍﺟﻮ ﻛﻠﻬﻢ ﺧﻞ ﻧﻨﺰﻝ
ﻫﺰﻳﺖ ﺭﺍﺳﻲ ﻭﻛﺎﻟﺖ ﻳﺎﻗﻮﺕ : ﺍﻧﻲ ﺭﺍﺡ ﺍﺟﻲ ﻭﺭﺍﻛﻢ ﺑﺲ ﺧﻞ ﺍﻋﺪﻝ ﺷﻌﺮﻱ
: ﻣﺎﺍﺷﻲ
...
ﻳﺎﻗﻮﺕ / ﻃﻠﻌﻦ ﻛﻠﻬﻦ ﺑﻘﻴﺖ ﻭﺣﺪﻱ ﺑﻠﻐﺮﻓﻪ ﺩﺣﻜﺖ ﻋﻠﻰ ﻧﻔﺴﻲ ﺑﻠﻤﺮﺍﻳﻪ ﺍﻟﻔﺴﺘﺎﻥ ﻣﻔﺼﻞ ﺗﻘﺎﺳﻴﻢ ﺟﺴﻤﻲ ﻭﺣﻠﻮﻭ ﻋﻠﻴﻪ ﻃﺎﻟﻊ ﺭﺗﺒﺖ ﺷﻌﺮﻱ ﻭﻛﻠﺒﺘﻮ ﻋﻠﻰ ﺍﻟﺠﻬﻪ ﺍﻟﺜﺎﻧﻴﻪ ﻭﻧﺰﻟﺖ ﺧﺼﻞ
ﻣﺎﺣﺎﻃﻪ ﻣﻜﻴﺎﺝ ﺑﺲ ﻛﺤﻠﻪ ﻭﺍﺣﻤﺮ ﺷﻔﺎﻩ ﺍﺧﺬﺕ ﺍﻟﺸﺎﻝ ﺑﻴﺪﻱ ﻭﺍﻟﺼﺎﻳﻪ ﺧﺎﻑ ﺍﻟﺘﻘﻲ ﺑﺄﺣﺪ
ﻃﻠﻌﺖ ﻣﻦ ﺍﻟﻐﺮﻓﻪ ﺳﺪﻳﺖ ﺍﻟﺒﺎﺏ ﻭﻣﺎﺍﺳﻤﻊ ﺍﻻ ﺑﺎﺏ ﺍﻧﻔﺘﺢ ﺍﻟﺘﻔﺖ ﻭﺟﺎﻥ ﻳﻄﻠﻊ ﺿﺮﻏﺎﻡ ﻣﻦ ﻏﺮﻓﺘﻮﻭﻭ
ﻫﻮ ﺭﻓﻊ ﺭﺍﺳﻮﻭ ﻭﺩﺣﻜﻠﻲ ﺍﻧﻲ ﻇﻠﻴﺖ ﺻﺎﻓﻨﻪ ﻋﻠﻴﻪ ﻭﻋﻠﻰ ﻫﻴﺒﺘﻮﻭ
ﺍﻭﻝ ﻣﺮﻩ ﺍﺷﻮﻑ ﺿﺮﻏﺎﻡ ﺑﻠﻌﺒﺎﻳﻪ
ﻻﺑﺲ ﺩﺷﺪﺍﺷﻪ ﺑﻴﻀﻪ ﺍﻭ ﻏﺘﺮﻩ ﻭﺷﻤﺎﻍ ﺍﻫﻞ ﺍﻟﺠﻨﻮﺏ ﺍﺑﻴﺾ ﻭﻣﺨﻄﻂ ﺑﺄﺳﻮﺩ ﻭﻻﺑﺲ ﻓﻮﻛﻪ ﻋﺒﺎﻳﻪ ﻟﻮﻧﻪ ﺟﻮﺯﻱ
ﺷﻜﻮﻝ ﻭﺷﺤﺠﻲ ﻫﻴﺒﻪ ﻋﻠﻰ ﺷﺨﺼﻴﻪ ﻋﻠﻰ ﺟﻤﺎﻝ
ﻋﻠﻰ ﻛﻮﻟﺘﻦ ﺍﻟﻨﺎﺱ ﻛﻠﻚ ﻋﻠﻰ ﺑﻌﻀﻚ ﺣﻠﻮﻭﻭ ..
ﺭﺑﻲ ﻳﺤﻔﻈﻪ ﻭﻳﺨﻠﻴﻪ ﻭﻳﺒﻌﺪ ﻋﻨﻪ ﻋﻴﻦ ﺍﻟﺤﺴﺎﺩ ﻳﻌﻨﻲ ﺍﻧﻲ ﺍﺭﻳﺪ ﺍﺷﻴﻞ ﻋﻴﻨﻲ ﻣﻨﻮﻭ ﻣﺎﻛﺪﺭ
ﺻﺎﺭﺕ ﻋﻴﻨﻲ ﺑﻌﻴﻨﻪ ﻭﻫﻮ ﻛﺬﻟﻚ ﻇﻞ ﻳﺒﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﺍﺭﺗﺒﻜﺖ ﻣﻦ ﻧﻈﺮﺍﺗﻪ ﻇﻞ ﺻﺎﻓﻦ ﺑﻮﺟﻬﻲ
ﺑﻌﺪﻳﻦ ﺍﺳﺘﻮﻋﺒﺖ ﺍﻧﻲ ﻣﺎ ﻻﺑﺴﻪ ﺷﺎﻝ ﺑﺴﺮﻋﻪ ﺍﺧﺬﺕ ﺍﻟﺸﺎﻝ ﻭﺣﻄﻴﺘﻮﻭ ﻋﻠﻰ ﺭﺍﺳﻲ
ﻫﻮ ﻣﻦ ﺷﺎﻓﻨﻲ ﻫﻴﺞ ﺻﺤﻪ ﻋﻠﻰ ﻧﻔﺴﻮﻭ
ﺍﺟﻪ ﺑﺄﺗﺠﺎﻫﻲ ﻭﻋﺒﺮ ﻣﻦ ﻳﻤﻲ ﺑﺲ ﻭﻛﻒ ﻭﻛﺎﻝ ﻭﻫﻮ ﻳﺒﺎﻭﻋﻠﻲ : ﻻ ﻃﻠﻌﻴﻦ ﻛﺪﺍﻡ ﺍﺣﺪ ﻫﻴﺞ ﻻﻥ ﻋﻴﺐ ﺯﻟﻢ ﻣﻨﺎ ﻓﺎﺍ ﺍﺳﺘﺮﻱ ﺭﻭﺣﺞ
ﻭﻇﻞ ﺻﺎﻓﻦ ﻋﻠﻴﻪ ﺑﻌﺪﻳﻦ ﻏﻤﺾ ﻋﻴﻮﻧﻮﻭ : ﺍﺳﺘﻐﻔﺮﺍﻟﻠﻪ
ﻭﻋﺎﻓﻨﻲ ﻭﻧﺰﻝ ... ﻭﺍﻟﻠﻪ ﻫﻮ ﻧﺰﻝ ﻭﺍﻧﻲ ﺣﻄﻴﺖ ﺃﻳﺪﻱ ﻋﻠﻰ ﻛﻠﺒﻲ ﻳﻤﺎﺍﺍ ﻭﺍﻟﻠﻪ ﻫﻴﺒﻪ ﺷﻄﺎﻟﻊ ﺍﻟﻴﻮﻡ ﻓﺪﻭﻭﻩ
ﻧﺰﻟﺖ ﺟﻮﻭﻩ ﻭﺷﻔﺖ ﺍﻟﻬﻮﻭﺳﻪ ﻭﻧﺎﺱ ﺗﺮﻛﺺ ﻭﺗﻬﻠﻬﻞ ﻭﻧﺎﺱ ﺗﺴﻮﻟﻒ
ﺍﺩﺣﻚ ﻋﻠﻰ ﻭﺭﻭﺩ ﻃﺎﻟﻌﻪ ﺗﺨﺒﻞ ﻣﺎﺷﺎﺀﺍﻟﻠﻪ ﻣﺜﻞ ﺍﻻﻣﻴﺮﺍﺕ
ﺑﺲ ﺍﻣﺒﻴﻦ ﻋﻠﻴﻪ ﺍﻟﻀﻮﺟﻪ ﻭﺍﻻﺑﺘﺴﺎﻣﻪ ﻣﺼﻄﻨﻌﻪ
ﺍﻭﻭﻑ ﻳﺎﻭﺭﻭﺩ ﺷﺒﻴﺞ ﺑﺲ ﻻ ﻣﺎﺭﺍﺿﻴﻪ ﻋﻠﻰ ﻫﺬﺍ ﺍﻟﺰﻭﺍﺝ
ﺭﺣﺖ ﻟﻠﻤﻄﺒﺦ ﺧﺎﻑ ﻳﺤﺘﺎﺟﻮﻥ ﺷﻲ ﺩﺧﻠﺖ ﻭﺩﺣﻜﺖ ﺳﻮﺯﺍﻥ ﻭﻣﻬﺎ ﻛﺎﻋﺪﺍﺕ ﻭﺣﺎﻃﺎﺕ ﺭﺟﻞ ﻋﻠﻰ ﺭﺟﻞ
ﺍﺳﺘﻐﻔﺮ ﺍﻟﻠﻪ ﺭﺑﻲ ﺷﻠﻮﻥ ﺑﻴﻪ ﻻﺯﻡ ﺍﺗﺤﻤﻠﻬﻦ ﺍﻧﻲ .. ﺭﺣﺖ ﻳﻢ ﺍﻟﻜﺎﻭﻧﺘﺮ ﺣﻄﻴﺖ ﺻﻴﻨﻴﻪ ﻭﺑﻴﻪ ﻛﻼﺻﺎﺕ ﺳﻤﻌﺘﻬﻦ ﻳﺤﺠﻦ ﺑﺼﻮﺕ ﺷﻮﻱ ﻋﺎﻟﻲ ﻣﺘﻌﻤﺪﺍﺕ ﻳﺴﻤﻌﻨﻲ
: ﻭﺍﻟﻠﻪ ﻋﻤﻲ ﺯﻳﻦ ﺷﻠﻮﻥ ﻣﺪﻟﻼﺕ ﻏﺮﻳﺒﺎﺕ ﻭﻳﻔﺘﺮﻥ ﺑﻠﺒﻴﺖ ﻳﻜﻮﻝ ﺍﻟﺒﻴﺖ ﺑﻴﺘﻬﻦ ﻣﺎﻳﺴﺘﺤﻦ ﻭﻳﺘﺼﺮﻓﻦ ﻋﺎﺩﻱ ﺑﺮﺍﺣﺘﻬﻦ ﻻ ﻭﺷﻮﻓﻲ ﺍﻟﺒﺲ ﺍﻟﻲ ﻻﺑﺴﺎﺗﻪ ﻣﺘﻌﻤﺪﺍﺕ ﻳﺮﺩﻥ ﺍﺣﺪ ﻫﻴﺞ ﻳﺸﻮﻓﻬﻦ ﻭﻳﻨﻌﺠﺐ ﺑﻴﻬﻦ
ﻏﻤﻀﺖ ﻋﻴﻨﻲ ﺑﻘﻮﻭﻩ ﺍﻃﻠﺐ ﺍﻟﺼﺒﺮ
ﻛﺎﻟﺖ ﻣﻬﺎ : ﺍﻱ ﻋﻴﻨﻲ ﺍﻟﻲ ﻣﺎﻋﻨﺪﻩ ﻣﺴﺘﺤﻪ ﻋﺎﺩﻱ ﻛﻠﺸﻲ ﻳﺴﻮﻭﻱ
ﺍﻧﻲ ﺩﺭﺕ ﻭﺟﻬﻲ ﻭﺑﺎﻋﺘﻠﻬﻦ ﺑﻜﺮﻩ : ﺍﺣﺘﺮﻣﻦ ﻧﻔﺴﺠﻦ ﻭﺣﺠﻦ ﻋﺪﻝ ﻻ ﺗﻈﻠﻦ ﺗﺘﺠﺎﻭﺯﻥ ﺑﻠﻜﻼﻡ
ﺍﺷﻮ ﻫﺎﻱ ﺳﻮﺯﺍﻥ ﻇﻠﺖ ﺗﺪﺣﻜﻠﻲ ﻣﻦ ﻓﻮﻙ ﻟﻴﺠﻮﻩ ﺑﺄﺷﻤﺌﺰﺍﺯ : ﻭﺍﻧﺘﻲ ﻣﻨﻮ ﺍﻟﻲ ﺩﺍﺱ ﻋﻠﻰ ﺫﻳﻠﺞ ﺍﺣﺪ ﻣﺤﺎﺟﻴﺞ ﻟﻮ ﺑﺲ ﻫﻴﺞ ﺗﺮﺩﻳﻦ ﺗﺴﻮﻳﻦ ﻣﺸﻜﻠﻪ
: ﺍﻧﻲ ﺍﺳﻮﻱ ﻣﺸﻜﻠﻪ ﻟﻮ ﺍﻧﺘﻲ ﺍﻟﻲ ﻣﻦ ﺍﺟﻴﺖ ﻟﺤﺪ ﺍﻻﻥ ﺗﺤﺠﻴﻦ ﻋﻠﻴﻨﻪ ﻭﺗﻜﻮﻟﻴﻦ ﻏﺮﺑﻪ ﻭﻏﻠﻂ
ﻣﻬﺎ ﻛﺎﻟﺖ : ﺍﻱ ﺻﺤﻴﺢ ﺍﻧﺘﻮ ﻏﺮﺑﻪ ﺗﺮﻯ ﻣﺎﺟﺬﺑﻨﻪ
ﺻﺤﺖ ﺑﺼﻮﺕ ﺷﻮﻱ ﻋﺎﻟﻲ : ﺍﺣﺘﺮﻣﻦ ﻧﻔﺴﺠﻦ ﻛﺎﻓﻲ ﻋﺎﺩ ﺍﺷﺎﻳﻔﺎﺕ ﺭﻭﺣﺠﻦ ﻫﺎﺍﺍ
ﺍﺟﻪ ﺿﺮﻏﺎﻡ : ﺷﻨﻮﻭﻭ ﻫﺬﺍ ﺍﻟﺼﻮﻭﺕ ﻫﺎﺍ
ﺩﺣﻜﺘﻠﻮﻭ ﻳﺒﺎﻭﻋﻠﻲ ﺑﻌﺼﺒﻴﻪ ﺳﻜﺘﺖ ﺍﻧﻲ ﻭﻛﺎﻝ : ﺷﻮ ﺳﻜﺘﻲ ﺷﺒﻴﺞ ﺍﺗﺼﻴﺤﻴﻦ ﺻﻮﺗﺞ ﻭﺍﺻﻞ ﻻﺧﺮ ﺍﻟﺸﺎﺭﻉ
ﺩﺣﻜﺘﻠﻮﻭ ﺑﺼﺪﻣﻪ ﻫﺴﻪ ﺻﻮﺗﻲ ﻭﺍﺻﻞ ﻟﺮﺍﺱ ﺍﻟﺸﺎﺭﻉ ﻳﺎﺟﺬﺑﻚ
ﺳﻮﺯﺍﻥ : ﺷﻮﻓﻬﺎ ﺿﺮﻏﺎﻡ ﺍﺣﻨﻪ ﺳﺎﻛﺘﻴﻦ ﻋﻠﻤﻮﺩﻙ ﺑﺲ ﻣﺎﻝ ﺗﺠﻲ ﻫﻴﺎ ﺗﺠﺎﻭﺯ ﻭﺗﻐﻠﻂ ﻣﺎﻳﺼﻴﺮ
ﻛﺘﻠﻪ ﺑﻘﻬﺮ : ﻣﻨﻮ ﺍﻟﻲ ﺑﺪﻩ ﺍﻧﻲ ﻟﻮ ﺍﻧﺘﻲ ﻫﺎﺍﺍﺍ
ﺿﺮﻏﺎﻡ ﺻﺎﺍﺡ : ﻛﺎﻓﻲ ﻭﻟﺠﻦ ﻣﺎﺗﺴﺘﺤﻦ ﻣﺎﺗﻜﻮﻟﻦ ﻋﻴﺐ ﺍﻟﻨﺎﺱ ﻣﻨﺎ ﻻ ﻳﺠﻲ ﺍﺣﺪ ﻳﺸﻮﻓﺠﻦ ﺷﻮﻭ ﻃﺒﻦ ﺟﻮﻩ ﻳﺎﻟﻪ ﻻ ﺗﺨﻠﻨﻲ ﺍﺗﺼﺮﻑ ﺗﺼﺮﻑ ﺛﺎﻧﻲ
ﻃﻠﻌﻦ ﻛﻠﻬﻦ ﻣﻦ ﺍﻟﻤﻄﺒﺦ ﻭﺭﺩﺕ ﺍﻃﻠﻊ ﺍﻧﻲ ﺑﺲ ﺻﺎﺣﻨﻲ ﻫﻮﻭ : ﺍﻭﻭﻛﻔﻲ ﻳﺎﻗﻮﺕ
ﺩﺭﺕ ﻭﺟﻬﻲ ﻋﻠﻴﻪ : ﻧﻌﻢ
: ﻟﻴﺶ ﻫﻴﺞ ﺻﻮﺗﺞ ﻋﺎﻟﻲ ﻭﺗﺼﻴﺤﻴﻦ ﻣﻮ ﻋﻴﺐ ﻳﻌﻨﻲ ﻧﺎﺱ ﺗﺴﻤﻊ ﺻﻮﺗﺞ ﺗﺮﻯ ﻣﺎﻳﺼﻴﺮ ﻋﺪﻧﺎ ﻫﻨﺎ
ﻛﻠﺖ ﺑﻘﻬﺮ : ﺍﻋﺮﻑ ﺍﻟﻠﻪ ﺗﺮﻯ ﺍﺣﻨﻪ ﻫﻢ ﻣﺎﻳﺼﻴﺮ ﻋﻨﺎ ﻳﻨﺴﻤﻊ ﺻﻮﺗﻨﺎ ... ﺑﺲ ﺳﻮﺯﺍﻥ ﻗﻬﺮﺗﻨﻲ ﺑﻜﻼﻣﻪ ﻭﺍﻟﻠﻪ ﻭﻣﺎﻛﺪﺭﺕ ﺍﺗﺤﻤﻞ
: ﻭﺷﻜﺎﻟﺘﻠﺞ ﻫﻴﺎ
ﺩﻣﻌﻪ ﻧﺰﻟﺖ ﻣﻦ ﻋﻴﻨﻲ ﺑﺪﻭﻥ ﻣﺎﺣﺲ : ﻣﻦ ﺍﺷﻮﻓﻪ ﺍﺗﻈﻞ ﺍﺗﻜﻮﻝ ﻏﺮﻳﺒﻪ ﻟﻮ ﻧﺎﺯﺣﻪ ﺗﺮﻯ ﻭﺍﻟﻠﻪ ﺍﻋﺮﻑ ﺑﺲ ﻣﺎﻳﺼﻴﺮ ﻫﻴﺞ ﺗﺬﻛﺮﻧﻲ ﻭﺗﻔﺘﺢ ﺟﺮﻭﺣﻨﻪ ﺍﻟﻲ ﻧﺤﺎﻭﻝ ﻧﻨﺴﺎﻫﺎ
: ﺍﺳﺘﻐﻔﺮ ﺍﻟﻠﻪ ﺍﻣﺴﺤﻲ ﺩﻣﻮﻋﺞ ﻫﺴﻪ ﻋﻠﻴﺶ ﺍﻟﺒﺠﻲ ﻭﻫﺎﻱ ﺳﻮﺯﺍﻥ ﺍﻧﻲ ﺍﻋﻠﻤﻪ ﺑﺴﻴﻄﻪ ﻣﻮ ﻧﺒﻬﺘﻬﻦ ﻻ ﻳﺤﺠﻦ ﺑﻬﺬﺍ ﺍﻟﻤﻮﺿﻮﻉ ﺑﺲ ﺍﺑﺪ ﻣﺎﻳﻔﻴﺪ ﻭﻳﺎﻫﺎ ﻫﺎﻱ
ﻣﺴﺤﺖ ﺩﻣﻮﻋﻲ : ﻻ ﻋﻠﻴﺶ ﻻ ﺗﻜﻠﻠﻪ ﻣﺼﺎﺭ ﺷﻲ
ﻟﻤﺤﺖ ﺍﺑﺘﺴﺎﻣﻪ ﻋﻠﻰ ﺷﻔﺎﻳﻔﻮﻭ ﺑﺲ ﻣﺎﻋﺮﻑ ﻟﻴﺶ ﻳﻤﺤﻴﻬﺎ ﺑﺴﺮﻋﻪ ﺍﺣﺴﻪ ﻣﺎﻳﺮﻳﺪﻧﻲ ﺍﺷﻮﻑ ﺍﺑﺘﺴﺎﻣﺘﻪ : ﻟﻌﺪ ﻫﺬﺍ ﺍﻟﺼﻴﺎﺡ ﻭﺍﻟﺪﻣﻮﻉ ﻭﺗﻜﻮﻟﻴﻦ ﻣﺼﺎﺭ ﺷﻲ
ﺍﺑﺘﺴﻤﺖ ﻋﻠﻰ ﻛﻼﻣﻮﻭﻭ ﻣﺎﻋﺮﻑ ﺷﺼﺎﻳﺮ ﻭﻳﺎﻩ ﺍﻟﻴﻮﻡ ﻻ ﻭﺍﻟﻠﻪ ﻣﻮ ﺍﻟﻴﻮﻡ ﻫﺎﻱ ﺍﻻﻳﺎﻡ ﻣﺘﻐﻴﺮ
ﺭﻓﻌﺖ ﺭﺍﺳﻲ ﺩﺣﻜﺖ ﻣﺎﻛﻮﻭ ﻳﺎ ﻫﺬﺍ ﻳﻤﺘﻪ ﺍﺧﺘﻔﻪ ﺍﺳﻢ ﺍﻟﻠﻪ ﺷﻨﻮ ﻋﻨﺪﻭﻭ ﻏﻄﺎﺀ ﺍﻻﺧﻔﺎﺀ ﻭﻫﻴﺞ ﻳﺨﺘﻔﻲ ﺑﺴﺮﻋﻪ
ﺍﺑﺘﺴﻤﺖ ﻋﻠﻰ ﺗﻔﻜﻴﺮ ﻣﺎﻋﺮﻑ ﻟﻴﺶ ﻣﻦ ﺍﺷﻮﻓﻪ ﻛﻞ ﺍﻟﻬﻤﻮﻡ ﺗﺮﻭﺡ ﻣﻦ ﻳﻤﻲ ...
" ﻻ ﺃﺣﺪ ﻳﻌﻠﻢ ﺑﺤﺠﻢ ﺍﻟﺤﺐ ﺍﻟﺬﻱ ﺑﺪﺍﺧﻠﻚ ﺇﻻ ﺍﻟﺠﺪﺍﺭ ﺍﻟﺬﻱ ﺃﻣﺎﻣﻚ ، ﻷﻧﻪ ﺍﻟﻮﺣﻴﺪ ﺍﻟﺬﻱ ﻳﺮﻯ ﺍﺑﺘﺴﺎﻣﺘﻚ ﺍﻟﺪﺍﺋﻤﺔ ﻋﻨﺪ ﻣﺤﺎﺩﺛﺘﻚ ﻟﻤﻦ ﺗﺤﺐ ❤ ".
.........
ﻭﺭﻭﺩ / ﻇﻠﻴﺖ ﻛﺎﻋﺪﻩ ﺑﻤﻜﺎﻧﻲ ﺍﺣﺲ ﻧﻔﺴﻲ ﻣﺜﻞ ﺍﻟﺘﻤﺜﺎﻝ ﺍﻟﻲ ﺣﻄﻮﻭ ﺑﻤﻌﺮﺽ ﻭﺗﺠﻲ ﺍﻟﻨﺎﺱ ﺗﺸﺎﻫﺪﻩ ﻭﺗﻘﻴﻤﻪ ﻫﺬﺍ ﺍﻧﻲ ﺣﺎﻟﻲ ﻫﻴﺞ ﻫﺴﻪ
ﻛﻠﺴﺎﻉ ﺗﺠﻲ ﻭﺣﺪﻩ ﺗﺸﻮﻓﻨﻲ ﻭﺗﺴﻠﻢ ﻭﺍﺳﻤﻌﻬﻦ ﻳﺘﻬﺎﻣﺴﻦ
ﺣﻠﻮﻭﻩ .. ﻫﻨﻴﺎﻝ ﺃﻳﺎﺱ .. ﻫﺎﻱ ﺷﺒﻴﻬﺎ ﺿﺎﻳﺠﻪ ﺷﻨﻮ ﻣﻐﺼﻮﺑﻪ ﻋﻠﻰ ﺍﻟﺰﻭﺍﺝ .. ﻟﻮ ﺷﻨﻮ ﻫﺬﺍ ﺍﻟﺘﻜﺒﺮ ﺍﻟﻲ ﻋﻠﻴﻪ
ﻭﺍﻧﻲ ﺑﻠﻜﻮﻩ ﻣﺘﺤﻤﻠﻪ ﻻ ﺍﻛﻮﻡ ﺍﺻﺮﺥ ﻋﻠﻴﻬﻦ ﺍﺭﻳﺪ ﺍﺭﻭﻭﺡ ﺍﺷﺮﺩ ﻟﻐﺮﻓﺘﻲ ﺍﺭﻳﺪ ﺍﺟﺮ ﻧﻔﺲ ﺍﺣﺲ ﻣﺨﻨﻮﻛﻪ ﻣﺎﻛﻮ ﻫﻮﻯ
ﺿﺎﻏﻄﻪ ﺑﻘﻮﻭﻩ ﺑﻴﺪﻱ ﻋﻠﻰ ﺍﻟﻔﺴﺘﺎﻥ ﺑﺪﻱ ﻫﻴﺢ ﺍﺷﻜﻜﻪ ﺍﺳﻮﻳﻪ ﻭﺻﻠﺘﻴﻦ ﺍﺣﺴﻪ ﺿﺎﻳﻘﻨﻲ ﻛﻠﺶ ﻣﺎﻋﺮﻑ ﻫﺎﻱ ﺍﻭﻝ ﻣﺮﻩ ﺍﺣﺲ ﻫﻴﺞ ﺍﺣﺴﺎﺱ
ﺍﺟﺖ ﺃﻣﻪ ﺳﻠﻤﺖ ﻋﻠﻴﻪ ﻭﺍﺧﻮﺍﺗﻪ ﺍﻻﺛﻨﻴﻦ ﺻﺒﺎ ﻭﺭﺑﺎ
ﺭﺑﺎ ﻣﺎﻧﺸﻮﻓﻪ ﻫﻮﺍﻱ ﻻﻥ ﻣﺘﺰﻭﺟﻪ ﻭﻋﺎﻳﺸﻪ ﺑﻐﺪﺍﺩ ﻭﺻﺒﺎ ﺍﺧﺮ ﺳﻨﻪ ﺍﻟﻪ ﺑﻠﻜﻠﻴﻪ ﻭﻫﻢ ﻣﻮ ﻛﻠﺶ ﻋﻼﻗﺘﻨﻪ ﺑﻴﻬﺎ ﻫﻴﺎ ﻣﻨﻌﺰﻟﻪ
ﺳﻠﻤﻦ ﻋﻠﻴﻪ ﻭﺑﺎﺭﻛﻠﻲ ﺭﺳﻤﺘﻠﻲ ﺍﺑﺘﺴﺎﻣﻪ ﻣﺰﻳﻔﻪ ﻋﻠﻰ ﺷﻔﺎﻳﻔﻲ .. ﺍﺩﻭﺭ ﻫﺬﻧﻲ ﺍﻟﻨﺴﻮﺍﻥ ﺳﻄﺮﻧﻲ ﺑﻠﻬﻼﻝ ﻭﺍﻟﻬﻮﺳﺎﺕ ﻭﻳﻈﻠﻦ ﺑﺲ ﻳﺮﻛﺼﻦ ﻭﺍﻟﻠﻪ ﺩﺧﺖ
ﻭﺭﻩ ﻧﺺ ﺳﺎﻋﻪ ﻛﺎﻟﻦ ﻳﺎﻟﻪ ﺧﻞ ﺗﺠﻲ ﺣﺘﻰ ﻳﻌﻘﺪﻭﻥ ﺍﻧﻲ ﻫﻨﺎﺍ ﻣﺎﺩﺭﻱ ﺷﺼﺎﺭ ﺑﻴﻪ ﺻﺎﺭﺕ ﺑﻴﻪ ﻛﻮﻣﻪ ﻣﺸﺎﻋﺮ ﻣﻠﺨﺒﻄﻪ
ﺗﻮﺗﺮ ﻋﻠﻰ ﺧﻮﻑ ﻋﻠﻰ ﺍﺭﺗﺒﺎﻙ . ﺧﺠﻞ ﻭ ﺣﻘﺪ ﻭﻛﺮﻩ ﻭﻗﻬﺮ ﻭﺣﺰﻥ ﻫﺬﻧﻲ ﻛﻠﻪ ﺻﺎﺭﻥ ﺑﻴﻪ ﻣﺮﻩ ﻭﺣﺪﻩ
ﻛﻤﺖ ﻭﺍﻧﻲ ﺟﺴﻤﻲ ﻛﻠﻪ ﻳﺮﺟﻒ ﺭﺣﺖ ﻭﺣﻄﻠﻲ ﻛﺮﺳﻲ ﻳﻢ ﺍﻟﺒﺎﺏ ﻛﻌﺪﺕ ﻋﻠﻴﻪ ﻭﻏﻄﻨﻲ ﺑﻘﻤﺎﺵ ﺍﺑﻴﺾ ﻭﺭﻓﻌﺖ ﺍﻳﺪﻱ ﻣﺜﻞ ﺍﻟﺪﻋﺎﺀ
ﻭﺻﺎﺭ ﺍﻟﻬﺪﻭﻭﺀ ﻭﺑﺲ ﺻﻮﺕ ﺍﻟﺸﻴﺦ ﻳﺤﺠﻲ ﻇﻞ ﻳﻘﺮﻩ ﺃﻳﺎﺕ ﻣﻦ ﺍﻟﻘﺮﺍﻥ ﺍﻟﻜﺮﻳﻢ ﺑﻌﺪﻳﻦ ﻛﺎﻝ
: ﺑﻨﺘﻲ ﻭﺭﻭﺩ ﺍﻝ .. ﻫﻞ ﺗﻘﺒﻴﻠﻦ ﺍﻟﺰﻭﺍﺝ ﻣﻦ ﺃﻳﺎﺱ ﺍﻝ .. ﺑﻬﻤﺮ ﻗﺪﺭﻩ ... ﺍﺫﺍ ﻗﺒﻠﺘﻲ ﻗﻮﻟﻲ ﻧﻌﻢ ﻭﺃﻧﺖ ﻭﻛﻴﻠﻲ
ﺣﺠﺎﻫﺎ ﺍﻭ ﻣﺮﺗﻴﻦ ﺛﺎﻟﺚ ﻣﺮﻩ ﺭﺩﻳﺖ ﻭﺍﺣﺲ ﺷﻔﺎﻳﻔﻲ ﻇﻠﻦ ﻳﺮﺟﻔﻦ ﻭﻏﺼﻪ : ﻧﻌﻢ ﻭﺃﻧﺖ ﻭﻛﻴﻠﻲ
ﺳﻤﻌﺖ ﺻﻮﺕ ﺍﻟﻬﻼﻫﻞ ﻭﻫﻮ ﻇﻞ ﻳﺤﺠﻲ ﻭﺍﺳﻤﻊ ﺃﻳﺎﺱ ﻳﺮﺩﺩ ﻭﺭﺍﻩ
ﺣﺴﻴﺖ ﻫﺎﻫﻴﻪ ﻧﻬﺎﻳﺘﻲ ﻣﻦ ﺣﺠﻴﺖ ﻣﻮﺍﻓﻘﺘﻲ ﺣﺴﻴﺘﻪ ﻣﻮﺍﻓﻘﻪ ﻋﻠﻰ ﻣﻮﺗﻲ
ﺗﺮﻯ ﻭﺍﻟﻠﻪ ﺻﻌﺒﻪ ﺍﻟﺒﻨﻴﻪ ﺗﺎﺧﺬ ﺷﺨﺺ ﻣﺎﺗﺮﻳﺪﻩ ﻭﻣﻮ ﻫﻮ ﺍﻟﻲ ﺗﺤﻠﻢ ﺑﻴﻪ
ﻛﻤﺖ ﻣﻦ ﻣﻜﺎﻧﻲ ﻭﺍﺟﺖ ﺃﻣﻲ ﻭﻋﻴﻮﻧﻪ ﻣﻐﻮﺭﻛﻪ ﺑﺎﺳﺘﻨﻲ
: ﺍﻟﻒ ﻣﺒﺮﻭﻙ ﻳﺎﻳﻤﻪ
: ﺍﻟﻠﻪ ﻳﺒﺎﺭﻙ ﺑﻴﺞ
ﺍﺟﻮﻭ ﺍﻫﻠﻪ ﺍﻣﻪ ﻭﺧﻮﺍﺗﻪ ﻭﻇﻠﻦ ﻳﺒﺎﺭﻛﻠﻲ ﺭﺣﺖ ﻻﺳﺘﻘﺒﺎﻝ ﻭﻣﻦ ﻓﺘﺖ ﻇﻠﻦ ﻳﻬﻠﻬﻠﻦ ﻭﻳﻬﻮﺳﻦ
ﻛﻌﺪﺕ ﺑﻤﻜﺎﻧﻲ ﻭﺍﻧﻲ ﺍﺣﺲ ﺩﻭﺍﻣﻪ ﻣﻦ ﺍﻻﻓﻜﺎﺭ ﺍﺟﺘﺎﺣﺘﻨﻲ
ﻫﺎﻫﻴﻪ ﻳﺎﻭﺭﻭﺩ ﺍﻧﻜﺘﺐ ﺍﺳﻤﺞ ﺑﺼﻒ ﺍﺳﻤﻪ
ﺻﺮﺗﻲ ﺍﻟﻪ ﻳﻌﻨﻲ ﺭﺍﺡ ﻳﺤﺎﺳﺒﺞ ﻋﻠﻰ ﻛﻠﺸﻲ ﺣﺠﻴﺘﻴﻪ ﺍﻟﻪ
ﻫﺎﻫﻴﻪ ﻣﻮﺗﻲ ﺍﻧﻜﺘﺐ ﺍﻟﻴﻮﻡ
ﺍﺑﺎﻭﻉ ﻋﻠﻰ ﺃﻣﻲ ﻭﺟﻮﺭﻱ ﻭﻳﺎﻗﻮﺕ ﻭﺳﺪﻳﻢ ﻭﺍﻛﻔﺎﺕ ﻛﺒﺎﻟﻲ ﻭﻳﺒﺎﻭﻋﻠﻲ ﻭﻳﺒﺘﺴﻢ ﺍﻧﻲ ﺍﺑﺘﺴﻤﺖ ﺍﺑﺘﺴﺎﻣﻪ ﻣﺰﻳﻔﻪ ﺍﻟﻬﻦ ﻭﻋﻴﻮﻧﻲ ﻣﻐﻮﺭﻛﻪ
ﺍﺑﻮﻋﻠﻬﻦ ﻭﺍﺣﺠﻲ ﺑﻴﻦ ﻧﻔﺴﻲ ﻣﺜﻞ ﺍﻟﻲ ﻳﺤﺎﺟﻴﻬﻦ
ﺍﻛﻠﻠﻬﻦ * ﻓﺪﻭﻭﻩ ﺗﻌﺎﻟﻦ ﺃﺧﺬﻧﻲ ﻣﻨﺎ ﺍﺧﺘﻨﻜﺖ ﻭﺩﻧﻲ ﻟﻐﺮﻓﺘﻲ ﺗﺮﻯ ﺗﻌﺒﺖ ﻣﺎﻛﺪﺭ ﺍﺑﻘﻰ ﻟﻬﺬﺍ ﺍﻟﻮﻗﺖ ﻣﺘﺤﻤﻠﻪ ﺍﺭﻳﺪ ﺍﻣﺸﻲ ﻟﻐﺮﻓﺘﻲ ﺍﻓﺮﻍ ﻫﻤﻲ ﺑﻴﻬﺎ
ﻳﻤﺎ ﺗﻌﺎﻱ ﻳﻤﻲ ﺷﻮﻓﻴﻨﻲ ﺷﻮﻓﻲ ﺣﺎﻟﺖ ﺑﻨﺘﺞ ﺃﻧﺘﻲ ﻣﻮ ﺃﻡ ﻭﻛﻠﺒﺞ ﻋﻠﻰ ﻭﻟﺪﺝ ﻭﺗﻌﺮﻓﻴﻦ ﺷﺒﻴﻬﻢ ﻣﺎﺑﻴﻬﻢ ﺣﺘﻠﻮﻭ ﺑﺪﻭﻥ ﻛﻼﻡ ﺗﻌﺎﻱ ﺷﻮﻑ ﺣﺎﻝ ﺑﻨﺘﺞ ﻭﺭﻭﺩ ﺍﻟﻲ ﺫﺑﻠﺖ
ﻳﺎﻗﻮﺕ .. ﺳﺪﻳﻢ ﺗﻌﺎﻟﻦ ﻓﺪﻭﻩ ﺍﺧﺬﻧﻲ ﻣﻨﺎﺍ ﺍﺧﺘﻨﻜﺖ ﺭﻭﺣﻲ ﺍﺭﻳﺪ ﺍﺗﻨﻔﺲ ﻫﻨﺎ ﻫﻮﺳﻪ ﻭﺍﻧﻲ ﻣﺎﺍﺣﺐ ﻫﺎﻱ ﺍﻟﻬﻮﻭﺳﻪ
ﺷﺒﻴﻜﻢ ﺗﻌﺎﻟﻮﻭ ﺍﺧﺬﻭﻧﻲ ﻃﻠﻌﻮﻧﻲ ﻣﻨﺎﺍﺍ ..
ﻏﻤﻀﺖ ﻋﻴﻨﻲ ﺑﻘﻮﻭﻩ ﺍﺭﻳﺪ ﺍﺳﻴﻄﺮ ﻋﻠﻰ ﺩﻣﻮﻋﻲ ﻻ ﻳﻨﺰﻟﻦ
ﺑﻬﺎﻱ ﺍﻟﺤﻈﻪ ﺣﺴﻴﺖ ﺷﻲ ﺑﻴﻪ ﺍﻧﻜﺴﺮ ﻣﺎﻋﺮﻑ ﺷﻨﻮ ﻗﻠﺒﻲ ﻟﻮ ﺭﻭﺣﻲ ﺑﺲ ﺷﻲ ﺍﻧﻜﺴﺮ ﺑﻴﻪ
ﺭﺩﺩﺕ ﺑﺪﺍﺧﻠﻲ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻋﻠﻴﻚ ﻳﺎﻋﻠﻲ ﻣﺜﻞ ﻣﺎﻛﺴﺮﺗﻨﻲ ﻭﺧﻠﻴﺖ ﻫﻴﺞ ﻳﺼﻴﺮ ﺑﻴﻪ
( ﻃﺒﻌﺎً ﻫﺬﺍ ﺍﻟﻜﻼﻡ ﺍﻟﻲ ﻧﺪﺍﺭ ﺑﻴﻨﻬﺎ ﻭﺑﻴﻦ ﻧﻔﺴﻬﺎ ﻛﻠﻪ ﺻﺤﻴﺢ )
ﻓﺰﻳﺖ ﻣﻦ ﺻﻔﻨﺘﻲ ﻋﻠﻰ ﻛﻼﻣﻬﻦ : ﻳﺎﻟﻪ ﺗﻐﻄﻦ ﺭﺍﺡ ﻳﺪﺧﻞ ﺯﻭﺟﻪ ﺣﺘﻰ ﻳﻠﺒﺴﻪ ﺍﻟﺬﻫﺐ
ﺍﻧﻲ ﺍﻳﺪﻱ ﻇﻠﺖ ﺗﺮﺟﻒ ﻭﻛﻠﺒﻲ ﻳﺪﻙ ﺑﺴﺮﻋﻪ ﻃﺒﻮﻭﻝ
ﺳﻤﻌﺖ ﺻﻮﺕ ﺍﻟﻬﻼﻝ ﺭﻓﻌﺖ ﺭﺍﺳﻲ ﻭﺷﻔﺘﻪ ﺍﺗﻘﺪﻡ ﺍﻟﻲ ﻭﻣﺒﺘﺴﻢ ﻭﻛﻔﺖ ﺍﻧﻲ ﺑﺄﺭﺗﺒﺎﻙ ﻭﻣﺪﻧﻜﻪ ﺭﺍﺳﻲ ﻣﺎﺣﺴﻴﺖ ﺍﻻ ﺭﻓﻊ ﺭﺍﺳﻲ ﺑﻴﺪﻳﻪ ﺻﺎﺭﺕ ﻋﻴﻨﻲ ﺍﻟﻤﺪﻣﻌﻪ ﺑﻌﻴﻨﻪ ﺍﻟﻲ ﻣﺒﺘﺴﻢ
ﻭﺭﺍﻓﻊ ﺣﺎﺟﺒﻪ ﺍﻟﻲ ﺟﻨﻪ ﻳﻜﻮﻭﻝ ﻫﺎ ﺻﺮﺗﻲ ﺍﻟﻲ ﺑﻌﺪ
ﺑﺎﺱ ﺭﺍﺳﻲ ﻭﺣﺠﻪ ﺑﻬﻤﺲ ﺑﺲ ﺍﻧﻲ ﺍﺳﻤﻌﻪ : ﻣﺒﺮﻭﻭﻙ ﻭﺍﺧﻴﺮﺍ ﺻﺮﺗﻲ ﺃﻟﻲ
ﻫﺎﻱ ﺍﻟﻜﻠﻤﺎﺕ ﺭﻫﺒﻨﻲ ﻛﻠﺶ .. ﻛﻌﺪﺕ ﻭﻫﻮ ﻛﻌﺪ ﺑﺼﻔﻲ ﻟﺰﻡ ﺃﻳﺪﻱ ﺍﻟﺒﺎﺭﺩﻩ ﺑﻴﺪﻩ ﺍﻟﺪﺍﻓﻴﻪ ﺣﺠﻪ : ﻟﻴﺶ ﺍﻳﺪﺝ ﺑﺎﺭﺩﻩ
ﺳﻜﺘﺖ ﻣﺎﺟﺎﻭﺑﺖ ﺭﺩﺕ ﺍﺑﻌﺪ ﺍﻳﺪﻱ ﻋﻨﻪ ﻻﻥ ﻣﺎﻣﺘﺤﻤﻠﻪ ﻗﺮﺑﻪ ﺑﺲ ﻋﺎﻧﺪ ﻭﻗﻮﻩ ﻗﺒﻀﺖ ﺍﻳﺪﻩ ﺳﻜﺘﺖ ﺍﻧﻲ
ﺷﻮﻭﻱ ﻭﺟﺎﺑﻮ ﺍﻟﺬﻫﺐ ﻭﻛﺎﻟﻮﻟﻪ ﻟﺒﺴﻪ ﺍﺑﺘﺴﻢ ﻭﻛﺎﻝ : ﺻﺎﺭ
ﺍﻧﻄﻨﻪ ﺍﻟﺤﻠﻘﻪ ﺍﺧﺬ ﺍﻳﺪﻱ ﻭﻟﺒﺴﻪ ﺍﻟﻲ ﺍ .. ﻧﻄﻨﻲ ﺍﻟﺤﻠﻘﻪ ﻭﺍﻳﺪﻱ ﺗﺮﺟﻒ ﻟﻮ ﺷﻮﻳﻪ ﺭﺍﺩﺕ ﺗﻮﻛﻊ ﺑﺲ ﻫﻮ ﻟﺰﻡ ﺍﻳﺪﻱ ﻭﻟﺒﺴﺘﻪ ﺍﻟﺤﻠﻘﻪ
ﺭﺟﻊ ﻟﺒﺴﻨﻲ ﺍﻟﻤﺤﺒﺲ ﻭﺑﺎﺱ ﺃﻳﺪﻱ ﺍﻧﺼﺪﻣﺖ ﻣﻨﻪ ﻭﻣﻦ ﺟﺮﺋﺘﻪ ﺭﺟﻊ ﻟﺒﺴﻨﻲ ﺍﻟﺴﻮﺍﺭ
ﺍﻧﻄﻨﻪ ﺍﻟﻘﻼﺩﻩ ﺑﺎﻭﻋﻠﻲ ﺍﻧﻲ ﻭﺧﺮﺕ ﺷﻌﺮﻱ ﻻﺗﺠﺎﻩ ﺍﻟﺜﺎﻧﻲ ﻭﺍﻗﺘﺮﺏ ﻣﻦ ﻳﻤﻲ ﻫﻮﻭ ﻭﺍﻧﻔﺎﺳﻪ ﺍﻟﺤﺎﺭﻩ ﺗﻠﻔﺢ ﻭﺟﻬﻲ
ﻫﻤﺲ ﻳﻢ ﺃﺫﻧﻲ ﻭﻫﻮ ﻳﺴﺪ ﺑﻠﻘﻼﺩﻩ : ﺃﻭﻳﻠﻲ ﻋﻠﻰ ﻫﺎﻱ ﺍﻟﺸﺎﻣﻪ ﺍﻟﻲ ﺑﺮﻛﺒﺘﺞ
ﺍﻧﻲ ﻫﻨﺎ ﻣﺘﺘﺖ ﻣﻦ ﺍﻟﺨﺠﻞ ﺍﺣﺲ ﺻﻌﺪﺕ ﺍﻟﺤﺮﺍﺭﻩ ﺑﻮﺟﻬﻲ
ﺿﺤﻚ ﻭﻛﺎﻝ : ﻫﻬﻬﻬﻪ ﻃﻠﻌﺘﻲ ﺗﺨﺠﻠﻴﻦ ﺯﻣﻦ ﻭﺍﻟﻠﻪ
ﻃﺒﻌﺎ ﺍﻟﻜﻼﻡ ﻣﺤﺪ ﻳﺴﻤﻌﻪ ﻏﻴﺮﻧﺎ ﻭﻫﺬﺍ ﻛﻠﻪ ﻭﺍﻧﻲ ﺳﺎﻛﺘﻪ
ﻛﺎﻡ ﻭﺑﺎﺱ ﺭﺍﺳﻲ : ﻳﺎﻟﻪ ﺍﺗﺮﺧﺺ ﺍﻧﻲ ﺍﻧﺘﻦ ﺑﻌﺪ ﻛﻤﻠﻦ ﺍﺭﻳﺪ ﺍﻣﺸﻲ
ﻫﻨﺎ ﺿﺤﻜﻦ ﻭ ﻭﺩﻋﻨﻪ ﺑﻠﻬﻼﻫﻞ ﻭﺍﻟﻬﻮﺳﺎﺕ ﻇﻠﻴﺖ ﺍﺑﺎﻭﻉ ﻋﻠﻴﻪ ﺑﺤﻘﺪ ﺍﻭﻭﻑ ﺑﺪﻱ ﺍﻛﻮﻭﻡ ﺍﻣﻮﻭﺗﻪ ﻋﺎﺩ ﺍﻃﻔﻲ ﺍﻟﻨﺎﺭ ﺍﻟﻲ ﺑﻜﻠﺒﻲ
ﻇﻠﻴﺖ ﻳﻤﻬﻦ ﻛﺎﻋﺪﻩ ﻭﻫﻨﺎ ﻳﺮﻛﺼﻦ ﺷﻨﻲ ﻫﺎﻱ ﻟﺨﺎﻃﺮ ﺍﻟﻠﻪ ﻣﺎﺍﺗﻌﺒﻦ ﻭﺗﻤﻠﻦ
ﺷﻮﻱ ﺷﻮﻱ ﻛﺎﻣﻦ ﻳﻘﻠﻦ ﺑﻘﻦ ﺑﺲ ﺍﻟﻜﺮﺍﻳﺐ ﺣﺴﻴﺖ ﺻﺪﻋﺖ ﻛﻠﺶ ﺑﺎﻭﻋﺖ ﻋﻠﻰ ﺟﻮﺭﻱ ﻭﺻﺤﺘﻪ
ﺍﺟﺖ ﻋﻠﻴﻪ : ﻫﺎ ﺣﺒﻴﺒﺘﻲ
: ﻓﺪﻭﻩ ﺍﺧﺬﻳﻨﻲ ﻻﻥ ﺩﺧﺖ ﻭﺍﺭﻳﺪ ﺍﻣﺸﻲ ﺍﺭﺗﺎﺡ
ﻫﺰﺕ ﺭﺍﺳﻪ ﻭﻃﻠﻌﺘﻨﻲ ﻭﺍﻋﺘﺬﺭﺕ ﻣﻦ ﺍﻟﺒﻘﻴﻪ ﻭﻫﻨﺎ ﺗﻔﻬﻤﻦ ﻃﺒﻌﺎ ﻻﻥ ﺍﻫﻠﻲ ﻭ ﻣﻮ ﻏﺮﺑﻪ ﻓﺎ ﻃﻠﻌﺖ
ﻋﻔﺘﻬﻦ ﻭﺻﻌﺪﺕ ﻟﻐﺮﻓﺘﻲ ﻭﻛﺘﻠﻬﻦ ﻛﻠﺸﻲ ﻣﺎﺭﻳﺪ ﻭﻻ ﺍﺣﺪ ﻳﺰﻋﺠﻨﻲ ﺍﺭﻳﺪ ﺍﺭﺗﺎﺡ ﻭﺍﻧﺎﻡ
ﺻﻌﺪﺕ ﻟﻠﻐﺮﻓﻪ ﺳﺪﻳﺖ ﺍﻟﺒﺎﺏ ﻭﺭﺍﻱ ﻭﻗﻔﻠﺘﻪ ﻣﻦ ﺷﻔﺖ ﻧﻔﺴﻲ ﻭﺣﺪﻱ
ﻫﻨﺎ ﺍﻃﻠﻘﺖ ﺍﻟﻌﻨﺎﻥ ﻟﺪﻣﻮﻋﻲ ﻭﻇﻠﻴﺖ ﺍﺑﺠﻲ ﺑﺤﺮﻛﻪ ﻭﻗﻬﺮ : ﺍﺍﺍﺍﺥ ﺑﻮﻭﻭﻳﻪ ﺗﻌﺎﻝ ﺷﻮﻑ ﺑﻨﺘﻚ ﺷﺼﺎﺭ ﺑﻴﻪ ﺭﺑﻲ ﺩﺧﻴﻠﻚ ﺷﺼﺎﺭ ﺑﻴﻪ ﻟﻴﺶ ﻫﻴﺞ
ﻛﻤﺖ ﺣﺘﻰ ﻣﺎﻋﺮﻑ ﻧﻔﺴﻲ ﺍﻭﻭﻑ ﺭﺑﻲ ﺳﺎﻋﺪﻧﻲ ﻭﻓﺮﺝ ﻫﻤﻲ ﻟﻴﺶ ﺍﺣﺲ ﻧﻔﺴﻲ ﺑﻤﺘﺎﻫﻪ ﻭﺩﺍﻳﺨﻪ
ﺭﺣﺖ ﻋﻠﻰ ﺍﻟﺴﺮﻳﺮ ﻭﻏﻤﻀﺖ ﻋﻴﻨﻲ ﺑﺘﻌﺐ ﻧﻤﺖ ﺑﻔﺴﺘﺎﻧﻲ ﻭﺑﻤﻜﻴﺎﺟﻲ ﻣﺎﺑﻴﻪ ﺣﻴﻞ ﺍﺳﻮﻱ ﺍﻱ ﺷﻲ ..
ﻳﺎ ﺩﻧﻴﺘﻲ ﻟﻴﻪ ﺃﻧﺎ ﺣﺎﻟﻲ ﻏﺮﻳﺐ؟
ﺍﻟﻘﻠﺐ ﻳﺸﻜﻲ ﺟﺮﻭﺡ ﻣﻦ ﺩﻭﻥ ﺃﺳﺒﺎﺏ
ﺃﺟﻠﺲ ﻭﻓﻲ ﻗﻠﺒﻲ ﻃﻌﻮﻥ ﻭﺗﻐﺮﻳﺐ
ﻭﺍﻟﻌﻴﻦ ﻛﻞّ ﺍﻟﻮﻗﺖ ﺗﺒﻜﻲ ﻣﻦ ﺍﻷﺣﺒﺎﺏ
ﻳﺎ ﺩﻧﻴﺘﻲ ﺗﻜﻔﻴﻦ ﻻﺻﺮﺕ ﻋﺎﻳﺶ ﻃﻮﻝ ﻋﻤﺮﻱ
ﺑﺘﻌﺬﻳﺐ ﻓﺎﻟﻤﻮﺕ ﺃﺭﺣﻢ ﻣﻦ ﺯﻣﻦ ﻣﺎ ﺑﻪ ﺃﺣﺒﺎﺏ ...
...........
ﺩﺭﺓ / ﺻﻌﺪﺕ ﻓﻮﻙ ﺍﺭﻳﺪ ﺍﺷﻮﻑ ﻣﺮﻭﺍﻥ ﺩﺯﻟﻲ ﺭﺳﺎﻟﻪ ﻳﻄﻠﺐ ﺍﻧﻮ ﻳﺸﻮﻓﻨﻲ
ﺩﻛﻴﺖ ﺑﺎﺏ ﻏﺮﻓﺘﻪ ﻣﺎﺳﻤﻌﺖ ﺻﻮﺕ ﻛﻠﺖ ﻳﻤﻜﻦ ﺑﻌﺪﻩ ﻣﺎﺟﺎﻱ ﺩﺧﻠﺖ ﻭﺳﺪﻳﺖ ﺍﻟﺒﺎﺏ ﻇﻠﻴﺖ ﺍﺑﺎﻭﻉ ﻋﻠﻰ ﺍﻟﻐﺮﻓﻪ ﻭﻣﺎﺣﺲ ﺍﻻ ﺍﻳﺪ ﺟﺮﺗﻨﻲ
ﻟﻄﺨﺖ ﺑﺼﺪﺭﻩ ﺭﻓﻌﺖ ﺭﺍﺳﻲ ﺷﻔﺖ ﻣﺮﻭﺍﻥ ﻳﺒﺎﻭﻋﻠﻲ : ﻳﺎﻫﻼ ﻧﻮﺭﺕ ﺍﻟﻐﺮﻓﻪ
ﺍﺑﺘﺴﻤﺖ ﺑﺎﺭﺗﺒﺎﻙ : ﻫﻼ ﻣﺮﻭﺍﻥ
ﺍﺭﻳﺪ ﺍﻭﺧﺮ ﻣﻨﻪ ﺑﺲ ﻫﻮ ﻣﺤﻜﻢ ﻗﺒﻀﺘﻪ ﻋﻠﻰ ﺍﻳﺪﻱ ﺍﺛﻨﻴﻨﻬﻦ ﺑﺎﻭﻋﺘﻠﻪ : ﺍﺍ ﻣﺮﻭﺍﻥ ﻭﺧﺮ ﻋﻔﻴﻪ
ﺍﺑﺘﺴﻢ ﻫﺰ ﺭﺍﺳﻪ ﺑﻨﻔﻲ : ﺗﺆ ﺍﻟﻜﻤﺮ ﻛﺪﺍﻣﻲ ﻭﺗﺮﺩﻳﻨﻲ ﺍﻋﻮﻓﻪ ﻣﺎﻳﺼﻴﺮ
ﺍﺑﺘﻌﺪ ﺷﻮﻱ ﻋﻨﻲ ﻭﺑﻌﺪﻩ ﻻﺯﻡ ﺍﻳﺪﻱ ﺧﺎﻑ ﺍﺷﺮﺩ ﺑﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﺑﻨﻈﺮﺍﺕ ﺍﻧﻲ ﻻﺑﺴﻪ ﻓﺴﺘﺎﻥ ﺍﺣﻤﺮ ﻭﺍﻟﺮﺩﻥ ﻭﻣﻦ ﺍﻟﺼﺪﺭ ﻣﻐﻄﻰ ﺑﺸﻴﻔﻮﻥ ﺍﺳﻮﺩ
ﻭﻻﺑﺴﻪ ﺍﻟﺸﺎﻝ ﺑﺎﻫﻤﺎﻝ .. ﺍﻗﺘﺮﺏ ﻣﻦ ﻳﻤﻲ ﻭﺍﻧﻲ ﻣﻴﺘﻪ ﺧﺠﻞ ﻭﺧﻮﻑ ﻣﻦ ﻧﻈﺮﺍﺗﻪ
ﺳﺤﺐ ﺍﻟﺸﺎﻝ ﻣﻦ ﺭﺍﺳﻲ ﻭﺫﺑﺎﻩ : ﻫﺬﺍ ﺍﻟﺠﻤﺎﻝ ﻛﻠﻪ ﺍﻟﻲ ﻣﺎﺻﺪﻙ ﻭﺍﻟﻠﻪ
ﺍﻗﺘﺮﺏ ﺍﻛﺜﺮ ﻭﺟﺮﻧﻲ ﻣﻦ ﺧﺼﺮﻱ ﺍﻧﻲ ﺷﻬﻜﺖ ﺑﺨﻮﻭﻑ : ﻫﺌﺌﺊ ﻣﺮﻭﺍﻥ ﺷﺘﺴﻮﻱ ﻭﺧﺮ ﺧﻞ ﺍﻣﺸﻲ ﻋﻔﻴﻪ
ﺑﺲ ﻫﻮ ﻭﻻﺟﻦ ﻳﺴﻤﻌﻨﻲ ﺍﻗﺘﺮﺏ ﻣﻦ ﻳﻤﻲ ﻭﺑﺎﺳﻨﻲ ﺑﻬﺪﻭﺀ ﻣﻦ ﺧﺪﻱ .. ﺍﻧﺼﺪﻣﺖ ﻣﻦ ﺍﻟﺴﻮﺍﻩ ﺑﺲ ﺣﺴﻴﺖ ﺑﺤﺴﺎﺱ ﺣﻠﻮ
ﺣﻄﻴﺖ ﺍﻳﺪﻱ ﻋﻠﻰ ﺻﺪﺭﻩ ﺍﺭﻳﺪ ﺍﺑﻌﺪ ﻋﻨﻪ ﺑﺎﻭﻋﻠﻲ ﺑﻠﻬﻔﻪ
ﺍﺧﺬ ﺍﻳﺪﻱ ﻭﺑﺎﺳﻪ : ﻭﻟﺞ ﺍﺣﺘﺮﻛﺖ ﻋﺸﻴﺮﺗﺞ ﺷﻨﻮ ﻫﺬﺍ ﺍﻟﺠﻤﺎﻝ
ﺍﻧﻲ ﻏﻮﺭﻛﺖ ﻋﻴﻨﻲ ﺑﺨﺠﻞ ﺍﻭﻝ ﻣﺮﻩ ﻣﺮﻭﺍﻥ ﻫﻴﺞ ﻳﺴﻮﻱ : ﻣﺮﻭﺍﻥ ﻋﻔﻴﻪ ﺧﻞ ﺍﻣﺸﻲ
ﺍﺑﺘﻌﺪ ﻋﻨﻲ ﻣﻦ ﺷﺎﻓﻨﻲ : ﺭﻭﺣﻲ ﻭﻟﺞ ﻻ ﺍﺑﺘﻠﻲ ﺑﻴﺞ ﺧﺮﺏ ﻭﺗﺮﻳﺪﻧﻲ ﺍﺷﻮﻑ ﻫﺬﺍ ﺍﻟﺠﻤﺎﻝ ﻭ ﺍﻧﺘﻈﺮﻩ ﻟﺤﺪ ﻣﺎﺗﺨﻠﺺ ﺳﺎﺩﺱ
ﺍﻧﻲ ﻣﻦ ﺷﻔﺘﻪ ﺍﺑﺘﻌﺪ ﻋﻨﻲ ﺣﺴﻴﺖ ﺑﺮﺍﺣﻪ ﻣﻮ ﻃﺒﻴﻌﻴﻪ ﺍﺧﺬﺕ ﺷﺎﻟﻲ ﻭﻟﺒﺴﺘﻪ ﺭﺩﺕ ﺍﻃﻠﻊ ﺑﺲ ﻭﻗﻔﻨﻲ ﺻﻮﺗﻪ
: ﺩﺭﺓ ﺟﻬﺰﻱ ﻧﻔﺴﺞ ﻋﻠﻰ ﺳﺎﻋﻪ ﺍﻛﻠﺞ ﺑﺎﺟﺮ ﺍﺟﻴﻜﻢ ﻭﺍﺧﻄﺒﺞ ﺗﺮﻯ ﻣﻠﻴﺖ ﺍﻧﻲ ﻭﺍﻟﻠﻪ
ﺑﺎﻭﻋﺘﻠﻪ ﺑﺼﺪﻣﻪ ﻭﺗﺮﺟﻴﺘﻪ : ﻻ ﻋﻔﻴﻪ ﻣﺮﻭﺍﻥ ﻟﻌﺪ ﻭﺩﺭﺍﺳﺘﻲ
ﺑﺎﻭﻋﻠﻲ ﺑﻘﻬﺮ : ﻭﻟﺞ ﻣﻦ ﺍﻧﻌﻞ ﺍﺑﻮ ﺍﻟﺪﺭﺍﺳﻪ ... ﺷﻨﻲ ﺍﻧﻲ ﺍﻣﻨﻌﺞ ﻳﺎﺑﻪ ﻳﻤﻲ ﺍﺩﺭﺳﻴﻦ ﺑﺲ ﺗﺮﻯ ﻭﺍﻟﻠﻪ ﺗﻌﺒﺖ ﺍﺭﻳﺪﺝ ﻳﻤﻲ ﺩﺭﺓ ﻗﺮﻳﺒﻪ ﻋﻠﻲ
: ﻋﻔﻴﻪ ﻭﺍﻟﻠﻪ ﺧﻠﺼﺖ ﻫﻴﺎ ﺍﻟﺴﻨﻪ ﺍﺻﺒﺮ ﻓﺪﻭﻭﻩ .. ﻫﺎﻱ ﺍﻻﺷﻬﺮ ﻭﺍﺻﻴﺮ ﺍﻟﻚ ﻭﻣﺤﺪ ﻳﺎﺧﺬﻧﻲ ﻣﻨﻚ
ﺍﺑﺘﺴﻢ ﻋﻠﻰ ﻛﻼﻣﻲ : ﺍﺍﺍﺥ ﻣﻨﺞ ﻣﺎﺷﻲ .. ﻳﺎﻟﻪ ﺷﻮ ﺭﻭﺣﻲ ﻻ ﺍﺑﺘﻠﻲ ﺑﻴﺞ ﻫﺴﻪ ﻭﺍﻟﻠﻪ
ﺍﺑﺘﺴﻤﺖ ﻭﻃﻠﻌﺖ ﻣﻦ ﺍﻟﻐﺮﻓﻪ ﻭﺍﻧﻲ ﻣﻴﺘﻪ ﺧﺠﻞ ﻣﻦ ﺗﺼﺮﻓﻪ ﻭﻓﺮﺣﺎﻧﻪ ﻣﻦ ﻛﻼﻣﻪ
ﺣﺠﻴﺖ : ﻳﻤﺎﺍﺍﺍ ﻓﺪﻭﻩ ﻟﺤﺒﻴﺒﻲ ﺍﻟﻠﻪ ﻳﺤﻔﻈﻚ ﺍﻟﻲ
ﺍﺳﻤﻊ ﺻﻮﺗﻪ ﻭﺭﺍﻱ ﻛﻤﺰﺕ : ﻭﻳﺤﻔﻈﺞ ﺍﻟﻲ ﻳﺮﻭﺣﻲ ﺍﻧﺘﻲ
ﻣﺘﺖ ﻣﻦ ﺍﻻﺣﺮﺍﺝ ﺑﺪﻭﻥ ﻣﺎﺍﺑﺎﻭﻋﻠﻪ ﺭﻛﻀﺖ ﻭﻋﻔﺘﻪ ﻧﺰﻟﺖ ﻭﺍﺳﻤﻊ ﺿﺤﻜﻪ ﻭﺭﺍﻱ ..
.......
ﺿﺮﻏﺎﻡ / ﺧﻠﺼﺖ ﺍﻟﺨﻄﻮﺑﻪ ﻭﺑﻘﻮﻭ ﻋﻠﻰ ﺍﻟﻌﺸﻪ ﻭﻛﻠﻤﻦ ﺭﺍﺡ ﻟﺒﻴﺘﻪ ﺣﺴﻴﺖ ﺑﺘﻌﺐ ﺭﺣﺖ ﻋﺒﺮﺕ ﻣﻦ ﺍﻟﻤﻄﺒﺦ ﻭﻛﻔﺖ ﻇﻠﺖ ﻋﻴﻮﻧﻲ ﺍﺩﻭﺭ ﻋﻠﻴﻪ ﺑﺲ ﻣﺎﻛﻮﻭ
ﻣﺎﻋﺮﻑ ﻟﻴﺶ ﺍﺩﻭﺭ ﻋﻠﻴﻪ ﺳﻠﻤﺖ ﻋﻠﻰ ﺍﻟﺒﻨﺎﺕ ﻭﻛﻠﺖ ﻟﺠﻮﺭﻱ ﺍﺩﻳﺮ ﺑﺎﻟﻪ ﻋﻠﻰ ﺳﺮﺍﺝ ﻻﻥ ﺍﻧﻲ ﺗﻌﺒﺎﻥ ﻭﺍﺭﻳﺪ ﺍﺭﺗﺎﺡ
ﺻﻌﺪﺕ ﻓﻮﻭﻙ ﻭﺩﺧﻠﺖ ﻟﻐﺮﻓﺘﻲ ﺫﺑﻴﺖ ﺍﻟﻌﻜﺎﻝ ﻭﺍﻟﺸﻤﺎﻍ ﻋﻠﻰ ﺍﻟﺠﺮﺑﺎﻳﻪ ﻭﺍﻟﻌﺒﺎﻳﻪ ﻋﻠﻜﺘﻪ ﺩﺧﻠﺖ ﻟﻠﺤﻤﺎﻡ ( ﺗﻜﺮﻣﻮﻥ )
ﺳﺒﺤﺖ ﻭﻃﻠﻌﺖ ﺍﻧﺸﻒ ﺷﻌﺮﻱ ﻟﺒﺴﺖ ﺩﺷﺪﺍﺷﻪ
ﻭﺣﻄﻴﺖ ﺭﺍﺳﻲ ﻋﻠﻰ ﺍﻟﻤﺨﺪﻩ ﻭﻇﻠﺖ ﺍﻻﻓﻜﺎﺭ ﺗﺠﻴﻨﻲ ..
ﻃﺒﻌﺎً ﻣﻦ ﺍﻭﻝ ﻳﻮﻡ ﺷﻔﺘﻪ ﻟﻴﺎﻗﻮﺕ ﻋﺎﺩﻱ ﻋﻨﺪﻱ ﻣﺎﻫﺘﻤﻴﺖ ﺍﻟﻪ ﺑﺲ ﺍﻧﻲ ﻣﺮﺍﺕ ﺍﺣﺲ ﺑﻨﻈﺮﺍﺗﻪ ﻣﻦ ﺗﺒﺎﻭﻋﻠﻲ
ﺑﺲ ﺍﺳﻮﻱ ﻧﻔﺴﻲ ﻣﺎﺷﻮﻑ ﻻﻥ ﺍﻧﻲ ﻫﻴﺞ ﻟﻌﺒﺖ ﺭﻭﺣﻲ ﻣﻦ ﺍﻟﻨﺴﻮﺍﻥ ﻛﻠﻬﻦ ﺑﺲ ﻛﻞ ﻣﺎﻳﺼﻴﺮ ﺷﻲ ﻻﺯﻡ ﺗﻜﻮﻥ ﻫﻴﺎ ﻣﻮﺟﻮﺩﻩ ..
ﺍﺣﺴﻪ ﺑﻨﻴﻪ ﺷﻔﺎﻓﻪ ﺗﻨﻌﺮﻑ ﺑﺴﺮﻋﻪ ﺧﺠﻮﻟﻪ ﻣﺎﺳﻤﻊ ﺻﻮﺗﻪ ﻫﻮﺍﻱ ﻣﻦ ﺗﺸﻮﻓﻨﻲ ﺗﺮﺗﺒﻚ ﻭﺩﻧﻚ ﺭﺍﺳﻪ
ﻣﺎﺟﺬﺏ ﻋﻠﻴﻜﻢ ﺍﺫﺍ ﺍﻛﻮﻝ ﻣﺎﺟﺬﺑﻨﻲ ﺧﺠﻠﻪ ﺑﺲ ﻛﻠﺖ ﺗﻈﺎﻫﺮ ﻫﺎﻱ ﺍﻻﺑﻨﻴﻪ ﻭﺟﺬﺏ
ﺍﺑﻨﻲ ﺳﺮﺍﺝ ﺍﺗﻌﻠﻖ ﺑﻴﻬﺎ ﻭﺣﺒﻬﺎ ﻭﻛﻞ ﻣﺎﻳﺸﻮﻓﻪ ﻳﺠﻲ ﻳﺴﻮﻟﻔﻠﻲ ﺷﺼﺎﺭ ﻭﻳﺎﻩ ﻣﺎﺻﺪﻙ ﺷﻠﻮﻥ ﻫﺎﻱ ﺧﻠﺖ ﺍﺑﻨﻲ ﻳﺤﺒﻪ ﻭﻳﺘﻌﻠﻖ ﺑﻴﻬﺎ ﺑﺲ ﻛﻠﺖ ﻧﺴﻮﺍﻥ ﻭﻳﻌﺮﻓﻦ ﻟﻬﻴﺞ ﺳﻮﺍﻟﻒ ﻳﺨﻠﻦ ﺍﻟﻮﻟﺪ ﻳﺘﻌﻠﻘﻦ ﺑﻴﻬﻦ ﻃﻔﻞ ﺍﻭ ﺷﺎﺏ
ﺑﻌﺪ ﻛﻴﺪﻫﻦ ﻋﻈﻴﻢ .. ﻓﺎ ﻣﻦ ﺻﺎﺭﺕ ﻭﺭﺍﺣﻦ ﻟﺒﻴﺖ ﻋﻤﻲ ﺍﺑﻮ ﻏﺴﺎﻥ
ﻃﻠﻌﺖ ﻣﻦ ﺍﻟﻤﻀﻴﻒ ﺣﺘﻰ ﺍﺗﺼﻞ ﻋﻠﻰ ﺷﺨﺺ ﻻﻥ ﺑﻠﺪﺍﺧﻞ ﻫﻮﺳﻪ ﻭﻛﻠﺸﻲ ﻣﺎﺍﻓﺘﻬﻢ ﻓﺎ ﺍﺧﺎﺑﺮ ﻭﺍﻓﺘﺮ ﻭﺍﻗﺘﺮﺑﺖ ﻣﻦ ﺍﻟﺤﺪﻳﻘﻪ ﻭﺍﻧﺼﺪﻡ ﻣﻦ ﺍﻟﻲ ﺷﻔﺘﻪ
ﺷﻔﺘﻪ ﺗﻠﻌﺐ ﻭﻱ ﺳﺮﺍﺝ ﻃﻮﺑﻪ ﻭﺍﻟﺸﺎﻝ ﻫﻴﺞ ﻻﺑﺴﺘﻪ ﺷﻌﺮﻩ ﻧﺼﻪ ﻃﺎﻟﻌﻪ
ﺗﻀﺤﻚ ﺑﻌﻔﻮﻳﻪ ﻭﻓﺮﺣﺎﻧﻪ ﺍﻣﺒﻴﻨﻪ ﻭﻣﺎﻣﻬﺘﻤﻪ ﻻﺣﺪ ﻭﺳﺮﺍﺝ ﻳﻀﺤﻚ ﻭﻓﺮﺣﺎﻥ ﻭﻳﺎﻫﺎ
ﺣﺴﻴﺘﻪ ﻃﻔﻠﻪ ﺣﺎﻟﻪ ﺣﺎﻝ ﺳﺮﺍﺝ ﺍﺑﺘﺴﻤﺖ ﻻ ﺍﺭﺍﺩﻱ ﻣﻦ ﺷﻔﺘﻪ ﺣﺴﻴﺖ ﻋﻠﻰ ﻧﻔﺴﻲ ﻭﺭﺩﺕ ﺍﻣﺸﻲ ﺑﺲ ﺷﻔﺖ ﻭﺍﺣﺪ ﻣﻦ ﺍﻟﻌﻤﺎﻝ ﻭﺍﻛﻒ ﻭﻳﺒﺎﻭﻋﻠﻪ ﻭﻣﺒﺘﺴﻢ ﺍﻻﺥ
ﺍﻧﻲ ﻫﻨﺎ ﻣﺎﻋﺮﻑ ﺷﺼﺎﺭ ﺑﻴﻪ ﺑﺲ ﺣﺴﻴﺖ ﻧﺎﺭ ﻭﺗﺴﻌﺮ ﺟﻮﺍﻱ ﻭﻣﺎﺩﺭﻱ ﻟﻴﺶ ﻳﻤﻜﻦ ﻏﻴﺮﻩ ﻻﻥ ﻳﻤﻨﺎ ﻭﺑﺤﻤﺎﻳﺘﻨﻪ ﺍﻧﻲ ﻫﻴﺞ ﺣﺴﺒﺘﻪ
ﻫﻮ ﺷﺎﻓﻨﻲ ﻭﺧﺰﺭﺗﻪ ﺍﻧﻲ ﻭﺍﺭﻳﺪ ﺍﺭﻭﺡ ﺍﻣﻮﺗﻪ ﻫﻮ ﻣﻦ ﺷﺎﻓﻨﻲ ﺧﺎﻑ ﻭﺩﺍﺭ ﻭﺟﻬﻪ ﻭﻣﺸﻪ
ﺍﻧﻲ ﺻﺮﺕ ﺍﻋﺼﺎﺏ ﺑﺎﻭﻋﺖ ﻋﻠﻴﻪ ﺑﻌﺪﻫﺎ ﻳﺎﺭﻳﻲ ﺗﻠﻌﺐ ﻭﻣﺎﻣﻬﺘﻤﻪ ﺭﺣﺖ ﻋﻠﻴﻪ ﻭﺍﻧﻲ ﻛﻠﻲ ﻏﻀﺐ
ﻫﻴﺎ ﺷﺎﻓﺘﻨﻲ ﻭﺍﺭﺗﺒﻜﺖ ﺍﺟﻴﺖ ﺍﻧﻲ ﻭﻇﻠﻴﺖ ﺍﺻﻴﺢ ﻋﻠﻴﻪ ﻭﻫﻴﺎ ﻣﺼﺪﻭﻣﻪ ﻣﻨﻲ ﻭﻇﻠﻴﺖ ﺣﺘﻰ ﺍﺟﺮﺣﻪ ﺑﻠﻜﻼﻡ ﺷﻔﺖ ﺍﻟﺪﻣﻮﻉ ﺑﻌﻴﻮﻧﻪ ﺑﺲ ﺍﺑﺪ ﻣﺎﻫﺘﻤﻴﺖ ﺑﻜﺪ ﻣﺎﻣﺤﺮﻭﻙ ﻛﻠﺒﻲ ﻭﺍﺭﻳﺪ ﺍﻋﺮﻑ ﺍﻟﺴﺒﺐ
ﺑﻌﺪﻳﻦ ﺻﺪﻣﺘﻨﻲ ﻛﻼﻣﻪ ﻣﻦ ﻛﺎﻟﺘﻠﻲ ﻣﺮﻳﺾ ﺍﻫﻨﺎ ﺻﺮﺕ ﻧﺎﺭ ﻭﻣﺎﺍﺣﺲ ﺍﻻ ﺑﺮﺍﺷﺪﻱ ﻗﻮﻱ ﺿﺮﺑﺘﻬﺎ
ﺍﻧﻲ ﻫﻴﺞ ﺗﺤﺠﻲ ﻭﺗﻜﻮﻝ ﺍﺟﻦ ﺍﻟﺒﻨﺎﺕ ﻭﻳﺮﺩﻥ ﻳﻔﻬﻤﻨﻲ ﻭﺍﻧﻲ ﺑﺲ ﺍﺻﻴﺢ ﻋﻠﻴﻪ ﻭﻫﻴﺎ ﺗﺒﺠﻲ ﻭﺗﺼﻴﺢ ﻋﻠﻴﻪ
ﻟﺤﺪ ﻣﺎﻭﺭﻭﺩ ﻓﻬﻤﺘﻨﻲ ﻫﻴﺎ ﻭﺍﻟﺒﻨﺎﺕ ﺍﻧﻮ ﻫﻴﺎ ﻣﺎﺗﻌﺮﻑ ﺍﺻﻼ
ﺍﻧﻮ ﻣﻮﺟﻮﺩﻳﻦ ﻫﻨﺎ
ﺑﺎﻭﻋﺘﻠﻪ ﺑﺼﺪﻣﻪ ﻭﺣﺴﻴﺖ ﻋﻠﻰ ﻧﻔﺴﻲ ﻫﺴﻪ ﺍﺗﻨﺪﻣﺖ ﻻﻥ ﻇﺮﺑﺘﻪ ﻻﻥ ﻣﺎﻳﺤﻘﻠﻲ ﺍﺻﻼ
ﻫﻴﺎ ﺑﺎﻭﻋﺖ ﺍﻟﻲ ﺑﻜﺮﻩ ﺷﻜﺪ ﻛﺮﻫﺖ ﻧﻈﺮﺗﻪ ﻭﻣﺸﺖ
ﻇﻠﻴﺖ ﻣﺘﻨﺪﻡ ﻋﻠﻰ ﺍﻟﻲ ﺳﻮﻳﺘﻪ ﻭﻣﻦ ﺻﺎﺭﺕ ﺍﻟﺴﺎﻟﻔﻪ ﺍﺳﺒﻮﻉ ﻣﺎﺷﻔﺘﻪ
ﺣﺴﻴﺖ ﻧﻔﺴﻲ ﻓﻘﺪﺕ ﺷﻲ ﻣﺎﻋﺮﻑ ﻟﻴﺶ ﺍﺟﺎﻧﻲ ﺍﻻﺣﺴﺎﺱ ﺣﺘﻰ ﻛﺮﻫﺖ ﺭﻭﺣﻲ ﻻﻥ ﺍﻓﻜﺮ ﺑﻴﻬﺎ
ﻇﻠﻴﺖ ﺍﺳﺌﻞ ﻧﻔﺴﻲ ﻟﻴﺶ ﺗﻔﻜﺮ ﺑﻴﻬﺎ ﻣﻌﻘﻮﻟﻪ ﺣﺒﻴﺖ ﺑﺲ ﻻ ﺍﻧﻲ ﺷﻨﻮ ﺣﺐ ﺍﻧﻲ ﺍﺻﻼ ﻟﻌﺒﺖ ﺭﻭﺣﻲ ﻣﻨﻬﻦ
