#حب_بنكهة_المشاكل😂❤️
#الحلقه_الخامسه_عشر_ماقبل_الأخيرة(15)✨+ لايك قبل ماتقري
معاذ"بصدمه": أميره ؟؟؟؟ .... شاف للمسج والف فكره وفكره في باله حط الهاتف جنبه يفكر ليش بعد الوقت هذا أميرة رجعت من جديد ؟..كان الغضب مسيطر ع معاذ كان مش مستعد يسمع منها اي تبرير لأن اللي داراته مش اشوي ابداً !!...بعد تفكير طال قريب ساعه رنت عليه أخته
مرام: هيا كملت تعال روح بيا
معاذ"مسك روحه ": تم ...صكر وخذا مفاتيحه وطلع للمعهد يجيب أخته
اما عندي انا كنت نشتغل سمعت صوت خطوات جيات التفت ابسرعه
انا"بدون وعي": معاذ
فوزيه"مستغربه": وين معاذ😳
انا"تنهدت": لا نحسابه هو ع خاطر ...قبل مانكمل قصة عليا فوزيه
فوزيه: ليش تنكري قولي نحبه ماحد يبي يقتلك😐
انا"نكرت": فوزيه بتقعدي تحكي كلام فارغ معناها اطلعي برا
فوزيه"عقدت حواحبها": يابنتي وقت مرواح توا
انا"بستغراب": ماحسيتش بالوقت تصدقي😥
فوزيه"بجديه": تقدري تحلفي؟
انا: ع شنو؟
فوزيه: احلفي انك ماعندكش مشاعى بتجاه معاذ !
انا"توترت": لا ياعيني عندي مشاعر كره وحقد ...الحيوان متاع البنات😒
فوزيه"برفعة حاجب": واجهي نفسك بالحقيقه في اقرب وقت ...لان كان تعتبري المعتصم غلطه معناها معاذ نفسه ؟ لا راه مش نفسه فرق بين السماء والأرض
انا" اضيقت": كان كملتي كلامك هيا نطلعو
فوزيه: مع ان كلامي ديما تافهه لكن اللي قلته لك حقيقي من صماصيم قلبي😌
انا: فووووزيه وفري نصيحتك الروحك🙂 ..وهيا ... طلعت انا وفوزيه قدام المعهد شفت معاذ امدرس سيارته ومتكي ويدخن اول مره نركز فيه هكي .... كان جسمه رياضي عيونه كبار ونعسات يهبلاً شعره ولحيته ع العسلي طويل ... قطعت عليا فوزيه شفتها تحركت من احذي مشت تسلم ع نفس البنت اللي شفتها مع معاذ المره اللي فاتت!!
سلمت فوزيه وجت وكنت انا مركزه امعاها...وبنسبه لمعاذ ماعطانيش حتى نص نظره 💔....
فوزيه: هيا نمشو امير وصل
انا"فقت ع روحي": فوزيه من هذي ؟
فوزيه"ضحكت": هذي بنت خالي مرام اخت معاذ من امه
انا"خبطت يدي ع راسي": اوووه نسيت ان عنده اخت اصلا🤦
فوزيه"بستغراب": شنو ديره انتِ؟
انا"بندم": خطبني من فيصل ورفضت ع خاطر شفت البنت هذي امعه واصلا كنت ديره امعه عركه قبلها ووبعد جى فيصل زاد الطين بله مشيت رنيت عليه وقتله كان عندك كرامه انساني😔💔
فوزيه"شهقت بعصبيه": كنك غبيه انتِ معقوله بيخذ بنت من مكان عام ؟ مافكرتيش بأنه هو حط ملفك في المعهد هذا كيف يدير هكي قدامك ليش معش تفكري ..ليش مزلتي تنكري😠
انا"نبكي": شنو تبيني نقول ..نقولك نحبه ولا قعدت مش مركزه في حياتي بسببه ولا نقولك نغار عليه ونموت الف مره في ليوم بسبب غيرتي عليه😭 ؟؟
فوزيه: اوووف منك وخلاص ..بعد شنو قلتيها بعد حطك في ليستا السودا ؟
انا: بالله عليك ماتزيديها عليا ... قطع حديثنا صوت كلاكس امتع امير
فوزيه: خلينا نروحو وبعدين نقولك شنو ديري ....
انا"هزيت براسي بمعنى تمام " ....ركبت مع فوزيه وروحت امعاها نزلنا من السياره شفت عمتي نوريه قلت نمشي نسلم عليها
أنت تقرأ
#حب_بنكهة_المشاكل😂❤️
Fantasyروايا كوميديه رومانسيه ... ميمونه فتاة تحب اللهو وللمشاغبه معاذ شخصيه غريبه وغامضه شأ القدر والتقيا 🔥🔥
