#حب_بنكهة_المشاكل😂❤️
#الحلقه_الثانيه_عشر(12)✨+لايك قبل ماتقري✨
وصلنا لعند رد عليا الرقم ...وتفجأت اكثر لما سمعت صوت راجل😳✨
الشخص: واخيراً رديتي
انا"بنرفزه": منو انت احكي؟!
الشخص: هذا شي مايخصكش .. كل مكالمه عندك حق تسألي سؤال واحد وانا نجوبك عليه !!
انا"بريبه": كيف!!
الشخص: سؤال واحد ..هيا !
انا: شنو تعرف ع فيصل
الشخص"ضحك": معقوله تسألي ع شي تعرفي حقيقته كلها ...راحت عليك فرصه
انا: من قالك كلمني ومن وين تعرف هذا كله؟
الشخص: راحت عليك فرصه سلام ... صكر عليا ...قعدت خايره مش عارفه شنو ندير بعد شوي شفت هاتفي القيت معاذ يرن
انا: جيت وجابك ربي!
معاذ"زامق ع خاطر ماردتش": كيف !
انا: في رقم من امس يرن ويبعث في مسجات نشك فيه يعرفك انت وفيصل لان يعرف معلومات واجد
معاذ"بستغراب": من؟؟
انا"خبطت يدي ع راسي": كان نعرف راه مارديت عليك🙂
معاذ: توا ابعثيلي الرقم وابعثي صور للمسجات
انا: تم ..هي وجهك ...صكرت عليه ودرت زي ماقالي بعثتهن له ..
انا"بتأفآف": شنو ندير انا ماده خلقتي في الحوش بروحي ...والمعاق نفسياً فيصل هذا مصكر ع روحه ..خلني نكلم فوزيه ونمشي للمعهد نخذ راتبي نص شهر عذبوني عذاب الهدهد😒...
طبعاً وقتها كانت عشيه الساعه 5 ...خشيت لبست بلوزه سوده ..ع سروال زيتي ووشاح زيتي ولمسات مكياج وعطر ...
مشيت دار فيصل طقيت عليه وفتحت الباب
انا: فيصل نبي نطلع مع فوزيه للمحلات قريب وبنرد مش مطوله
فيصل: نوصلكن ؟
انا" بتوتر": لاخليك رجلك مزال ماتقدرش تمشي عليها وتسوق براجل واحده
فيصل"بحزم": ماطولنش بس .
طلعت من دار فيصل وفرحانه حسيته قعد طيب بعد اللي صار ..حسيتو كيفي ولا غير نتخيل😍😂...المهم خذيت شنطتي وهاتفي وفلوس معطيهم ليا بويا لما روحت من عند خالتي ومشيت الفوزيه ولابسه كعب عالي شوي امتع بنوتات راقي ودير لمسه حلوه😌✨.. قعدت قلبتها لهم صابيه ع الباب بعد شوي فتحتلي فوزيه
فوزيه: زين ولارضى ولدين😍😂
انا"نضحك": الأثنين مع بعضهن😂
فوزيه"حطت يدها في وسطها": وين بتمشي تنسرقي عقاب العشيه؟
انا: مستحيل انسرف ابروحي ..هيا البسي عبايه ع سريع ونمشو نخذ خقي منه مش مسيبتله فلس واحد الحقير🔥
فوزيه"برفعت حاجب": حسستيني انكم فقرا افلوس بوك يشرن المعهد امتعه وخمسه نفسه😒
انا"عقدت حواجبي": عرفتني مانحبش نتباهى نحب نخذ اللي من حقي بس .. اخرييتك لهيتيني امعك هيا اطلعي بسرعه قبل مايجي معاذ
فوزيه"بشك": شنو في بينك وبين معاذ😈
انا : مافي بيني وبينه غير المشاكل وقلة القيمه🙂
فوزيه: احلفيي🌚
انا"بصوت عالي": فوزيه اطلعي من راسي ..وهيا 😠
فوزيه: هيا هيا ...خشت تجري لبست وطلعت مشيت انا وياها لعند ماخصلنا تكسي وصلنا للمعهد ومشى
فوزيه: اسمعي اضبطي اعصابك ..راك تضريي الراجل تقعد فضيحه
انا: دا يوم المنى خليني توا واخيراً حصلت فرصه عشان نمسح بكرامته البيبان براحتي 😍
فوزيه: خاطري نعرف شنو داير في عمره الراجل اللي كل مره طايح في واحد مره معاذ وتوا انتِ🤦
انا: خلاص اسكتي يابنتي اهو وصلنا ...خشي امعي هيا😈
فوزيه"بخوف": خشي بروحك نستنى فيك ماعنديش جرئه نفتح فمي امعه😂💔
انا: باه خليك ..جيت طقيت ع الباب ماحد رد عليا ..جيت فتحت الباب .. القيت احمد قاعد وقاعد قدامه ضيف ..استغليت الموقف للمطالبه بحقوقي الانسانيه والشرعيه😂..
أنت تقرأ
#حب_بنكهة_المشاكل😂❤️
Fantasiaروايا كوميديه رومانسيه ... ميمونه فتاة تحب اللهو وللمشاغبه معاذ شخصيه غريبه وغامضه شأ القدر والتقيا 🔥🔥
