#حب_بنكهة_المشاكل😂❤️
#الحلقه_الرابعه✨+لايك قبل ماتقري ورئيك بعد ماتقري
امس وصلنا لعند جيت زينب وامها ...المهم طلعت سلمت ع عمتي "نوريه" وقعدت امعهم
نوريه: اكيد امك قالت لك نبيك جيه عشان نبي نحكي امعك
انا"بستغراب": خير ؟
نوريهذ: كل خير ان شاءالله😌... انتِ تعرفي سالم ولدي ندورله في بنت تكون ناشطه تكون رفيقت دربه وتساعدني قبل ماتساعده ...نبيها تعيش امعي ...جت بتكمل قصيت امعاها
انا"درتها ببصاره": مادمك تبيها ناشطه معناها مش ح تلقي اللي دوري فيها عندي صحباتي كسلانات كيفي😔💔
نوريه"بتعبير وجه متلخبطه": ضحكتني يعيطك الخير ...قبل قلت تشوغيلي واحده من صحباتك ولا انتِ مادمك فاضيه
انا: لا والله موصفاتك مش متوفره
امباركه"فنصت فيا": صبي جيبي من البيتزاء وسندوتشات اللي درتيهن ذوقي عمتك نوريه😌
نوريه"تضحك": اهو الباين ناشطه ولا اطيري في العوينه😂
انا"ضحكت بمجامله ومشيت وانا نبي نطربق ناقص عليا غير سالم الأصلع نصيم نصيم ونفطر ع بصله ماقالها ربي😭"
المهم مشيت وجيت بنخش للكوجينه سمعت صوت زينب تحكي براحه
حسبتها تمكنت من فيصل وحكت امعه ولا حاجه كيف هك فتت موضوعها ومادورتش ... حطيت شاهي ومعهن الحاجات ومشيتلهن
نوريه: مشاءالله سلم يديك
امباركه: حره مشاءالله عليها ماتخليش فيا نتحرك من مكاني 😌
انا: لا يامي مافي حد براني احكيلها نوعى ساعه8 نمشي نعطي في كورسات نروح 2 الظهر ..تصدقي ياعمتي مش مستعده ناخذ واحد يخليني في الحوش مانشتغلش🙄..وكان ازوجت مانبيش نصاحب اهله لانه معروفين اهل راجل ديما مشاكل مع الكنه😌
نوريه"ساكته"
امباركه"رقتلها": صبي يا ميمونه عندك درس اتحضريه للطلبه صبي سلم بنتي صبي😠
صبيت وانا نقول يارب استر ..بس اهم شي سيرة سالم هذي ماتوصلش للرجاله عشان وقتها انا معش نسيطر ع الوضع😂...خشيت الداري وفتحت هاتفي القيت معاذ بعثلي ع ماسنجر ؟؟؟
انا"بصدمه": وووه اكيد بيعرفني توا وشنو بعثلي 😣.. شفته بعثلي
"عجبنك الصور؟" يانعلي ع غبائي وانا نتصفح ديره لايكات طيح سعدي غبيه😭💔 توا كيف شنو ندير ..زعما نرد عليه 😔 ...خلني نرد واللي يصير يصير اصلا اسمي وهمي ... نفهمه ان في سوء تفاهم🌚 ..هو مافيش سوء تفاهم بس لازم يبان سوء تفاهم😂
بعثتله: بلغط راه !...سوء تفاهم لا اكثر 🌚
صكرت الهاتف وانا نرعش حي عليا كان يعلم فيصل يطلع جنازتي وجنازت معاذ امعي..بس عادي اهم شي مش بروحي نموت في سبيل حكيت مع واحد طرف ع الأقل😍😂 .. بعد شوي سمعت امي تعيطلي
مشيتلها
امباركه: تعالي سلمي ع ولد عمك سالم قبل ما يروحو
انا"بصدمه": النيه واصله مانقدرش نطلع🌚💔
امباركه"بصوت واطي": خشي خيرلك
انا: باه فهمنا ..
أنت تقرأ
#حب_بنكهة_المشاكل😂❤️
Fantasyروايا كوميديه رومانسيه ... ميمونه فتاة تحب اللهو وللمشاغبه معاذ شخصيه غريبه وغامضه شأ القدر والتقيا 🔥🔥
