#حب_بنكهة_المشاكل😂❤️
لايك قبل ماتقري❤️
الحلقة الأولــى
#للكاتبة:لينة المنفي
المهم وين وقفنا؟... اها تذكرت وقفنا لعند ما سمعت صوت حد طالع من المربوعه ...رفعت عيوني نبي نشوف من جى وننصدم يا بنات في هذك الشخصيه عرض ×طول "حسيت روحي نوصف في المستطيل"😂💔..قصدي شخصيه طلعت قدامي وانا منظري تقول طالعه من الحرب العالميه الأوله ..حتى الثانيه ماهي الثانيه😂💔
الشاب قعد يشوفلي قعد شوي منصدم ورد للمربوعه يجري ..خاف من شكلي يا مينتي عليه💔...المهم زي ماقتلكن ياجبل ماتهزك هزه ارضيه😂... جيت بنرن ع فيصل ونخاطر برنه اللي عندي مانصحى الا وفيصل قدامي
انا"بستغراب": بسم الله امتى جيت وامتى مشيت ؟😳
فيصل"لأوي وجها": كم مره نقولك معش تطلعي هنا.. لكن شي يخش من هنا يطلع من هنا ... كنت في داري ..ان شاءالله غير ماحقكش الراجل
انا"ببصاره": وكان حقني شنو بديرلي؟...بتجوزني له بالغصب مثلاً😍😂🔥
فيصل"بجديه": اصلا خاطب الراجل كان حقك ماعندي لك غير طريحه توريك نجوم الليل في عز القيله ..هي خشي جوا خلني نشوف الراجل ...خش فيصل وخشيت انأ الداري قريب نموت مختنقه من ريحة العطر اللي علقت في انفي الجميل😂 ..
انا"بجديه": كنك هبله يا ميمونه قصدك واحد كيف هذا يبي يشوف الوجهك اللي يجيب ستين خريف قبلي💔..الراجل خاطب اصلا شنو دخلني انا خليني لهيه في نت وخلاص اصلا اللي كيفي ماعندهش حظ لا في جيزه لافي حب 😔
قعدت ع نت لين نعست خذيت بطنيتي ورقدت ...وعيت ثاني يوم ع صوت امي ديره عركه مع فروجه😂💔
انا"بصوت عالي": الله واكبر ياجماعه..سكتو خلاص راه ننتحر
امباركه: انتحري مافيش منك فايده في الحياة
فرج: يا وليه كنك من صبح راكبك جن؟
امباركه: اللي في عمرها قريب يجوزن عويلهن وهي راقده 😒
فرج: بنتي اصغيره اصلا مانبيش نجوزها ... هـ القصه اللي ماعد فضت
امباركه: غير اسمعني ..محمود من شنو يشكي اتقول غزال اهو امه ادورله غير قول باهي بس العرب يجوك من بكرا 😔
فرج"تنهد": ديري اللي يريحك ..اهو مسيبها لك لكن بعدين لاتقولي عجبني لاماعجبني مادخلنيش في قصتكم
انا"نثاوب": شنو تحكو؟ ..من يبي يجوز؟ ..من اللي قريب يجوزو عويلهم؟😂..كنكم اتعاركو .... ماحد رد عليا وكل واحد مشى المكان قعدت شوي لين صحصحت واستعدت الذاكره بأنهم اهلي وكانو يحكو عليا😳 ..صبيت نجري عند امي
انا: اسمعي راه محمود هذا لو كان العالم كله كفار وهو المسلم الواحيد ماني متزوجته 😔 .. صاحب فوزيه صحبتي يامي مالقيتي غير هو
امباركه: ربي يصبرني عليك وخلاص
مشت امي ماعبرتنيش فـ حتى انا ما عدلتش عليها ... خشيت داري قلت انغير من شكلي اشوي طول عمري بيقعد منظري زي الغوله😔..طلعت المكياج ياحنه عباره عن بودرة متفترشه وروج سحري وطشت كريمة امي ادس فيها للزمان🌚.. جيت بنحط عاد ونسمع صوت فيصل يعيط قريب يقلب الدنيا ع روسنا ...سيبت اللي في يدي وطلعت نجري نبي نشوف شن صاير !!
أنت تقرأ
#حب_بنكهة_المشاكل😂❤️
Fantasyروايا كوميديه رومانسيه ... ميمونه فتاة تحب اللهو وللمشاغبه معاذ شخصيه غريبه وغامضه شأ القدر والتقيا 🔥🔥
