#حب_بنكهة_المشاكل😂❤️
#الحلقه_الخامسه✨+ لايك قبل ماتقري ورئيك بعد ماتقري✨
في الحلقه اللي فاتت وصلنا لعند ما رن هاتف معاذ ✨
معاذ: جيكم جيكم ...لا الله الا الله
انا"مستغربه": شنو في ؟
معاذ: مافيش شي ..توا نوصلكن للحوش
فوزيه: كان في شي مستعجل عادي نمشو امعك
معاذ "ساكت ويسوق ابسرعه"
انا كنت نفكر امتى بنجي الحوش لان الوضع غريب عليا !!....بعد شوي خش معاذ ع الحي ..شارعنا كان معبى سيارات .. شفت سالم وباقي شباب العيله مصبيين قدام الباب ودنيا كلها عندنا .. انا هنا معش عرفت شنو صاير عقلي جاب ان امي ولا بويا صايرتلهم حاجه
انا"بصوت عالي": قتلك شنو في ؟
معاذ"ساكت"
انا"نبكي": احكي قولي بويا ولا امي احكب يا معاذ
معاذ: اسكتي رجاله توا انزلي وخشي للحوش بسرعه
فوزيه: انزلي يا ميمي هيا اكيد زحمه عاديه هيا
فوزيه كانت تحكي امعي وانا عقلي قعد يجيب ويخذ خايفه نقعد بروحي خايفه اهلي يخلوني .. كنت خاكه عيوني في عيون معاذ نشوف الوجها وتعبيره نبي نفهم شنو صاير بضبط بعدها حسيت مل شي غبش قدامي معش نشوف نسمع فيهم بس مش قادره ندير شي ارتخيت..
نزلت فوزيه من السياره ونزلتني وسندتني
فوزيه: سعدني يا معاذ اسندها امعي ...قرب معاذ يبي يسندني جاه سالم
سالم"بعصبيه": حاول خليها ليا
معاذ"انحرقن اعصابه": بارك الله فيك نقدر عليها ...خوها حطها عندي امانه
سالم: انا ولد عمها
فوزيه: معلش اجلو البعدين البنت ديخه بين يدي .. قرب معاذ وسندني ..وقعد سالم يتفرج مش قادر يسبب مشكله !
وصلني معاذ لعند الباب
معاذ: اعطوها ميه وسكر ما صار شي نخذها للمستشفى
فوزيه: تمام .. شكرا
خذني بنات العيله قعدن يكبن عليا في ميه ومره يبخولي عكر ومره كلونيا ومره ميه وسكر ..لين بديت انفتح في عيوني اول ما فتحت اعيوني جت صورة معاذ ووجها قدامي .
انا"بصوت واضح": معاذ يا معاذ
فوزيه: اسكتي فضحتي بروحك
انا: وين امي
فوزيه: في المستشفى
انا" بصدمه مخلطه ع بكى": كنها شنو صايرلها احكي
فوزي: ما تخافيش قالو جلطه بس جتها خفيفه
انا"نبكي": كان خفيفه كيف وصلت للمستشفى وليش الناس كلهم عندنا 😭 ...حولي هك دفيت فوزيه وطلعت للشارع القيت معاذ في سيارته يبي يمشي شافني وقف
..وجاني سالم اول ما شافني
سالم: وين طالعه خشي
انا"نبكي": سالم وراسك ..راه نقتل روحي نبي امي خوذني للمستشفى
سالم"برجوله مد يده وقدملي الوشاح ": هي اركبي نوصلك
مشيت نجري ركبت امعه وقلبي يبي يوقف تفكيري موقف وكل شي بنسبه ليا وقف ...لكن في ناس كانت الدنيا شايله عندهم ... ماكنتش نعرف الموقف هذا بيولد نار 🔥
المهم الطريق كلها ساكته ماحكيتش وسالم نسمع فيه كل مره يحكي شي بس انا مش مركزه امعه ..بعد شوي السياره وقفت نزلت ع طول
اندور وين امي سألت كم ممرضه دلني ع غرفة امي
اول ما خشيت للممر القيت عمتي نوريه وزينب ... زينب كانت تبكي !! ..اول ماخشيت حضنتني
انا"بخوف": شنو في امي شنو فيها ؟؟
عمتي نوريه: فيصل اكويس عنده كسر في رجله بس ..واللي معه في سياره توفى...وامك توا كويسه
انا"تفجأت": فيصل شنو ..كيف ؟
نوريه: كيف ماتعرفيش ماقالولكش !
انا"انفعلت": ما قالولي شي !
نوريه: في صبح قالو فيصل دار حادث توفى ...امك من فجعتها حتها جلطه جبنها للمستشفى بعد نص ساعه طلع فيصل اكويس وصحبه هو المتوفي ملخبطين بينهم💔
انا: يارب صبر اهله ... انا نبي نشوف امي لازم نشوفها
نوريه: توا مش وقت زيارة ما يخلوكش
انا: نبي نشوفها نبي نطمن ... ماسمعتش كلام نوريه ومشيت للغرفة نبي نخش الممرضه جتني
الممرضه: هي هي ممنوع يا ماما
انا"بصوت عالي": نبي نشوف امي خطيني
الممرضه: في مرضه غيرها حلتهم صعبه ممنوع توا !
انا: خليني نخش راه اعصابي مش متحمله مسكه روحي بالقوه ..توا شفت واحده خشت" طبعا كل غرفة فيها مريضين "
الممرضه"بستفزاز": كل شي بالواسطه ماشي الايام هذي
انا ...كنت بنرد وقبل ما نرد سمعت صوت معاذ ❤️🔥
معاذ: يكون في علمك نقدر نرفع عليك قضيه بتهمة الرشوه !!
الممرضه"تلخبطت": اه ..مش قصدي
معاذ: تفضلي شوفي امك
أنت تقرأ
#حب_بنكهة_المشاكل😂❤️
Fantastikروايا كوميديه رومانسيه ... ميمونه فتاة تحب اللهو وللمشاغبه معاذ شخصيه غريبه وغامضه شأ القدر والتقيا 🔥🔥
