#حب_بنكهة_المشاكل😂❤️
#الحلقه_السادسه✨+ لايك قبل ماتقري ورئيك بعد ماتقري.
وصلنا لعند ما رن عليا معاذ معش عرفت ماندير القيت قدامي فوزيه الحل الواحيد لان لو يعلم فيصل مش ح يرحمني لا يرحم اللي جابوني 😭...
انا"بصوت يرعش": ردي ردي حطي وشاحك ع فمك وتكلمي تعالي رققي صوتك عشان مايعرفكش😭
فوزية "مش فاهمه": من ..من ...
انا: هذا معاذ اسكتي و ديري زي ما قتلك بس ..فتحت ع طول حطيت عمتكن فوزيه في الأمر الواقع🤦😂
فوزيه"بصوت يفصع الرقبه": خير
معاذ"بستغراب": انتِ اميره
انا كنت نسمع فيهم ونهز براسي الفوزيه يمعنى قولي لا انت غلطان🤦
فوزيه: لا بس تقدر اتقول انا الوحيده اللي نقدر نجمعك بيها
معاذ"بنفعال": بتعطيني اميرة ولا !!
فوزيه: انت تبي تعرف ليش اميرة سيباتك ؟
معاذ"بحرقه في كبده": قتلك نبي اميرة ولا بندير حظر
فوزيه: دير حظر ومعش تحلم حتى كيف شكل اميره ..توا بنسكر انا وانت حر .
سكرت فوزيه وقعدت تضحك 😳..ردت فعلها عكس اللي كنت متوقعه اديره ..انا كنت فاتحه فمي من الصدمه ..منو اميرة وفوزيه كيف مشت القصه بجوها مش عارفه !!!
فوزيه"تشوفلي": كنك فتحه فمك يابت😂..
انا"بعصبيه": خربيتك شنو اللي درتيه جنازتي بكره 😭
فوزيه"بجديه": اسمعي معاذ الف واحده خطرها فيه و تتمنه انتِ اخت صاحبه ووقفلك وقفه حتى ولد عمك ما وقفها امعك استغلي الفرصه .
انا"بصوت عالي": مانبيش نستغل شي ... وانتِ شنو عرفك اساساً بأميرة
فوزيه: تتذكري يومتها نقولك تعالي نحكيلك تقوليلي لا مانبيش😒
انا"تنهدت": ومازلت مانبيش ..توا بنحطه في الحظر
فوزيه: ماتزعليش مني بس انتِ مفتوحت فم🙂
انا: تخيلي واحد دارها لك ولعب بمشاعرك !!
فوزيه: انتِ هبله وطيبه وطيب مايدير شي ع روحه😒
انا: ادمدري ..وانسي القصه من اساسا هل حنها وانا سخيفت الادب اللي قتلك احكي😔...
لفيت وجهي للجها الثانيه وانا نفكر من اميرة عندي فضول نعرف لكن فوزيه لما تحط موضوع في بالها معش تنسى🙂.... مع تفكيري ماحسيتش بروحي الا الساعه 7:30 الصبح وعيت القيت فوزيه تلبس
انا: صبح يا ساتر ليش تلبسي😒
فوزيه"تحط في روج": شوي اخرا ويبدو يجو الناس واكيد ام محمود بتجي الواحد يطلع سمح😔
انا: هبله والله شنو حببك في محمود يامطيوحت السعد😂
فوزيه: الغاوي عمى والزاهد اطرش😂💔
انا: انتِ الغاويه ..وانا الزاهده🙂
فوزيه: بلاش سهوكه من صبح دمك رايح قطران 😒
انا: من كثر قعدتي امعك 😔
فوزيه: بلاش كسل هيا امشي ديري دوش وتعالي نمكيجلك بالك تحصلي عريس 😍
انا: غير حصلي الروحك بعدين ساهل ... يااااي نسيت
فوزيه"بستغراب": ع شنو ؟
انا: ماكلمتش احمد توا يديرلي قصه ومش بعيد يقتلني بعدك كبده محمضه مني🙂💔
فوزيه: اجري كلميه فكينا من شرا ..راجل مختل عقلياً
أنت تقرأ
#حب_بنكهة_المشاكل😂❤️
Viễn tưởngروايا كوميديه رومانسيه ... ميمونه فتاة تحب اللهو وللمشاغبه معاذ شخصيه غريبه وغامضه شأ القدر والتقيا 🔥🔥
