#حب_ينكهة_المشاكل😂❤️
#الحلقه_الثالثه✨+ لايك قبل ماتقري
للكاتبة:لينة المنفي ✨
وصلنا لعند كنت قاعده نستنى عشان نخش للمدير ...سمعت صوت خطوات التفتت ونشوفلكن هذيككك الشوفه😍💔
المدير ..يحكي مع السكرتيره
السكرتيته: استاذ احمد تستنى فيك ضيفه
احمد"يصوت فيه بحه": تمام .
هو يحكي مع السكرتيره وانا هايمه معهم ع ذكر كلمة هايمه "هايمه مع سموحي هيمه ...يا ناس بروحي😂😔🔥"...حسيت روحي حليب بودره سريع الذوبان 🙂💔
المهم قعدت اشوي هكي وطلعة فوزيه مش عجبها الجو
انا: خير شنو صار؟
فوزيه: وووه ماقبل تفهمت امعه حصله
انا"ضحكت": معقوله شاف جمالك هذا كله ومانغرش بيك😂💔
فوزيه"متنرفزه": اسكتي ما تخلنيش نخش نريشه .
انا: باه مادم حصله خلني نمشي بسرعه ننهي امعه
فوزيه: نستنى فيك
خشيت وانا نحاول نضبط نفسي ونتصرف برزانه وعقلانيه عشان ما نتهزبش لان كان تهزبت مانعرفش نسكت انتو عرفيني عاد😔💔
طقيت الباب وفتحته وخشيت
احمد "عيونه في ملف": كويس ..متخرجه من لغات ؟
انا: انت تعرف ليش تسأل
احمد"حط عيونه ع ميمونه": شخصيتك صريحه ..وماكنتش غلطان لما حطيتك في كلاس الشباب
انا: نعتبرها إهانه ولا مدح ؟
احمد"ببرود اعصاب": ع حسب شغلك بعدين تعرفي ..توا تفضلي تعرفي ع الطلاب
انا: تمام ...ولو سمحت خلي بينا احترام اكثر من هك لان نشتغل للإفاده يعني مش عشان محتاجه والا شي راه
احمد"برفعة حاجب": تقدري تطلعي يا استاذه
طلعت وانا فعلاً رقيتلي منه اسلوبه مش اسلوب مدير يعني يحسب روحه حاجه كبيره 🙂.
فوزيه"لاويه وجها": هيا خلنا نمشو نتعرفو ع طلبه
انا: اسمعي النيه طارت اليوم مش ح نعطي شي نبي نتفق امعهم قبل
فوزيه: ربي يكون في عونك ..بس افطني راه قالو احمد مره مره يدير في كبسات للكلاسات😂💔
انا: ماعليك فيا ...نبي نصاحب السكرتيره ع لاقل يقعد عندنا حد نعرفوه
فوزيه: مش وقت صحبه توا هيا نمشو .
مشينا كل وحده للكلاس امتعها ..خشت فوزيه وبعدها خشبت انا للكلاس اللي جنبها
مجرد مافتحت الباب الطيرات والاوراق كلهن جن في وجهي
انا"مصدومه": شنو قلة الادب هذي كل واحد مكانه
واحد من الطلاب: مساء الرمان كان الحلو زعلان😍
انا: امشي للإداره وبعدين احسابي امعك
الطالب: هذا معهد خاص يعني كل شي متاح
انا: خشيت وخبطت ع الصبوره بقوه سكتو كلهم ...حسيت روحس شخصيه 😌😎 ..بعد شوي نتفجأ بصبوره طايحه عليا
انا: ووووه عليا ...يامجرمين توا نوريكم
طلبه كلهم يتضاحكو ويصفرو ماعدا واحد لابس نظراته ويشوفلي من بعيد بعدها قرب وشال الصبوره
أنت تقرأ
#حب_بنكهة_المشاكل😂❤️
Fantasyروايا كوميديه رومانسيه ... ميمونه فتاة تحب اللهو وللمشاغبه معاذ شخصيه غريبه وغامضه شأ القدر والتقيا 🔥🔥
