#حب_بنكهة_المشاكل😂❤️
#الحلقه_الثالثه_عشر(13)✨+لايك قبل ماتقري
انا: شنو احكي؟
معاذ: انحبك
انا"بصدمه": كيف شنو ؟.... صكر عليا 🤷.
انا"مش مصدقه": معقوله قالي نحبك ولا نتخيل انا ووه عليا بنطير من الفرحه ...اسس بس خلني ندير روحي ثقيله ..بعدين حتى كان قالها امي حذرتني💔 ...اوووف ياربي شنو ندير ساعدني ...احسن شي نوتي اظبشي ع خاطر بكره بنمشي للمعهد الجديد ...ونرقد وننسى اليوم هذا كله وكل شي صار فيه ..انا مش مؤمنه بالحب اصلاً 😔💔
المهم طلعت عبايه حلوه نظام كمها واسع والعبايه مخصره ووشاح بيج وشنطه بيج حطيتهن ع الكرسي وجيت تمددت في سريري ... قعدت نتقلب ونفكر ..زعما انا نحبه ؟..بس انا بعد المعتصم معش متقبله شي اسمه حب ..الحب بنسبه ليا مجرد استغلال مستحيل نعود غلطتي مره ثانيه !! ...احسن شي نجرب نرقد
___________________
"عند معاذ"
معاذ: كيف قلتها الها ... بس انا متأكد من مشاعري اتجاهها بس خوها صاحبي كيف نخونه احسن شي بكره نمشي الحوشهم ونحكي الفيصل ... واميره ماضي ولازم نستمر بيها وبلاها . ...
فاتتت الليله جميله ع جميع بس كل شخص عنده شي شاغل باله✨
الساعه"9 الصبح"
كنت لابسه وواتيه بنطلع مع امير اخ فوزيه للمعهد ..ماهو السيد فيصل عايش حالة أكتآب🤷😂 ... طلعت من داري القيت امي مكشره وتهزب في فيصل
امباركه: رجلك مش مقطوعه راه ...اختك تمشي مع البرانيه
فيصل"ساكت😂"
امباركه: كان نحكي مع الحيط راه رد عليا😒...لكن انا ماعرفتش نربي ..صحه للصبايا اللي عرفن يجيبن ويربن
انا: صبح يا امي خلاص
امباركه: انتِ بذات فمك تسكريه
فيصل"تأفآف": يامي من الأخير اليوم تمشي تخطبيلي
امباركه"فرحت": حييي واخيراً ليا زمان نحايل عليك سلمم ولدي قعد راجل ويبي يجوز ...حطت يدها ع وجها بدت تبكي
انا"مستغربه": كيف صار ماتوا ته بي بعدين فرحتي وقجأه قعدتي تبكي😳
امباركه"تمسح في دموعها": ماقتليش من تبي ؟
فيصل: زينب بنت عمي
امباركه"بفرحه": زين ماخترت😍...البنت غزاله
انا"لاويه وجهي": فيصل ماتتسرعش
امباركه"مكشره": كنك تحبي النكد اتلطي ع خوك
انا"تعبت من النقاش": استغفرالله انا طالعه ومش مروحه الا ع المغرب ..قولي ماقلتهاش
امباركه: مربوحه مربوحه ...عارفه بختي جيتي في اليوم اللي بيخطب فيه خوك الواحيد وبتشتغلي...ماهو كان غبتي يوم واحد بتجوعي ماتلقي شنو تاكلي😒
انا: بنجوع اها🙂...هي سلام ..طلعت القيت فوزيه راكبه ركبت امعاها .. ونحن طالعين شفت سيارة معاذ خشت للحي .. قعد قلبي ينبض وقريب يطلع من مكانه 😍💔
فوزيه"بصوت واطي": يابت راه رقبتك تنكسر خلاص عاد😂
انا"ضحكت": فاطنه مايهلب عليك شي 😒😂
فوزيه: نحس بالميه تجري من تحتي🙂
انا: اسكتي وانتِ ديما مفضحه بي😂💔... سكتت فوزيه وطبعاً المعهد هذا قريب من حوشنا وكله بنات مافيش شباب ..نقدر نمشي ونجي كعابي لكن ع ليش نتعب روحي مادم في سياره😂😍...كسلانه بسلامتي 😔....
أنت تقرأ
#حب_بنكهة_المشاكل😂❤️
Fantasiaروايا كوميديه رومانسيه ... ميمونه فتاة تحب اللهو وللمشاغبه معاذ شخصيه غريبه وغامضه شأ القدر والتقيا 🔥🔥
