اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ظلال_القبور#الفصل_الثانى# #Shosho_Raafat# ازيكم فاكريننى انا ريم فاكرين ايه اللى حصل اخر حاجه ولا لازم افكركم ....؟ خلاص تعالوا نفتكر سوا بابا : انت بتقول انت بتهزر بلاش هزار لو سمحت اتكلم بجد ازاى انا مش فاهم حاجه .طيب خلاص احنا جايين على طول مسافه السكه بابا بنظرته الحاده المرعبه بص لماما وقال بابا : اسماء اسمعى اللى هقوله وامسكى نفسك واهدى ..و... ماما مقاطعه بابا : انت وقعت قلبي فى رجلي ابوس ايدك اتكلم وانا هامسك نفسي فيه ايه يلا أقول أنا هاموت وفيه مليون فكرة جت فى بالى اتكلم بقي وقول مين اللى كان بيتصل على الأقل... بابا : جوز اختك هو اللى اتصل وقال إن ا....ام....امك توفت ... ماما : انت بتهزر بلاش هزار لا مينفعش ديه كانت كويسه ابوس ايدك قول انك بتكدب علشان خاطرى قول أن ده محصلش قول اى حاجه الا أن امى راحت منى وصرخت صرخه فظيعه واغمى عليها ..... بابا : اسماء........ انا واخواتى جرينا على ماما وبابا شالها حطها على الكرسي وانا جريت جبت كوبايه مائه وحاولنا نفوقئها واول لما فاقت ابتدت تصرخ وتزعق وتقول امى راحت يا ريم اخدتها فى حضنى وفضلت اقولها ... انا : يا ماما انا مش مصدقه أنها ماتت بس لازم تهدى وتقومى تلبسي علشان نروح نشوف ازاى وامتى ده حصل .... وباعجوبه امى فعلا اقتنعت بكلامى وكانت بتلبس وهى مغرقه نفسها دموع وعياط بابا : ريم لبسي نورا يلا علشان ننزل بسرعه انا : بابا نورا معندهاش اى لبس اسود بابا : ديه طفله لبسيها اى حاجه يكون لونها غامق شويه يعنى بلاش احمر وازرق واخضر والألوان الفاقعه ديه واتصلى باختك وعرفيها وقولى لمصطفى ينجز شويه علشان امك مش مستحمله اى حاجه انا معتمد عليكى تخلى بالك من اختك انا هبقي مشغول مع امك وخالتك والمرحومه والدفنه والحاجات ديه لو عوزتوا حاجه انتى أو اى حد من اخواتك قوليلى انا بلاش ماما انا برغم انى مش فاهمه ولا مستوعبه ليه انا طيب مهو مصطفى اكبر منى لكن رديت على بابا وقولت : حاضر يا بابا متقلقش بعد دقايق كلنا جهزنا ونزلنا علشان نروح شقه خالتى ..واول لما وصلنا بابا طلب منى انا ونورا نطلع الاول وهو ومصطفى هيسندوا ماما لانها مش قادرة تقف على رجليها خالص وفعلا اخدت نورا وطلعت وكنت قبلها كلمت ملك اختى وقولتلها وقالت إنها هتبقى موجوده الصبح على الساعه 7 الصبح واحنا دلوقتى حوالى الساعه 5.30 المهم طلعت انا ونورا واحب اقولكم أن خالتى ساكنه فى الدور السابع وللاسف الاسانسير طلع بايظ فمكنش فيه حل غير أننا نطلع على السلم طلعنا ومتوقعه انى اسمع صوت قران او اى حاجه تدل على أنه فى ميت هما لكن صمت مريب وفجاءة نورا: انتى خايفه..؟ انا : لا هخاف من ايه يا نورا نورا : من اللى واقف هناك ده وبيبصلك بالشكل المخيف ده ازاى انتى مش خايفه انا مرعوبه خالص انا : وواقف فين يا نورا ......وابتديت أتلفت حواليا ومن كتر ملامح الرعب اللى على وش نورا ندهت على بابا ومصطفى من بير السلم لكن كأنهم مش موجودين محدش رد وفجاءة نورا : فضلت تصرخ جامد وتتنطط فى الارض وتستخبى فى الفستان بتاعى وانا مش فاهمه حاجه وعماله اسالها مالك يا نورا فيه ايه نزلت على ركبي ومسكتها وسألتها فى ايه شايفه ايه ردت نورا برعب : انتى مش حاسه بيه ده واقف وراكى على طول وشكله مرعب اوى انا خايفه عمال يقرب منك بشكله الوحش ده خبينى منه انا خايفه التفت ورايا لكن بلا جدوى مفيش حد خالص شلتها وقولتلها متخافيش انا معاكى خبت وشها فى كتفى طبعا طلوعى بيها كل الأدوار ديه مكنش سهل خالص ولما وصلت كان الباب مقفول كل ده وبابا وماما ومصطفى ملهمش اى صوت خبطت على الباب اتفتح لوحده وبدون ما اى حد يفتحه لأن لما زقيت الباب ودخلت كانت الشقه منورة وفاضيه قولت يمكن فى حد ورا الباب حركت الباب لكن مكنش فى حد وراه بردوا دخلت الشقه حته حته لكن مفيش حاجه خالص ولا فيه حد لكن المنظر اللى شفته انا ونورا سوا هو اللى خلانا نجرى 7 ادوار نازلين بنجرى لقينا بابا ومصطفى بيطلعوا ماما من العربيه سالنى مالك فى ايه مصطفى اخويا رديت : ايه كل ده انتوا ايه اللى اخركوا كده بابا : ده احنا يا دوب لسه واصلين وانتى قولتى هتطلعى قبلنا عقبال ما حنا نجيب ماما انا : ده انا بقالى ساعه فوق وكمان فى حاجه حصلت فوق .. بابا مقاطعنى : انتى شكلك تعبانه تعالى ورايا طيب المهم بابا لاحظ أن نورا خايفه أو عماله تبص حواليها بابا : نونه مالك يا حبيبتى ..؟ نورا : مفيش حد فوق يا بابا الشقه فاضيه ..! بابا : يعنى ايه انتوا لحقتوا تطلعوا...! انا : أيوة صح مفيش حد فوق الشقه فاضيه بس يا بابا فيه حد فوق بس اول مرة اشوفه نايم على السرير وغرقان فى دمه بابا : ايه الكلام ده بلاش تخريف يلا نطلع وكفايه خيال مش وقته انتى مش شايفه حاله امك وكمان بتحكى لأختك الصغيرة انا لسه محملك المسئوليه انا : يا بابا بس انا مكنتش بتخيل بابا : مش وقته يلا نطلع وفعلا طلعنا من الدور الأول كان في صوت قران عالى اوى ولما وصلنا باب الشقه كان مفتوح على آخره لما وصلنا باب الشقه بابا : جلال يا جلال جوز خالتو جلال : ثانيه واحده بابا : ادخلوا يلا انتوا وانا هاجيب ماما ماما : عايزة اشوفها خالتو طلعت وهى لبسه اسود وبتقول لماما : كانت عايزه تشوفك اوى ماما : ازاى انطقى ايه اللى حصل خالتو : مش وقته بقى ابوس ايدك ماما : انا مش هسكت انطقى ايه اللى حصل ديه ماشيه من عندى زى الفل مفيهاش حاجه هى مكنتش عايزة تمشي انتى اللى اصريتى عليها حرام عليكى .....! خالتو : انتى محسسانى انها مش امى بس انا مكنتش برده اجيبها علشان جنونها ميفضحنيش قدام جوزى ! بعد الكلمه عم صمت وحسيت أنها كلمه مكنتش فى مكانها لان امى ملامحها اتغيرت وكمان خالتو بطلت عياط وقامت دخلت الحمام ماما وكانها بتدارى عليها : انتى اتجننتى فى حد يقول كده على أمه حرام عليكى اهى ماتت وريحتك منك لله بابا وجوز خالتى : كفايه كده يا جماعه حرام عليكوا كفايه عياط انتوا مؤمنين بالله انا حاسه بربكه ومش مصدقه اللى عمال يحصل ده ازاى اختى شافت حد انا مكنتش شايفاه وكمان صوت القران اللى مكنش موجود اصلا وازاى سمعناه من الدور الأول واحنا طالعين وكمان باب الشقه اللى اتفتح و محدش فتحه والجثه اللى كانت غرقانه فى دمها كل ده تخيلات ولا خالتى وكلمتها انى جدتى مجنونه وامى ومحاولتها أنها تدارى عليها انا بجد تائهه ومش فاهمه حاجه خالص ....بعد شويه كانت الساعه حوالى 6.15 بابا كان بيتكلم على الدفنه والحاجات ديه المهم بابا وجوز خالتى اتصلوا بكل قرايبنا وقالولهم على موت جدتى حبيبه قلبي اللى بجد مش مستوعبه أن. مش هشوفها تانى . نورا : ريم بقولك .. انا : نعم يا روحى عايزة ايه ..؟ نورا : هو انا ممكن ادخل احضن تيتا لو سمحت متقوليش لا بليز علشان خاطرى انا : لا مينفعش خالص تيتا دلوقتى عند ربنا وغلط ندخل هناك نورا : ماما وبابا ومصطفى وخالتو وجوزها دخلوا هناك وماما حضنتها كمان ليه بقي انا لا انا : طيب اصبرى هاقول لبابا انا : بابا نورا عايزة تدخل تحضن تيتا وانا قولتلها لا بس هى مش ساكته وعماله تزن بابا مفيش مشكله بس ادخلى معاها وتحضنها بسرعه وتجيببها بسرعه فاهمه وغطى جدتك واقفلى الباب ...فاهمه ؟ انا : أيوة حاضر انا : تعالى يا نورا بابا قال ماشي بس هو كضن واحد بس اوكيه نورا : موافقه اوكيه اخدتها من ايديها واول لما وصلنا الاوضه بالمناسبة جدتى كانت فى اوضه الضيوف اللى هى اوضه جوا الشقه اوى يعنى فى طرقه وه. فى الاخر ....اول مرة احس برعشه وخوف لما ادخل الطرقه ديه اول لما وصلنا نورا سابت ايدى وجريت على الاوضه .. انا : انتى بتجرى ليه طيب مانا معاكى وداخله معاكى .. بس حصل حاجه عمرى مكنت اتخيلها أن مش عارفه ادخل الاوضه وكان فى باب زجاج على ألاوضه وانا مش شايفاه بس ازاى نورا دخلت وبعدين شفت اختى فى منظر مهول ومرعب ومشيب كلمات لا تكفى لوصف المنظر وبعدها الباب اتقفل ....😱 لو عايزين تعرفوا ايه اللى حصل تفاعل كتير ولايك اكتر بليز علشان الجزء الثالث ...لسه الرعب مبداش خليكوا معايا الرعب القاتل 🤫😲
