اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
# ظلال_القبور#الجزء_الخامس # Shosho_Raafat ازيكم عاملين ايه... يلا بينا.... Flash back... اخر حاجه قولتها اننا طلعنا السلم بتاع القبر ووصلنا عند الباب الحديد وحصلت المصيبه نفس اللى حصل عند الاوضه معرفتش اخرج بس مش انا بس اللى معرفتش اخرج لا نورا كمان وكان فى باب احنا مش شايفينه خالص وكمان شفت حاجه صدقنى انت ممكن تقول عليا بكدب او بألف لكن ده اللى حصل ابويا وجوز خالتى خرجوا واحنا معاهم ...طب ازاى واحنا محبوسين هنا..؟ و فجاءة شفت البنت اللى شبهى برا وماسكه ايد بابا وبصتلى وضحكت بخبث او رعب مش قادرة احدد وكمان البنت اللى شبه نورا عملت زيها بالظبط وبعدين فضلت اصرخ واقول... انا : بابا انا هنا يا بابا بص وراك بابا متسبناش هنا يا بابا وفضلت اصرخ لحد القبر ما اتقفل علينا وفضلنا لوحدنا وحتى مفيش اى ضوء و فجاءة افتكرت ان تليفونى معايا طلعته وحاولت اتصل باى حد يلحقنا لكن مكنش فيه شبكه خالص فمعرفتش اتصل بحد المصيبه الاكبر انى الوحيدة اللى مرعوبه وهاموت من الخوف ومشغله كشاف الموبايل وعماله انور المكان وقعدت على السلم جمب الباب الحديد وكل شويه اصرخ وانادى على حد يمكن حد يلحقنا ويخرجنا من هنا نورا : اسكتى ومتختفيش تيتا معانا ومش هتخلى حد يقرب مننا انا : انتى جبتى الكلام ده منين وازاى مش خايفه زى انتى مش حاسه بخوف انتى عارفه ان احنا هانموت محدش عارف اننا هنا ويمكن حاجه تطلع علينا تموتنا نورا : اهدى وهنطلع من هنا تيتا مش هتسبنا انا : اهدى ايه.. و فجاءة سمعت صوت زى كان فى ناس بتتوشوش سكتت وحطيت ايدى على وش نورا وفضلت احاول اقرا قران وانور بالكشاف على كل مكان وفجاءة شفت اللى عمرك ما هتتخيله كائن غريب بيمشي على ايديه ورجليه ومشعر لدرجه ان شعره مغطى وشه كله ايديه ورجليه طالعه منها مخالب طويله اوى صرخت نورا وانا جسمى عدا مرحله الرعشه لا ده كان بيتنفض اكيد انت متخيل المنظر قبر مع ميتين مفيش نور لا وكمان فى كائن غريب منعرفش ايه ده..... فضلت اقرا قران واحضن اختى نورا وفجاءة الكائن ده قرب جامد مننا وصرخت بصوت عالى.. حراااام بقي احنا عملنا ايه... يااارب وفجاءة سمعنا صوت خروشه وكان القبر بيتفتح وفعلا شوفنا حد نزل وفتح الباب وشدنا احنا الاتنين برا القبر طلعنا فوق وابتدينا نهدأ وطلع اللى طلعنا من القبر (التربى) (عبد الصمد) بصراحه راجل محترم اوى فضل يطبطب علينا لحد ما هدينا وسالنا ازاى نزلنا تحت وانا طبعا حكتله كل حاجه شوفتها انا واختى رد وقال ..... التربى : انتوا لازم تروحوا لشيخ وتحكولوه اللى حصل.. انا : بس ممكن تتصل باهلنا التربى : معلش يا بنتى التليفون مفيهوش رصيد بصي لو حافظه الرقم ممكن نطلع على اول الشارع فى كشك نتصل منه على اهلكوا يجوا ياخدكوا وفعلا اتصلنا وبابا اتفاجئ وفضل يقول : ازاى يا عم عبد الصمد الاولاد نايمين فى اوضهم التربى: ياعم ادخل شوفوهم بابا : طيب انا هادخل علشان تصدق ..... انت . ازاى.. انا جاى حالا وقفل بابا التليفون والتربى جابلنا حاجات من الكشك علشان ناكل وبابا وصل وفضل يحضن ويقول ازاى انتوا هنا ولما حكتلوا كل حاجه فضل يقول ديه هلاوس من الخوف لما نروح نتكلم فى الموضوع ده وشكر التربى وروحنا امى : بناتى انا عايزة افهم ازاى..؟ بابا : مش وقتوا خليهم يتعشوا ويدخلوا يرتاحوا فعلا اكلنا ودخلنا علشان ننام نمت وانا حاسه بشعور ان فى مصيبه هتحصل وبعدين غرقت فى النوم وفجاءة حسيت بحرارة شديدة لدرجه انها خرجتنى من نومى العميق ولما صحيت كانت المصيبه اللى هتغير كل حاجه للاسوء..... انتظرونى بكرة ان شاء الله مع الرعب القاتل 🤫
