اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ظلال_القبور #الفصل _العاشر # Shosho Rafat ازيكم عاملين ايه .. يلا بينا نعمل فلاش باك لاخر حاجه حصلت ... اتفقنا مع زناتى اننا هنعمل الطقوس النهاردة بليل وشيماء قالت هنكلم طنط وعمو ونقول انكم هتباتوا عندى واكلم ماما اقولها هبات عندكم ونقول للاتنين ميتصلوش ببعض علشان ابوكى وامك فى شغل مهم وانا ماما وبابا نايمين علشان تعبانين وكده كده بكرة اجازة بس نخلص بسرعه اللى بنعمله ده واحنا بنتكلم مكنتش واخدة بالى ان نورا مش واقفه جمبي وفجأة واحنا بنتكلم سمعنا صوت صريخ........... الصوت ده مش غريب عليا ببص حوليا ملقتش نورا.... انا : ايه ده نورا راحت فين شيماء : والله كانت لسه واقفه هنا جمبي انا : ازاى طيب راحت فين دعاء : تعالوا ندور عليها بس يلا شيماء : والله هى كانت هنا انا : انا كنت فكراها معاكى دعاء : الصوت جه من هنا روحى انتى وشيماء هناك وانا وعم زناتى ندور الناحيه ديه عم زناتى : روحى يا بنتى يلا وان شاء الله هنلاقيها انا : نورا يا نورا انتى فين شيماء : انا سامعه صوت حد بس واطى اوى تعالى نبص هنا كده وفعلا مشيت وراء شيماء وشفت نورا ايوة شفتها فى منظر مرعب الكائن الغريب اللى حكيت عنه قبل كده فكرينه شايلها على ايده وهى غرقانه دم ومها ووشها كله دم وبتنده على حد يساعدها بصوت مش طالع اصلا انا اول لما شوفتها كده اتجمدت مكانى وشيماء رجعت وراء ولقيت الكائن ده بيحطها على الارض وجرى بسرعه لحد ما اختفى تقريبا انا جريت على نورا وفضلت ادور فيها على مصدر الدم لكن ملقتش ولا جرح فى جسمها خالص والدم كمان على جسمها كله ووشها كانه مش دمها شيماء ندهت على دعاء وعم زناتى وفعلا جم بسرعه وبعدين عم زناتى شال نورا لحد اوضه جده ونيمها على كنبه وشيماء راحت تجبلها مايه وعصير واى حاجه تفوقها انا حضنتها وسالتها انا : نورا حبيبتى ايه اللى حصل يا روحى مين اللى خدك من جنبنا وازاى الدم ده جه عليكي ردى عليا علشان خاطرى نورا بصوت مش واضح : انا كنت واقفه جمبك وبعدين شوفت الكائن ده واقف جمب قبر كده وعمال يبصلى بنظرة مرعبه حاولت استخبى فيكي لكن حسيت جسمى كله اتشل ولقيت نفسي بمشي من غير ما اكون ان عايزة امشي و فجاءة لقيت نفسي عند الكائن ده وطلعت نظرته مش علشان يرعبني ده كان بيقولى امشوا او استخبوا شفت واحد كبير اوى عبارة عن ظل بس ليه قرون كبيرة كل اللى باين من عينه الحمراء زى الدم ولما تدققى فيها تحسي انها نار بتولع وابتسامته المخيفة اللى مش قادرة انساها كانها اتحفرت فى ذاكرتى انا : وبعدين ايه اللى حصل.؟ نورا : مسكنى جامد من رقبتى بس انا مكنتش شايفه ايده وكمان ايده حرقتنى اوى كانى نار هى اللى مسكانى ولما جه يخنقنى انا صرخت راح الكائن ده نط عليه ومسكه وانا وقعت فى الارض راح مسك الكائن وعوره فى رقبته وفى دراعه ومن كتر ضربه فيه دمه غرقنى كله قمت انت فضلت اصرخ راح ضربنى وقعت على الارض ولما سمعت صوتكم لقيته اختفى والكائن ده شالنى فرقبته كانت بتجيب دم فغرقت وشي وهدومى وهو ده كل اللى حصل انا : انا حاسه انى بسمع فيلم رعب وصعبانه عليا اختى الصغيرة ديه اللى شافت كل ده حرام كده الله يسامحك يا تيتا ليه تعملى فينا كل ده نورا : انا عاوزة اغير الهدوم ديه ريحتها وحشه وعاوزة اغسل وشي دعاء وشيماء جم وجابولها اكل وشرب وانا قولت لشيماء تروح البيت وتعمل نفسها هتجبلنا هدوم علشان هنبات عندها وتيجي بسرعه ولو ماما سالت تقول ان نورا نامت وانا كمان نمت معاها وفعلا شيماء راحت تجيب الهدوم عقبال ما اكلنا وابتدى عم زناتى يشرحلنا هنعمل ايه وطبعا انتوا عازين تعرفوا هنعمل ايه فانا هشرح دلوقتى احنا هنعمل ايه...؟ عم زناتى طلع الشيخ اللى كان بيفتح المقابر بتاعت الاثار ديه فطبعا فاهم فيها كل حاجه اول حاجه ان انا ونورا لازم يكون حد معانا كبير فهو هيدخل معانا الخطوات كالتالى :1 _ انا ونورا هننام على الارض بين مقبرتين وعم زناتى فى النص بينى وبين نورا 2_هيربط خيط فى ايدى وايده وايد نورا علشان منتهوش من بعض جوا العالم ده الخيط ده مخلوط بمادة +زيبق احمر اللى هو بيساعد اننا نتواصل مع العالم ده 3_عم زناتى كتب كلام زى الطلاسم كده ويفضل يكرره كذا مرة وطلب من دعاء وشيماء يرددوه وراه وكمان ولع شمع كتير حولينا وكمان هياخد خصله من شعرى وشعر نورا كمان علشان نبقي مرتبطين ببعض 4_نقطه دم منى ونقطه دم من نورا ونقطه دم منه هو كمان بس مقلش ليه هنعرف دلوقتى ليه سالته وقولت : احنا لما ندخل هنعمل ايه عم زناتى : لما ندخل انا هكون لوحدى والخيط هيخليني مرتبط بيكم لانكم هتكونوا مش معايا كل واحده هتكون فى مكان تانى خالص وبعدين لما الاقيكم اشربكم حاجه معينه واقرا عليكم طلاسم علشان احرر ارواحكم بس ياريت ميكنش فى حارس انا : حارس يعنى ايه عم زناتى : ده جن حارس لانه بيتسخر لمنع اى محاوله لفك السحر او تحرير الارواح انا : لو لقيناه هنعمل ايه عم زناتى : ممكن نموت او انا بس اموت وعلشان كده دعاء وشيماء هيقولوا ورايا علشان لو جرالى حاجه يقدروا يدخلوا ويكملوا مكانى شيماء : ماشي بس هنعرف ازاى انك جرالك حاجه عم زناتى هيبان عليا اثار وجروح ومتقلقيش متعرفوا بس لازم تدخلوا ورايا ودعاء امسكى ايدينا جامد واوعي الخيط يتفك ولو اتفك افضلى اربطيه اتفقنا على كل حاجه وفعلا بدا عم زناتى يقول التعويذة او اى يكن اللى هو بيقولوا ده وفعلا بعد ما خلص قرايه انا كنت مغمضه عنيا واول لما فتحت عينيا شوفت......... بكرة اخر جزء من ظلال القبور اللى جاى مرعب لو بتخاف بلاش تقرا اللى هيتكتب بكرة لو بتحب الرعب اطفى النور واستنانى بكرة الساعه 12 بليل مع الجزء الحادى عشر والاخير من ظلال القبور..... 😱 دمتم مرعبيين 😈👹
