اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ظلال_القبور_الجزء الثامن # Shosho_Raafat اهلا بيكم.... بدون مقدمات يلا بينا......... جبت الصندوق كله وخرجت من الاوضه و فجاءة سمعت صوت اغنيه عمرى ما هنساها لانى كنت بنام عليها وكنت بحب اسمعها جدا من جدتى ايوة ده صوت جدتى حسيت برعشه فجسمى والاغنيه كانت انت عمرى لام كلثوم طبعا انت بتضحك وبتقول ايه الموقف السخيف ده بس ده مش موقف سخيف ولا حاجه ده موقف يموت من الرعب تخيل معايا كده المنظر كامل (انت فى شقه كانت محروقه بس دلوقتى سليمه وبتدور على جواب فيه مصايب مرتبطه بحياتك او موتك وكمان فجاءة بتسمع صوت جدتك من الحمام بتغنى اغنيتك المفضله وانت مش عارف تعمل ايه) دلوقتى انت متخيل قدر الرعب اللى انا فيه المهم حسيت برعشه فجسمى والاغنيه كانت شغاله عادى معرفش منين جبت الجراءة وقولت هاروح وافتح الباب واشوف فى ايه مشيت خطوة خطوه والصوت بيزيد عمال يزيد كل ما اقرب من الحمام وصلت لباب الحمام ومسكت المقبض وفتحت ويارتنى ما عملت كده صدقنى كنت مستعده لاى حاجه غير اللى شفتها شفت... شفت... كلاب سوداء كبيرة مقتوله وكتير جدا لدرجه ان من الارض لحد السقف منقدرش نشوف حاجه من كترهم خوفت لما شوفت واحد بيبصلى قفلت باب الحمام ولقيت تليفونى بيرن رديت كانت شيماء اللى بتتصل وقالت شيماء: الو ايه اللى اخرك كده انا : مش هتصدقينى بس انا نازله اهوه فى حاجه حصلت شيماء : فى مصيبه انا : ايه اللى حصل..؟ شيماء : الست ام دعاء اتصلت وعايزنا نروح لها بسرعه انا :طيب بقو......... ْ قاطعنى صوت زمجرة كلاب ورايا لفيت بسرعه كانت كل الكلاب اللى فى الحمام مقتوله صحيت و بتزمجر عليا والدم مغرق الدنيا ابتديت ارجع لوراء خطوة خطوة لحد ما وصلت الباب وخرجت بسرعه وهما كمان هجموا عليا بس كنت شديت الباب ورايا ونزلت اجرى بسرعه نزلت و حكيت لشيماء على كل حاجه وهى مبقتش مصدقه اللى بيحصل ده نهائى بصراحه انا لو مكانها مش هصدق خالص لو حد حكالى ده كانه سحر او خيال او فيلم رعب ازاى حياتى اتحولت لجحيم بالشكل ده المهم جرينا على بيت ام دعاء لقينا بوليس ومطافى والدنيا مقلوبه والناس ملمومه قدام بيت ام دعاء سالت حد من الرجاله وقولت له : لو سمحت هو فى ايه الراجل الغريب : والله يا انسه من قيمه شويه سمعنا اصوات غريبه وبعدها صريخ والارض كانها فى زلزال والنار مسكت فى شقه ست عجوزة اسمها ام دعاء والشقه فحمت بس بنتها مكنتش فى الشقه اهه هناك مع الظباط والمصيبه يا ابله ان بقالهم شويه بيدوروا على اى اثر للجثة مفيش فص ملح وداب انا : متشكرة اوى الراجل الغريب : على ايه بس عدم المواخذة انتى بتسالى ليه انتى مين انا : انا كنت جايلها ازورها الله يرحمها الراجل الغريب: الله يرحمها مشينا وروحنا لدعاء اول لما شافتنى اترمت فى حضنى و فضلت تعيط جامد جدا لدرجه بجد قطعت قلبي وفضلت اهدى فيها على قد ما اقدر و فجاءة رن تليفونى وماما بتتصل بيا رديت انا : ايوة يا ماما ماما : انتوا فين كل ده انا : عند واحده صحبتنا ماما : تعالوا دلوقتى انا : طيب حاضر سلام ماما؛ سلام اخدت دعاء على جمب وسالتها ايه اللى حصل ردت وقالت قبل مانزل ماما قالتلى اقولك الكلمتين دول ( لما تحرروا ارواحكم هى هترجع تانى) انا : مش فاهمه دعاء : انا هساعدكم علشان ارجع امى انا : بصي انا لازم امشي بس لازم نتقابل تانى ماشي دعاء : انا معايا رقمك هكلمك ونتقابل بكرة انا : انتى هتروحى فين دعاء : قرايبي جايين انا : خلى بالك من نفسك دعاء : وانت كمان اخدت شيماء ونورا وجرينا على البيت لما روحنا ماما قالت بدون اى مبررات ايه اللى اخركم كده انا : ماما فى واحده صحبتنا عيانه جدا وكنا بنعرف محجوزة فى مستشفى ايه علشان نروح نزورها ده واجب يا ماما ماما : ماشي هتروحى امتى..؟ انا : بكرة اول لما صحبتنا التانيه تكلمنى ماما: ونورا...؟ انا : طبعا هتروح معايا ماما : طيب لو عوزتي حاجه قوليلى انا : تمام يا ماما احننا هنام علشان نصحى بدرى تصبحى على خير كلنا دخلنا ننام علشان بكرة شكله يوم مش سهل صحينا الصبح على صوت ماما بتقول انها رايحه الشغل وقمنا جهزنا واتصلنا بدعاء..... انا : الو دعاء معايا دعاء: ايوة انا بقولك انا مستنياكي انا : فين..؟ دعاء: انا هبعتلك العنوان انا : ماشي تمام وفعلا بعتت لنا العنوان وبصراحه لما وصلنا لقينا المكان فى حارة و زى قهوة مش كافيه دعاء : ازيكم انا : كويسين الحمدلله وانتى..؟ دعاء: انا بقيت كويسه انا : ازاى دعاء : اختك امبارح طمنتنى انا : ايه ازاى يعنى دعاء : لما مامتك اتصلت بيكى نورا قالتلى حاجه طمنتنى زيادة انا : نورا ايه اللى انتى قولتيه ليها نورا : انا شفت مامه دعاء وقالت انها كويسه وهتخرج لما نحرر روحنا بس لازم نفتح الجواب انا : ايوة صح انا جبته معايا دعاء : كويس اوى بس معلش ممكن اسال سؤال هى مين البنوته ديه..؟ انا : ديه شيماء زى اختى واكتر وهى عارفه كل حاجه . دعاء : طيب يلا هاتى الجواب شيماء : بس مش احنا لازم نروح لزناتى دعاء : ايوة انا عارفاه شخصيا انا : طيب نفتح الجواب الاول وبعدين نشوف هنروح فين بعد كده وفعلا فتحنا الجواب وقرأناه وكان بيقول كده بالنص (فتيحه الجواب ده ميتفتحش غير لما اموت علشان البنات تكون عرفت بالمصيبه اللى انا عملتها صدقينى مكنتش لسه شفتهم ولا حبيتهم انا حاولت اعمل كل حاجه تحميهم بس فشلت لان ارواحهم مسجونه انا نفسي بس يسامحونى وقوليلهم انهم كل حياتى او كانوا كل حياتى وبالذات ريم ونورا وديه الطريقه الوحيدة علشان يتحرروا من اللى هما فيه بس لازم يلحقوا قبل ريم ما تتم ال17 علشان كده هتعتبر اتحبست وهيبقي مستحيل تخرج لان الملك بتاع المقبرة هيعتبرها زوجه ليه اتصرفي وروحى لزناتى وهو هيقولك كل حاجه بس انا عاوزة اقولهم حاجه مهمه انهم لازم يتصلوا بالعالم الخارجي وهما فى العالم السفلى وديه لازم يكون عن طريق شخص تانى معاهم و زناتى هيدخل معاهم علشان هو كمان حاسس بالذنب لانه اقنعنى زمان بالحل ده اللى بدفع تمنه خسارة احفادى وحته منى وصليلهم الجمله ديه... ريم نورا سامحونى وبحبكم جدا بس زمان كنت بحب امكم اكتر لانها كانت بنتى الوحيده بعد كل ده امنيه واحده بس اتمنى انكم تسامحونى) خلصت الجواب وانا دموعي فى عينيا و فجاءة ببص لنورا لقيتها............... انتظرونى فى الجزء التاسع من ظلال القبور 🤫
