اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ظلال_القبور#الجزء_الثالث# #Shosho_Raafat السلام عليكم ازيكم عاملين ايه ....ايه رايكم نعمل flash back على اخر حاجه حصلت ...يلا بينا ........ اخر حاجه انى معرفتش ادخل الاوضه ورا اختى لان تقريبا كنت حاسه بباب زجاج مش قادرة اشوفه مانعنى من الدخول وبعدين الباب اتقفل بعد منظر مرعب ومهيب ومشيب كلمات قليله أنها توصف المنظر هو كان عبارة عن ثانيه لكن شوفته بالتفصيل وكانه وقت طويل احب اقولك ان المنظر عبارة عن اختى الصغيرة (نورا) مبتسمه ابتسامه مرعبه اوى بجد رعبتنى وبتبصلى بنظرة حاده جدا مينفعش طفله تبصها انا مرعوبه ومش قادرة اتحرك من مكانى وانا واقفه وبشوف جثه بتتحرك وللى كانت جدتى الملايه اللى كانت على وشها اختى شالتها وجدتى قامت وبصتلى بنفس نظرة نورا الحاده بجد انا مش عارفه ايه ده وياريت ده بس اللى حصل لا ده كمان السرير ابتدا تنزل من نقط دم كتير غرقت الارض والملايه اللى على جدتى غرقانه دم واختى ضحكت هى وجدتى مع بعض فى وقت واحد واتقفل الباب على كده ومعاه صرخه فظيعه من نورا بعد ما اتقفل واخيرا قدرت اتحرك وكانى كنت متكتفه حاولت افتح الباب لكنه مش عايز يتحرك ونورا عماله تصرخ لما معرفتش افتحه جريت على الصاله وصرخت وقولت... انا : الحقنى يا بابا باب الاوضه اتقفل على نورا وانا مش عارفه افتحه خالص بابا : ايه انتى ازاى اوعى من وشي ماما وخالتو سمعوا كده وجريوا كلهم ناحيه الاوضه بابا مسك المقبض وفتح الباب اتفتح اول لما فتح الباب نورا خرجت كانها كانت ورا الباب على طول شالها بابا وسٱلها ...... بابا : ايه اللى حصل يا حبيبتى ..؟ نورا : كنت داخله احضن تيتا راحت ريم طفت النور وقفلت الباب وحاولت افتحه بس هى كانت مسكاه من بره انا باستغراب : انتى كدابه بابا والله مش ده اللى حصل بابا : مش عايز اسمع صوتك خالص ابعدى عنى اوعى وزقنى وخرج الصاله وانا فضلت باصه الاوضه لقيت جدتى متغطيه بملايه وكل حاجه طبيعيه جدا.... امال انا شفت ايه..؟ وليه...؟ وازاى..؟ وليه نورا قالت كده والله مش ده اللى حصل..! انا مش فاهمه حاجه من اللى بتحصل ديه خالص.... شويه ورحت لبابا حاولت افهمه لكن طبعا مصدقنيش خالص وقال ان ديه واحده من حركاتى وهزارى البايخ مع اختى وان نورا هتكدب ليه ديه حتى عمرها ما عملتها بصراحه حاولت اعدى الموضوع وقولت لبابا انى كنت بهزر مع نورا وانا اسفه ومش هكدب ولا هعمل كده تانى وفعلا بابا قالى خلاص ماشي روحى شوفى نورا وخلى بالك منها واوعي واحده منكم تدخل اوضه جدتك تانى مفهوم فى نفس اللحظه دخلت اختى (ملك) و صحبتها وجارتنا فى نفس الوقت وكمان فى نفس الكليه مع اختى (نهى) المهم الاتنين كانوا لابسين فساتين سوداء وعمالين يعيطوا جدتى كانت دايما تهتم بيهم وبهزر معاهم وكانت بير اسرارهم وكانت حنينه على الكل والكل بيحبها دخلت اختى منهارة وقالت : ماما ازاى هى فين والنبي اشوفها مرة واحده طيب ارجوكي انا ونهى هنشوفها ونخرج على طول ماما : اهدى ابوس ايدك انا مصدقت هديت شويه علشان الناس اللى جايه واقدر اتصرف فى الدفنه والحاجات ديه نهى : البقاء لله يا طنط اهدى كده وامسكى نفسك واحنا معاكى شوفى عايزة تعملى ايه وانا هعمله ماما : ميرسي يا حبيبتى ملك : ماما انا ونهى هنشوفها ونخرج على طول صدقينى ماما : لا بلاش اصبرى شويه بابا : معلش سيبيها ماما : لا الميت له حرمه كفايه نورا وريم واللى حصل معاهم ملك : ايه اللى حصل..؟ بابا : ولا حاجه يا حبيبتى روحى انتى ونورا شوفوها وانا هدخل معاكم ماما : انت حر اعمل اللى انت عاوزة انا اصلا بحاول افتكر فين الفلوس اللى ماما كانت سيباها علشان الدفنه والكفن يمكن عندى؟ بابا : مش عارفه ماما : انا مش بسالك انا بحاول افتكر بابا : يلا يا بنات بس بلاش عياط لو سمحتى يا ملك ماشي ملك : حاضر يا بابا انا رحت لنورا علشان احاول افهم منها ايه اللى حصل وليه كدبت على بابا انا : بقولك يا نورا نورا : نعم يا ريم انا : انا عايزة اسالك سؤال نورا : طيب اسالى بس بسرعه انا : ليه انتى رايحه فين نورا : رايحه مع خالتو شقه تيتا انا : طيب وهو انتى ايه كدبتى على بابا وقولتي ان انا اللى طفيت النور وقفلت الباب عليكى نورا : علشان كنت خايفه انا : من ايه..؟ نورا : منه انا : من مين..؟ نورا : من اللى شوفناه على السلم انا : اتكلمى عدل انا مش فاهمه حاجه خالص نورا : مش هقدر اتكلم هو واقف دلوقتى وبيبصلى انا : فين..؟ نورا : وراكى انا اترعبت مش علشان هى قالت ان فى حد ورايا لا علشان فعلا حسيت بنفس حد سخن فى ضهرى ومن كتر خوفى ببص لنورا لقيتها ميته من الرعب لفيت بسرعه وشفت............. استنونى بكرة ان شاء الله،، و بردوا لسه الرعب مبداش # انتظرونى مع الرعب القاتل 🤫😱
