اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ظلال_القبور#الجزء_الرابع
#Shosho Rafat
ازيكم عاملين ايه..... زى ما اتعودنا هنعمل flack back ... اخر حاجه حصلت هى..... رعبي وخوفى مش لان اختى بتقولى ان فى حد ورايا وانا مش شايفاه لا علشان فعلا حسيت هواء او نفس سخن فى ضهرى و النفس كان سخن اوى لدرجه انى حسيت انى بتحرق من كتر سخنيته المهم بصيت لنورا لقيتها ميته من الرعب لفيت بسرعه وشفت.... هواء او ولا حاجه مكنش فى حد ورايا بصيت لنورا لقيتها بتبصلى حاولت الف حواليا لكن مكنش فى حد موجود بصيت لنورا وسالتها
انا : انتى قولتى فى حد ورايا فين ده
نورا : كان موجود فعلا بس هو بيجي فجاءة ويروح فجاءة وانا اصلا كنت خايفه اوى
انا : طيب بصي لو شوفتى ده تانى او اى حاجه تانيه متقوليش لحد غيرى ماشي تعاليلي وقوليلى على طول واوعي تقولى لبابا او ماما تمام..؟
نورا : ماشي اتفقنا
بابا : يا بنات يلا ادخلوا اوضه خالتكوا
انا : ليه يا بابا
بابا : المغسلين جايين بلا هتلاقى ملك ونهى جوا فى الاوضه ماشي
انا : حاضر يا بابا
دخلت الاوضه لقيت اختى ملك ونهى جوا وملك عماله تعيط جامد لدرجه انى حضنتها وقولتلها انا مش فاهمه حاجه من اللى حصلت هى بجد تيتا راحت يا ملك
بصتلى وقالت : انا عارفه انك كنتى اكتر واحده قريبه منها انتى حاسه بايه..؟
انا : مش عارفه ولا فاهمه حاجه حاسه انى بموت او روحى بتنسحب منى محتاجاها اوى عارفه امبارح قبل ما تمشي ادتنى سلسله وقالتلى خليها معاكى على طول مكنتش اعرف انها هديه الوداع وانى مش هشوفها تانى وفى اللحظه ديه انفجرت فى العياط على رنه تليفونى هديت شويه ورديت
انا : الو
المتصل : الو حبيبتى
انا : شيماء ..!
شيماء : ايوة يا روحى انتى عامله ايه انا لما عرفت لبست وانا فى السكه جايلك يا روحى اجمدى كده وانا جايه مسافه السكه
انا نسيت اعرفكم على الشخصيه الرائعة ديه شيماء صاحبتى منذ الطفوله وبحبها اوى بجد بعشقها اكتر من اختى هى كمان شخصيه رئيسيه فى القصه نرجع لموضوعنا
انا : شيماء متتاخريش عليا
شيماء: على طول جايالك
انا : فى حاجات حصلت محتاجه اقولك عليها
شيماء : قولى
انا : انا شو....... سمعت صوت فى ودنى بيقول اوعى تقولى اى حاجه ليها اوعى اوعى و فجاءة جت فى خيالى صورة جدتى واختى والدم والاوضه بس كان فى حاجه زياده هى اللى صدمتنى شوفت جدتى وهى بت... بتد.. بتدبحها ايوة بتدبح اختى نورا وانا واقفه بتفرج على المنظر ده وبموت مفوقتش الا على صوت شيماء : الو الو ريم انتى معايا
انا : ايوة انا معاكى لما تيجى صح متتاخريش هما هيدفنوها على الضهر فاضل حوالى ساعه الا تلت اوعى تتاخرى
شيماء :لا انا خلاص قربت يلا خلى بالك من نفسك
انا : وانت كمان سلام.
قفلت معاها وصورة جدتى بتدبح اختى مش مفارقانى لكن ازاى وليه جدتى تعمل كده انا مبقتش فاهمه حاجه خالص..!
فجاءة سمعت خالتى بتنادي عليا خرجت لقيت الناس شايلين ماما لانها داخت ووقعت
وفى وسط كل ده لمحت ست عجوزة شكلها غريب اوى بجد مش طبيعيه عجوزة لدرجه ان تجاعيدها مدلدله بمعنى الكلمه وسنانها تقريبا كلها واقعه وحسيت انى خايفه منها لفيت بسرعه على صوت خالتو ...
خالتو :ريم هاتى كوبايه مايه لمامتك بسرعه
انا : حاضر ثانيه واحده
بصيت للست لكن ملقتهاش اختفت فص ماحب وداب ادور عليها ملقتهاش وبعدين خالتو قالتلى : ريم الميه بسرعه
انا : ايوة صح حاضر ثانيه واحده
دخلت المطبخ جبت الكوبايه وبلف علشان اخرج لخالتو لقيتها فى وشي ايوة الست ديه بشكلها المرعب ده اتخضيت وبعدين سالتها فى ايه..؟
الست العجوزة : انتى ريم حفيده الست اللى ماتت صح..؟
انا : ايوة ليه..؟
الست العجوزة : كلمه واحده بس هقولهالك
انا : كلمه ايه..؟
الست العجوزة: اوعى تنزلى القبر لو قالولك اوعى!
انا : مش فاهمه حاجه
صرخت في وشي جامد اوى وقالت اوعى تنزلى سمعانى اوعاكى تنزلى القبر وصرخت صرخه من قوتها انا رميت الكوبايه وصرخت وفضلت اعيط ......
دخلت خالتو وكام واحده معاها ......
خالتو : ريم اهدى يا حبيبتى مالك فى ايه..؟
انا : خالتو الست ديه مجنونه ديه صرخت فى وشي ومسكتنى جامد كانت هتكسر عظمى
خالتو : ست مين..؟
انا : معرفهاش بس هى لسه خارجه من المطبخ
خالتو : بس مفيش حد خرج انا لسه داخله ومفيش حد ياروحى
انا : بس والله كانت هنا
خالتو : طيب خلاص اهدى وعلى فكرة شيماء جت برة
انا : بجد طيب انا هشوفها ولا اقولك استنى اجيب كوبايه مايه لماما الاول بدل اللى وقعت
خالتو : لا خلاص انا هجبها مامتك بقت كويسه هى بس كانت دايخه شويه اللى احنا فيه مش سهل اغلى حاجه فى حياتنا راحت وسابتنا
انا : بجد انا مش مستوعبه امى مش هشوفها تانى خالص ولا هنام فى حضنها تانى
خالتو : يلا روحى شيماء اكيد بتدور عليكى
خرجت اجرى لقيت شيماء حضنتها وفضلت اعيط وهى تهدينى لحد ما سمعنا صوت بابا بيقول با جماعه اذان الضهر يلا علشان تصلى ونطلع على الدفنه
ماما وخالتو وبعض الستات نزلوا وبابا وجوز خالتى ورجاله تانيه طلعوا شالوا جدتى او (جثتها) نزلنا كلنا وانا وشيماء وملك ونهى ونورا اختى ومصطفى اخويا كنا ماشيين مع بعض وبعد الصلاة اتجهنا ناحيه مقابر العائله دخلنا وابتدينا فى الدفن بس احنا فى بلدنا عندنا عادة وحشه شويه هحكيلك عليها ( اخر طفلين للابن الاكبر للمتوفى ينزلوا يحطوا للمرحوم زى مخده تحت دماغه) وده طبعا كان لازم عليا انا ونورا وفعلا كل حاجه خلصت تناقص احنا ننزل لكن بابا رفض وماما كمان كانت خايفه لكن مفيش مفر لازم ننزل انا ونورا وفعلا نزلنا بعد ماما .ما اقنعت بابا انه ينزل معانا لزياده الامان.. وفعلا نزلنا كل خطوة بصعوبة وخوف بجد حاجه صعبه انك تنزل قبر نزلنا ومسكنا حاجه ناشفه زى المخده بس هى مش ماده خالص ديه تقيله وناشفه وبعد ما خلصنا جه وقت اننا نطلع فى للقبر سلالم وبعدين حاجه زى باب حديد وبعدين سلم وبعدين تخرج من القبر وفعلا طلعنا اول سلم وبعدين جينا عند الباب الحديد وحصلت المصيبه اللى تشيب وتموت اى حد........ لو عايزين تعرفوا ايه المصيبه شجعونى وتفاعلوا ولايك بليز وبكرة معادنا مع جزء شيق مليان رعب( دمتم مرعبيين 😱) سلام
