اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ظلال_القبور#الجزء_الحادى_عشر # Shosho_Raafat ازيكم النهاردة اخر جزء من ظلال القبور.... احنا دخلنا عالم تانى المفروض واخر حاجه حصلت ان احنا سمعنا صوت عم زناتى ودعاء وشيماء بيقولوا الطلاسم والتعاويذ ديه وبعدين غمضت عيني زى ما عم زناتى طلب منى واول لما غمضت عيني حسيت بهزة فى جسمي ووجع جامد فى دماغى ففتحت عينيا وشوفت نفسي فى مرايه وبعدين ابتديت ابص حواليا لقيت نفسي قاعده على كرسي وايديا ورجليا مربوطين فى الحيطه بسلسله حديد زى الجنزير كده حاولت اشد ايدى بس مقدرتش اعمل حاجه خالص وبعدين لاحظت ان الاوضه او المكان اللى انا فيه ده الارض كلها مايه بس لونها اسود اوى وغامق وابتديت اسمع صوت حيوان استنوا ايه دهه صوت فحيح تعبان او افعى ايه ده الصوت بيقرب اوى............ خدوا بالكم النهاردة هنحكى عن كل شخصيه مستقله يعنى مرة ريم لوحدها ومرة نورا لوحدها ونرجع تانى لعم زناتى ودعاء وشيماء مرة تانيه اتفقنا...... يلا بينا ....نورا .... فتحت عيني لقيت نفسي فى مكان زى الترب ايه ده ..! ده نفس المكان اللى شفت فيه الكائن اللى انقذنى من الوحش جيت بحاول اقوم لقيت نفسي مربوطه بسلاسل حديد جامده اوى لدرجه معرفتش حتى ارفع ايدي من كتر ماهى تقيله بعد كده حسيت بحد بيتحرك بسرعه ورايا و فجاءة....... دلوقتى عم زناتى دخلت العالم ده لتاني مرة بس المرة ديه اقوى من المرة الأولى مش هسمح للاطفال دول يدفعوا تمن غلطتنا وطمعنا احنا دلوقتى هتقول الطلاسم واكيد هحس الولاد فين وهاعرف مكانهم ... دعاء وشيماء : قاعدين بيحاولوا يمسكوا ايديهم لانها ابتدت تتحرك وعم زناتى مستنين يلاحظوا عليه اى علامات على لو فى حاجه واحده تدخل مكانه... كل اللى اقدر اقوله ان الكل على اعصابه حتى انا..... ريم.. صوت فحيح الافعى عمال يزيد لحد ما حسيته ورايا بالظبط لكنى مش عارفه حتى ابص ورايا لكن استنوا ابص ورايا ازاى وهى بتلف جسمها كله حولين جسمي و شوفتها كبيرة وضخمه جدا طولها مش بيخلص لا ديه عماله تلف جسمها عليا وتضغط كانها بتعصرنى وانا عماله اصرخ واتالم ووقفت قدام وشي بالظبط شوفتها بكل ملامحها وشها ضخم جدا وزى الكوبرا ولقيها قرنين وعينيها بتنور بنفس اللون الاحمر اللى وصفته نورا اختى بالظبط فضلت اقرا قران وهى تعصر فيا زياده لدرجه انى كنت بسمع صوت عظمى بيتكسر غمضت عينيا وقولت بكل قلبي يا رب يا رب حسيت بيها بتفك جسمها عنى وابتديت اخد نفسي لحد ما فكت جسمها كله من عليا فتحت عينيا ملقتهاش وسمعت صوت حد بينده عليا... روما.. الاسم ده شخص واحد بس بيدنهنى بيه والصوت ده عمرى ما انساه... جدتى ... هموت واشوفها رغم كل ده.... ندهت بصوتى انا هنا يا نانا امل انا هنا يا حبيبتى وحشتينى اوى... سمعتها بتقول وانا كمان هنا ومش هخلى حاجه تاذيكى و شوفتها ماشيه والكائن ده ماشي جمبها جريت عليا وحضنتنى وابتدت هى والكائن ده يفكوا فى السلاسل الحديد لحد ما فعلا فكوها ومحستش بنفسي غير وانا بحضنها جامد وبقولها وحشتيني وسيبتينى فكل ده لوحدى لو كنتى معايا مكنش همنى حاجه انتى بتديني القوة فاكرة الجمله ديه دايما كنت بقولهالك وانتى تقوليلى انتى جوهرتى يا روما... فاكرة بجد وحشنى حضنك اوى... عدت تقريبا دقيقه وبعدين لقيت ايدى بتتشد جامد ناحيه باب الاوضه اللى احنا فيها ديه وسمعت صوت بينده عليا وبيقول ريم انا عمك زناتى لو سمعانى... شدى الخيط جامد مكنتش حاسه بخيط فى ايدى بس بعد اللحظه ديه شفت الخيط شديته سمعته بيقول انا كده عرفت انتى فين وانا جاى اهو جدتى قالتلى نورا محتجانى.. قولتلها نانا امل متسيبينيش ارجوكي قالتلى هرجعلك تانى واختفت مرة واحده وعم زناتى دخل وقالى الحمدلله انك كويسه شوفتيه.. انا : هو مين ده..؟ عم زناتى : الحارس. ! انا : اه شوفته بس نانا امل جت وهو اختفى عم زناتى : انتى شوفتيها انا : ايوة هى اللى فكتنى عم زناتى: يعنى انا ممكن اشوف مراتى وعيالى هنا انا : هنا ميتين عم زناتى: انا كنت غنى تفتكرى ايه يعيشنى فى الترب انا : معرفش عم زناتى: بسبب الطمع ماتوا انا : زى اللى حصل معانا عم زناتى : بس انتوا ان شاء الله هتعيشوا ومش هسمح بده يتكرر تانى ابدا انا : نورا نانا امل قالت انها محتجاها لازم نعرف هى فين عم زناتى: طيب يلا بينا بسرعه دلوقتى هنروح لنورا...... نورا : حسيت بحد جاى من ورايا بحاول الف براسي علشان اسمع او اشوف مين لكن بصراحه هو مخلنيش استنى كتير جالى ووقف قدامى كان نفس الشخص اللى كان فى الترب انا بحاول اقفل عينيا عينيا مش راضيه تقفل ولسانى مش راضي ينطق قران كانه اتشل الاحساس ده صعب اوى تخيله معايا كده قاعد جسمك كله مشلول عينك مفتوحه على الاخر مش راضيه تبربش لسانك مشلول مش عارف تتكلم وحش واقف قدامك بس وقوفه قدامك محسسك بنار جهنم من كتر حرارته بيقرب منك خطوة خطوة و فجاءة يمسك وشك بايده اللى كان ملمسها زى حاجه مولعه جدا وكمان انت مش عارف تصرخ تخيلت الاحساس حسيت بيه حلو نكمل بقي مسك وشي وقالى 4 كلمات مسمعتش منهم غير كلمه واحده لعنه طبعا انت بتسال ايه ال 4 كلمات وازاى عرفت انهم 4 وانا مسمعتش منهم غير واحده هاقولك ماعرفش بس انا لقيت نفسي عارفه كده وبعدها ابتدا شكله يتغير لافعى والارض كلها بدل ما كانت تراب بقت مايه سوداء اوى وهو بقي عمال يستخبى فيها ويطلع فجاءة يضربني ضربه بحس فيها ان جسمي كله بيتكسر حته حته وعظمه عظمه لحد ما اختفى تماما وسمعت صوت عم زناتى انا حافظه صوته وكمان صوت اختى اللى خلانى اتطمن شويه وبعدها كل الالم اللى فيا راح كانه محصلش سمعته بيقول قولى ورايا وشدى الخيط اللى ف ايدك بس انا مقدرتش اشد الخيط بسبب السلاسل الحديد لكنى قدرت اقول وراه كل اللى كان بيقوله لحد ما ابتديت اشوف ظلين لشخصين واخيرا شوفت اختى وعم زناتى متتخيلش فرحتى بيهم كانت ازاى كانك غرقان وحد رمى لك طوق نجاه اول لما وصلوا عم زناتى كان بيحاول بفك السلاسل لكن هى كانت جامده جدا سالنى ازاى جدتك فكت السلاسل بتاعتك قلتله معرفش ازاى... و فجاءة صرخت نورا وقالت حاسب يا عمو زناتى.. طبعا بصيت لقيت الوحش ماسك عم زناتى وعمال ينزل بيه لسابع ارض ويطلعه وينزل بيه تانى وانا بحاول افك السلاسل بسرعه ونورا عماله تصرخ انتهت الحرب بفوز الوحش على عم زناتى وعم زناتى مات جريت عليه حاولت افوقه لكن دون جدوى بس كان بيلفظ اخر انفاسه وقال: سامحونى انى مقدرتش انقذكم يا ولادى انا : سامحني انت عم زناتى : انا دلوقتى هنا مع اولادى ومراتى ده اللى انا كنت عاوزة بس كان نفسي انقذكم بجد انا : انت فعلا انقذتنا يا عم زناتى عم زناتى مات وسبنا لوحدنا مع مصيرنا اللى هو الموت.. نورا فضلت تعيط وانا وبموت من العياط دلوقتى هنروح لشيماء ودعاء.... دعاء : شيماء بصي عم زناتى ابتدت تظهر عليه اثار وجروح شكله كده في حاجه مش كويسه بتحصل .. انتى بتعملى ايه شيماء : اللى هو قال عليه لما نلاحظ عليه تغيرات يلا يا دعاء هندخل طيب دعاء: والخيط مين هيمسكه لحسن يتفك شيماء : خلاص ادخلى انتى وانا هفضل هنا وربنا يستر دعاء : طيب وفعلا دعاء وشيماء عملوا كل اللى قالوه ليهم عم زناتى بالحرف وفعلا دعاء دخلت بس دخلت علينا على طول متاهتش خالص وكانت معاها مفاجاتين انا ونورا خلاص عارفين اننا هنموت ومفيش حل ولا خلاص حتى نانا امل منعرفش اختفت فين مع انها قالت انها جايه لنورا علشان تحميها من القرف اللى احنا بنشوفه ده انا تعبت يارب ارحمنا و فجاءة سمعت صوت دعاء بتنادي عليا وبتقول كلام مش مفهوم و شوفتها جايه من بعيد ومعاها جدتى وامها والكائن الغريب وبيجروا علينا و الغريبه ان الوحش مظهرش خالص بعد ما موت عم زناتى جدتى والكائن فكوا السلاسل بسهوله وبعدين نانا امل قالت لدعاء كلام غريب هتقرائه هى ومامتها علشان نخرج بس طبعا مينفعش الموضوع يبقى بالسهولة ديه الوحش ظهر بشكله البشع وهجم على الكائن اللى معانا ده وعضه لدرجه انه خلاه نصفين كلنا صرخنا وابتدينا نجرى.. جرى ورانا ضربنى بايده فوقعت على الارض وانا حاسه انى خلاص بموت من قوي الضربه وضرب نورا كمان ووقعت بس منطقتش بحرف اختى مش بتتحرك حتى زحفت بالعافيه ورحت لها وفضلت احاول افوق فيها لكن مفيش حاجه بتحصل اختى ماتت نورا ماتت... نور حياتى انطفى فضلت اصرخ واعيط لحد ما لقيت جدتى بتقول بصوت عالى طلاسم هى ودعاء ومامتها شوفت الوحش بيجري وبيستخبى منهم لاول مرة اشوفه خايف بالشكل ورجع لشكل افعى تانى ولقيت جدتى بتجري عليه وبتطعنه بسيخ حديد لحد ما فضل يفرفر وبعدين مات معقوله بعد كل ده مات بعد ما قتل عم زناتى واختى جدتى حضنت نورا وفضلت تعيط ومسكت دماغها ووشوشتها فى ودانها و فجاءة نورا قالت احنا فين اختى صحيت هى بس كان مغمى عليها حضنتها وفضلت اقول انا كنت هاموت من الخضه حرام عليكي جدتى قالت يلا علشان نرجع بيتنا وقفنا جمب بعض كلنا وجدتى ودعاء وامها فضلوا يقولوا كلام كده لحد ما حسينا بنفس الاحساس لما كنا داخلين العالم ده ولكن حصلت حاجه غريبه اوى دعاء وامها وجدتى سابوا ايدنيا وقالوا مكاننا فوق خلاص صرخت لكن خلاص كنا خرجنا وجدتى وام دعاء وحتى دعاء هناك صحينا فى الترب وكان الصبح طلع تقريبا شيماء حضنتنى انا ونورا وقالت نمشي من هنا الاول وبعدين تحكولى كل اللى حصل اول لما روحنا البيت كان بابا تقريبا وماما نزلوا الشغل روحنا وبعد ما ارتحنا حكيت لشيماء كل حاجه وكانت حاسه انى بحكيلها قصه او فيلم رعب المهم واحنا بنتكلم نورا قالت : يا نهار اسود انا : فى ايه يا نورا نورا : انا افتكرت ال4 كلمات انا : هما ايه دول نورا : الموضوع مخلصش اللعنه مستمرة 😱😱
