اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#ظلال_القبور#الجزء_ السابع # Shosho_Rafat ازيكم..... بدون مقدمات يلا بينا نبدا..... اول لما شيماء وصلت كنت فتحت الباب حاولت انى انور انور وفعلا نورت النور ويارتنى ما عملت كده شفت حاجات غريبه جدا شيماء قالتلى : يلا نقفلها ونخرج نورا معانا بلاش ابوس ايدك احسن يحصل حاجه او مصيبه اللى كان فى الاوضه ارفف كتير وازايز عامله زى الدم كلها مليانه دم والحيطان مرسوم عليها طلاسم ومربعات وارقام وحروف بس مكتوبه بلون الدم هتسالنى عرفت منين هاقولك من ملمسها ناعم اوى وريحتها ريحه الدم بس ازاى دم مينشفش او ازاى لونه ميتغيرش ... و فجاءة قاطعتنى شيماء ..... شيماء: ريم بصي نورا لقت ايه...! انا : ايه لقت ايه..؟ نورا : انا مكنش قصدى بس كنت بدور على اى حاجه تساعدنا ولقيت ده شفت حاجه زى حجر فرعونى لونه بنى مرسوم عليه رسومات هيروغليفية غريبه او كلام فرعونى المهم محدش مننا فاهمه بس مرة واحده شفت الكائن اللى شفته فى القبر صرخت وقولت لشيماء شفتى اهوه ده اللى ولع فى شقتنا وكان هيموتنا فى القبر بصي بسرعه...... شيماء : فين ده اهدى بس انا مش شايفه حاجه هو فين ده انا : انتى مش شايفاه طيب يا نورا انتى شايفاه نورا : ساكته مش بتتكلم ومبحلقه فى الحيطه انا : نورا نورا نورا : ايوة نعم انا : بصي.. بس كان هنا نورا : هو مين..؟ انا : خلاص انتى كنتى مركزة فى ايه نورا : انا شفت حاجه زى الحلم انا : شفتى ايه مش فاهمه نورا : شفت تيتا واقفه مع واحده عجوزة انا حاسه انى اعرفها بتقول روحو لها انا : طيب افتكرى مين بسرعه نورا : افتكرت وسمعنا صوت حد بيفتح باب الشقه قفلنا الاوضه بسرعه ودخلنا عند المطبخ طلعت ماما اللى جت فماما دخلت تدور علينا ولما لقتنا فى المطبخ قولتلها : حمدالله على سلامتك يا ماما شيماء جت وهتبات معايا ولما حسينا بالجوع قولنا نطبخ اى حاجه ماما : طيب طيب اهدى مالك فى حاجه حصلت انا : لا هيكون ايه اللى حصل يعنى مفيش حاجه ماما : طيب انا هدخل اوضتي اغير واجى اطبخ انا : لا مش لازم انتى ادخلى ارتاحي واحنا هناكل اى حاجه يلا روحى ارتاحي ماما : طيب طيب بس علشانى لو فى حاجه احكيلى ماشي انا : ايوة طبعا بس ده لو فيه..! ماما : طيب انا هدخل ارتاح علشان فعلا تعبانه وصحيح بابا هيتاخر فى الشغل انا : طيب ماشي يلا روحى نامى بقي شكلك مرهقة.. ماما : طيب انا مش مطمنه فى ايه...؟ انا : مفيش حاجه يلا روحى ارتاحي ماما : طيب انا وشيماء ونورا دخلنا اوضتي ونورا بتحاول تفتكر شكل الست و فجاءة نورا قالت افتكرتها ديه صاحبه تيتا انا روحت معاها عندها قبل كده انا عارفه الطريق يلا بينا نروح انا : ازاى ماما نايمه جوا شيماء : هنقول هننزل نجيب شويه حاجات انا : طيب يلا نلبس نورا : ماشي انا هالبس بسرعه انا : يلا وانا هاروح اقول لماما خلصنا وماما وافقت ونزلنا علشان نروح للست ديه ونفهم فى ايه طلعت ساكنه قريب من بيتنا طلعنا للست وخبطنا طلعت انا بنت كبيرة متهيألي فى عمر اختى ملك شيماء : لو سمحت ام دعاء موجوده البنت : ايوة مين عاوزها وليه..؟ انا : كنا عاوزيناها ضرورى ممكن تقوليلها حفيده نانا امل البنت : اه اتفضلوا وانا هاندهلها على فكرة اسمى دعاء انا بنتها انا : شكرا اتشرفنا بيكى يا دعاء فضلنا قاعدين مستنين الست وبعدين دخلت قمت انا اتخضيت وقمت وقفت من كتر الفزع وجريت علشان اخرج من الشقه لقيتها ورايا الست العجوزة اللى كانت فى العزا فاكرينها مسكتنى من ايدى وقالتلى متخافيش انا الوحيدة اللى هاقدر اساعدكم واقولكم على اللى بيحصل ليكوا انا : انت اختفيتى يومها ليه وازاى نورا : انا شفتك فى الحلم مع تيتا كنتى بتصرخى وتيتا قالت روحو لها ليه بقى..؟ ام دعاء: انتوا الاتنين ملعونين من قبل ما تتولدوا انا : يعنى ايه انا مش فاهمه قصدك ايه... ام دعاء : جدتكم وجدكم كانوا بيفتحوا مقابر فرعونية ومن اخر مقبرة كانت مصيبه لان اللى حارس عليها طلب فديه دم وطلب اغلى حاجه عندك جدتك جنينها اللى فى بطنها انا : انت بتقولى ايه انا ازاى فى بطن تيتا ام دعاء: مش انتى مامتك.. سيبينى اكمل علشان تفهمي انا : طيب كملى ام دعاء: جدتك رفضت لما عرفت من الشيخ انها مش هتتفتح غير بدم بنتها او ابنها اللى لسه مشفش الدنيا.. فالشيخ اقترح عليها حاجه ان الملك ياخد فديه تانيه هى اخر جنين للجنين اللى فى بطنها يعنى انتوا .. يعنى انتى ونورا جدتكم كانت فاكرة انها لما تقول اه والمقبرة تتفتح وياخدوا الكنز هتقدر تخلف بوعدها كانت فاكرة ان الطريق ده ليه نهايه ادى الكنز مطلعش وكمان دمكم هيكون التمن انا : ايه اللى انتى بتقوليه ده ام دعاء : انتى مش فاهمه انتى واختك روحكم محبوسه فى العالم التانى ده من يوم ما اتولدتم وانتوا بتشربوا سحر اسود انا : ازاى انا وسحر اسود ازاى كملى ام دعاء : جدتكم كانت بتشربكم دايما عصير الليمون بتاعها وانتوا مكنتوش بتحبوه صح انا : ايوة بس ازاى ام دعاء : هو اصلا زى المايه مش هتشوفيه بس ممكن تحسي بطعمه انا : يعنى احنا هنموت ام دعاء : لازم تموتوا بس فى حل واحد انا : هو ايه قوليه بسرعه ام دعاء : لو قولته هتاذى انا : من مين ام دعاء: كل ده مفهمتيش من ملك العالم السفلي انا : بنتك دعاء صح ام دعاء : ايوة انا : بتحبيها ام دعاء: اكيد بقولك بنتى انا : اعتبرينا زيها اعتبرى ان هى اللى هتموت ام دعاء : لا بلاش بنتى متقوليش كده انا وانتى ملناش ذنب جدتك كانت بشعه وجوزها كان ابشع الطمع عمة قلوبهم بس فى اخر ايامها لما كانت بتجيلي كانت بتقول ان عمرها معرفت انها هتحبكم اوى كده ونفسها تسمحوها هى صح سابت جواب فى شقتكوا تحت مخدتها فيه حاجات مهمه كانت ناويه تجيبهولى بس راحت مع خالتك وتوفت بعدها انا : انا هاروح شقتنا دلوقتى وحاسه انى هلاقيه بس لازم تقولى ازاى نحل السحر ده ام دعاء : انا هاقول بس لو جرالى اى حاجه بنتى خلى بالك منها انا : فى عيونى قولى بقى ام دعاء: طيب لازم تروحوا لواحد اسمه ( زناتى) ده حانوتى وعنوانه (كذا) وهتقولوله انتوا مين وانه لازم يعمل كده ولا هو كمان هيتاذى هددوه يعنى قلوله انه لازم يدخلكم العالم ده علشان تحرروا ارواحكم من هناك انا : ايه الكلام ده ام دعاء : يلا روحى هاتى الجواب وتعالى جرى بسرعه انا : طيب هاروح و ارجعلك على طول ام دعاء : خلى بالك من بنتى انا : حاضر اخدت نورا وشيماء واحنا مش مصدقين اللى سمعناه وريبحين شقتنا اللى اتحرقت نورا مرضتش تطلع وخفت اسيبها لوحدها فسبت شيماء معاها وطلعت انا.. طالعه لوحدى وانا مرعوبه من الكلام اللى سمعته اللى تقريبا شبه الخرافات وازاى فى جده تقبل تعمل كده فى احفادها علشان فلوس هى اصلا مطالتش منها جنيه وهى اللى تشرينا السحر اكيد فى حاجه ام دعاء متعرفهاش ... طلعت شقتنا والباب كان مقفول من حسن حظى انا دايما معايا مفتاحى فى شنطتى فتحت باب الشقه ودخلت اتخضيت من هول النظر الشقه.. الشقه كانت سليمه مفيهاش خدش كل حاجه سليمه وكانها متحرقتش دخلت كل الاوض مفيش اى اثار لاى حريق طيب ازاى كده خفت وجسمي اترعش ودخلت اوضه جدتى وقلبتها كلها لا ما لقيت صندوقها كان فى شويه دهب وجوابين اخدت الصندوق كله وجيت طالعه من الاوضه سمعت صوت جاى من الحمام صوت بيغني اغنيه انا حافظاها من كتر ما سمعتها صوت عارفاه وكنت بنام عليه كان صوت جدتى بتغني اغنيه ام كلثوم انت عمرى حاجه تضحك مش كده جدتى ميته وقايمه من الموت تغنى ام كلثوم انت عمرى لا هى مضحكش ديه تموت من الرعب معرفش ازاى جاتلى الجراءة انى اروح الحمام واشوف مين اللى بيغني دخلت الطرقه ووقفت قدام باب الحمام وفتحته بسرعه وصدقونى كنت عامله حسابي لاى حاجه اشوفها الا اللى شوفته ده....... 😱.... لو عاوزين تعرفوا شفت ايه استنونى بكرة مع الجزء الثامن من ظلال القبور 🤫
