فرحة قلبي 💙

part1

part1
الاب:حبيبي رد بالك على اختك احنا عندنا مشوار مش حانعطلو
مراد:حاضر بابا
الام:اهيا رنيم راقدة خليك قريب منها كان فاقت اعطيها العابها واقعد معاها
مراد 🙄:قتلك حاضر ياماما خيركم تعاودو في الدوة
الام:باساته وليدي رد بالك هدي اختك لحمك ودمك اياك في يوم تسيبها
مراد:مهو انتم معانا
الاب:هيا اطلعي
فات وقت طويل ومراد قلق اهله عطلو هلبا واخته بدت تبكي وهوا مش عارف شن بيدير 😣
رن جرس الباب تنهد براحه وطلع يجري فتح وظنه انهم امه وبوه رجعو شاف جارهم ومرته
مراد:اهلين عمو يحيى
يحيى:كيف حالك ياولدي
مراد:الحمد لله تفظل بس بابا طالع ره انا قاعد بروحي
يحيى نزل راسه بأسف ومرته تبكي
خشو معاه للحوش
يحيى:مراد ياولدي انت توا عمرك 14عام كبير وعاقل
مراد:ايه انا كبير ياعمو
يحيى:ولدي الدنيا هدي فانيه واخرتها موت وكلنا مصيرنا ليها
مراد:نعرف خديناه درس في المدرسه قالت الابلة كلنا بنموتو ونرجعو لربي
يحيى:ربي يكملك بعقلك بنقولك امك وبوك عطوك عمرهم
مراد......stop
"تعالو نتعرفوا على ابطالنا
*مراد:مواليد 89 شخص جدي هلبا شخصيته قوية وكبر قبل عمره انحرم من امه وبوه في سن صغير واضطر انه يكون الام والاب لاخته الصغيرة والوحيدة اللي فضلت من عيلته
*رنيم:بطلتنا الحلوة كانت صغيرة وماتعرف شي الا خوها تربت على ايدة ومتعلقه بيه وتعتبر فيه هوا حياتها كلها
*اصيل:شخص بارد عصبي هلبا عندة شركه صيانه سيارات واشغال ورا هالشركه هلبا الكل يخافه وتو نعرفو دوره في الروايه 😉
مراد تحمل المسؤوليه من صغرة بين تربية اخته وقرايته اللي تخلى عليها باش يخدم ويصرف على اخته
بعد 15سنه
في مطبخ حوش متواضع واقف شاب طول وعرض واخد من الجمال نصيب لابأس به 😍 يجهز في الفطور ويدندن يغني لين قطع عليه صوت رقيق
........:ميرو ياحبيبي 😍😍
يتبع
تفاعلاتكم