part9
مراد شاف رنيم طايحه وراسها دم:رنيم بنتي نوضي بالله عليك اسف مش قصدي قعد لحظات وبعدها قامها طلع بيها للمستشفى
اصيل تلفت:نعم ندى
ندى:نبي نرجع لخدمتي ارجوك
اصيل قعد يشوفلها ببرود:بعدين نحكو
ندى:اصييل
اصيل:خيرنا خيرنا قتلك بعدين خلاص ماتنقيش على امي ندى:بهي خلاص
اصيل كيف بيحكي رن هاتفه:ها عماد
عماد:قطوستك في المستشفى
اصيل:كييف وامتى خيرها ونزل يجري
عماد:مش عارف خوها رافعها توا
اصيل:وين
عماد:مستشفى.....
اصيل طلع يجري وصل للمستشفى قعد شويه في الباركينج حاول يهدي روحه ويستنى خبر من عماد بس خلاص خوفه سيطر عليه ونزل خش يدور عادي لين شاف مراد مشاله السلام
مراد:اهلين استاد
اصيل:ان شالله خير شن فيه
مراد:اختي طاحت على راسها
اصيل:لاباس
مراد:ان شالله انتم عندك حد هنا
اصيل:ايه جاي نشوف صاحبي يخدم هنا شفتك صدفه
مراد:اها برا لصاحبك استاد تعطلش روحك
اصيل:لالا خيرك قاعد معاك لين نطمنو عليها معادش تقولي استاد مش قلنا اصحاب
مراد:ان شالله
طلع الدكتور:خيطنالها الجرح هيا كويسه ساعتين وتفيق تقدر تروح بيها
مراد خشلها يجري يبوس في راسها وايدها
اصيل قعد يشوفله وعرف انه مستعد يفدي اخته بروحه
فاقت رنيم:بابا
مراد:اني هنا يا قلبي
رنيم تبكي:راسي يوجع فيا
مراد:سلامتك تو يخف الوجع
بعد وقت وهيا طالعه شافت اصيل يحكي عالهاتف:تي بهي ياندى خيرك تعششي في المواضيع وسكر عليها
مراد:تعبناك معانا اصيل
اصيل يشوف لرنيم:ولايهمك تعبكم راحه كيفك توا
رنيم بدون نيه:تمام هيا بابا نبي نروح
مراد انحرج من ردها:تمام هي سامحنا دايخه وبنروح بيها
اصيل:ان شالله طهور وقعد يفكر"الفرخه دماغها مسكر ومش طايقتلي كلمه الزفت كيف بتحبني هدي"
فاتو شهور واصيل ومراد بدو صحبه قوية واغلب الوقت مع بعض بس رنيم مش عاطياته وجه نهائي حتى تمشي لحوشهم ماتحكيش معاه بكل
في يوم تستنى في مراد قدام المدرسه وقف قدامها اصيل:رنيم
رنيم:نعم شن تبي
اصيل:اني جاي بنروح بيك
رنيم بخوف:علاش وين بابا
اصيل:.......
رنيم 😢😢😢😢😢يتبع
أنت تقرأ
فرحة قلبي 💙
Romance#الاخ هو السند والظهر اللي نوقفو وراه ومانخافوش هوا النعمه اللي نقعدو طول عمرنا نحمدو ربي عليها 😍 هوا الضلع اللي مستحيل يميل 😊 والظل اللي مايتخلاش في الظلام أوقات يكون هوا الام وهوا الاب والصديق والقريب يحتويك ويكون كل عالمك 💜💜💓 كيف ولد في سن...
