فرحة قلبي 💙

part14

part14ماقبل الاخير
مراد:اليوم كلمني اصيل تقدملك الولد يبيك بالحلال شن رايك حبيبتي
رنيم:مانبيش
مراد:بس
رنيم:ارجوك بابا مانبيش انت وعدتني تقعد جنبي لليوم اللي نقولك انا نبي حد ونوافق نتزوجه
مراد:وقاعد عند وعدي يا اميرتي بس اصيل راجل كويس وماينرفضش
رنيم في خاطرها"لو كان تعرف انه على شوية وقتلك":انا مانبيشي يا مراد خيرك وبتبكي
مراد:خلاص بهي ماتبكيش فوتيه هي نوضي ديريلي حاجه ناكلها ولا قعدا ماتعرفيش
رنيم ضحكت:لالا خلاص بديت طباخه وناضت
مراد طلع اتصل:كيف الحال
اصيل بصوت تعبان:شن صار معاك
مراد:مسكرة راسها قعدا
اصيل:عادي نحكي معاها
مراد:مش عارف خايفها تضايق
اصيل:خليني نجرب انا
مراد:تمام غدوة انا بنطلع ندى نختارو شويه حاجات للحوش نرفعها معاي وبعدين نتلاقو
اصيل:تمام وسكر ولع دخان وقعد يتفكر يوم غلط غلطه خسراته حبيبته 💔💔
flash back
مقعمز اصيل فوق عمارة ويعبي في سلاحه رصاص ولابس نضارات ويدخن
ركب عماد يجري:اصيل شن ناوي
اصيل ببرود:تو نبعته يعالج برا وتقعد عندنا فترة رح تحبني
عماد:غلط انت عارف قداش تحب خوها لو يصيرله شي تموت وانت تتعذب مرتين هدي روح راك ديرها
اصيل:خليك برا انت وقعد يراقب فترة وهوا يغني طفى دخانه وخدي مستكه وقعد يستنى لين طلع مراد من الشركه وضربه في رجله بحيث انها تكون ضربه ماتقتلش وماتسببش اعاقه
end back
خش عماد:ماتبيش تنسى
اصيل:لما ناخدها ننسى الزفت مش طالعه من راسي بكل في شي هنا يوجع طول الوقت ويأشر على قلبه
عماد:ربي يفرج
اصيل:امين
تاني يوم طلعو مراد ورنيم خدو ندى ومشو يختارو في حجات للحوش بعدها مشو لمطعم يتعشو
مراد:بنيتي اركبي فوق للدور التاني
رنيم:علاش مراد شن فيه
مراد:فيه حد يبي يحكي معاك
عرفت انه اصيل وماحبتش تحرج خوها وركبت شافاته واقف عالشباك ويدخن وقفت جنبه
رنيم:اطفي الدخان
اصيل قلبه في الميه تلفت يشوفلها وحدف دخانه لوحه:روحي
رنيم بكل قوة تشوف لعيونه:خش في الموضوع طول
اصيل:بدون عقل مانعرفش كيف درت هكا كل هدفي نخليك قريبه مني وتحبيني من اول لحظه شفتك فيها ماغبتيش من بالي صورتك ديما بين عيوني ريحتك لليوم مانسيتهاش دموعك يقتلو فيا لما تقولي اسمي قلبي يوقف حبيتك ممكن بطريقه هوس وكنت مستعد ندير على خاطر تحبيني اي شي بس ندمت وعرفت انه اللي درته غلط واللي تبيه انا جاهز نديره بس وافقي تتزوجيني ارجوك
رنيم:وبعدين
اصيل شد يدها هيا بعدت:نحبك وحق الله تي على خاطرك كنت بنقتل على شن رافعه خشمك الزح نجيبك حتى بالقوة ونكسر راسك
رنيم ضرباته كف:انت شن طينتك كيف تفكر فهمني الحب عمره مايجي بالقوة مش كل شي تبيه تاخده رهو فيه شي اسمه نصيب يعني حاجه لو مش ليك مستحيل تاخدها انت كيف تفكر تاخد مني خوي
اصيل يشوفلها وساكت
رنيم كل قوتها انهارت وبدت تبكي:هدا كل عيلتي كيف تسمح لروحك دير هكا كيف عارف من امتى نحبك من يوم شديتلي شعري في الشركه بس كان فيه شي مانعني نقرب منك ونحكيلك اللي نحس فيه
اصيل مصدوم:يعني كنتي حاسه بيا وعارفه كل شي
رنيم:مانيش حمارة ولا غبيه فاهمة كل شي حاس بيه لاني كنت حاسه زيه بس ماقدرتش نحكيلك والحمد لله اني ماقلتش شي
اصيل:لو حكيتي ماكنتش ضربت خوك
رنيم:هدي نيتك 😏
اصيل قرب منها:نحبك وحق الله ماتخلينيش لو تبي نعترف لمراد ونطلب منه يسامحني
رنيم:اصيل انا بديت مرعوبه منك مستحيل نعيش معاك في خوف
اصيل:مش تحبيني
رنيم:معادش فيه حب بينا
اصيل:تمام بعد عليها ونزل طول ركب سيارته وطلع بقوة
رنيم نزلت:شن مازال
مراد:هيا روح بندى وروحو
رنيم فوتت الليل كله بكي تحبه بس مش قادره تسامحه عاللي داره مراد بالنسبه ليها هواء تتنفس فيه كبرها ورباها سيب دراسته واهتم بيها تشوف في اصيل حاجز بينها وبين مراد رغم انه موافق عليه بس هيا مستحيل تسامح روحها لو تتزوجه
ثاني يوم يفطرو رن هاتف مراد:ها حبيبي كييف امتى اني جاي هي
رنيم:شن فيه
مراد:...يتبع في البارت الاخير