part13
رنيم وقفت بصدمه من اللي سمعاته
اصيل بعصبيه:عماد قتلك معاش تفتحه الموضوع اهو روح وواقف كويس
عماد:حتى لو اللي درته غلط قتلك انا ماتتصرفش من دماغك
اصيل:انا حر ندير اللي نبيه
عماد:بس حياة الناس مش ملكك تتصرف فيها بكيفك هدي روح افرض مات خوها كيف بتعيش معاها وانت قاتله
اصيل:الضربه ماكانتش تقتل
عماد:وبلكي عمره تم على ايديك
اصيل:بهي ماماتش وعالجته ورجع كويس شن تبي توا
عماد:رح يجي يوم وتعرف علاقتك اللي بنيتها على كذب مستحيل تستمر
اصيل كيف بيتكلم حس بحد طاح وراه تلفت شاف رنيم طايحه على ركابها انصدم وقعد واقف يشوفلها وكلمه عماد تتردد في راسه"علاقتك اللي بنيتها على كذب مستحيل تستمر"
عماد انسحب لانه وجوده توا غلط ركب سيارة اصيل وطلع
رنيم تشوف للفراغ ودموعها تنزل زي النار وقلبها بيطلع
اصيل ماعرفش شن يقول او كيف يبرر اللي داره قعد واقف يشوفلها وبس
وقفت وقربت منه تشوف لعيونه تحاول توصله اللي حاساته وعارفه انه فاهمها كويس
اصيل:انا درت هكا..
قطعت عليه رنيم بجمله وحدا كافيه تقتله:كنت جايه بنقولك نحبك وتلفتت خشت للحوش ركبت وسكرت على روحها الدار قعمزت عالسرير والكلام ماراحش من بالها صدمتها فيه و كسرت خاطرها منه
اول حب في حياتها اول شخص تتعلق بيه بعد خوها عاشت طول حياتها ورا مراد مافكرتش في يوم انها تكون علاقات او صداقات غير ليلى ويوم قلبها ينبض لشخص وتحبه يخذلها باسوء الطرق ويحاول انه ياخذ منها اغلى انسان
فات عليها الليل دموعها ماوقفوش وتفكر في كل شي
اول ماطلع الصبح جمعت كل قوتها ماتبيش مراد يشوفها هكا لانه رح يقتل اصيل دوشت وغيرت لبست وشاحها وجهزت كل حاجاتها ونزلت
فاديه:شنو نيمو هدا كله نوم
رنيم بهدوء:ايه
خش مراد:صباحو بنيتي السمحه
رنيم حضناته بقوة وكأنها تاخد منه في قوة باش ماتبكيش:صباحو مراد
مراد تفاجئ لانه اول مرة تناديه باسمه.بس حاول يخلي روحه عادي
قعمزو فطرو واصيل ماكانش موجود
رنيم:شنو بنروحو ولا
مراد:ايه وتيتي روحك
رنيم:ايه
مراد:تمام عندي مشوار بسيط ونجي ناخدك وطلع
ام اصيل:خيرك يابنيتي اقعدي عندنا عالاقل لبعد امتحاناتك اقري مع فاديه
رنيم:هوا هداكا ياعمتي ساد تعبتكم 3شهور
ام اصيل:اللطف والله ماحاسباتك الا بنيتي تعودنا عليك
رنيم ابتسمت:ربي يخليك
فاديه:نيمو حبي
رنيم:بنتلاقو في المدرسه وتعالي لحوشنا اي وقت
فاديه حضنتها
مراد وقف في مكان فاضي وقعد يستنى وصلت ندى وركبت معاه طول حضناته:حبيبي الحمد لله عاسلامتك
مراد:الله يسلمك وباس ايدها
ندى:انت كويس
مراد:ايه مافيا شي ياقلبي
ندى:نحبك مراد معاش تبعد عليا
مراد طارتله 😡:ندى انتي عارفه مابعدتش بمزاجي شن تبيني نحبك وانتي متزوجه
ندى:بهي خلاص اسفه المهم سامحتني
مراد:بنفوت فترة ونكلم خوك نخطبك مش رح نقعد هكا بالسر انا
ندى شادة ايده:بهي اللي يريحك
"طبعا اللي صار ندى ومراد تعرفو بالصدفه لما وقفت سيارتها في الطريق وكان هوا مروح فاصلحهالها وحبو بعض هلبا واستمرت علاقتهم سنتين بس للاسف لما تقدم واحد لندى بوها اجبرها توافق وهيا ماقدرتش توقف في وجه بوها مراد اتهمها انها تلعب وماتحباش وسيبها وهيا تزوجت بس بعد شهرين بالزبط اطلقت حاولت ترجع لمراد بس صدها بكل الطرق لين استسلم وحبهم رجعهم لبعض"
الساعه 1الظهر طلعو رنيم ومراد بعد سلمو عالعيله وشكروهم تقابلو مع اصيل في الباب نزله مراد يكلم فيه بس عيونه كانت مع رنيم وهيا تشوف قدامها
فات شهر ومراد تقدم لندى ووافقو بدت امتحانات رنيم النهائيه وطول الوقت يقري فيها مراد وحاولت كل جهدها تركز في قرايتها وتنسى اللي صار واكثر مازادت تعلقت بخوها وبدي خوفها انه اصيل يديرله شي ملازمها
كملت امتحانات وشبه ماتطلعش من الحوش تجيها فاديه مرات اغلب وقتها عالتلفزيون
لين في يوم
مراد:تعالي بنيتي نبي نقولك شي
رنيم قعمزت جنبه:نعم مراد
مراد:شن قصه مراد هدي معاش فيه بابا 🙄🙄
رنيم ضحكت:مش ديما تقولي اكبري ومعاش تقولي بابا
مراد:اي صح المهم بنقولك
رنيم:شنو
مراد:اليوم .......يتبع
أنت تقرأ
فرحة قلبي 💙
Romance#الاخ هو السند والظهر اللي نوقفو وراه ومانخافوش هوا النعمه اللي نقعدو طول عمرنا نحمدو ربي عليها 😍 هوا الضلع اللي مستحيل يميل 😊 والظل اللي مايتخلاش في الظلام أوقات يكون هوا الام وهوا الاب والصديق والقريب يحتويك ويكون كل عالمك 💜💜💓 كيف ولد في سن...
