فرحة قلبي 💙

part12

part12
اصيل قعد يشوف لعيونها:خوك مزال مطول في المانيا علاجه يبي وقت
رنيم 😢😢:بس عااساس يروح الاسبوع الجاي
اصيل:ماصارش المهم بعتلك الفلوس هادو كان ناقصك شي للعرس نطلعك تاخدي
رنيم بزعل:لا مش ناقصني شي شكرا
اصيل:الفلوس من خوك
رنيم خدتهم وسكتت
اصيل شاف يمين ويسار مافيش حد شدها من يدها وخداها ورا الحوش
رنيم بخوف:خيرك شن تبي
اصيل:امتى ناوية تتحجبي
رنيم:شي مايخصكش
اصيل بغضب مكتوم:رنيم اخر مرة نقولك تكلمي معاي كويس احسن مانغير اسلوبي وصدقيني مش رح يعحبك
رنيم خافت:بهي
اصيل:بعدين بنطلع فاديه تطلعي معاها وشعرك مانبيش نشوفه فاهمه
رنيم:فاهمه
اصيل:بري خشي
رنيم ركبت لدار طول اتصلت بمراد وقعدت تبكي وهوا يهدي فيها
اصيل:امتى بتفهمي عليا اني مش قادر نعيش بلاك تعبتيني وحق ربي معقولة مش فاهمة عليا
بعد العصر طلعو وفوتها على محل خدتلها فاديه قفطان وكندرة للحفله وفوتهم تعشو في مطعم غيرلها جوها نوعا ما وروحو
بدي العرس واصيل طول الوقت جنب رنيم وبدو متفقين وتقبلاته وتتعامل معاه كويس
ليلة الحنه
امه:اصيل وليدي تعالا نزل الصحون لخواتك من فوق
اصيل:تم هي وركب ينزل فيهم ويعطي لخواته وهوا طالع شاف رنيم في الخيمه فاتحه اغاني وطالقه شعرها ترقص وتضحك مع البنات
قلبه بدي ينبض بسرعه 😍😍وقعد يشوفلها لين تمت الاغنيه قامت شعرها وجت بتخش شدها من ايدها
اصيل:ماتعرفيش تقعمزي في مكان
رنيم:ضايقتك في شي 😔
اصيل:ابدا بس مرات تعجبي حد ويخطبك
رنيم:وانا رح نرفض
اصيل:علاش عندك حد في دماغك!
رنيم:لا مانبيش نتزوج حد
اصيل طارتله لانه كان عنده امل بعد الوقت هدا تكون حباته ولو شويه:بعدين نبيك لما تفضي وطلع
رنيم خشت ولا كأنها سمعت شي قعدت مع البنات ضحك وهدرزة ورقيص لين روحو الناس ركبت غيرت وكلمت مراد واصيل يرن عليها ماتبيش ترد
سكرت الضي وبترقد انفتح باب الدار وخش وجهه احمر ومايبشرش بالخير
رنيم:خيرك اصيل كيف تخش عليا هكا
اصيل بهدوء:ليش ماترديش مش قتلك نبيك
رنيم:نعسانه بنرقد تو نحكو وقت تاني
اصيل:بنحكو وتوا اوقفي
رنيم وقفت قدامه:شن تبي هي
اصيل:مش حاسه بيا? مش عارفه شي!  شن انا في حياتك
رنيم:صاحب خويا
اصيل:بس
رنيم:ايه
اصيل قعد يقرب منها وهيا توخر لين لصقت في الحيط:نحبك
رنيم:اصيل انت واخد حاجه
اصيل:نحبك
رنيم:بعد عليا واطلع من هنا
اصيل:نحبك
رنيم دفاته:خليني في حالي شن تبي مني انت
اصيل ضرب الحيط جنبها هيا سكرت عيونها:نقولك نحبك تقوليلي شن تبي مني نبيك كلك على بعضك وبنتزوجو
رنيم بتحدي:ومن قالك بنتزوجك
اصيل ضحك:ومن قالك ناخد في رايك رح ناخدك غصب بهي وراسك اللي تسكري فيه لما نكسره
رنيم:اطلع برا
اصيل قعد يشوفلها وبعدين طلع وقربع الباب بقوة
رنيم قعمزت عالسرير تتنفس بقوة وحطت ايديها على وجها:اوف ياربي ساعدني على شويه انفضحت
اصيل طلع من الحوش ومشي لعماد قعد طول الليل يدخن ويفكر
تم العرس وفاتو شهرين رنيم تتفادى في اصيل وهوا كل مايحصل فرصه يهدد فيها انه رح يتزوجها بالغصب
روح مراد استقبلاته رنيم بالدموع وفرحت هلبا انه رجع كويس وواقف على رجليه
حلف عليهم اصيل يباتو اليوم عندهم وغدوة يرجعو حوشهم
الساعه 3رنيم فايقه وتبي تحكي مع اصيل سمعت صوت سيارة شافت من الشباك لقاته هوا
نزلت ومقررة تحكيله كل شي فتحت الباب بشويه وطلعت تمشي بهدوء بس وقفت مصدومة لما شافت عماد معاه وسمعت كلامهم......يتبع
شن اللي سمعاته رنيم وعلاش انصدمت?
شن اللي كانت تبي تعترف بيه لاصيل??