فرحة قلبي 💙

part5

part5
مراد تفكر قبل سنين قداش تعب في تربيه اخته باش وصلها للسن هدا ومش مستعد انه يبكيها حد او حتى يمس شعرة منها
flash back
قبل 10سنين كان عمر رنيم 9سنين كانت تقرا رابع ابتدائي روحت من المدرسه تبكي وشعرها مفتوح
مراد:خيرها بنيتي الحلوة
رنيم تبكي:اني وين بابا وماما علاش مش زي الصغار علاش 😢😢
مراد قلبه وجعه 💔:ربي هكا يبي ياقلبي واحنا مانعترضوش على ارادته قولي الحمد لله على كل شي وانا حانكون بوك وخوك وكل شي بهي
رنيم مسحت دموعها:معناها نقولك بابا
مراد حضنها:ايه قوليلي اللي تبيه معاش نبي نشوفك تبكي رنيم انتي #فرحة_قلبي بهي
رنيم:حاضر بابا الحلو هيا انا نبي ناكل
end back
ثاني يوم فاقت فطرت ووصلها مراد للمدرسه وهوا اتجه للشركه كيف خاش للشركة خبط في حد
مراد:اسف مش ..
ندى:مراد 💔💔
مرادكيف بيخش شدت ايده:لوسمحتي هدا مكان خدمتي
ندى عيونها دموع:مراد ارجوك خلينا نحكو شوي
مراد:مافيش شي نحكوه بري على حالك
ندى:انا اطلقت
مراد:ربي يبعتلك خير منه
ندى:انا نحبك انت مراد
مراد:انتي اخترتي هكا وبعد ايدها وخش
"من تكون ندى وشن سبب فراقها على مراد تو نعرفو قدام"
عماد:اصيل يبيك
مراد:تم هي وركب استاذن وخشله صباح الخير استاد
اصيل:صباحك وين طلعت امس جت اختك دور فيك
مراد تفاجئ لانه رنيم ماقتلاش انها جت للشركه:كملت خدمتي وطلعت بنروح بيها ماعنديش علم انها بتجيني هنا اسف لو سببتلكم ازعاج
اصيلفي خاطره"ياريت الازعاجات كلها زي اختك":لا ولا يهمك بس خفت عليها تبان صغيرة وقلت مرات تضيع الطريق
مراد:لا تزبط كويس مشكور استاد نستاذنك وطلع يفكر ندى شن جابها هنا وهل اطلقت بحديات او لا
كملت رنيم دوامها ووقف تستنى في مراد قدام وقفت قدامها سيارة بقوة وانفتح الشباك....يتبع