art8
رنيم:ندوشه
ندى حظنتها وتبكي:رنو استحشتك ياقلبي
رنيم:حتى اني ياقلبي وين كنتي اختفيتي فجأه
ندى سكتت ومش عارفه تقوللها:تو نحكو رنو
رنيم:بهي تعالي خشي
ندى:لالا بنمشي
رنيم: خشي بالله عليك شوفي بابا
ندى:بس
طلع مراد لابس عربي ومنظره 😍😍😍 قعدت ندى تشوفله
مراد:رنيم خشي داخل
رنيم:بابا ندوش جايه تشوفنا
مراد عيط عليها:قتلك خشي
رنيم خشت تجري
مراد شاف لندى:تفظلي
ندى:مراد انت من امتى قاسي هكا
مراد:من زمان توكلي هي
ندى:نحبك
مراد:مع السلامه وسكر الباب في وجها وقلبه يوجع فيه لانه قسى على اكثر انسانه حبها في يوم
ندى مشت ركبت سيارتها وروحت
طلع مراد للجامع وبعده فات عالمطعم خدي وجبه وروح:رنيم تعالي تغدي هيا ماردتش عليه خش لغرفتها شافها راقدة ودموعها على خدها نوضها
رنيم:نبيش ناكل وتلفتت للجيهة التانيه
مراد:هي نوضي بلا دلع ماتقعديش بلا ماكله
رنيم:نبيش قتلك
مراد:رنيم ماتسكريش راسك اوقفي هيا
رنيم:لا انت علاش ماتحكيليش شن تحسابني صغيرة كبرت ره انا بنخش الجامعه وانت مزال تعامل فيا كأني عيله
مراد:بهي نوضي هي
رنيم عيطت عليه:لا مش طالعه
مراد ضربها كف
رنيم زادت تبكي وطلعت تجري خشت للحمام وسكرت على روحها
مراد:رنو بنيتي افتحي الباب اسف مش قصدي
رنيم:لا نبي نموت زي بابا وماما
عند اصيل خش للحوش:امي
امه:نعم ولدي
اصيل:غدوة عازم صاحبي واخته عالعشي نبيكم تتعرفو عليهم
امه:هوا واخته بس
اصيل:ماعنداش غيرها اهلهم متوفيين
امه:ربي يرحمهم خلاص تو نقول لخواتك
اصيل:تمام وركب الدروج كيف بيفتح داره
........:اصيل
تلفتلها.......
عند مراد قعد يحاول مع اخته لين اختفى صوتها كسر الباب و.......يتبع
أنت تقرأ
فرحة قلبي 💙
Romance#الاخ هو السند والظهر اللي نوقفو وراه ومانخافوش هوا النعمه اللي نقعدو طول عمرنا نحمدو ربي عليها 😍 هوا الضلع اللي مستحيل يميل 😊 والظل اللي مايتخلاش في الظلام أوقات يكون هوا الام وهوا الاب والصديق والقريب يحتويك ويكون كل عالمك 💜💜💓 كيف ولد في سن...
