فرحة قلبي 💙

part15الاخير

part15الاخير
رنيم:شن فيه
مراد:اصيل داير حادث
رنيم وقف بيها الوقت وبتموت من خوفها:بنمشي معاك
مراد:هيا بسرعه
طلعو مشو للمستشفى لقو امه وخواته يبكو وهوا في العمليات رنيم وقفت بعيد ومش متحمله تقرب بكل وخايفه على اصيل
بعد ساعتين
مراد جي لاخته:خيرك قعدا هنا بروحك
رنيم:شي كيف حاله طلعش الدكتور
مراد:ربي يفرج قالو عنده نزيف داخلي وايده مكسوره ورضوض
رنيم تحاول تتماسك قدام خوها:شافوه عيلته
مراد:لا ممنوع
رنيم هزت راسها وتشوف للارض
مراد:بتقعدي هنا
رنيم:تو نجي خليك انت جنبهم
مراد:تمام ومشي
رنيم طلعت برا تشم في هوا وتذكر في نظراته وعيونه وكلامه بتموت
في الليل الكل مقعمزين قدام العنايه
مراد يكلم في ندى:امك تعبانه هي نروح بيها
ندى:مش رح توافق
مراد:مافيش فايدة من قعدتكم كلكم
كلموها وبعد جهد اقتنعت وطلعو روح بيهم مراد هيا وفاديه وقعدو ندى ورنيم وعماد يدور جنبهم
رنيم وقفت ومشت لعماد:نطلب منك طلب
عماد:تبي تشوفيه
رنيم:ايه
عماد:خلي نشوف الدكتور
خشت رنيم شدت ايده:اصيل فيق وارجع قوي زي قبل ماتعودتش عليك ضعيف انا نبي نسمع صوتك ونشوف عيونك اللي نحبهم هيا نوض
قعدت معاه لين كلمها عماد باساته عاخده وطلعت
ثاني يوم فاق ووقف النزيف ورنيم اول ماعرفت اختفت وروحت للحوش
اصيل يشوف في الكل ويدور عليها بس بدون فايدة فهم انها طلعاته من حياتها وخلاص
فاتت فترة طلع اصيل من المستشفى وحالته للاحسن
طلعت نتيجه رنيم وفاديه ونجحو
فادية دارلها اصيل غدا وطبعا رنيم لازم تكون حاضرة
وهما يجهزو وصلتها رساله منه"ممكن نحكي معاك لاخر مرة تعالي فوق الحوش"
في الاول مسحتها وفاتت بس قلبها جبرها تركب لقاته واقف يشوف للسما يده مجبسه ووجه فيه شوية جروح
رنيم:الحمد لله عاسلامتك
اصيل ضحك:بكري هلبا
رنيم سكتت:شن بتحكي
اصيل تلفتلها جبد منها الوشاح وفتحلها شعرها: محتاج نرتاح
رنيم تشوفله
اصيل:بنموت لو نقولك اول مرة ننوجع في حياتي تصدقيني?
ماندكرش اني حبيت حد بالطريقه هدي قبل مافيش حد يوقف في وجهي اللي نبيه ناخده مافاتش عليا صعب انتي بالنسبه ليا راحه وكل شي حلو في الدنيا يمكن مامتش في بعدك بس حاس انه وجودي في الدنيا زي عدمه مش مهم ولا شي
رنيم تبكي:انت السبب في هدا كله
اصيل:عارف ربي ياخدني لاني نزلت دموعك ووجعت قلبك
رنيم:بعد الشر عليك
اصيل:مافيش امل نرجعو
رنيم:مش قادرة نتقبلك مانعرفش لو بعد وقت قلبي سامحك
اصيل هز راسه باسف:نطلب منك طلب اخير
رنيم:اطلب
اصيل طلع من جيبه سلسله فيها حجر ازرق حلو لبسها لرنيم:خليها معاك ولو بعد وقت تلاقينا ولقيتها مزال في مكانها رح نعرف انه قلبك سامحني ومزال يحبني
رنيم هزت راسها وتبكي
اصيل مسحلها دموعها:معاش نبيك تبكي وماتخليش حد يخش هنا واشرلها على قلبها وباسها بوسه طويله كان يتمناها من اول مرة تلاقو ودموعه ينزلو بعدها عليه ونزل قبلها
رنيم قعدت تبكي بقوة وشادة السلسه نزلت للدار معاش طلعت منها لليل
اصيل المكان اللي تكون فيه ريحه رنيم بس معادش يبي يكون فيه ثاني يوم سافر بدون مايعطي علم لاي حد اكتفى برساله بعتها لمراد وعماد
بعد 4شهور تزوجو مراد و ندى وهديه عرسهم من اصيل كانت حوش جديد وطلب من مراد انه ياخد امه وفاديه يسكنو معاه طبعا بدون مايحضر العرس...
بعد 5سنين
الدكتورة:وينها الطالبه رنيم
رنيم خشت تجري: اهيا سوري عالتأخير
الدكتورة:وين ياباش مهندسه تعلمي تكوني دقيقه في مواعيدك
رنيم:حاضر
هي تفضلي جهزي روحك باش تخشي بعد زميلتك
"اليوم مناقشه مشروع رنيم وتخرجها من كليه الهندسه كان الكل مبسوطين بيها وجنبها مراد وندى وبنتهم رنا اللي تموت في عمتها وفاديه وامها"بس مزال فرحتها ينقصها جزئها المهم
طلعت رنيم وناقشت مشروعها بكل ثقه وتخرجت تمنت يكون معاها اليوم ويهنيها بنجاحها وتفوقها بس 💔
طلعت تنحي في كاب التخرج شافت بوكس مكتوب عليه اسمها فتحاته كان فاضي وفيه بس ورقه فتحتها"كبرت السنفورة وبدت مهندسه ممكن تصمميلي خريطه نقدر نوصلك بيها ❤️" ضحكت وخدت الرساله معاها وطلعت مالقتش حد من عيلتها قعدت دور فيهم مالقتهمش
طلعت برا شافت سيارتهم مروحه قعدت تعيط عليهم بس بدون فايدة تلفتت بترجع للكليه شافاته قدامها واقف على سيارته ومكتف ايديه يشوفلها بنفس نظرة الحب اللي ديما في عيونه كان ضاعف ومولي احلى من قبل وطالق لحيته
قعد يمشي لين وصلها:الف مبروك مهندستنا الصغيرونه
رنيم:معادش صغيرة
اصيل ابتسم:تقعدي ديما صغيرة في نظري شاف لرقبتها كان فيها سلسله مكعب اسود سكر عيونه بوجع
رنيم:امتى رجعت
اصيل:قدر ياخد قلبك
رنيم سكتت
اصيل:احكي
رنيم:ايه وماحد رح يخشه بعده
اصيل:ربي يهني وتلفت بيمشي
رنيم:اصيل
تلفتلها
قربت منه وفتحت المكعب اللي في رقبتها طلع مثبت فيه الحجر الازرق اللي عطاهولها
اصيل قعد لحظات يقتنع باللي يشوف فيه بعدين شاف لعيونها. اللي يحكو هلبا كلام شدها من ايدها وركبها السيارة وطلع بدون ولا كلمه لين وصلو مكان فاضي نزلها
اصيل:انا
رنيم:ايه
اصيل:قوليها
رنيم بصوت هادي:نحبك
اصيل:عاودي
رنيم:نحبك نحبك نحبك
اصيل باسها وحضنها ويدور بيها:تي نموت فيك يا فرخه عذبتيني 5سنين ياظالمه بهي مامتش
رنيم ضحكت:اسفه
اصيل:تو نوريهالك الاسفه هدي
رنيم:لا
اصيل ايه لا
روح وهوا مش مصدق انها رجعتله ومزال تحبه طول الوقت مقعمزها قدامه ويتفرح عليها ثاني يوم طلعو جهزو كل شي للفاتحه
ونهاية الاسبوع كانت مرته دارلها عرس كبير
اصيل على باب الصاله:اخيرا ياربي كتبتها من نصيبي لو ماخذيتهاش كنت متت مستحيل نزعلها في يوم واللي تبيه انا حاضر بس تقعد جنبي "
انفتح باب الصاله وخش بكل ثقه مايشوفش في غيرها واقفه زي الملاك بقفطانها الابيض وضحكتها اللي يموت فيها
وصلها قام الطرحه:الحمد لله شفتك مرتي وباسها قدام الكل وحضنها....
وهذي نهاية رنيم واصيل رجعهم النصيب لبعض بعد سنين
عاشو حياتهم عالحلوة والمرة بحب اصيل القوي بدلع رنيم
حب اصيل مانقصش من حبها لمراد ابدا بالعكس قعدا تقوله بابا ومتعلقه بيه وتهرب من اصيل وتمشيله يقعد خوها سندها ومهربها الوحيد من كل شي ....
اخيرا"ربي يحفظلي خويا حبيبي سعودي يدومه سند ليا ان شالله ماننحرم وجودك غاليا😍😍"
#فرحة_قلبي