روح أوديب وعن هوس عشقك لن أتوب

الفصل الأول:بروحي فتاة

📄 رواية روح أوديب
...................."وعن هوس عشقك لن اتوب،√

الفصل 1 بعنوان:بروحي فتاة ❤
.........البارت 1

فأكبر سجن فنيويورك ولكيعتبر ابشع سجونها وهاذ الشي راجع لعمليات وأساليب ووحشية  التعذيب  لكتمارس على السجناء  كل نهار تجمعو تم اخطر الحباسة  لمعندهم ميخسرو  والجرائم لكيدخلو عليها ماشي كجرائم عااادية وإنماا القتل بطرق خاايبة وبشعة بزااف لدرجة انه لبغى ورشقاتلو يرتاكب شي جريمة يديرها فشي ولاية خرى بعيدة على نيويورك حيت ملي كدخلي لتم خسك تكون قااد برااسك ومعندك متخسر او ميكون عندك حتا شي واحد كيتسنا فيك تخرج  حيت  اينفوا كدخل كتحكم على راسك بالاعداام  القوي كياكل ضعيف شي كيقتل شي ربعة خمسة الرواح كيطوحو فالنهاار او حتا واحد مكيحاول يبحث علاش  حيت الفلوس والرشوة تم كتلعب لعب تجمعو  اكبر رؤوس الماافيا واكبر القاتلين المأجورين اوهاهو واحد منهم ولا تقدرو تكولو اخطر واحد فيهم ولي مركب فيهم الرعب وليسيرتو على كل لسان وكلشي كيضربلو الف حساب سوا داخل السجن او خارجو وهاذا لغينوي يدير فيه راسو ايما طالب على الموت اما حمق مقطع الوراق بحاالو هاذا هو الشخص لأعدائو مكيتحصاوش كلشي ناوي فيه الغدر كلشي باغي يتخلصو منو حتا المافياات لعمرهم شافوه ومعارفين وجهو حتا كيداير شحال حاولو او مزالين كيحاولو ويقلبو على شي طريقة مزيانة باش يدلوه ويحني لهم الراس لدرجة ملي مقدروش على عداوتو طلبو صلحو ومصحابتو ولكن بدون حتا نتيجة هو فالحبس ومركب فيهم الرعب كفكرو ملي غيخرج شغايدير الى كان هو دخل الحبس  فسن صغير او مكان عارف والو ورغم ذالك قدر يدير بلاصتو داخل داك المستنقع وقدر يبصم طابع ديالو حتا برة الحبس او غير باشارة منو يرون دنيا ومافيها اكيد هاذا غيكون خطر على المجتمع  والمشكيلة مكيعرفو عليه والو من غير انه دخل الحبس او هو عندو سبعطاش العام بتهمة القتل وشنو السبب لخلاه يقتل هاذا هو السؤال لمحير الكل حيت بكل بساطة هو انسان غامض متعرفوش علاش ناوي شي حاجة سميتها التيقة والرحمة والبراءة مكدورش فبالو عندو تجرئتي وفكرتي تلعب معايا ودرتي علاش غتحاسب وتعاقب أشد العقاب هاذا هو الشخص لعاد نايض مخسر بالنعاس وتخنزيرتو لمكتفارقش وجهو داخل الطواليط كيحك فأسفل راسو  او شعير لهابط على وجهو بطريقة مثيرة لابس غير سروال سيرفيط او عريان من الفوق هو الوحيد لعمرو لبس الحوايج ديال الحبس مسقل براسو دخل الطواليط قدا حاجتو وخرج تقابل مع لفابو حنا ماعليه مابيه كيغسل فوجهو باش يصحصح مع الطلعة لغيطلع راسو كيبالو شي شخص موجهلو الموس يالاه غيجي يخشيه فيه بحركة خفيفة منو شد الموس ورجعو فيه حطولو على عنقو وتبسم بنصر .... .

........:(الحوار بالانجلزية) ههههه على غباء باقين منويتوش تعلمو هههه شكون فيهم هاذ المرة شمن عصابة فيهم مسيفطاك راكم كثرتو
القاتل:(كل عرق بالخوف بدا يقفقف عارف راسو هاذي هي الخرا ليه) والله معارف أنا شي حاجة أنا غير مجرد قاتل مأجور ماشي من حقي نسول مهمتي غير التنفيد
..........: ( بضحكة شريرة ومجنونة) هههه واذفاااك ههههه دوماااج كوكنتي غادي تقدر تبقى عايش كون كتليك سير عند داك الكلب لمسيفطك او كولو على أديب متقدر هههههه(جر الموس بزربة حتا الدم طارلو فوجهو بدااا يخرخر ودمايات خارجة من فمو الطواليط كلها ولات دم بحال الى كاينا العيد الكبير تبسم أديب بنتصار ورجع غسل يدو او وجهو كأن شيئ لم يكن دخل واحد من السجناء باش يقضي غراضو حتا كيتخلع منداك الشي لكيشوف خرج شاف فيه اوديب ببرودة وهدوء ونطق
أديب:(ببتسامة) شنو شفتي * الراجل:(كتفتف)والو والو أسيدي ماشفت والو *أديب:ههههه مزيان سير كلملي الحارس *الراجل: واااخا واخا ( مشا كيجري دق فالباب حتا دخل الحارس ) أديب:مرحبااااا * حارس:(بخوف كيصحبلو غلط معاه فشي حاجة* نعام أسي أديب * أديب: واحد الشخص مقدرش يستحمل الحياةفالحبس او قتل راسو عن طريق الدبح تكلفو بالجثة راها فالطواليط ( اوغمزو أولاخور فهم ) .....الحارس:(رتاح نسبيا ) اه اه هذا هو مصير  السجناء لمكيستحملوش حياة السجن وتعذيبو *أديب: دار ضحكة استهزاء او مشا كلس فبلاصتو مسترخي بحال الى ماشي هو لقتل روح عاد دابا شوي خشا يدو فجيب او جبد منها واحد صورة بقاا كيشوف فيهااا مزيااان وكحقق فيهااا ترسمات فوجهو بتسامة عريضة حتا تحفرو غمزااتو بطريقة زوينة وزايداه هيبة ورجولية *أديب:(كرن حجبانو مع بتسامة وكحقق فالتصويرة) مااابقااا وااالو  ونعاااودو نتلاقااو من جديد مااابقاااش بزاااف غير يومين أو متعرفي من نخرج ليك (دار ضحكة مجنونة)ههههه *عارفة ضركم راسكم او بغيتو نعرفكم على هاذ المصيبة هههه هاذا هو أوديب أوديب بنشيكر (Odib) نحيدو الألف وغتبقى الديب  اه حيت هو خطير بجميع المقااييس غير شوفتو تخلي طايح كثار من النايض ونايض غا ملقاش فين يطيح متقدرش تفسر ديك الشوفة المجنونة لكايدير فيك عينيه بحال المغناطيس يتبسم ليك او متحس الدقة منين تجيك
دخل الحبس او هو عمرو 17العام بتهمة القتل او السباب علاش من بعد ونعرفو 
دوز عامو الأول فالاصلاحية قفل 18العام نتاقل سجن ملي دخل شاف عالم آخر مختالف بزااف على المحيط لكان عايش فيه كتاشف بلي الى مكنتيش سبع يااكلوك القرودة فالأول ذازت عليه بالبيان وتعذب بزااف من طرف زعيم داك الحبس ولكان رئيس عصابة المافياا وخا كبير فعمرو الى انه كان متمرد عليهم وحاكم فيهم الا أديب مقدرش يستسلم ويحنيلو الراس حيت كانت عندو عزة نفس رافضة الاخضااع لأوامرو وهاذ الشي لثار اعجابو أو عجباتو قصحية رااسو او عدم استسلامو او نظراتو لكلها قوة رغم صغر سنو أو هاذ الشي لخلاه يشوف فيه الخليفة ديالو قرر يتقرب منو او هاذ الشي لوقع كان بناتهم انسجام كبير الزعيم قدر يعلم أديب بزااف الحوايج لكيتعلقو بالمافياا او دخلو عضو فيهاا مع المدة أديب بذكائو أجرأتو مولاش كيشبه الزعيم وإنماا فاتو درجااات مات الزعيم اوهو مطمأن حيت عارف راسو شنو خلا من بعدو  لدرجة انه هو داخل الحبس او كانت عملياتو او صفقااتو كتم  على أحسن وجه قدر يتحكم فجميع المافيات او كلشي ولا كعرفو او كيضربولو ألف حسااب بصبعو الصغير قادر يرون البشرية تحول من أديب لديب مكيعرفش معنى الرحمة ولا ماضي من جوج جوايه بحال الزيزوار وجودو فالحبس مكيعنيش أنه مقادرش يخرج ويهرب منو لا كيخرج بثلتيام بالربعيااام يقضي غراضو ويرجع شكون ساقليه الخباار حيت هو عندو فقاامسو أنه لدار علاش خصو بتعااقب او الهروب هي كلمة معطية غير الضعفااااء صاافي