دخلو عليه البوليس دغيا لقاو عليه القبض مفهم وااالو مي غير وصل الكوميسارية عرف بلي روح طلعت معااه القالب .....الظغط نزل عليه .....
-اما واحد روح غير خرجات من الكوميسارية توجهااات نيشان عند حبيب قلبهااا مشات ليه عند راسو وجلست حاطة راسها على الترااب ومدورة عليه يديها ..بهاذ الحركة كتظن انها بحال الى معنقاااه كتبكي وكتهدر : هاني جيت عندك احبيبي.. توحشتيني يااااك...حتا اناا توحشتك هي هئ هئ هئ سمحلي جيت مجيتش عندك سيمانة كاملة ...حيت باش ندخل داك الوحش الحبس كان علياااا نصبر عندو فدااك للقفز ...مسكين ضحكني كيصاحب ليه بلي غادي نطيعو ونخاف من تهديداتو ..ونسى بلي اغلى حاجة عندي فقدتها ..عاد مزال غادي نهتم لتهديداتو......(غلبو عليها الدموع) اوديب حبيبي زعما الى كتليك توحشتك تحس بيااا الى كتليك راني ضايعة وتايهة فهاذ الدنيا بلا بيك تيقني ...قلبي تاايه ومعرفتش كيفااش ندير ...توحشتك هبااال ..عطيني الحل كولي واش ندير(حطت يديها على قلبها ) من نهار غبتي علياا ونا حاسة بهذااا مزير ومقااادرش يزيد فدقاتو حيت توحش انسان كان يسوى الغالي توحش انسان كان هو دنيتو...اوديب راني مزالني نبغيك صح مراكش معاايااا ولكن كون اكيد راك عايش فياا صح بعدوناا ولكن مغاديش يقدرو يبعدوك من قلبي(تبسمت بحزن) هه مزال نتفكرك ونتفكر ضحكاتك وحمااقك وهبالك هه هه مزال نتفكر ملي نقلقك تزعف علياا وتغوت وتبغي تضربني ...لكن ترجع لعندي وتواسيني بحنانتك ومزالني نتوحش غيرتك علياا ومزالني.... ومزالني ومزالني.... ومزاالني ومزالني ..ومزالني نبغيك وكيف كنت كتليك انا معندي مندير فهاذ الدنيا بلا بيك الغالي واعدتك بلي غنكون معااك فين مامشيتي.....
انااا فرحانة بزاااف حيت قريب نجي لعندك وقريب نتجمعو انا وياك احبيبي صح انا ندير هاذ الشي حيت عارفة لو كنتي نت فبلاصتي كنت غادي دير نفس الشي ..(جبدات زيزوار من جيبها وكتضحك بحال شي حمقة) ههههه حبيبي هاذي هياا لغادي نجيبتي لعندك مبقى والو ونتلاقلاو اناا ويااك ونكونو لبعضياتنا من اول وجديد وهاذ المرة مكينش لغادي يفارقناا حطت زيزوار على يديها ليسرية وغمضت عينيها مع ببتسامة مهبطة دمعة وجرت جرة وحدة حتا دم طار فالقبر عضت على فمها من حر الوجع وزادت ليد الخرا جرت بنفس الطريقة من بعض حست بيديها فشلو عليها وبقاات ساهية كتبسم وكتضحك وكتخايل لحظاتها مع اوديب كاع شريط ذكرياتها زاروها وذازو بين عينيها فديك اللحظة حتاا بدات عينيها كيتقالو وراسها كيتقااال والضوخة كتلعب بيهاا وطاح راسها على القبر ضاية ديال للدم لخلفو قطع شرايين يديها ......نص ساعة وهي طايحة تم فاقدة الوعي ديالها فخطرة مكتحركش فيها شعرة بالصدفة كان دايز العسااس حتا كتبان ليه شي بنت طاحية على القبر تنهد كيصاحب ليه كتبكي حيت ولفها ديما تجي لتم وتبقى تبكي حتا كان غادي بحالو عاد قشع الدم لكيبري مع الشمس مشى كيجري دورها كتتبان ليه يديها مبقاتش تبان من كثرة للدم راجل مسكين ضااخ معرف راسو باش تبلى بقى غير كيردد بلاحولة ولا قوة الا بالله قاص نبضها لكان ضعيف تأكد بلي راها مزال ف الحياة هزهاا كيجري بيهاا حتا خرج على للمقبرة وشد طاكسي داهاا السبيطار تعرضو ليه الممرضين بسرير المتنقل ودخلوها نيشان لغرفة العمليااات .....دازو ساعاات وهي فالغرفة فهيمة وفاطمة وحمد كيتسناو على احر من الجمر ....اما فهمية قلبها محروق من كاع الجوايه قربت تحماق من كثرة هاذ المصايب واخر حاجة بقات ليها معرفتها فين هزات راس وصدااات نعسو فاقو ملقاوش رناااد خرجت من الدار ومخلية رسالة وداع مفادها انها متقدرش تستحمل تعيش فشي مدينة لكل بلايصها كيفكروها فالشخص لبفضلو فرحات وبسبابو حزنات و وكرهات كلشي ......ولي بغاتو وبيديها قتلاتو
أنت تقرأ
روح أوديب وعن هوس عشقك لن أتوب
Fantasyمرحبا بيكم في قصة جديدة تحت عنوان #روح_أوديب_وعن_عشقك_لن_أتوب القصة لا تلائم الجمهور الناشئ ولا ينصح تتبعها اقل من -18 بقلم siline nisline
