روح أوديب وعن هوس عشقك لن أتوب

النهاية

- اما رناد من دخلت وهي لاصقة فاوديب جالسة حداااه وكدير شي شوفاات فقيس ديال كون كانو قرطاس كون تيرات فيه - حتا مل قيس من هاذ الوضع وكسر صمتو : اوديب تباشر معاياا اصاحبي خلينا ندويو - اوديب رخاا من وعد وشاف فقيس بمعنى اش - قيس: ختك !!! هدر معاااهاا ....من الصبااح وهي دوك العينين مخنزراهم فيااا راه غنوض نعطي لمها غا ضربة - رناد : لكنتي راجل اجاا وتفرج - اوديب دار شاف رناد وخنزر حتا قطعت الحس ورجع شاف فقيس : سمع اقيس معندكش الحق تحط يديك عليها حتا تكون على ذمتك وديك الساعة بيناتكم - قيس : من دااابااا انا معندي حتا مشكيل يااك غا ورقة وخصها تسنى نسنيوها ..وديك الساعة غادي تخلصتي. احطب جهنم كاع هاذ التخنزير لكديري ونحد ليك كاع هاذ العياقة ديالك - رناد : شنو من نيتك اخوياا انااا نعاود نتزوج بهذااا وخا يبقى غير هو لراجل تفو وجه عوج - قيس مكانش من العاكزين ناض ليهاا او علامات وجهو مكتبشرش بالخير تخلعت وتخبعت من ورا اوديب - قيس : ( بغضب ) اوديب حيد من قبالتي خليني نوريها ضسارة كيف دايرة - اوديب : ( بصرامة) تهدن اصاحبي ...رااه مغنخليكش تضرب ختي قدام عيني ملي منكونش اناا ديك الساعة بيناتكم اذبها ولا تأذبك ( شاف ليه الجرحة ل فعنقو غلباتو الضحكة ) وخاا بان ليا بلي هي لأذباتك ههههه - قيس: اوديب حيد مكنضحكش - رناد : على فخيلك ركبوو - قيس : محامية فخوك ..ايوا خليني حتا نستفرد بيك وتفرجي ديك الساعة - فهمية : ياااه واش نتوما هبلتو ولا مالكم مابقى احترام عندكم واش حنا غير زايدين - فاطمة : هانتي كتشوفي هاذ الولاد غير يتسرحو جوج ينوضو جوج - فهمية : ( مع رناد ) رناد فكري بعقلك راه بيناتكم بنت وقيس راه شرح لينا كلشي شوفي الموضوع من جانب اخر -رناد هزات كتالها بلامبلاة : انا مسوقيش فيه يعاودها لراسو. - قيس عصباتو هدرتها مشعرش براسو كانت بانت ليه غير قرعة الما هزها وشير عليها بيها جاتها الجبهة زوات غا زوية كلهم تفزعو ..تقصحت فجبهتها بزاااف ولات حمرة - رناد : هئ هئ هئ هي دم دم هئ هئ هي -اوديب شاد ليها جبهتها: ششش صافي مفيك والو مكينش الدم - فهمية: فاطمة سيري جيبي الثلج قبل متنفخ - اوديب شاف فقيس وناض عندو جرو

-اوديب: واش نت مالك حمق اثبي - قيس: عصباتني ا اوديب كلشي نقبلو الا تبقى تعوج عليا فالهدرة - اوديب(مد ليه كارو) شد اصاحبي تكالما - قيس: (شد الكارو شعلو ففمو وساط الدخان ) من حدها هي كتعوج عليا فداك الفم مغنتكالماش حتا نهرسو ليها -اوديب: سمع اثبي جمع يدك شوية را ختي هاذيك الى كنت انا مهدرتش غير حيت عارفك معصب - قيس: اوديب بيني وبينها ...حتا نت ملي كتكون مع روح مكتبغي حتا حد يدخل بيناتكم ...ايوا حتا انا نفس شي صافي طيف عليا اصاحبي هاذ الساعة -تكا على الحيط كيكمي وكيسوط الدخان - ضرب ليه اوديب على كتفو ودخل يشوف ختو ...

- اوديب: رناد راه مفيك والو -رناد:(بالعاني)شفتي اخويا ضربني شفتيه -اوديب: شحال كتزيدي فيه - روح: لا را ضربهاا علاش كتغطي عليه ... بسيف حيت بجوجكم من طينة وحدة -اوديب : (هز كاس) را بهاذاا غنصورو لمك فكمارتك ونتي خصك غير منين تشديني - روح: يعع كيف داير -اوديب مدهاش فيها عرفها كديرهالو بالعاني مشى عند رناد جلس حداهاا وبقى كيحزر فيهاا وهي طالقة فشوشها عليه - اوديب: (سخفاتو ) رناد واش فهمتي هاذ الشي لكلت ليك ااا؟ نتي عارفاني انا كيف داير كون معرفتش قيس كيف داير ونيتو كيف دايرة مكنتش غادي نخليك تزيدي دقيقة معااه....- رناد : كذب وضحك علياا ا اوديب - اوديب: وااه عارف وحتا انا فحالو ...مغاديش نكوليك انا حسن منو حتا انا شحال كذبت على هاذ المصيبة لحدااك ولكن فالاخر عتارف منكرش دابا بلاتي بلاتي حبسي من هاذ الهدرة كاملة غنسولك سؤال واحد ونتي غتجاوبيني ...واش مزال بغاااه اه ولا لا وغنحتارم جوابك كيف مكان ..سوا اه سوا لا ..ولكن لخصك تعرفي بلي الى كلتي لا.. راه عمرك مغادي تبقاي تشوفي وجهو وخا تراجعي نتي وتبغي اناا مغاديش نقبل وكل واحد يشد فيكم طريقو ....ونتي عارفاني الى كلت الكلمة ا رناد راه بربي متحطي يدك بيديه ولا وافقتي ديرو عقدكم وكملو فزواجكم وربيو ديك للبنت ونبينا عليه السلام اش كلتي - هزت عينيها فيه مدمعين : دابا انا علاش كديرلي هاكااا علاش -اوديب: سولتك واش بغاااه - رناد حنات راسها وسكتت - اوديب: راا داوي معااك ماشي عاد تجي دابا وتحشمي راك والدة عزبة - رناد : صافي اخويا لدرتيها نت اناا معاك فيها لبغتيه غيكون - اوديب : انا عارف لي بغيتو انا غيكون ...دابا انا غير باغي نعرفك نتي اش بااغاا ...رناد واش مزال باغااه - رناد :( كتدلك فيديها ) فالصراحة نت قنعتيني بهدرتك اخوياا عليها غنكوليك اه مزال بغااه - اوديب : وملي بغااه لاش مرضاناا - فاطمة : ايوا هنية عليكم - روح: فين هو بعد قيس - اوديب : راه برا كيتكيف - فهمية : نوضي ابنتي سيري عندو نتفاهمو مع بعضياتكم - رناد شافت فاوديب دار ليها اشارة براسو عطاها الاذن ..عاد ناضت خرجت لعندو - اوديب تطلق فوق داك السداري مجبد : روح - روح ساهية فالتلفزة - روح ...واااروح - روح عاد نتابهت ليه : ااا معاياا - اوديب : لا مع الحيط اجي طلعي فوق ظهري غير باش يتطلق - روح : مغنضركش فدوك الجروح - اوديب : لا غير اجي طلعي - ناضت طلعت فوق منو كتوطالو على ظهرو وشادة توازن ..ومرة مرة كيطلق تاوهات دالة على الاسترخاء ديالو - اوديب : بركي اروح نتي راك غاا كتهريني - روح: واا هاااذ الشي لعطى الله اش بغيتيني ندير - اوديب اجي نكوليك اش بغيتك ديري - جرها ملاوحها عليه وتقلب على ظهرو طالع فوقها - روح وجها ولا حمر : اويلي ا اوديب واش نت مرضتي راه تقدر تجي ماما ولا خالتي ولا بابا ولا قيس ولا رناد - اوديب : عارفاني اروح قلبي مكنتسوق لاحتا شي واحد من هاذو لذكرتي