& فهاذ الاثناء كان اوديب بغ يمشي الطواليط وعافر وقف على رجليه لحاس بيهم منملين عليه بزاااف وكيترعدو مقادرش يوقف عليهم حط يدو على الكوافزو وتكا عليه عاد نااض
كيتمشى لجيهة الالحمام بعيااء حاس بيه بعيد عليه لكن هو مبعيدش غير خطواتو هو لتقااال ولا صغار بزااف دخل الحمام قدا حاجتو وغسل وجهو بالما بارد باش يفتح عيينه الذابلين عاد تم غادي خارج بنفس الطريقة لدخل بيها او فالرجعة حس بالدوخة شداتو تسند على الحيط حاط راسو عليه ومكالي بيدو باش ميطيحش فهاذ اللحظة دخلت عندو فهمية شافتو وديك الحالة حست بالرجفة وقلبها ضرها على ولدها وخا خاينينها الركابي من كثرة خوفها على كبدتها طارت عندو شادااه هو حس بيهاا وسند راسو عليها حاطو على كتفهاا فهمية نزلو دموعهاا من شوفة
ولدها فهاذ الحالة وهي لعاهدها بيه الغواات والقاصح والصحيح وملي كيتعصب ويبدا يدكدك فالماعن غير بلا متجي توقفي حدااه هاهي دابا كتشوف فيه واحد ضعيف مقادر حتا يوقف على رجليه وليزيد حتا جوج خطوات مقادين كاع ديك القوة لكانت فيه تحولت الضعف فهاذ اليومين للخرة حس براسو تهلك وجاب التمااام ولزااد اثار ستغرااب فاهمة ولحيرهاا وخلاها تالفة هو ان فاي تحليل كيدروه ليه مكيخرج فيهم والو تحاليل كتكول هدرة او حالتو او وجهو كيكولو هدرة خراا التحاليل كتكول بلي هاذ السيد صحيح سليم مفيه والو او شوفتو هو كتكول بلي هاذ السيد غير ترجاو فيه الله ولزاد عاش يوم تاني حمدو الله وطلبوه يزيد يعيش اليوم الثالت ...جراتو مو السرير نعساتو وكلست فوق راسو - فهمية :( كتبكي ) هئ نئ هئ ولدي حبيبي كولي باش كتحس - اوديب :(هز عينو الحومر فيها وهدر بتعب) كح كح كح الوالدة
علاش كتبكي - فهمية: هئ هي هي هئ كنبكي على كبدتي لكنشوف فيها غادي ضيع ومرانيش قادرة نعتقها - اوديب : (بتعب) كح كح كح مديريش فبالك الحنانة را غير مرضة عادية ودابا تفوت فهمية : واش هاذ المرضة هاذي لمقدر ينفع ليها لطبيب ولا دوااا - اوديب غمض عينيه وسكت مجاوبهااش بقى يتصنت غير لعظامو حتا حس بيها حطت يديها عليه فوق جبهتو وكتردد عليه ايات من القرآن الكريم بدات بالفاتحة ودخلت فالسورة الثانية اوديب مسكين عياا يشد راسو ولكن متحملش صوت مو. هي كترتل فالقرآن حس بيه تقيل على قلبو وبحال الى كيفرع ليه الطبل ديال ودنو بلا ميشعر ضرب لمو يديها مبعدها عليه بنترة : صافي بااارك راسي ضارني مبغيت نزيد نسمع والو مزال - فهمية: (ستغربت) الله يهديك اولدي فين عمر كلام الله كان كيضر بالعكس كيهدن وكيرخي وكينزل السكينة على المريض وكيخفف ليه من الوجع ديالو - اوديب : مبااغي والو انااا بغيت غير نعس مابااغي والو ماباغي لا قرآن لا غيرو - فهيمة : كول استغفر الله العظيم شهاذ الشي كتكول فيه اولدي كين شي حد كيزعف ويتقلق من كلام الله ااا؟ - اوديب: مي خليني عليك معندي خاطر لوالو - فتحت الباب عليهم عبير دخلت مدرمة بلا محتا دق مشاات كلست جنبو وفنفس الوقت كتخنزر ففهمية وهاذ الاخيرة بدورها حتا هيا كتخنزر فيها - عبير(كتحلون) اوديب حبيبي كيف راك باش كتحس براسك واش مزياان - اوديب : شوية - عبير: الله يشافيك احبيبي - فهيمة :(خنزرت فيها) لا حولة ولاوقوة الا بالله العلي العيظم - عبير: مالي اخالتي كتشوفي فياا كلت شي حاجة ديال العيب - فهمية: الله ياودي مكلتي والو غير باركة فوق راس راجل مزوج -...
عبير: مغاديش يبقى مزوج غادي يطلق اخالتي ياك ااوديب - اوديب شاف فيها ولا غمض عيينه محاملش يهدر فهاذ الموضوع اولا محاملش بالاخص انه يجبد سيرتهاا ويهدرو فموضوعها عليها فضل انه غايبقى ساكت
أنت تقرأ
روح أوديب وعن هوس عشقك لن أتوب
Fantasíaمرحبا بيكم في قصة جديدة تحت عنوان #روح_أوديب_وعن_عشقك_لن_أتوب القصة لا تلائم الجمهور الناشئ ولا ينصح تتبعها اقل من -18 بقلم siline nisline
