$روح كانت فالبيت مع رناد لتصدمت من داك الشي لعاودت ليها روح وبقات غا حالة فمها - رناد: دابا نتي وخوياا مزوجين بغيت نكول زعما كان ديجا مزوج بيك - روح: وي هاذ الشي - رناد: وهاذ خوياات طلع مساهلش كنت منوقعة منو اي حاجة الا انها تكون عندو علاقة بالمافياا - روح: حتا انا تصدمت من يلاه كالهالي - رناد: ولكن اروح هاذ الشي راه غلاط المافيا راها خطيرة مجربتيش تكوليلو - روح:(قاطعتها) مخلاليش فين نهدر كالي بارك عليك غير هاذ الشي لعرفتي حيت هاذ الشي راه كبير عليك - رناد: هاذ الشي عند اوديب كيخلع - روح: وي بزااف وخاا معنديش شي فكرة على هاذ الشي لكن باين هاذ الشي خطير وخا انا نبغي نهدر معاه ونفهم منو مغاديش يبغي يسمعلي فخصوص هاذ المضوع اوديب وكنعرفو غادي يكولي دخلي سوق راسك حيت نتي عارفاه مكيبغي حتا شي واحد يدخل ليه فشغلو - رناد: نتي غا دخلي سوق راسك وخليه يدير لبغى هو عارف راسو شنو كيدير المهم هو نتي خصك تبقاي بعيدة باش متجبيهاش فعضامك - روح: رناد الى كتليك خوك شحال قتل من واحد مغاديش تصدقي اخر مرة شفتو كيذبح ولد عمي قدام عينتي - رناد: كيفاااش ؟؟ كيقتل ؟؟ - روح: اه شفتو بعيني - رناد: اويلي واش هاذا حمااق من نيتو - روح : كيقتل بذم بارد علاش انا غا هوكاك كنخاف منو - رناد ولات كلها كتقفز: ماما الى سمعت هاذ الشي اكيد غادي توقع ليها شي حاجة - روح:(خافت) لا ااا لاااا لاا عنداااك واايااط ارناد هاذ الهدرة تجبديها مع شي واحد عنداااك تكوليلو بلي انا كتليك شي حاجة - رناد: لا انا نقدر صافي ياختي علمتيني عمري نبقى نقصح راسي معااه - روح: رناد مبقيت نعرف راسي من رجليا حاسة براسي ضايعة نص مني باغيه ونص خايف منو سيغتو باش عرفتو خدام مع المافيااا تأكدت بلي هو خطير او مكيتلعبش معاااه معرفت راسي شنو ندير
رناد: روح ختي انااا معارفاش اوديب علاش ناوي او شنو هاذ الشي لكبخربق فيه او معرفتش باش نصحك ولكن لعارفااه او متاكدة منو هو خويا اوديب كيبغيك - روح:الحب مخلط بدم ارناد - رناد: وي .. لكن نتي الى عرفتي كيفاش تصرفي وكيفاش تصلحيه تقدري تحيدي داك الدم لمعشش ليه فالدماغ وتخلي غير الحب لفلقب فهمتي روح واش كتبغيه - روح هزات راسها او نزلاتو بالايجاب - رناد: اذن غادي يكون غا الخير يلاه نهبطو نتعشاو - خرجو بجوج من البيت كلسو فطابلة العشااا اوديب مكانش كانت غا الهام وعبير او فاهيمة ناعسة فبيتها غا كلسو عبير بدات تعوج ففمها - الهام: عبير كولي مالك - عبير: شي وحدين بشوفتهم تسداتلي الشهية - رناد: الى تسداتليك احبية نفتحها لحبي اش كلتي - روح شدات رناد: رناد صافي بارك مديهاش فيهااا - عبير:( مع روح) مديهاش فيااا مالني كيف جتيك ...قحبة كنخطف الرجال من عيلاتهم مثلاا - روح:(ببتاسمة مستفزة) صدقيني اعبير الى كتليك بلي كلامك مكيحركش فيا الشعرة حيت كنت بغيت ندير راسي فيك كون هواك بيتك فالسبيطار شهر متهزي الراس مي كنراعي الطعام لنتي ردتيه زبل او محسبتيلو حساب - عبير: ههه مزال لنفس قصصك او عوايدك ههه مزال مغاديش تبدلي اروح كنت كنصحاب بلي هاذ الضربة غادي ترد ليك الراس ساعة نتي عاد زايدة فحماااقك روح الحب هاذ الدارما ديالك مكتمشيش عليااا - رناد: لانتي خصك الترباي شكون لغادي تربيني نتي ؟؟ - رناد: اه انااا - عبير: فازي نشوف - رناد واخا - ناضت جرتها من شعرهاا وخشات ليها وجها فالطبسيل لكانت كتاكل منو الهام نفس الشي غير مربعة يديها روح لناضت شادة رنااد جرتها -رناد: رخي رخيني اروح الندى غادي نربيها ونوريها على داك حلان الفم - روح: رناااد واش حماقيتي صافي بارك غير غتوسخي يديك حيت ناس كيذابزو مع شي واحد ليستاهل مكيدروش راسهم ف( طلعت فيها وهبطت) فالقحااب - عبير بقات كتكحب مدات ليها الهام كاس المااا شرباتو - روح : رناد يلاه نطلعو بحالنا مناقس من هاذ العشا - رناد: كيفاش مال الدار دار باهااا بركي الارض كلاه مناقس من هاذ العشااا ولمعجبو حال راه الباب يفوت جمل على قدو - كلسو مكملين عشاهم وعبير غا كدور فيعينها خايفة حتا تم داخل اوديب باين فيه عيان من وجهو ماشت عندو عبير زعما باش تعنقو دفعها بشوية مدار والو طلع نيشان فالدروج حتا كان غادي عاد دار : روح الندى اجي نكوليك - روح تنهدت وناضت لعندو حتا لفين واقف : شنو - اوديب:كملي عشاك وطلعي تبعيني نعسي - روح : لا اناا غادي نعس مع رناد - اوديب: علاش ؟؟ - روح: يقدر تكون ماما ويكون بابا دغياا سمحوليك اما انا لا داك الشي لداز عليا ماشي بساهل ا اوديب - اوديب: مزيان صافي ديري لبغيتي وليريحك نعسي معاها الى بغيتي تنعسي - خلاها وطلع بحالو هيا براسها تفاجيت فيه حيت مولف كيشد معاها الخط مي داباا خسر عليها جوج كلمات وطلع بحالو - اوديب دخل لبيتو حاس براسو عيان مدكدك جايب التمام وعظامو كلهم كيضروه وفيه القفزة كلو كيترعد حيد سبرديلو وتخشا فالفراش راد عليه الغطااا
حتا تكبات عليه العرقة ولا كلو كيقطر وتريكو لصق عليه وعينيه كيتغمضو وغير سمية وحدة على فمو: روح روح - اما روح مع رناد فالبيت مخشين فالفراش غادي ينعسو حتا ناضت - رناد: مالك نضدتي - روح: غا نمشي نشرب غا كاس ديال لما ونرجع لعندك - رناد: اكي - خرجاات من البيت هبطت مشات الكوزينة شربات و راجعة طالعة دازت من حدا الشومبر
يال اوديب بان ليها الباب مفتوح شوية بغات تسدو شوية كالت علاش منطلش عليه ونشوفو شنو غادي يكون كيدير دخلت كتمشى على اطراف صبعانهاا حتا كيبان ليها كيقفز وكيدي راسو ليمن وشمال وكيهترف ونيفو حمر - روح تخلعت من شوفتو حطيت يديها على وجهو كان سخون بزاااف : اوديب. ؟؟ اوديب جاوبني كتسمعني - اوديب: ( عينيه مغمضن) روح ..روح جيتي - روح : اوديب كالك سخون بزاااف واش ضربك البرد اوديب جاوبني - اوديب : كح كح كح كح - روح: لا لا لا حرارتك مرتافعة بزاااف خصني نهبطهاليك - مشات الطواليط عمرات الما وجابت فوطة وبقات كديرهالو فوق راسو حتا كتسخن وكتولي تفزكها وتعصرها وتجرجع تحطهالو على راسو نصلت ليه تريكو لبساتو واحد خر عاد مشات جابت ليه كينة ديال السخانة شربتهالو وغطاتو مزيااان حتا عفى ونعس وبقات سهرانة عليه ليل كامل كتراقب حرارتو حتا طلع الصباااح فاق من نعاااسو شافهاا ناعسة فالارض وراسها محطوط فوق صدرو غمض عينيه او ولا فتحهم متذكر الأحذات ديال البارح تبسمت ملي تفكرها كيفاش كانت خايفة عليه عرفها منسعسات ماشافتو هزهاا مقاددها فالفراش كيبعد ليها شعرهاا وحاط ليهاا راسهاا تحت ذراعو ويد لخرا كيتلمس ليها فوجهاا : شكون بحالي انا عندي هاذ البنوتة هاكا كتحمق وحنينة على راجلهاا وداواتو البارح بليل وسهرات عليه - باسها من فمها- شنو بغيت انا كثر من هاكااا غير نصبح عليك هاذيك هيا دنيا عندي -باسها من جبهتها- مراتي حبيبتي اناا - باسها من حنكها- بنوتي كنبغيك ونموت عليك -رجع باسها من فمها وناض الطواليط عاد فتحت هيا عينيها حاطة يديها على قلبها لحسات بيه كيضرب بالجهد على غير العادة بحال الى عمرها سمعات منو هاذ الكلاام لكن دابا مبدل على السابق دابا بنكهة خراا بنكهة انهاا مراتو ضحكت وعينيها كيلمعو : ههههه هاذ الشي مكيعنيش صافي سمحت ليك مزال ا اوديبي غادي نعذبك شوية ههههه
أنت تقرأ
روح أوديب وعن هوس عشقك لن أتوب
Fantasyمرحبا بيكم في قصة جديدة تحت عنوان #روح_أوديب_وعن_عشقك_لن_أتوب القصة لا تلائم الجمهور الناشئ ولا ينصح تتبعها اقل من -18 بقلم siline nisline
