روح أوديب وعن هوس عشقك لن أتوب

البارت 48

- تعشاات العشية وصل نص ليل اوديب عاد رجع الدار فساعة متأخرة ضايخ شوية بالشراااب طلع نيشان البيت بانت ليه روح متكية وعاطية بالظهر وسورة يوسف مزال مطلوقة وكتعاود قرب لجيهتها بلا مينطق بحتا شي كلمة بانت ليه معنقة تيشورت ديالو

- حيت معرفتش شنو جاهاا قبيلة حسات براسها متوحشة لريحتو ونفسو ضرب فيهاا ملقات قبالتها غير تيشورت لكان نصل هزاتو وخشاتو تحت منهااا كتشم فيه ايه الوحم جاهاا غير عليه -...شافها معنقة التيشورت وعلى وجها مزال اثار للدموع عرفها كانت كتبكي تنهد من هاذ الوضع لهوما فيه ونطق بهمس : غير بكي حيت يقدرو يكونو دموع غيريحوك امااا اناا وخا نبكي الدم موحالش واش تبرد لي حرقة قلبي بدل حوايجو وخرج من البيت غير خرج روح فتحت عينيها منزلة دمعة حسرة منهم فقلبها وجع كبير وهم كلمالو وكيكبر وفعينيها حزن صعيب بزااف من ان كلمات العالم انها توصفو روح كتنطابق عليها ديك الاغنية ديال "حبة ظروف تجمعت على شكل وحدة قلبها مجروح حبت تعيش بين البشر ملقيتش بينهم اي باب مفتوح - اما هو فرااه دخل لبيت خر ينعس فيه وهاكا دازت هاذ ليلة المكهربة من كاع الجوايه كل واحد شاد همو فقلبو
حتا طلع الصباااح كيدل على نهار جديد وبأحذااات جديدة ليمكن انها تغير بزااف الحوااايج فاقت روح من بعد محست باوديب خرج ناضت دوشت وبدلت حوايجهااا ناوية تخرج باش تلقى حل الحمل ديالها وتمشي عند شي طبيبة لتقبل دير ليها العملية حيت كيصحاب ليها بلي الطبيب لاخر غير كذب عليها باش ميديرهاش ليها سلات حوايجها هزات سكادو ديالها جمعت فيه الاغراض لغتحتاج ومشاات خرجت

- اما يحيى كان فبيتو كالس فالباركو كيجغم من الكاس ديال القهوة وكارو شاعل فيديه وكيفكر فاشنو يدير وكيفاش غادي يرجع هاذ اللعبة لصاليحو ويضاعف الالم لكيحس بيه اوديب وكيفااش غادي يخليه يحس براسوو. تهزم ويزيد ليه حرقة على حرقة رجعااات بيه ذاكرتو لداك النهار فاش خطف فيه روح

...&فلاااش بااغ - ملي جاب رووح دخلها البيت حطها فالسرير وبقى يشوف فيها شحاااال وهي قدامو مغمضة عينيها وكتقاادد فناعسها ببراءة لوهلة سهى فيها بزاااف تمنى ان لو الوقت يحبس كلشي يحبس يبقى غير هاكااا كيشوف فيهاا صافي اثارت اعجابو بشكل كبير وتمناها انها تكون ليه ويجي شي نهار لتبادلو فيه نفس الشعور لكيحسو من جيهتها حط يدو فوق زغيبات شعرها لكانو خارجين من الشال بعد همليها من على وجهاا وبقى كيشوف فيها شحااال حيد لا فيسط ديالو مد يدو باش يحيد ليها الشال ويدير داك الشي لعلاش جابهاا حتا بدى يقرب ليها وحس بشي حاجة منعاتوو بحال شي صوت جاه فودنو كالو يحيى عنداااك ديرهااا راك غادي تندم ...يحيى عنداااك تفكر تقرب ليهااا راك غادي ترتاكب اكبر غلطة فحياااتك

&عيى يحاول ينفض راسو من هاذ الصوت لكن كلما حاول يقرب كيعاود يسمعو ويمنعو من جديد حس بكلشي تقااال عليه يدو مقدرش يحركها لجيهتهااا عيى يبغي يتحدى راسو لكن شعورو فانه ميقربهاااش كان قوى بزاااف من رغبتو فيهاا زفر وناض هز لافيسط ديالو لبسها وخرج صونا لخدامة امرها باش تمشي تحيد ليها حوايجها وتخليها غير بالملابس الداخلية وجلس كيرشف من الكااس كيتسنى فيها حتا تفيق باش يبدى اللعبة ديالو والوهمية ويمشي على هاذ الاسااس ويوهمها بلي رااه تمت علاقة بيناتهم ويشككها فراسها ....كانت عندو خطط خرااا لهاذ الشي ... لكن باش ساق الخبار لحمل روح والاجهاضها فهم بلي روح صحاب ليها بلي الولد ماشي من اوديب عليها جهضاتو ومن تم بدى يفكر كيفاااش غادي يستاافد من هاذ اللعبة وكيفاش غادي يرجع الامور لصاليحو وفين غادي يربح كثاار واش فظن روح اوديب بلي داك الولد لجهضاات ولدو ولا انه يقلب الموازين ويخبر اوديب بكاع داك الشي لوقع ويتشفى فيه بانه قدر يلعب بيه فكر شحااال وشحاااال ستغرق الامر عندو ثلات اياام ديال التفكير عاد قدر يوصل لقرااار لهو الحل الثاني فانه يخبر اوديب حيت راه الولد بالنسبة لو تجهض تجهض ولى عرف اوديب بلي الولد ولد يحيى غادي يخرج داغي من الازمة ديالو ويعذر روح ويتصالح معاها بشي طريقة امااا اذاا كاليه وخبرو بالختيار الثاني غادي تزاد الاوديب ازمة خرااا ويزيد ويزيد يتحرق على ولدو كثاار ما هو محروق وغادي تزيد حالتو تازم كثاار ملي يعرف بلي ولدو مشى ضحية لعبة خبيثة لعبهالو يحيى
تبسم بخبث وهز الطيلي ودوز نمرة اوديب وبقى كيتسنى فيه يفتح عليه الخط...