رجعت لعنهم كلسات معاهم حتا ستأذن اوديب بالخروج شافتو خرج فرحت ناضت حتا هياا : خالتي هاني نطلع لبيتي نرتاح شوية حاسة براسي ضارني - فهمية : سيري ابنتي سيري - طلعت لبيت بدلت حوايجها وخرجت بالحس من الباب اللوراني ديال الجردة فالوقت لكانو فيه لكارد كيتغداوو ستغلت الوقت وخرجات شدت طاكسي عطاتو العنوان ومشات مسافة الطريق كانت وصلات لديك البلاصة لكين غير فالخلا طلبت من الطاكسي يتسناها ومشات بقا واقفة كتشوف كيفاش غادي تدخل دارت من اللور بان ليها واحد الشرجم محلول حطات رجليها على حجرة كالاات بيديها وطلعت دخلت بقات غادا حانية كتسلت كتقلب عليها بعينها حتا بانت ليها حوايجها مقطعين وحالتها حالة بالضرب وشي رجال واقفين حداهاا بقا فبلاصتها كتسناهم يخرجو .. ما يعاذل ربع ساعة عاد بعدو على عبير وفهاذ الوقت طارت روح بالخف جيهتها كتفك ليها فالربطة بالزربة معندهاش الوقت لعاد تبقى تهدر عبير كانت مصدومة وهي كتشوف فروح كتفكها فتحات ليها كلشي ونوضتها - عبير:(بتعب) روح؟؟؟ - روح: حتا شي كلمة زيدي وسكتي لحصلنا غادي نمشي فيها انا وياك - جرتها كيتسلتو حتا وصلو لنفس الشرجم خرجت عبير هي للولة عاد خرجت روح شافتها هاكاك شبه عريانة حيدت تشاكية ديالها ال طويلة ومدتهاليها - روح: هاكي شدي ستري راسك - خداتها من عندها عبير لبساتها وهي كلها كتوجع مت اثاار الجروح جرتها لجيهة الطاكسي ركبو ومشاااو -وصلو السبيطار هبطو من طاكسي من بعد مخلصاتو روح ومشى بحالو عاد دارت فعبير - روح: سمعي نكوليك انا هاذ الشي درتو غير حيت تاقيت فيك وجه الله صافي وغير حيت باقا فياا الانسانية مماتتش حيت راني عارفة ومتاكدة كون كنتي نتي فبلاصتي والله مكنتي ديري هاكااا او مبليس مبقتيش باغاا اوديب يزيد يقتل مزااال ولا يزيد يوسخ يديه بالدم مرة خرااا حيت كون مهربتكش انا دابا موحالش واش كنتي تزيدي تصبحي الصبااح تسببت ليك فعمر جديد اعبير ستغلي هاذ الفرصة لتعطات ليك وصلحي رااسك وسيري عيشي حيااة خراا بعيدة على المشاكيل حاولي انك تعيشي حياة طيبعية وبغي لناس نفس داك الشي لكتبغيه لراسك حاولي انك تخلاي على انانيتك ولو خطرة وحدة فحياتك ... بعدي من هن ومتخليش اوديب يلقااك حيت المرة الجاية محالش واش نقدر نفكك منو او نتي تعرفي اعبير
زادت وخلاتها مصدومة من معاملة روح ليها وكيفاااش قدرات انها تخاطر وتنقد ليها حياتهاااا لهي مخلاتش طريقة ومدارتهاش باش تخرب هاليها نزلت من عينيها دمعة ندم
فالوقت لكانت فيه روح ركبات فالطاكسي وراجعة لدار وضميرها مرتاح عل اقل جرات فالخير ومنعت الجريمة لكانت غادي تزاد لاوديب اضافة لجرائم ديالو من انها توقع وعلاش لا متكونش السباب ف حياة افضل لعبير حيت ربي بوحدو لعندو الحق انه يعاقبها على كاع الاغلاط لدارت رجعات روح لدار حمد الله ملي لقات اوديب مزال مجا طلعت لبيت بدلات حوايجها لبسات بيجامتها وكلست وماشي بزااف و دخل اوديب حمدات الله وشكراتو حيت كون تعطلت غير شوية كانت غادي تحصل حصلة خايبة اوديب طالع لبيت صونا ليه الطيلي جبدو جاوب - اوديب : كيفااااش هرباااات ؟؟؟ واش كتسطى علياا ولا كيفااش - الكارد: قلبنا عليها فكل بلاصة ملقيناش ليها اثر - اوديب : كيفاش قلبتو عليها فكل بلاصة وملقتيوهاش ... بلاتي بلاتي وملي هي هربت نتوما فين كنتو ااااا مبقيتش فاهم انا حتا شي ***** واش مخدم رجااال ولا زوامل ربعة وعشرين ساعة تكون عندي فهمتي ربعة وعشرين - قطع عليه - دار لقى روح من موراااه - روح: شكون هاذي لهربت - اوديب : ماشي سوقك - روح: عبير ياااك ؟؟ هي لهربت خطفتيها ياااك - اوديب : اه كنت باغي نقتلها ومن زهرها هربت لكن هاذ الراحة مدايماااش ليها حيت غتعاود تطيح بين يدي غادي تطيح. حيت انا مكنخليش دقتي تباات عند مولاااهاا - روح : معيتيش ا اوديب من الدم - اوديب': لا معييتش - روح: اوديب كلس نهدر معاااك - اوديب كلس : هانااا شنو - روح: تحنات لعندو : بغيتك هاذ المرة تسمعني بقلبك ماشي بعقلك اوديب معرفتي ربي يكون مبغااكش تزيد تعصيه وتقتل وتوسخ يديك بالدم ومعرفتي هي ربي يكون عطاها فرصة باش تهرب وتصلح راسها وتعيش حياااة خراا تيقني ا اوديب الى كتليك بلي اي حاجة كتوقع من الخير وربي وحدو لغادي يعاقبها على اي حاجة دارتهاا صافي هيا من هربت وبعدت غادي تكون حست بغلاطهاا وتقدر تصلح راسها من بعد كيف ما ربي عطاها فرصة ديال الهروب حتا نت عطيها هاذ الفرصة - اوديب :روح نتي مالك دايرة هااكاا واش هاذ القلب عندك مكيعرفش يحقد ولا مااالك اااااا راه لدارتو فيك ماشي قليل نتي اكثر وحدة خصك تكوني حاقدة عليها وباغا تنتاقمي منهااا هي لو كانت فبلاصتك مكانتش غادي تكول عليك هاكااا
أنت تقرأ
روح أوديب وعن هوس عشقك لن أتوب
Fantasiمرحبا بيكم في قصة جديدة تحت عنوان #روح_أوديب_وعن_عشقك_لن_أتوب القصة لا تلائم الجمهور الناشئ ولا ينصح تتبعها اقل من -18 بقلم siline nisline
