روح أوديب وعن هوس عشقك لن أتوب

البارت 46

-  اوديب : كيفاااش ااااا؟؟ كيفااااش مات ....ولدي مماتش -كيضرب فيه- ولدي بااااقي حي غنقتلك فهمتي كول لي فين هو ولدي -  فهمية عيااات تبغي تفك او والو وحتا فاطمة وحمد  مقدروش عليه  -حيت ملي صونات ليهم فهمية وعلمتهم جاو كيجريو حتا لقاو اوديب شانق على الطبيب  اوديب ولاو فيه مليون صعر بالمعقول وهو كيسمع من فم الطبيب ان ولدو مات - طبيب بقى كينهج: غير سمعني اولدي راه مرتك السبااب  - اوديب: (كيغوت) كيفااااش - الطبيب : رخي مني ونكوليك - اوديب-زاد زير عليه - كتليك هدر وبلا متبقى تمرض عليااا - الطبيب : ماشي الطيحة ديال الدروج لتسبات لمرتك فاسقاط الجنين  حيت مرتك قبل ميوقع ليها الحاذت كانت ديجا شاربة دوا باش يساعدها على الاجهااض وهاذ الدوا كان خطر على الجنين وهو لتسبب فاجهاضو -اوديب  برد بحال الى كبتي عليه سطل الما ثالج حك ودنيه ممتيقش هاذ الشي لسمع  : كيفااااش .. شنو بغيتي تقصد - مجاوبوش هو بغوت - كتليك هدر شنوووو بغيتيتي تقصد - الطبيب : لبغيت نقصد هو ان مرتك كان قاصدة دير الاجهاااض مرتك كانت باغاا تجهض الولد سوا كون طاحت من الدروج او مطاحتش الولد كان غيموت غيموت حيت دوا لخدات كان خطير عليه والجنين مقدرش يتحمل حيت كان مزال ممتبتش ومشادش بلاصتو مزيااان انا معندي حتا شي علاقة  حيت اصلا الجنين كان مات قبل متوصلها المستشفى- اوديب حس بلسانو ثقال عليه وعجز على الكلام  جهدو قدر ينطق بكلمة وحدة : كتكذب - الطبيب : معنديش لاش نكذب عليك اولدي رااهاا مرتك الداخل وراها فايقة تقدر تسولها لمتيقتنيش - اوديب دفع الطبيب من قبالتو وفتح الباب دخل عندها رناد وروح غااشافوه وشافو حالتو عرفوه غادي يكون عرف غير من دوك النظرات  لكان يدير فروح  - اوديب : (بهذوء) رناد نوضي تهزي خرجي - رناد شافت فروح وناضت حنات راسها وخرجت اما هو قرب بشوية لجيهة روح لكانو كاع تعابير وجها كيدلو على خوفها جر كورسي قبالتها قلبو بالمقلوب وكلس عليه ومتكي وجهو على يديه كيشوف فيها وهي قليل فاش كتهز عينيها فيه وملي كتشوف نظراتو كتخاف و كترجع تهبطهم  هدر اوديب بهمس وبكل تهدئة : كنتي ديجا ناوية تجهضي - شافت فيه وحنات راسها كان هاذ التصرف لدارتو روح بمثابة جواب الأوديب  وشي لاكد ليه كلام الطبيب عض على فمو حتا بغى يتقطع فيه الدم وعم السكوت لمدة وجيزة من الوقت عاد كسر هو هاذ الصمت ونطق ببرودة دم عكس النار لشاعلة فيه من الداخل عكس البركان لقريب الهيجااان نطق بكلمة وحدة ساهلة بالنسبة ليه هو لكن جوابها بالنسبة لروح صعيب وصعيب بزااااف

اوديب :(ببرودة) علاش - هزت فيه عينيها ملي سمعاتو اش كال ولات هبطتهم فمها كيرجف من كثرة الخوف مقادة تكول والو قبيلة مكانتش خايفة ملي كالت الطبيب موافقة لكن دابا ملي شافت حالة اوديب عرفت راسها قفرتها سيغتو. وانها عارفة من مور هاذ الهدوء والبروودة ديالو كيجي من موراها التسوناامي ولات حافظااه ماا عارفة راه كيدير ليها غير هذوء ماقبل العاصفة  فعز تفكيرها باشنو تجاوبو وشنو تبريربها وتفسيرها لهاذ الشي قفزها صوتو للمرة الثانية صوتو لكان نوعا ما هاذئ لكان فيه نبرة من القصوحية - اوديب :(تحت سنانو) سولتك.. كتليك علاااااش - روح: ( كتمتم ) احم احم ام ام - اوديب :(مزير على فكو ) بلا متبقاااي تمتمي عليااا سولتك سوؤال واضح كتليك علااااااش - روح: ( تشجعت ونطقت ) حيت مكنتش بااااغااا - اوديب: مكنتيش باااغاا اممممم مزيااان ... وعلاش مكنتيش باغااا امداام - روح:حيت .. حيت ...- اوديب غوت بجهد حتا قفزها : حيت اش ... نطقي حيت اش اروح حيت اش - روح: ( غلبو عليها الدموع) هئ هئ هئ حيت ..حيت مزالني صغيرة مبغيتش نولد دابااا ... حيت مغااديش نقدر على مسؤوليتو هئ هئ هئ هئ حيت
حيت مكنتش نقدر نربيه هئ هئ هئ - اوديب :(صعر ) وااااش كتسطاي عليااا اروح اااا؟ واش كتسطاااي على دين مي اااااا؟ واش تقاسيتي فعقلك ولاااا مالك كيفاااش مزالك صغيرة وكيفاش متقدريش تربيه   - روح: عئ هئ هئ هئ هاذ الشي لكااين ااوديب.  مغاااديش نقدر عليه وزيدون انا مزال باغاا نقرا مبغيتش الولاد دابااا مزااال صغيرة بزااااف بغيت نحيدو حيت مبغيتش نولي ام فهاذ اللاج بغيت حتا نزيد نكبر شوية هئ هئ هئ - اوديب :( ضرب واحد الطابلة برجليه) واش عارفة راسك اش كتكولي ولاا لا ااااا واش عارفة راسك اش كتخرجي على فمك ااا؟ روح شوفي نكوليك راااه صبري تقااداااا باااح صافي مبقى عندي فين نزيد - روح: هئ هئ هئ هي انا هاذ الشي لدرت هو لصحيح معدنا منديرو بالولاد داباا اا حيت كون ولدت مكنتيش  غادي تقبل تخليني نمشي نكمل قرايتي كنتي غادي تكولي بقااي وقابلي ولدك ....