بدايه جديده

بدايه سنه جديده 🌻

٢٠١٩ ....
كانت اسوء سنه عدت عليا ف حياتي ، كانت اكتر سنه كسرت قلبي و كسرت بخاطري ..
كانت اكتر سنه مخيبه للأمال و مكسره في أحلامي ..
كانت اكتر خليتني واحده تانيه كانت موتت حجات كتييير اوووووي فيا كنت جسد من غير روح خدت قرارت كتيييير اوووي في حياتي غلط وكان عندي لامبالاه وتعبت ناس حواليا وهديت علاقات كتيير اووووي في حياتي وغيرت حياتي بمعني كلمه بقيت شخصيه غير الاول بس بحمد ربنا اني داخله دلوقتي سنه جديده وانا نهيت كل حاجه قبل سنه ماتبدا عشان خلاص هبدا سنه ديه باامل وحياه وحب وكل حاجه حلوه حواليا هبدأ وانا حبيبه جديده وتفكير جديد وكل حاجه جديده.....
كانت اكتر سنه سابت وجع و حزن في قلبي ..
اكتر سنه خساره الناس فيها زعلتني لانهم كانوا قريبين مني و من قلبي ..  و في منهم ناس عمري ما كنت احب اخسرهم او انهم يطلعوا برا حياتي ..
أخدت صدمات فيها تكفيني سنين قدام ..
اكتر سنه اثرت فيا و اثرت ف شخصيتي ..
لو هتكلم عن كم الحزن الي سابته ف قلبي مش هقدر ابطل كلام !!
كانت اكتر سنه مكنتش عارفه اعديها ولا اكون كويسه فيها و بتمني تخلص ف اسرع وقت
و معدتهاش الا بسبب الكام حد اللي كانوا واقفين جمبي و لولا وجودهم ما كنت هعرف اصبر ولا اقف زي الجبل مكاني متهدش .. ف الحمدلله عليهم نعمه ..
بس في نفس الوقت الحمدلله ربنا كان كارمني بالسيره الحلوه وسط الناس ..
ربنا كرمني فيها بقدره الصبر و التحمل و قدره التصرف وسط مليون موقف وحش ..
عرفت ناس جديده فيه منهم الوحش بس ربنا كرمني بالكويس اكتر ..
السنه دي علمتني دروس لو فضلت طول عمري مكنتش هتعلمها .. غيرت شخصيتي ٣٦٠ درجة حرفيًا
عقلتني و كبرتني و خلتني اكبر بكتير مما كنت عليه .. اه وجعتني  و زعلتني و كسرتني و هدت ف حيلي ... بس ربنا كرمني فيها بحاجات اكتر اشكره عليها .. و ربنا بيداوي وجع الايام دايماً بالوقت 🖤🖤

سنه عدت بالوحش و الحلو اللي فيها و اتمني اللي جايه تكون خير علي الكل ♥️

*@حبيبه_المعتز_بالله*✍🏼🤝🏼💜