بدايه جديده

♕النقاب هو تاج العفه👑

لو عايزه تلبسي النقاب
اقرآي الكلام ده وركزي فيه👇🌸
اسمعي الكلام اللي هقوله بقلبك
مش قرأيه وخلاص وتركزي فيه كويس..
لعلك ترتدي النقاب❤

نبدا🌸
-ايه عذرك عشان مش تلبسي النقاب ها ردي..
هتقولي اسباب كتير اولهم اهلي...
طب اهلك دول يوم القيامه هايكون معاكي
ولا هيفروا منك امام ربنا يوم القيامه...تخيلي نفسك موتي وواقفه قدام ربنا هتقوليله معلش اصلي اهلي كانوا ضاغطين عليا ومعرفتش اعمل حاجه وسكت ورجعت في رايي باني البس النقاب صح.. تخيلي كده معايا وردي مابينك ومابين نفسك..🌸
                         .............
ممكن تقوليلي عذرك التاني ايه هو...
هتقوليلي اصلي مش ملتزمه لدرجه اللي تخليني البس النقاب وخايفه معرفش احافظ عليه..😭

براحه كده خايفه من ايه...خايفه انك مش تلتزمي...فيه بنات مش منتظمه في الصلاه فيه بنات لسه بتسمع اغاني💔 لكن لما لبست النقاب التزموا اكبر دليل علي كده..واحده كنت متابعاها علي الفيس ومكنتش ملتزمه ولما لبست النقاب كانت خايفه في شهر واحد رجعت كلمتني بتقولي انها مسحت الاغاني كلها وبقت تسمع قرأن وانتظمت في الصلاه وبتروح المسجد عشان تحفظ..انتي متخيله🌸
هي كانت خايفه نفس خوفك من انها مش تلتزم وان يشاء الله يمن الله عليها بالهدايا وسماع القرأن وحفظه شوفتي جمال احلي من كده🌸
                         ...............
ايه عذرك التاني...
هتقولي اصلي عندي جيوب انفيه ومش هعرف اتنفس..

يااااه ياشيخه البنات كلهم عندهم جيوب انفيه ومع ذلك لبسينه❤وانا عندي جيوب انفيه بتوصل للصداع ووجع عيني🌸طب تعرفي بقا الهوا اللي بيدخل للمنتقبه بيكون نقي من التراب يابتاعه الجيوب الانفيه انتي😂😂
                   ...............
اظن كفايه لحد هنا اعذار✋ اسمعي القصه دي جاتلي علي الماسنجر من واحده بتقول..
السلام عليكم يااميره..
معلش هحكي قصتي ويارب تشوفيها واحاول اختصر علي قد مااقدر...انا اهلي مش ملتزمين بس حبيت المنتقبات من صورهم وقد ايه ممكن اتغير لو لبسته المهم فضلت سنه ونص اقنع في اهلي عشان النقاب بس موافقوش قالولي لما تتخطبي انا سكت ووافقت معرفش ازاي يعني انا كنت متحمسه اني هلبس النقاب يعني هلبسه وفجاه ارجع في رأيي وانا عارفه ان الشيطان هو اللي رجعني عن رايي بس انا كنت ضعيفه ساعتها ورجعت عن رايي يااميره💔
المهم اتقدملي عريس مكنش ملتزم خالص بس كان متعلم ومهندس واهلي قالولي وافقي بيه رغم اني كنت عايزه واحد ملتزم بس سكت ووافقت عليه المهم جه وقت اتكلم معاه واقوله علي حكايه النقاب بس اهلي ساعتها ضربوني وقالولي اياكي تكلميه علي حكايه النقاب لما تتجوزي قوليله وفعلا وافقت يااميره وسكت اتجوزت وخلاص جيت بقا اتكلم معاه وحطه امل انه هيوافق وكان رده..(بعد ما تخلفي عشان مش يلخمك في العيال وتربيتهم)💔..سكت ووافقت ولدت ومعايا احمد ومنه دلوقت خلاص هاجي اتكلم مع جوزي تاني المهم معرفتش اكلمه لانه جاله شغل برا مصر استنيت شويه واخدت العيال معايا ورحنا له وعندي امل ويقين انه هيوافق وكان رده..(نقاب ايه وزفت ايه اياكي تتكلمي علي النقاب تاني فاهمه والا نطلق وكل واحد يروح لحاله بس عيالك عمرك ما هتشوفيهم تاني فاهمه)💔
انا بقالي دلوقت 10سنين بعافر عشان البسه وعندي امل ان جوزي اكلمه ويوافق انا سكت كتتتتير اوي يااميره علي امل اني البسه فيه بنات خايفه يااميره تلبسه بحجه الاهل عايزه بس اقولهم انهم ميسمعوش اهليهم صدقيني هتندمي لو عملتي زيي وخليها وقت الخطوبه ولا الجواز وياسلام تاخدي واحد مش ملتزم ومتسالهوش هو بيحب النقاب ولا لاه ويخذلك وبعد الجواز يقولك نقاب لاه💔 بالله عليكم يابنات فوقوا بالله متعملوش زي ماعملت وسمعت كلام الشيطان ليا بحجه الاهل ومش عارفه ايه تاني هتلبسي النقاب عافري بس بكل قوه اطلبي من ربنا انه يعينك واتعرفي علي صحبه صالحه تاخد بايدك انا ملقتش حد ساعتها يوقف معايا بس بالله عليكي حاولي وعافري والبسي النقاب عشان يجي العريس الصالح اللي يخاف عليكي...ادعولي جوزي يوافق يااميره...
                   ...............
ندخل في الجد...هترجعي وتكلمي اهلك تاني..مش هيوافقوا اعملي اللي هكتبه تحت...👇