بدايه جديده

هنتغير يعني هنتغير ☺️♥

كتير جدًا من البنات بتلتزم والإلتزام بيكون عبارة عن ترك أغاني وتبدلها بأناشيد بموسيقى والموسيقى حرام 🤷🏻‍♀ وبجانب الأناشيد تترك البناطيل وتبدلها بزي واسع لكن مش زي شرعي  وروايات *إسلامية* وإلتزام بالصلوات وتعاهد قرأة القرءان وممكن منهم ربنا يوفقها لحضور مجال العلم وده أفضل شيء لأنها هناك في المجالس دي هتعرف الصح م الغلط يعني الحلال من الحرام يعني هتلتزم صح لأن الإلتزام مش مجرد زي ولا قرءان لا إلتزام يعني ألتزم بما أمر به الله وبما نهى عنه الله ورسوله صلى الله عليه وسلم …
"وده شيء جميل جدًا جدًا"
ولكن سرعان ما تتفلت بعض الأخوات ..

"اسأل الله أن يثبتنا جميعًا ويثبت قلوبنا يا رب" 
في حاجات كتير وعوامل كتير أوي سبب في عدم ثباتها ومن رؤيتي أن الروايات سبب وسبب كبير جدًا جدًا
وده سبب من أسباب كتير جدًا جدًا خاصة في الزمن اللي أحنا فيه ..
اللي كثر فيه الملهيات بس ظاهر الملهيات دي أنها شرعية وتمام جدًا
طب ده بيحصل ازاي ؟!🤔
ازاي الروايات سبب ..
هقولك والكلام اللي هقوله أنا تعايشته شخصيًا وشوفته في غيري ..
مش بنات بس بل متزوجات ..
"علشان اعرف ديني"
الجملة المشهورة اللي بتتقال لما بتسأل حد أو المبرر  !!
وقولنا ان دي مش مصدر تاخدي منه دينك أصلا🙄
وفي الحقيقة أن الروايات دي سبب في نقص إيمانك  !

اه سبب في نقص إيمانك والله ..

معظمنا بيلتزم وعاوز إيمانه يزيد ومستحيييييل الرواية ما هتزود إيمانك بل هتنقصه ..

*الحياء*
الرسول صلى الله عليه وسلم قال أن الحياااء شعبة من شعب من الإيمان وقال أن الحياء كله خير

الإيمان اللي أنتِ بتسعي أنك تزوديه في قلبك وأنه يعلى في قلبك
الحياء من الإيمان ..
ممكن واحدة تسأل ايه علاقة الرواية بالحياء والرغي ده كله  ؟ 🤔
هقولك ده علاقته ايه بـ ده
لما تكون رواية إسلامية زي ما بيقولوا ويكون مكتوب فيها "وذهب بها إلى غرفة النوم  ..  وكنت تضع يديها على لحيته ومش عارفة ايه .. وخطف منه قبلة و و و" 
وما شاء الله بيكون فيه وصف دقيق للملتحي ..
تيجي الأخت تقرأ الكلام دا تتطلع أنها يحصل معاها كده لأنها في الأصل أنثى والأصل فيها أنها تميل للرجل والرجل يميل لها واللي بتقرأ الرواية دي مش حجر ولا حاجة دي جواها مشاعر وبتبقى عاوزة تخرجها ..
تيجي تقرأ الكلام ده مش بس بيحرك مشاعرها ده بيخلي مشاعرها تشتعل 💔✋🏻
وتتطلع أنها عاوزة يحصل معاها كده .. أو أنها تُطلق بصرها على الرجااال الملتحيين وتبدأ تتأمل ونقطة إطلاق البصر دي مش هينة ..
وقولنا قبل كده عواقب اطلاق البصر الوخيمة وكفاية العواقب اللي بتلاقيها في قلبها من انتكاسات ..

هل بقى الرواية زادت ايمانها ؟
دي خلتها تقع في معاصي بل وكبائر ..
لأن المعاصي بتؤدي بالعبد للوقوع في الكبائر وتيقني ان الشيطان مش عايزك تعملي ذنب كبير مرة واحدة لا دا بيستدرجك لذنب صغير جدا يكاد ميكونش ذنب وبعد كدا يبدأ يحلي في نظرك وهكذا لحد مايستدرجك ..
لما الأخت تدخل على إيميلات الرجااال الملتحيين وتبص على ده وتبص على ده وتنزل صور لـ ده وتعجب بـ ده و تعمل لايك لـ ده وكومنت على بروفايل ده وجمبه قلب خلو كده لونه بينك ولا مش عارفة ايه ..
هو ده يبقى حيااااء  !!!

ومش بيقف لحد اللايك أو الكومنت ✋🏻
فاتقِ الله في نفسك واتقِ الله قلبك وحافظي على نفسك من الفتن واعتصمي بحبل الله ..
أنا مش جاية اقولك الكلمتين دول وخلاص أنا جاية اقولك علشان تاخدي بالك من الوحل اللي وقعتيه فيه وأنتِ مش واخدة بالك جاية اقولك أن اللي هيزود ايمانك هو العلم عن الله والعلم بأسمائه وصفاته والعلم بالقراءن وسنة النبي صلى الله عليه وسلم ..
جاية اقولك أن الروايات دمااار لقلبك وحياااتك وكثير كثير جدًا انتكسوا بسببها لأنها مش عارفة ايه اللي بيحصل ولا هي واخدة بالها من التدمير الهفي اللي بيحصل بداخلها وهي مش واخدة بالها ..
أخت متزوجة و والله قالتلي أن هي كانت بتقرأها من حوالي سنة وبفضل الله بطلتها قالتلي أنها أما كانت بتقرأها وكانت تشوف زوجها يدخل عليها كانت متبقاش طيقاه ✋🏻

بسبب أن هي خلاص مش هي بس لا ده كتير أوي
مبتبقاش شايفة غير البطل الوهمي المزيف ..
أكيد دلوقتي عرفتي الروايات دي زي ايه بالظبط👌🏻
المسلسلات  !!
عارفينها  !!
اللي كتير من الأخوات بيبطلها لما بتلتزم وتغض بصرها ..
دي بقى مسلسلات تؤثر أكثر من المسلسلات الدرامية الفاسدة 👌🏻
اللي ليل نهار بيحاربوا الله ورسوله وبيحاربوا الدين وفي مسلسلات بتدخل تحت بند برضو الاسلام زي المسلسلات الاسلاميه) وهنتكلم بعدين عن المسلسلات اللي ببضحكوا بيها ع عقول الملتزمات الجدد✋🏻
ومن أكبر العواقب الوخيمة الفاسدة اللي بتسببها الروايات ..

تضيع الوقت💔
وايه المشكلة ماانا عندي وقت فراغ ..
وقت الفراغ دا مبيحلاش الا للروايه !!😅
راجعي نفسك في حالك بالقرءان
راجعي نفسك في الذكر ..

عندك استعداد تقعدي بالسااااعاااات أمام الرواية لكن متقعديش ربع ساعة للذكر أو نص ساعة للقرءان فوقي قبل فوااات الاوان 🌻
ومش معني انك عاملتي حجات كتييير غلط يبقي ربنا مش بيحبك حطي دايما في بالك انوه ربنا موجود وهو الواحيد الي بيستقبلك بحزنك وسعادتك وكسرتك والمك والي بيسمعك وبيخفف الم قلبك وطالما انتي ندمتي ورجعتي ديه خطوه كويسه ارجعي لربنا وتوبي توبه نصوحه هتبولي توبت ورجعت تاني هقولك توبي واستغفري وارجعي تاني وجاهدي نفسك ياحوريتي ♥...