بدايه جديده

قصه

+هااا إيه رأيك بقى في العريس

_ والله يا ماما مش مرتاحة

+ إزاي بس دا زي ما أنتِ عاوزة ملتزم وبلحيه وما شاء الله بيشتغل في شركة كويسة وهيعيشك أحسن عيشه أنتِ هتفضلي لحد أمتي تطبطري على النعمة ؟

_ بس أنا يا ماما مكنتش مرتاحة وأنا قاعدة معاه كنت حسه بقبضة في قلبي
أنا مش هتجوز غير ما أكون مرتاحة ومتفاهمة مع الشخص اللي هتجوزه
بعد إذنك يا ماما هروح أصلي العشا

سبتها وهي بتقول:+ أنا مش عارفه أنتِ معملك عمل ولا في إيه ربنا يهديكِ يا بنتي

صليت استخارة كمان علشان مظلمش الشخص اللي اتقدملي

قبل ما أدخل أنام فتحت بالصدفة ماسنجر وضغط بالغلط على رسايل ال others اللي مش بفتحها خالص

جذبت انتباهي رسالةة مكتوب فيها
" أنا اتقدمتلك أكتر من مرة ......
فتحت الرسالة أشوف تكملتها إيه

" أنا اتقدمتلك أكثر من مرة ووالدك رافضني أنا عارف رفضني ليه بس أنا والله والله بحفرت في الصخر علشان أكون نفسي وأقدر أجي أتقدملك بس هو مع ذلك رافض
ممكن تقولي عندي جبلة ومش بحس إزاي اترفض مرة واتقدم تاني ،وإزاي ابعتلك رسالة أنا فعلًا أسف على الرسالة بس مكنش فيه حل تاني علشان أطلب منك تساعديني
خلِ والدك بس يديني فرصة واحدة
وأنا آسف كمان مرة على الرسالة     سلام "

كان بأكونت فيك ومعرفتش هو مين بس حسيت بدق في قلبي مش طبيعي أنا دايمًا كنت بحس إن أي رسالة فيها كذب وخداع ماعدا الرسالة دي حسيت فيها إن الكلام طالع من القلب مش مجرد كلام مكتوب

حاولت أكذب أحساسي دا وإن أكيد والدي رافضة علشان فيه صفة مش كويس أكيد مش علشان الفلوس

نمت وصحيت الصبح لقيت رسالة من منه

# هاجر في رسالة وصلتك من كام أسبوع شوفتيها امبارح صح

_ دا أنتِ ؟! بتشتغليني يا زفته طب صبرك عليا لما أشوفك

# لا اصبري بس مش أنا بس فى رسالة وصلتني إن أنتِ قرأتي رسالة امبارح كانت مبعوتالك من أسبوع وصاحب الرسالة بيقولك ممكن تساعديه والله والله هو عاوز الحلال وملهوش في اللف ولا الدوران وهو عمل المستحيل مع باباكِ علشان يوافق حتى تقعدي معاه مرة واحدة وباباكِ بيرفض من برة برة

_ بابا أكيد شايف الصح وطلما رافضة يبقى علشان مش شايفه مناسب ليا

# أقولك حاجة ومتزعليش

_ هااا عارفة هو مين ؟!

# لا معرفش بس هو قال إن والدك رافضة
علشان شايف إنه مش هيقدر يعيشك كويس ومش هقدر يصرف عليكِ زي ما والدك بيصرف عليكِ

_ لا يا منه متقوليش كدا أكيد والدي مش هيفكر بالطريقة دي
وهو أصلًا إزاي يتهم بابايا الإتهام دا دا شخص مش كويس والحمد لله إنه اترفض