بدايه جديده

الصحبه الصالحه ♥

أنت لما بتدخل أوضة مظلمة بتقعد تتحسس بإيدك ناحية زر النور 🔌

اللحظة اللي إصبعك بيلمس فيها زر النور

الأوضة كلها بتنور 💡

✔️النور بييجي لما الأوضة كلها بتنور كل حاجة بتبقى واضحة

الشاب اللي في حياته صحبة صالحة وصحبة سوء وهو مذبذب بين الإثنين 💔

أمشي مع صاحبي ده ولا صاحبي ده❓

أصدق الشيخ ده ولا الشيخ ده ❓

أصدق اللي كان ملتحي ولا اللي كان بدوجلاس؟

💭المشكلتين متعلقين ببعض و أوجدوا ذبذبة جوه صدور الشباب👌

🔖النموذج المحتار ده

-ساعات تلاقيه قمة الالتزام والتدين🔝

-وساعات تلاقيه أبعد ما يكون عن ربنا❌

-وساعات تلاقيه عايش في صراع

عامل زي اللي ماسك مسمار وبيدق على دماغه ويصرخ 🗣

🤛طب ما تشيل المسمار عن نفسك

أنت اللي معذب نفسك ‼️

الحذاء بتاعي لو اتوسخ بلمعه لو اتقطع بشوف غيره

طب أنا قلبي ده ممكن يكون الإيمان اهترأ جواه وأنا ما بفكرش فيه !!

يا ابني شوف النور بييجي ازاي👊

💉كل درس ديني كأنه حقنة نور في القلب💡

ربنا بيقول :
{وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ}

يعني أكثر حاجة ضيعتنا إن احنا ما سمعناش للي بيهدينا الطريق 🛣

عشان كده ربنا سبحانه وتعالى قال :
{حَتَّىٰ إِذَا مَا جَاءُوهَا شَهِدَ عَلَيْهِمْ سَمْعُهُمْ وَأَبْصَارُهُمْ وَجُلُودُهُم بِمَا كَانُوا يَعْمَلُونَ}

أول حاجة هتشهد عليك يوم القيامة أذنك✋
على حسب اللي أنت اديته ودنك

أنت واخذ خط سير في حياتك شكله إيه؟!
أنت محدد طريقك ولا لأ ؟

  #صاحبك_ممكن_يضيعك 💯

أنا عايزك تسأل نفسك 👇
صاحبك بتاع المخدارات ليه بيعزم عليك بحشيش و مبيعزمش عليك بأكل ولا برحلة على حسابه ⁉️

ليه بيعزم عليك الحاجة اللي ضاع فيها إلا لو عايز يضيعك معاه 🚫

يبقى أنت متوّه نفسك ليه ؟👊

الدنيا واضحة مين اللي بيحبك ومين بيكرهك!! مين عدوك ومين حبيبك !!

حط نفسك وسط بيئة إيمانية ناس بتحبك بجد 👌

ثاني حاجة شوف الكلام اللي بيتقال لك و افتح الكتاب والسنة 📖

✏️عايزين نفكر شوية.. عايزين نخاف على ديننا شوية ✔️
#الشيخ_حازم_شومان 🌸