بدايه جديده

فوقوا قبل فوات آوان 💔

على فكرة شافك .. وشافها💙.

شافَك لما كنت ماشي في الشارع وسمعت الأذان .. وكملت طريقك عادي كإنوا مفيش أي حاجة حصلت .. وكأن الأذان ده لشوية شباب غيرك وكم راجل كبير في السن وبس💙

شافِك لما عليتي صوتك على امك وبررتي لنفسك وقولتي ماهي ال بتستفزني !💙

شافَك لما أخدتها في مكان مفيهوش ناس .. وسمحت لنفسك إنك تلمسها وتاخد حاجة ماينفع تكون إلا لزوجها !💙

شافِك لما قررتي تلبسي ضيق وقصير ولما تحسي بالذنب فوراً تبرري لنفسك وتقولي ماكل البنات بيلبسوا كده💙

وشافِك لما بدلتي خمارك الطويل بالطرحة القصيرة💙!

شافَك لما استنيت أهلك كلهم طلعوا .. وقومت جريت على أوضتك وفتحت موقع إباحي وبدأت تتفرج على فيديو ورا التاني 💙

شافِك وإنتِ ملتزمة وجميلة كدة ظاهرياً .. بس أول ما تعرفي إن واحدة أذنبت تقعدي تتكلمي عليها وتستهزأي على ذنبها .. وكإنك عمرك ما أذنبتي إنتِ كمان ! 💙

شافَك لما قعدت تكلمها طول الليل في كلام تستحي إنك تسمع راجل بيقولو لزوجته .. وهي استمرت معاك في الكلام علشان خايفة على زعلك 💙

شافَك .. وشافها .. وشافنا كلنا وإحنا بنعمل الـ بيغضبه

شافنا وإحنا بنطبق كل حرف في الآية دي ؛

" يَسْتَخْفُونَ مِنَ النَّاسِ وَلَا يَسْتَخْفُونَ مِنَ اللَّهِ وَهُوَ مَعَهُمْ "

شافنا وإحنا بنستخبى من البشر .. بس بنعمل كل حرام أمام رب البشر

شافنا .. ومع ذلك بيغفر وبيسامح💙
شافنا .. بس لسة عندنا فرصة إننا نتوب ونرجع💙

ياترى جا الوقت ال هنصحى فيهو ؟ ولا هنفضل مكملين لحد ما نلاقينا واقفين نتحاسب وما عارفين نتكلم💙.
محتاجين بجد نصحى من الغيبوبة دي💙

دمتم بخير💙