بدايه جديده

الخمار♕♡

البنوتات اللي بتدايق مني أن انا كل شوية بتكلم عن المنتقبات 😂😂😂♥️👊🏻
يالا يا مختمرة ها مش مخمرة..!
اقرأي وأن شاء الله هتكوني منتقبة يا حجة 😂😂😂♥️
الخِمار ❤️.
بنات كتير نفسها تاخد خطوة وتلبسهُ لكن بتخاف وبتحتاج اللي حواليها يشجعوها !
بس ف الحقيقة انتي مش محتاجة كل دة انتي بس محتاجة تعرفي هتلبسي الخمار ليه ؟

لو اجابتك انك هتلبسيه لأنه فَرض كما الصلاه بظبط علينا فرض لان ربنا سبحانه وتعالىٰ قال في سورة النور:
(وليضربن بخُمرهن علىٰ چيوبهن)
..يعني هتلبسيه عشان ترضي ربنا ومش ترضي الناس
يبقي بفضل الله انتي مش محتاجة تشجيع ومش محتاجة كلام الناس في شئ ان شاء الله

والحجاب الشرعي اللي هو الخمار فرض ع كل مسلمة من سِن البلوغ..بمعني ان حجة انا لسه صغيرة والكلام دة سيبك منه ياختي ومفيش مانع انك تعيشي سنك بس عيشه ترضي الله عز وچل ❤️.

يكفي انك لما تختمري ان شاء الله هتمشي ف الشارع هتحسي انك مميزة ف وسط مليون بنت لابسه ضيق ومتزينه وملفتة واللي مبينه شعرها وانتي اللهم بارِك ماشية تشبهي الوردة الحيية المتعففة مايهمكيش نظرات اعجاب الشباب اللي هتقل طبعاً لكن هيهمك رضا الله عنك ٬ كوني مختلفة كوني غريبة ..فطوبىٰ للغُربَاء.

وطبعاً هتقابلي كلام يحبطك زي ايه ضاه الخمار والطرحة الطويلة مكبراكي اوي فا انتي تردي بكل ثقة تقوليلها اها مخليني كبيرة لكن عند ربنا والحمد لله❤️ .
وهتقابلي كلام يشجعك هتلاقي بنات كتير اخدتك قُدوة وهتقلدك ودة لو تعلمين له أجر عظيم بإذن الله❤️

هتقابلي ربنا لوحدك مش بكلام الناس محدش هيفيدك يوم القيامة ولا هينجيكي غير ربنا اللي هيرضي عنك بإذن الله❤️

ها يا ترى اللي لابسة طرحة هتروح تقول لمامتها عايزة اشتري خمار😂😂♥️
مهو تدريج كدة البسي خمار وأن شاء الله ربنا يهديكي وتلبسي النقاب
لحظة 🙊♥️
انا أولت الله يهديكي
صح؟.. صح
انا قصدي طريق الهداية من عند الله وأنه يهدينا الي الصراط المستقيم
مش قصدي انك مجنونة يعني 😂😂😂♥️♥️
ㅤ
‏المؤمنة إن اعتزت بإيمانها وعفَّتها ، ربحت الدُّنيا والدِّين معًا ، وإن خدعها مشروع التَّغريب فلن تضر اللَّـه شيئًا ، وسينتصر الدِّين بدونها ، وستتحسر حين يفوتها أجور الصَّبر.

🎀 دينكِ هو طوق النَّجاة فتمسكي به كي لا تغرفكِ الدُّنيا بالمعاصي 🎀