Chanyeol ပုံစံက အရမ်းကို ပျင်းရိပျင်းတွဲ နိုင်နေသည်။
”မပြီးသေးဘူးလားဗျာ ”
”သူဌေးက ကလေးတွေကို လိုက်ကြည့်နေတယ်
အလှူငွေ နဲ့ လိုအပ်တာတွေ ထောက်ပံ့ရေးမလို့ အားလုံးကို လိုက်ကြည့်ဦးမှာ ”
လက်ထောက်ကင် ပြန်ဖြေလာတဲ့ အဖြေကြောင့်
ဟင်း ခနဲ နှာခေါင်းက လေမှုတ်ထားကာ
ဧည့်ခံထားတဲ့ ဘီစကွတ်ကို ဂျိုးဂျိုးဂျွတ်ဂျွတ် မြည်တဲ့အထိ ဝါးစားလာသည်။
ဂေဟာကို ပတ်ကြည့်ဖို့ Byun ခေါ်ပေမဲ့ နဂိုအပျင်းတက်နေတဲ့ ကောင်လေးက နေခဲ့မယ်ပဲ ။
ကျောင်းအုပ် မာသာကြီးရဲ့ အခန်းမှာ နေခိုင်းပြီး လက်ထောက်ကင်ကို အဖော်အဖြစ် ထားပေးသွားကာ Byun ကတော့ ကုမ္ပဏီ အကြီးအကဲ အချို့နဲ့ ထွက်သွား၏ ။
ရောက်တာ ငါးမိနစ်လောက်ပဲ ရှိသေးပေမဲ့ အစထဲက မလာချင်တဲ့လူမလို့ Chanyeol မျက်နှာက အိုစာနေသည်။
သူဌေးရဲ့ အလိုလိုက်ခံလေးမလို့ ဆိုးသွမ်းနေတဲ့ ChanYeol ကို ကြည့်ပြီး လက်ထောက်ကင်ခမျာ စိတ်ပျက်လက်ပျက် ပင် ဖြစ်လာသည်။
”လက်ထောက်ကင်! ”
ပန်းကန်ထဲက စိတ်ကြိုက်မုန့်တွေကို ရွေးစားနေရင်းနဲ့ Chanyeol လက်ထောက်ကင်ကို မော့မကြည့်ဘဲ ခေါ်လာသည်။
”ကျွန်တော် မိန်းကလေးဂါဝန်ဝတ်တာ အရမ်းဆိုးရွားလို့လား
တော်တော် မလိုက်ဖက်တာလား ”
စစချင်း Chanyeol ပြောထဲက လက်ထောက်ကင်ခမျာ အတန်တန် ငြင်းခဲ့တာ ...
မိန်းကလေး ဂါဝန်တိုနဲ့ Chanyeol ကို မမြင်ရသေးခင် စဥ်းစားကြည့်ရုံနဲ့တင် အိမ်မက်ဆိုးမက်သွားမှာတောင် ကြောက်ရတယ် ...
မြင်ပြီး နောက်ပိုင်းမှာတော့ သွေးလေခြောက်ချားတဲ့အထိပဲ ...
ဆံပင်အတုရယ် တိုနန့်နန့်ဂါဝန် ရယ်နဲ့
ယောကျ်ားဆန်နေတဲ့ မျက်နှာကြီးရယ် ဘယ်လိုမှကို မလိုက်ဖက်တာ ....
အဖြေမတော်ရင် Chanyeol က စိတ်ဆိုးဦးမယ် ။
အကြောင်းသိနေပြီမလို့ မသိချင်ယောင်ဆောင်ကာ ဘီစကွတ်မုန့်တွေကို တစ်ခုခုနဲ့ တစ်ခု ထပ်တိုင်း ဆော့နေမိသည်။
သတိမထားမိတဲ့ Chanyeol က သူပြောချင်ရာ ဆက်ပြောနေသည်။
”Byun ကို စချင်လို့ ဝတ်လိုက်တာကို
သူက နှလုံးရောဂါတောင် ရလိမ့်မယ် တဲ့
အမှန်ဆို.... ”
YOU ARE READING
TOGETHER FOREVER (S2of JUST) {Completed}
Fanfictionမင်းရှိမှ ငါ့ဘဝက ပြီးပြည့်စုံတဲ့ puzzal တစ်ချပ်ပဲ မင္းရွိမွ ငါ့ဘဝက ၿပီးျပည့္စုံတဲ့ puzzal တစ္ခ်ပ္ပဲ ChanBaek Saeson 2 of JUST
