ဘေးနားက ကောင်လေးက နှစ်နှစ်ခြိုက်ခြိုက်ကို အိပ်ပျော်နေစဲ...။
စောစောမထတတ်တဲ့ အဆိုးလေးမလို့ နိုးမှာလည်း မဟုတ်လောက်ဘူး...။
မှေးမှိတ်ထားတဲ့ မျက်ခွံမို့မို့... ဖြောင့်စင်းနေတဲ့ နှာတံ
နှာခေါင်းပေါ်က မှဲ့နက်သေးသေးလေး
ခပ်ထူထူ နှုတ်ခမ်း
ပြုံးလိုက်ရင် ပေါ်လာတဲ့ ကောင်ဆိုးလေးရဲ့ ပါးချိုင့်နက်နက်
အရာအားလုံးပေါ် ဖြူစင်တဲ့ ချစ်ခြင်းတို့နဲ့ သူမြတ်နိုး၏ ။
မနေနိုင်စွာ မှေးမှိတ်ထားတဲ့ မျက်ခွံမို့မို့ထက် နှုတ်ခမ်းတို့ အချိန်ကြာကြာ ဖိကပ်ထားမိသည်။
”အိပ်နေတဲ့ လူကို ခိုးနမ်းတာ ပြစ်မှုပဲနော် byunee ”
အိပ်ချင်မူးတူးနဲ့ သြရှရှအသံက နှုတ်ခမ်းတွန့်ရုံလေး ပြုံးရင်းကနေ ထွက်လာပေမဲ့
မျက်ခွံပေါ်က နူးညံ့တဲ့ အနမ်းက မဖယ်ခွာသေးပေ...။
”အဲ့လိုလား? မသိလိုက်ဘူးပဲ
ဘယ်လို ပြစ်မှုမြောက်တုန်း Chanyeol ssi ”
လက်နှစ်ဖက်ပေါ် မေးတင်ပြီး Chanyeol ကို သေချာစိုက် ကြည့်လာသည်။
”မနက်ထဲက ဘာလို့ အသည်းယားအောင် လုပ်နေတာလဲ ”
အောက်နှုတ်ခမ်းကို ခပ်သာသာကိုက်ပြီး
Baekhyun ကို အသည်းယားသလိုကို ကြည့်နေတဲ့ Chanyeol က တကယ်လည်း အူယားနေပါပြီ။
Baekhyun က မဖြေပေးဘဲ Chanyeol ကိုပဲ အချိန်တော်တော်ကြာ စိုက်ကြည့်နေပြီးတော့
”ငါ့ကောင်လေးက ဘာလို့ ဒီလောက်တောင် ချစ်ဖို့ကောင်းနေတာလဲ ဟင်?
အိပ်နေတာတောင် တစိမ့်စိမ့်ကြည့်ချင်လောက်အောင် ”
”ဟာ ဗြောင်!! ”
အိပ်နေရာကနေ Chanyeol ထထိုင်လာသည်။
”နိုးလာပြီပဲ! ”
အပြုံးသေးသေးလေးပြုံးရင်းကနေ Baekhyun လည်း ထထိုင်လာသည်။
”ပြောပါဦး... လူကို လ်ိုက်နှိုးနေတဲ့ အကြောင်းလေးကို ”
”Channie.. ”
အသံလေးလေးနဲ့ နာမည်ကို ဆွဲခေါ်လာပြီး Chanyeol နောက်ကျောပြင်ထက် ခေါင်းမှီချလာသည်။ခါးကို လက်နှစ်ဖက်နဲ့ တင်းတင်းဖက်လာပြီး ညဝတ်အင်္ကျီအမဲအောက်က ဗိုက်သားပြင်ထက် လက်နှစ်ဖက်ကို ထိုးထည့်လာ၏
ESTÁS LEYENDO
TOGETHER FOREVER (S2of JUST) {Completed}
Fanficမင်းရှိမှ ငါ့ဘဝက ပြီးပြည့်စုံတဲ့ puzzal တစ်ချပ်ပဲ မင္းရွိမွ ငါ့ဘဝက ၿပီးျပည့္စုံတဲ့ puzzal တစ္ခ်ပ္ပဲ ChanBaek Saeson 2 of JUST
