أحببت ظابط شرطة 2

الفصل الثاني

الفصل الثاني:

في فرع قوات مكافحة المخدرات،،

جميلة:تفركشوا إزاي يا بني دة الفرح خلاص آخر الاسبوع!!!

أحمد:هي قالتلي امبارح عايزة تفركش...

جميلة:طب محاولتش...قاطعها عن إكمال جملتها صوت دق علي باب المكتب يليه دخول أحد العساكر..

العسكري:سيادة المقدم أنا سِبت المتهم في مكتبك...
أرجعه الحجز تاني لحد ما تخلصي و لا إيه؟؟

أحمد:روحي شوفيه يا جميلة...

جميلة:طيب...بس لينا كلام بعد ما أخلص تحقيق معاه...
و ذهبت إلي مكتبها...
...................................
بعد ساعة و نصف،،،

في المشفي،،

خرج إياد من غرفة العمليات و خلفه كريم و هما ينزعان أقنعة الوجه المخصصة للعمليات و اتجه ناحيتهما أهل المريض القابع داخل غرفة العمليات..

إياد بنبرة عملية:متقلقوش يا جماعة هو كويس و هيتنقل أوضة عادية دلوقتي بس مش هينفع حد يدخله..لازم تعدي 24 ساعة عشان نطمن علي حالته..

سيدة ما:مش إنت قولت يا دكتور إنه كويس...ليه مش عايز حد يدخله؟؟!!

كريم:حضرتك دة إجراء روتيني عشان نتأكد إن حالته كويسة و إنه تخطي مرحلة الخطر بس مش أكتر...

السيدة:طيب ماشي...

إياد و كريم:عن إذنكوا ....و ذهبا..

كريم:لسه فاضل عملية...

إياد:اه لسه واحدة تانية..ثم قال بتذكر:ينهار مش فايت...دي شاهندة كانت كلمتني الصبح و أنا جاي و مردتش عليها..

كريم:ليه يا بني؟؟

إياد:ملحقتش أرد عليها عشان هي قفلت و لما جيت أطلبها المستشفي هنا كلموني عشان أستعجل و السكة كانت زحمة فلما وصلت دخلت أجهز عشان العملية و نسيت أكلمها خالص..

كريم:طب كلمها بئة يمكن في حاجة مهمة طالما متصلة من بدري أوي كدة...

إياد:ما أنا هتصل بيها دلوقتي...و ذهب إلي مكتبه و أمسك هاتفه ليخرج رقم شاهندة و يهاتفها...

إياد قائلا بهدوء غير متوقع العاصفة التي ستهب في وجهه بعد لحظات:ألو...أيوة يا شاهندة..إزيك..