أحببت ظابط شرطة 2

الفصل الثامن

الفصل الثامن:

شعرت جميلة بالصدمة مما قاله حسن و طلبت منه أن يقول ما قاله مرة أخري...

حسن بنفس واحد:حسام هرب م السجن يا جميلة..

جميلة بصدمة:حسن...انت متأكد م اللي بتقوله دة!!

حسن: أكيد يا جميلة... بقولك هرب و مش لاقيينه و شكله كدة هربان بقاله كذا يوم...

جميلة:إزاي دة يحصل... إزاي....ثم قالت:طب و العمل؟؟....هنعمل ايه إحنا دلوقتي؟؟؟

حسن:احنا طلعنا مجموعة تدور عليه ف مكان شقته..

جميلة مقاطعة: أكيد مش هيكون هناك...هو اه غبي بس مش للدرجة اللي تخليه يروح شقته و هو عارف إننا هندور هناك...متنساش إنه كان ظابط حضرتك...

حسن:هما فعلا ملقهوش و احنا بنشوف هنعمل إيه...

جميلة: تمام و انا هرجع اسكندرية بردو..سلام...و أنهت المكالمة..

جميلة و هي تزفر بعصبية:مكانش وقتك خالص إنت التاني هلاقيها منك و لا م العصابة الجديدة دي..

إياد بتساؤل و استغراب:في إيه يا جميلة...بتتكلمي عن مين؟؟

جميلة:حسام....البيه هرب م السجن....و معني إنه يعمل كدة إنه ناوي علي خراب و ناويلي أنا بالذات علي نية سودا..

إياد:طب و هتعملوا إيه؟؟

جميلة: معرفش.... إحنا المفروض عندنا قضية تانية و إننا نمسك عصابة كبيرة..

إياد:هيلاقوه متقلقيش...و بعدين ايه يا حضرة الظابط انتي خايفة و لا إيه؟؟

جميلة: أنا مش خايفة يا إياد...بس أنا قلقانة منه...قلقانة عليك و علي مازن...

إياد بجدية و هو يحاوط وجهها بكفيه:
- جميلة....اللي ربنا كاتب انه يحصل هيحصل ف انتي اتفائلي خير و إن شاء الله مفيش حاجة...و بعدين مش أول مرة تتحطي ف موقف زي دة..

جميلة: ربنا يستر.....

.....................................

علي طاولة الإفطار،،،

اجتمع جميع أفراد العائلة و جلسوا يتناولون طعامهم و هم يتمازحون في حين كانت جميلة تنظر أمامها بشرود...

نادية:جميلة حبيبتي مبتاكليش ليه؟؟

جميلة:لا مفيش حاجة يا ماما...ما انا باكل أهوه...

جاسر:جميلة هو في مشكلة؟؟

جميلة:مشكلة....مشكلة إيه....ربنا ما يجيب مشاكل يا جاسر....