أحببت ظابط شرطة 2

الفصل الحادي عشر

الفصل الحادي عشر:

في المساء،،،،

في منزل أسرة جميلة،،

جلست ديما و نادية و معهما سارة و زين...

سارة:مامي مازن وحشني...

نادية: وحشنا كلنا يا سارة...ربنا يحفظه و يبعد عنه كل شر..

ديما:يا رب يا طنط...

زين:مامي أنا عايز أكلم چيمي...هي أكيد زعلانة مني..

ديما:ليه يا زين؟؟

زين:لأن أنا بعدت عن مازن يومها و سيبته لوحده..

نادية:لا يا حبيبي دة مش بسببك و لا حاجة....

زين:لا يا تيتا... أنا...و لم يكمل جملته حيث قاطعه دخول جميلة و هي تلقي عليهم التحية...

جميلة:إزيكوا يا جماعة..

الجميع:تمام الحمدلله..

نادية:ها في أخبار يا بنتي؟؟

جميلة:لا يا ماما لسه....بس إحنا مش ساكتين ف الإدارة..إن شاء الله نوصل لمازن بس و كله يتحل بعدها...

ديما:ربنا معاكوا...

جميلة:زين... إنت ساكت ليه؟؟...تعالي...فذهب إليها زين و هو مطأطئ رأسه...

جميلة:مالك في إيه؟؟

لم يرد عليها زين بل ظل ينظر للأرض...

سارة:أصل يا چيمي هو زعلان عشان بيقول إن هو السبب ف اللي حصل لمازن...

أغمضت جميلة عينيها و اعتصرتهما بقوة و أخذت نفس عميق ثم فتحت عينيها و نظرت لزين و قالت و هي تمسح علي شعره:

-ليه بتقول كدة يا زين؟؟

زين بصوت مختنق:لأن أنا لو مكنتش مشيت مكانش هيحصل كدة و مازن كان هيبقي معانا دلوقتي.. أنا السبب ف اللي حصل يا چيمي...

جميلة و هي تضمه إلي صدرها:هششش..بس يا زين..متعيطش يا حبيبي.... إنت مش السبب ف حاجة...دة قدر يا زين...و بعدين لو إنت كنت معاه كان ممكن ياخدوك إنت كمان...

زين:بس إنتي زعلانة مني..

جميلة و هي تمسح دموعه:و مين بئة اللي قالك إني زعلانة منك...دة واحد أهبل صح اللي قال كدة..

زين:يعني إنتي مش زعلانة مني..

جميلة:ما قولتلك لا يا زين...هزعل منك ليه يا حبيبي...بلاش عياط بس...و بلاش تضايق ماشي..

سارة:طب هو مازن هيرجع امتي... دة وحشني يا چيمي...

جميلة:هيرجع يا سارة إن شاء الله...قريب يا حبيبتي.. أنا همشي بئة...سلام.....و رحلت....