أحببت ظابط شرطة 2

الفصل الخامس

الفصل الخامس:

وصل الجميع إلي قاعة الزفاف و دخل العروسان يتبعهما ناريمان و ماجدة و إياد و زوجته و طفلهما و عندما دخلوا من باب الفندق وجدوا والد شاهندة في انتظارهم و معه والد أحمد و بهجت...

ركض مازن ناحية جده و هو يقول:جدووو...إزيك..

بهجت:أهلا يا أستاذ مازن...إزيك يا جميلة..

جميلة:كويسة يا عمو الحمدلله..

إياد بمزاح:إيه يا بابا..هو أنا خيال مآتة و لا إيه؟؟

بهجت:بسلم علي حفيدي و مرات ابني الأول...

إياد:ايه التفرقة العنصرية دي!!

بهجت باستفزاز:معلش..

مختار(والد شاهندة):حمدلله ع السلامة..أخيرا وصلتوا....

ماجدة:معلش يا مختار علي ما شاهندة خلصت و السكة كانت زحمة شوية..

أحمد:يا عمو بنتك مكانتش راضية تطلع م الكوافير أصلا..

مختار:ليه يا بنتي!!

شاهندة:يا بابي المفروض العريس بيدخل ياخد العروسة من جوة...غلطت أنا كدة..

أحمد:طب و ليه تقلدي باقي العرايس لما كان ممكن تعملي حاجة مختلفة..

حسني(والد أحمد):يا بني خلاص مش مشكلة... الستات كلهم كدة...

أحمد بمزاح:ماما لو سمعتك هتعمل منك شاورما يا بابا..

حسني:بس دي حقيقة...الستات كلهم بيعملوا كل حاجة ببطء..

بهجت:بصراحة يا حسني أنا بحييك علي صراحتك دي..

مختار:أنا متفق معاكوا...

إياد:أنا العاق فيكوا اللي مش هتفق ع اللي بتقولوه..

جميلة بغرور:شوف عشان تعرف إن معاك جوهرة..

إياد:حبيبتي أنا عارف من غير حاجة...

أحمد:يلا ندخل القاعة بئة يا جماعة خلينا نبدأ الفرح..

مختار:ماشي يلا...و بدأت الزفة ثم انتهت بعد عدة دقائق و دخل الجميع إلي القاعة و بدأت الرقصة الأولي للعروسين و قابلت جميلة أسرتها...

جميلة:إزيكوا يا جماعة..و قبلت والدتها..

نادية:الحمدلله يا بنتي...أومال فين إياد و مازن؟؟