أحببت ظابط شرطة 2

الفصل التاسع

الفصل التاسع:

في مدينة الغردقة،،،

ذهبت العائلة إلي أحد المطاعم المطلة علي البحر و كان يراقبهم ذلك الرجل الذي أرسله حسام لمتابعتهم و لاحظ إياد تتبع ذلك الرجل لهم و لكنه لم يتحدث...

مازن:بابي... أنا هلوح(هروح) ألعب..

إياد:ماشي يا مازن...

زياد:استناني هاجي معاك أنا كمان...

زين:تعالوا يلا انتوا الاتنين...يلا يا سارة..

كريم: أيوة يا عم زين يا مسيطر..

زين:أنا أكبر واحد فيهم يا عمو..

إياد:حد قالك حاجة يا عم..

جميلة:خلوا بالكوا علي بعض..

زين مقاطعا:حاضر يا چيمي..و مش هنروح مع حد لو قالنا تعالوا معايا و مش هنكلم حد غريب... أنا حفظت الكلام دة..

مازن مقاطعا بحماس طفولي: أيوة و انا كمان...
أقولهولك يا مامي؟؟

جميلة و هي تقبل جبين صغيرها:لا يا حبيبي.. روح إلعب الأول و تبقي تقوله بعد ما تخلص زي ما إنت عايز...

مازن:ماشي...يلا يا زين.....و اتجه الأربع أطفال ركضًا إلي منطقة الألعاب الخاصة بالأطفال......

..................................

في مديرية الأمن بالأسكندرية،،،

في مكتب اللواء عزت،،،

اللواء عزت: عايزين نشوف هنعمل إيه يا أساتذة ف موضوع هروب حسام و القضية التانية..

حسن: ماشي يا أفندم.. أنا رأيي لما ترجع جميلة و أحمد عشان نتفق مرة واحدة..

اللواء عزت بعصبية:ليه يا حضرة الظابط... حضرتك مش هتعرف تحط خطة تقبض بيها علي مجرمين و لا إيه؟؟؟

كاد حسن أن يرد و لكن قاطعه مصطفي قائلًا بحذر:حسن ميقصدش كدة يا أفندم...هو قصده بس إن إحنا فريق واحد ف عشان نعمل الخطة مرة واحدة..

اللواء عزت:تعملوا الخطة و لما ييجوا تبقي تتقال تاني..و يرجعوا فورا هما الاتنين...

مصطفي:حاضر يا أفندم...هنكلمهم نقولهم...عن إذن سيادتك....و خرج الاثنان...

......................................

حسن بعصبية:هو ليه يتعصب عليا... أنا مالي..!!

مصطفي: معلش يا حسن...بعد اللي حصل دة أعصابنا اتوترت شوية و كله دخل ف بعضه..بس كله هيعدي إن شاء الله...