أحببت ظابط شرطة 2

الفصل الخامس عشر

الفصل الخامس عشر:

في اليوم التالي،،

استلم عمر و معه حسام عينة من الشحنة المقرر استلامها آخر الأسبوع و اتجها بعدها إلي المنزل القابع بتلك المنطقة المهجورة....

عمر و هو ينفث دخان سيجارته:إياد طلع معانا فعلا....مقالش لجميلة علي شحنة إنهاردة...

حسام: بصراحة كنت فاكره ممكن يقولها...

عمر:ليه هو مش قالك إنه أصلا عايزها تبطل شغل..؟؟

حسام:اه قاللي....بس بردو ممكن إنها تضغط عليه و تخليه يقولها...

عمر:و هو عيل مثلا هيخاف منها...فكك المهم إن اللي إحنا عايزينه تم...

حسام:و الولا الصغير هنعمل فيه إيه؟؟

عمر:هنرجعه لأهله...خلاص مش عايزين منه حاجة تانية...و قال له بتحذير:و هيرجع و هو كويس يا حسام...فاهمني طبعا...

حسام:اه طبعا طبعا....عن إذنك بئة أروح أتسلي شوية..أصلي بحب أوي أشوفه خايف....و ذهب...

عمر و هو يحدث نفسه:بني آدم غبي هيضيع نفسه و هيضيعنا كلنا بالطريقة اللي هو فيها...م اللي أعرفه عن جميلة إنها مش بترحم حد أذاها...أتمني تعدي علي خير.....................

............................................

في الغرفة التي يجلس بها مازن،،،

دخل حسام الغرفة و وجد مازن نائمًا فأحضر كوب ماء و قذفه في وجهه ..

مازن بفزع:في إيه....المياه ساقعة..

حسام باستهزاء:إتخضيت...معلش يا روح ماما... هبقي أجيبلك ميا سخنة بعد كدة...

مازن:إنت بتعمل معايا كدة ليه.... أنا معملتش ليك حاجة...

حسام:بس مامتك عملت...هي دمرتلي حياتي و كانت السبب إني أخسر شغلي و أخسر كل حاجة و أعيش هربان...

مازن:بابي دايما بيقول إن الشخص يتحمل نتيجة الحاجات اللي بيختالها (بيختارها)...أكيد إنت اختلت (اخترت) حاجة وحشة عشان كدة إنت بتتعاقب دلوقتي..علي فكلة (فكرة) إنت ممكن تبقي واحد كويس و تبطل تختال (تختار)حاجات وحشة...

حسام:و أنا بقي مبسوط كدة...و عارف إيه كمان... مبسوط و أنا شايف مامتك موجوعة و إنت بعيد عنها و بتحاول توصلك و مش عارفة...و هكون مبسوط أكتر لما أقتلها و أنهي حياتها......

مازن بهدوء لا يتناسب مع الوضع الذي هو فيه:

-و أنا متأكد إن بابي و مامي مش هيسيبوني كدة كتيل (كتير)...و مامي مش هتموت... إنت اللي هتموت عشان إنت واحد مش كويس....